استفسار بخصوص ورشة حدادة و المنيوم

[tradesman]

السلام عليكم

ممكن مساعدة

ناوي ابطل ورشة حدادة والمنيوم

بس ممكن تعطوني كم تكلفة الورشة

وكيف يتم احتساب تكلفة الايدي العاملة ؟

يعني ممكن تعطوني شوية نصايح

والي عنده ورشة وما يبغيها يكلمني
على الخاص

وشكرا

[tradesman]

لا اله الا الله وحده لا شريك له له الملك وله الحمد وهو على كل شيء قدير

[ummuneera]

بالتوفيق والنجاح والرزق الحلال

[شموخ دائم]

,

,


مرحبا


اخوي الكريم

انا دائما اشجع على التجارة

ولكن بورشه حداده والمنيوم

ما راح اشجعك لان البلد فيها ( تشبع ) من هذا النشاط

وهناك منافسه قويه وفوق ما تتخيل بالسعر

وبتواجهك مشكله ( الايجار ) في الصناعيه غالي كثير

فكر بشي مختلف وقريب من هذا النشاط

اذا تحب هذا النوع من الانشطه

,

,

اخوك

شموخ دائم

[tradesman]

يعطيك العافيه اخوي

بس اشوف اغلبهم نفس الشي يعني محد قاعد يعطي شي مميز

مع انه في افكار تستوي بس الورش ما يحبون يتعبون نفسهم بذي الافكار

[قدام]

شموخ دائم : شكراا لنصائحك للشباب

نبي لوسمحت افكار مشاريع ( مقترحات )
بارك الله فيك

[king fish]

بالعكس الكل شغال وماشفت ورشه ما تشتغل

[أخو من طاع ربه]

اخوي الورشه شغلها حلو جدا ً وزين انك اخترت حداده والمنيوم
الالمنيوم كلها مكينتين مايكلفونك ظ،ظ¥ الف تاخذهم من الشارقه والماركة ايطاليه قويه وتتحمل
اما باقي الامور موجوده في قطر وماراح تكلفك اكثر من ظ¨ الف
الايادي العاملة مبديا ً يبي لك فورمن ويكون خبير في هالمجال عشان ماتبتلش من البدايه
وست عمال ويكون عندهم اطلاع تام اما بخصوص الحداده في البدايه ظ¤ عمال مع المسؤول عليهم ويفضل الفورمن مصري يكون

واذا تبي لك ستور تسوي فيه الورشه كلمني وان شاء الله اقدر اساعدك اعتبرها مني عربون تشجيعي لك

[tradesman]

اخوي <أخو من طاع ربه > جزاك الله خير
وحاليا في عامل يبغي نقل كفالة وما شاء الله عليه فاهم
بس مو عارف كيف ابدا وكم التكلفة