شسالفه شرطه السعوديه؟؟؟؟

[صقر بلادي]

السلام عليكم

اخواني واخواتي

انا بكره رايح الدمام طريق بر

الصراحه واحد من الربع خرعني

والسبب انه قالي اذا صادك الرادار يوقفونك ويركبونك في الباص وتروح اتحاكم

وقالي حتى لو مع اهلك بعد يوقفونك

ابي اعرف في حد عنده خلفيه للموضوع ولا لا

ويعطيكم الف عافيه

[عفريت ^ كشخه]

انا راح اقولك

معليك من كلامهم

اذا انت بتسرع اكثر من 140

اهني يسحبونك بس هالقرار في الرياض

ومعليك منهم توكل على الله انت وماعليك من كلام حد

اخوك عفريت كشخه

[abo rashid]

اخوي امس رجع من السعودية
اخوي من النوع الهادي ما يحب السرعة يعني مستحيل يصادف مثل هالمشاكل

[ام الحلوين]

مش صحيح اذا سرعت مخالفه وتدفع غرامه وبس

[يابعدهم كلهم]

السلام عليكم

اخواني واخواتي

انا بكره رايح الدمام طريق بر

الصراحه واحد من الربع خرعني

والسبب انه قالي اذا صادك الرادار يوقفونك ويركبونك في الباص وتروح اتحاكم

وقالي حتى لو مع اهلك بعد يوقفونك

ابي اعرف في حد عنده خلفيه للموضوع ولا لا

ويعطيكم الف عافيه


:eek3: يعطيك العافيه

وانا مثلك بروح يوم الجمعه او السبت بس ما اعتقد يوقفونك وتروح معاهم الشرطـه :court:


الله يبعدنا عنهم ترى وهقه ماعندي اجازه الى يومين :p

[صقر بلادي]

يعطيكم الف عافيه اخواني

ريحتوني بردكم

عاد انا حدي بين 120 و140 بسس

[aljaber1]

الـي اعـرفـه انـه اذا تـقـطـع الاشـارة الـمـروريـه وهـي حـمـراء
يـتـم تـوقـيـفـك 24 سـاعـه ..
وهـذا نـظـام مـطـبـق حـتـى عـلـى الـمـواطـن ..

ونشـاء الله تروح وترجع بسلامـة

[لمت داون111]

الـي اعـرفـه انـه اذا تـقـطـع الاشـارة الـمـروريـه وهـي حـمـراء
يـتـم تـوقـيـفـك 24 سـاعـه ..
وهـذا نـظـام مـطـبـق حـتـى عـلـى الـمـواطـن ..

ونشـاء الله تروح وترجع بسلامـة
صحيح كلامك اخوي وحزات ينسجن اسبوع او اكثر ,,, يعتمد علي حسب ردك علي الشرطي لانهم معروفين بمزاجهم :)

يعني شكلك مب عاجبه يسجنك يومين عن خاطره بس جذيه :)

اخوي تحمل تطوف ال120 خاصه بالمناطق الي تشك انه فيها رادار او تشوف سياره واقفه علي اليمين لانه الكلام الي وصل لك صحيح

وانا هالكلام اضمنه لك مليون بالميه لانه عندي ربع سعوديين وماخذ الكلام الاكيد منهم

وانت رايح طريق بر خلها تمشايه وراحات ونصيحه خلك قانوني درجه اولى هناك عشان يحترمونك ترا لعبتهم يبهدلون شباب قطر ويتبلون عليك بأي شي وصارت وايد في ربعنا :)

واهم شي لو مركب أريل الجهاز (بو5الاف موجه ) مال المراسل شيله وخله بالبيت ,,, والله بيبهدلون عيشتك لو صادوك مركبه علي بالهم انك تتجسس علي موجاتهم العسكريه ,,, واحد من الربع انسجن عليها شهر هناك لانهم صايدينه مركب هالاريل وتناحس مع الضابط

محد بينفعك الا اخلاقك بالسواقه وخلك قانوني معاهم وتروح وترد بالسلامه اخوي :)

[البندر]

يا خوك سوق على سرعة 140 مثلي شفيها مب عيب ولا حرام

انا كل سفراتي على البحرين والامارات 140 والحمد الله اوصل بالسلامة

والله يستر عليك سلامي

[khaldoon]

جزاكم الله جميعا كل خير على التوضيح وكل الشكر لصاحب الموضوع

[مطيع الله]

والله العظيم اذكر اذا شافوا سيارة قطرية في آخر السيارات عند نقاط التفتيش اشروا لها وخلوها تعدي وكذلك السيارات الاماراتية والعمانية
سبحان مغير الأحوال

[سهم طايح]

بصراحة ماعدت اروح بسيارة

!!!!!!

سنة من السنين كنت راح انسجن على تلفون سيارة !

وقفني الشرطي بدون سبب وقط ويهه في الموتر وقالي هذا الجهاز ممنوع اما تشيله الحين وقدامي واما تلحقني المركز رديت عليه بان هذا مجرد تلفون سيارة ومايشتغل الا في قطر ويمين يسار يمين يسار لين الله فكني منه وقدر يستوعب الموضوع !

الله المستعان

اهم شي التدريب والتأهيل

[الزامل فهد]

اللي بيمر الرياض رايح مكه وماسك الدائري اللي يلف حول الرياض
ينتبهه من الرادار . يعني لايعدي نقطه تفتيش ويسرع بيلقا غيرها نقاط تفتيش مخفيه
الباص جاهززز مصفط على اليمين
اصلا مايكلمونك على طول يركبك العسكري وسيارتك يسحبها الونش وعلى
حجز السيارات .. الهدواء مطلوب بالمدينه والله لايوريكم مكروه
.. الله لايلومهم شرطة الرياض انقرضنا بسبة هالحوادث ..

[عاشق الريم]

والله عن نفسي عندي واحد اكد لي انه توقف يوم كامل بسبب السرعة ولا طلع الا عقب حب خشوم بس الصراحه هو اعترف انه كان مسرع من قلب ( مثل مايقولون مصيخله)
وانا اروح السعودية وايد بس مااسرع وايد وكل مره على الخط في النقطة وانت راجع من الخبر دايما يخالفوني ليش مادري :looking: واقوله كم كنت امشي يقولي مادري مسرع وبس
وصارلي سنتين وللحين ماوصلت المخالفات
على العموم نصيحتي لاتزيد عن 140 سواء كنتوا شباب او اذا معاك هلك ترا ماراح تفرق معاك الا دقايق بسيطة وفي المدن لاتزيد عن السرعة القانونية

والله يحفظك