المساعد الشخصي الرقمي

مشاهدة النسخة كاملة : استفسار عن البوابه الالكترونيه في المطارات الامريكيه


SOUD.QA
30-04-2014, 12:36 AM
السلام عليكم ورحمة الله وبركاته

حبيت استفسر من اللي مشترك في هالخدمه او اللي يعرف عنها شي من سنه تقريبا كاتبين فجرايدنا ان السفاره الامريكيه عندنا نقدر نقدم عن طريق موقع معين على خدمة البوابه الاكترونيه فمطاراتهم الخدمه على ما اذكر نسوي سكان للجواز في جهاز فالمطار وما نحتاج نختمه وبعد تقديم الطلب يتم تحديد موعد للمقابله فمطار الدوحه اتوقع عندهم مكتب هناك

ياليت تفيدوني بالموقع وتفاصيل الخدمه اكثر

شاكر لكم اخواني وخواتي
رشدان
30-04-2014, 12:57 AM
مرحبا اخ سعود هذي الخدمة اسمها المسافر الدولي ولهم مكتب في مطار الدوحة صالة المغادرين تمر عليهم وتشوف متطلباتهم يعطونك عنوان موقعهم في النت وتدخل عليه وتجاوب على اسئلة كثيرة وتكون خاصة بك ومكتبهم في مطار الدوحه راح يشرحون لك الخطوات ويجيبون على استفساراتك وفيهم موظفين عرب .
وبالتوفيق
SOUD.QA
30-04-2014, 01:53 AM
مرحبا بك اخوي رشدان تسلم وما قصرت بإذن الله بكره بمرهم وبقدم عليها
بوعلي-Qtr
30-04-2014, 02:48 AM
هالخدمه اسمها Global Entry
ويكون التقديم من خلال موقعهم
وبعدين يطرشون الموافقه علي الايميل ,, ويحددون لج موعد في مكتبهم في الدوحه حق البصمه


وبالتوفيق
SOUD.QA
30-04-2014, 02:59 AM
قدمت طلب على موقعهم الحين والله يستر يا بوعلي-Qtr آخر شي منذكر ان في حالة تم رفض الطلب هالشي راح يأثر في دخولي مستقبلا عندهم

:rolleyes2::weeping::rolleyes2:
بوعلي-Qtr
30-04-2014, 03:08 AM
قدمت طلب على موقعهم الحين والله يستر يا بوعلي-Qtr آخر شي منذكر ان في حالة تم رفض الطلب هالشي راح يأثر في دخولي مستقبلا عندهم

:rolleyes2::weeping::rolleyes2:

والله انا ماجربت هالخدمه
ويقولون الموافقه تاخذ من يومين لين اسبوع بالكثير
وان شاء الله يوافقون على طلبك
المعرس
30-04-2014, 05:30 PM
بما انك اليوم قدمت الطلب .. إذن أمامك من أسبوعين الى ثلاث أسابيع للرد اما بالقبول او الرفض
في حال القبول تزورهم بمكتبهم صاله المغادرين خلف كابينه بنك قطر الوطني للمقابلة والبصمات وبعدها يكون القبول النهائي او الرفض ... طبعا في حال الموافقه بتكون على المدة المتبقيه للفيزا الموجودة بجوازك.

حتى في حال الرفض لن يؤثر عليك أبدا وتقدر تدخل أمريكا بالفيزا اللي عندك لان هالخدمه فقط مثل E - Gate وإنهاء إجراءات الوصول بسرعه فائقه

وفالك التوفيق
ebo90
07-05-2014, 09:01 AM
والله انا ماجربت هالخدمه
ويقولون الموافقه تاخذ من يومين لين اسبوع بالكثير
وان شاء الله يوافقون على طلبك

الموافقه تاخذ لها فتره وتوصل الى 3 اسابيع
ومن بعدها الموعد في مكتبهم بمطار الدوحه
ياخذون بصمات وسكان ع الجواز

والمده بتكون حسب العضويه اللي بتسويها من الموقع والارجح انه المده كافيه جدا .
شخصيا انا مريت بالعمليه وكل شي جاهز عندي بس باقي اجرب الدخول لما اوصل امريكا .