مطـــار حمـــد الدولــــــي

[كلاسيك قطر]

السلام عليكم ورحمه الله وبركاته

مادري من فتره اشوف الاعلان في جريده الرياه وله حد الان هاي الاعلان انه اليوم يبداء بأستقبال المسافرين باعتبار من 30 / 5 / 2014 م


بس وين القطريه وين طيران الخليج وين الاماراتيه والاتحاد والبرتش مو منظمنهم

http://www.raya.com/absolutebm/banners/arabic.gif

شوف الاعلان وشوف الموقع الرسمي له مطار حمد الدولي

http://www.dohaairport.com/hia/index.html

[بوNasser]

السلام عليكم ورحمه الله وبركاته

مادري من فتره اشوف الاعلان في جريده الرياه وله حد الان هاي الاعلان انه اليوم يبداء بأستقبال المسافرين باعتبار من 30 / 5 / 2014 م


بس وين القطريه وين طيران الخليج وين الاماراتيه والاتحاد والبرتش مو منظمنهم

http://www.raya.com/absolutebm/banners/arabic.gif

شوف الاعلان وشوف الموقع الرسمي له مطار حمد الدولي

http://www.dohaairport.com/hia/index.html

باقي خطوط الطيران طال عمرك، بينتقلون للمطار الجديد في المرحلة الثانية ، على نهاية مايو 2014، يعني عقب اقل من شهر حسب كلامهم.

[moonبنتnight]

لي سمعت أن القطرية بتم في المطار القديم ..

[fhd4]

من القائمة واضح انهم يبون يجربون فيهم بالأول … قبل الشركات المهمة الثانية …

أي تأخير أي تعطيل محد يشتكي …

[monatee]

وترى هالـ 11 خطوط اللي انقلوهم كلهم على بوابه وحده بس :secret:

[مهرة]

ان شاءالله خير ويكون المطار على التوقعات المنشودة وواجهة مهمة للبلد ..

[كلاسيك قطر]

يعني مافي امل لانه انا طيارتي اليوم ع دبي ان شاءالله ع الخطوط الاماراتيه يعني انروح المطار القديم صحيح

[كلاسيك قطر]

نبي التجربه الاولى للقطريه والشركات القويه وبعدين الطيران الاخرى

[كلاسيك قطر]

نبي ردودكم

[monatee]

الان على قناة قطر افتتاح المطار بنزول اكبر طائرة تابعه للخطوط القطريه
وعلى متنها وفد دبلوماسي

[للصبر اخر]

سمعت رد اخر دقيقه يقول
سنقوم بعمل مبنى اخر وننقل كل خطوط الطيران اليه ويكون هذا المبنى للقطريه
يعني هالسنيين كلهااااااااا
على مبنى مؤقت
حد يشرح لي يمكن فاهمة غلط انااا

[cavok]

Fly dubai first airline land in hamad airport time 11:10 am

[monatee]

سمعت رد اخر دقيقه يقول
سنقوم بعمل مبنى اخر وننقل كل خطوط الطيران اليه ويكون هذا المبنى للقطريه
يعني هالسنيين كلهااااااااا
على مبنى مؤقت
حد يشرح لي يمكن فاهمة غلط انااا

المبنى الحالي مش مؤقت لكن لما يخلص المبنى الثاني راح ينقلون كل شركات الطيران عليه والحالي بيتم للقطريه فقط

مطار حمد بيكون مقسم على مبنيين واحد للقطريه فقط والثاني للخطوط الاخرى



Fly dubai first airline land in hamad airport time 11:10 am

ثاني طياره ،، اول طياره انزلت قبلها للقطريه وعلى متنها وفود دبلوماسيه ووزير المواصلات واكبر الباكر

[قهوجي]

المطار كله غلط بغلط 13/13/2013 بيفتحوه

[الواعد]

هل مطار الدوحة الحالي بيتم مطار شغال مع مطار حمد الجديد ؟؟؟؟

أنا سمعت ان مطار الدوحة الحالي بيتم للقطرية ؟ هل هذا صحيح

ام ان المطار الجديد ( مطار حمد الدولي ) بيكون فيه مبنئين واحد للقطرية وواحد لباقي الطيران

[كود نمبر]

حسب الكلام في المؤتمر الصحفي
ان مطار حمد الدولي بيكون مبنى رقم واحد وهو المبنى الي تم افتتاحه اليوم
وراح تنتقل له جميع شركات الطيران ومنهم الخطوط القطريه
ومبنى رقم 2 شغالين فيه ولم ينتهي فيه العمل وراح تنتقل له جميع
الخطوط الاخرى ماعدا الخطوط القطريه راح يكون المبنى واحد مخصص لها

اما مطار الدوحه الدولي راح تنتقل له كلية الطيران و الهيلوكبتر وراح يستخدمون
اجزاء كبيره منه مسطحات خظراء ومباني خدميه للمطار الجديد

بس انا صدمني تكلفة المطار الجديد 15 مليار دولار هل هذا معقول على مدة 9 سنوات عمل

[كلاسيك قطر]

وياريت لو احد ينقل لنا مباشر ويضع لنا صور

[مرتبش]

مبروك تم الافتتاح واستقبال الرحلات.. اتمنى يكون مطار مريح وسلس للمسافرين

[كود نمبر]

فلاي دبي اول طائره ركاب تجاريه تنزل على مدرج مطار حمد الدولي
القطريه طارة من مطار الدوحه وعليها وفود رسميه ونزلت في المطار الجديد

[كلاسيك قطر]

احد عندى صور الافتتاح

[fhd4]

http://www.qatarshares.com/vb/attachment.php?attachmentid=88394&d=1398860966

[دااانة قطر]

اشوف تقرير معاد على قناة الريان

[عضو قديم]

يعني اللي يبي يسافر الحين اي مطار يروح ؟

[fzaa_qatar]

مبروك الافتتاح ولو اني حاس ان ماودهم يفتحونه .. القطريه بتنقل عملياتها للمطار ولا بعدهم .. لاني مسافر دبي بعد اسبوع...

[معماري قطري]

مبروكين .. اليوم هلي سافروا دبي على فلاي دبي وصوروا من المطار الجديد

[كلاسيك قطر]

مادري انا الان في دبي وبرجع يوم السبت مادري اتزل في مطار حمد وله المطار القديم
لاني انا مسافر ع طيران الاماراتيه

[CH Engineer]

مبروكين .. اليوم هلي سافروا دبي على فلاي دبي وصوروا من المطار الجديد

الصور معماري نبي نشوف والافتتاح كان كامل للمطار باسواقه او افتتاح جزئي ؟

[فلوس]

الحمدلله والف مبروك الافتتاح اخيرا رغم المشاكل الي رافقت عمليات الانجاز من انهيارات ومن تلاعب الشركات المنفذه (المقصود )

[كلاسيك قطر]

الف الف مبروك

[شيخ الديرة]

يعني اللي يبي يسافر الحين اي مطار يروح ؟

اذا مغادرة او وصول على أحد شركات الطيران التي تظهر في الصورة أعلاه, المطار الجديد
مغادرة أو وصول على شركات الطيران الأخرى, المطار القديم,

ولكن بعد نهاية شهر مايو الوصول والمغادرة على كل الشركات بالمطار الجديد

[شيخ الديرة]

السلام عليكم ورحمه الله وبركاته

مادري من فتره اشوف الاعلان في جريده الرياه وله حد الان هاي الاعلان انه اليوم يبداء بأستقبال المسافرين باعتبار من 30 / 5 / 2014 م


بس وين القطريه وين طيران الخليج وين الاماراتيه والاتحاد والبرتش مو منظمنهم

http://www.raya.com/absolutebm/banners/arabic.gif

شوف الاعلان وشوف الموقع الرسمي له مطار حمد الدولي

http://www.dohaairport.com/hia/index.html


الموقع الرسمي أعلاه للمطار الجديد لا يحتوي نسخة عربية, لماذا ؟؟

[monatee]

الموقع الرسمي أعلاه للمطار الجديد لا يحتوي نسخة عربية, لماذا ؟؟

مايهمهم القارئ العربي :playball:

[كلاسيك قطر]

لازم بالعربي

بس شباب احد عتده الفيديو الافتتاح لانه امس واحد مرسلي ع الوات ساب مايشتغل معاي وياريت لو احد عنده رابط اليوتيوب يكون احسن

[كلاسيك قطر]

نبي الفيديو شباب

[سعود العمادي]

هذا الفيديو من قناة الريان

http://www.youtube.com/watch?v=nl-BRMxWeek

[كلاسيك قطر]

الله يعطيك العافية يالغالي ع الرابط وافتتاح عالمي لمطار حمد الدولي بس مادري ان شاءالله راجع بكره قطر ع طيران الإمارات مادري تنزل مطار الجديد وله لا

[Stranger Man]

الله يعطيك العافية يالغالي ع الرابط وافتتاح عالمي لمطار حمد الدولي بس مادري ان شاءالله راجع بكره قطر ع طيران الإمارات مادري تنزل مطار الجديد وله لا

السلام عليكم.. اخوي حسب الاعلان ان القطرية والاماراتيه والاتحاد وباقي الشركات الكبيرة بتكون في تاريخ 30/5
يعني ان شاء الله انك بتوصل على المطار القديم
توصل بالسلامة

[كلاسيك قطر]

الله يعطيك العافية

[naklan]

اليوم جيت عن طريق المطار الجديد مطار حمد الدولي وانطباعي عنه
كالتالي طبعاً من الطيارة الى خارج المطار هبطت الطيارة المدرج عالمي وجميل الخروج من الطائرة
وكان الخرطوم ضيق لشخصين فقط وبعد الخرطوم يتسع المكان وسلم كهربائي وبعدها طريق طويل وفيه اسكليتر للمشاة
المطار جميل ما عدا الارضية صبية كانها بلاط شعبي ما اعجبتني كونترات الاستقبال عالميه استلام الشنط 9 مسارات
الوقت للخروج اقل من 10 دقايق محل الاستقبال ما عجبني ارضيته نفس الداخل وما فيه كراسي للانتضار جنب
المدخل الكراسي بعيده مكان التكسي والموزين في الخارج روعه المكان غير معرض للشمس المواقف
اشوفها تارسه المكان من الخارج زراعه والمكان حلو ويجنن صالة المغادرون والسوق الحره ما
شفتها باشوفها الشهر الجاي ان شاء الله تحياتي للجمــــــــــــــــــــــــــــــيع

[بوخالد911]

لا نستعجل بالحكم عليه
للحين يمكن ما خلصوا كل المطلووب

[naklan]

لا نستعجل بالحكم عليه
للحين يمكن ما خلصوا كل المطلووب


والله يابو خالد الجواب باين من عنوانه مطار دبي ترمنل 3 فتح قبل كم سنه تقول قصر من اول ما تشوفه
يعجبك وكل ارضيته قرانيت نفذ برقي ليكون واجهة بلد وقطر اغنى من دبي بكثير المفروض على الاقل الارضية قرانيت برازيلي
الي متره 8 الاف على الاقل مو بلاط شعبي بس الموضوع في اليد وممكن يكون القرانيت خطوه ثانيه وممكن يعملون
كراسي قدام باب الخروج بدل ما الناس واقفه على الاقل مراعاة في حقوق الناس ولكبار السن

[الصغيره]

سوال الله يخليكم يعني بنخلص من النقل الجماعي من الطياره للمطار والا بيتم الحال مثل ماهو الصراحه مااااااساه هالباص وكاننا في رحله داخليه واللي متمسك واللي يرجع واللي طايح ليمتى والله فشله

[بوNasser]

سوال الله يخليكم يعني بنخلص من النقل الجماعي من الطياره للمطار والا بيتم الحال مثل ماهو الصراحه مااااااساه هالباص وكاننا في رحله داخليه واللي متمسك واللي يرجع واللي طايح ليمتى والله فشله

لا ما فيه حافلات للنقل، لأن فيه خراطيم توصل لين الطيارة
http://airchive.com/blog/wp-content/uploads/2013/11/DSC_0166-1024x678.jpg

[بوخالد911]

سوال الله يخليكم يعني بنخلص من النقل الجماعي من الطياره للمطار والا بيتم الحال مثل ماهو الصراحه مااااااساه هالباص وكاننا في رحله داخليه واللي متمسك واللي يرجع واللي طايح ليمتى والله فشله

الحين يوجد خراطيم
تمشون فيه

نفس مطار دبي
كمثال بس