عندي عسل اصلي ..... موضوع للنقاش

[بومحمد المطاوعه]

السلام عليكم ورحمه الله وبركاته

شخباركم

مساكم الله بالخير


موضوع اليوم

((( بيع العسل )))

الصراحه قمنا نشوف شكثر من هالناس الي يبيعون عسل

يا في محطات البترول او في شارع النصر ولا شارع المطار التجاري

واقف بثوبه ويدور على المواتر

وخاصه يروح للقطريين او لأي انسان لابس ثوب

ويقولك

عندي لك عسل يماني اصلي من الجبل :rolleyes2:


الصراحه مافي امل اخذ من عندهم

شضمني
وبعدين شعرفني اذا اصلي 100%

يمكن مغشوش
ويمكن فيه شي
مب صحي

الله اعلم

وين الداخليه عنهم
وين البلديه والرقابه


لحد يقولي يترزق

ترى ياناس بالعقل اشلون عايش واشلون راقد واشلون ياكل

اكيد عنده مصروف ومدخل يكد على نفسه ولله الحمد

وبعدين الي يبي يترزق يترزق بشي عدل
مب شي يمكن يضر الناس

يمكن مغشوش ويمكن متسمم ويمكن ويمكن ويمكن


اتمنى واطالب من الداخليه النظر في هذا الموضوع

الموضوع للنقاش

اتمنى النقاش الجاد وعدم السخريه
وان لم تناقش بأحترام
فالتزم الصمت بارك الله فيك

وجزاكم الله خيرر

[قطريه22]

مره شفت واحد صوب ايكيا تشوفه تقول مسكين يبي يترزق ويبيع عسل المهم انا في السياره قاعده مانزلت اشوي الا شاف مافي فايده راح وشغل سيارته وحرك
المهم سيارته بي ام الموديل الجديد

[بومحمد المطاوعه]

مره شفت واحد صوب ايكيا تشوفه تقول مسكين يبي يترزق ويبيع عسل المهم انا في السياره قاعده مانزلت اشوي الا شاف مافي فايده راح وشغل سيارته وحرك
المهم سيارته بي ام الموديل الجديد

اقولج انا اليوم طب علي واحد ف شارع المطار التجاري

عندي لك عسل وعندي لك عسل

قلت له مابي شكرآ
جزاك الله خير
مايبي يروح

سندرني

اخر شي قلت له بلاش باخذ

حرك بدون لايتكلم

[بومحمد المطاوعه]

للرفع ،،،

[يمامـة]

العسل ما ينشرى من اي مكان..

العسل ما نشتري الا من محل او ناس ثقاة..

[ذكي جدااا]

كلام صحيح العسل ما ينشرى الا من ناس ثقات. حصل لي كذا موقف لما يجئ الشخص يقول لي عندي عسل اصلي اقول له نفس الشي انا بعد عندي عسل تشتري ههههه ماينفع الا هالاسلوووب

[kitmat]

حاسبو ترى مب اي واحد تشترون منه

[وليف الشوق]

شفيك يالمطاوعه اشوف هاليومين مواضيعك تغيرت عن سياستك ووين المطاوعه الرجل الذرب والخلوق بكلامه وايمانه ومواضيعه وردوده المميزه ؟ والدليل موضوعك هذا عن الناس اللي قاعده تسترزق وتربي عيالها وماتدري وش ظروفها وبعدين العسل مااعتقد يكون فاسد ولا راح يفسد حتى لو بعد شهور وثاني شي صدقني حتى لو تاخذ عسل من الجمعيه يكفي انه اصلي ويكفي بعد جاي من جبال اليمن اكيد بيكون اصلي 100% وانا والله مالي مصلحه ولا اعرف احد من اللي يبيعون في الشوارع والطرقات لكن صدقني خير الله واجد والرزق بالارض مايمنعه غير الله ومحلل لعبادة ويكفي الرجال قاعد يبيع عسل مش يبيع شي محرم او ضد القانون ،، وبعدين مثل ماتفضلت ذكرت ان عنده دخل او مصروف وشلون عايش وشلون ينام تعتقد المصروف او الراتب اللي ياخذه يكفي زوجته وعياله وامه وابوه ؟ ماتدري وش ظروفه واحنا بلاد خير ونعمه والكل يسترزق من قطر الخير ومااعتقد راح نمنعه وذكرت في كلامه انه يترزق بشي عدل !! طيب هالعسل مب عدل ؟ المهم تقبل تحياتي ونقدي بصدر رحب

[المحقق كونان]

منتشرين وأيد هالايام

وين البلدية والرقابة عنهم

[bus3od]

شفيك يالمطاوعه اشوف هاليومين مواضيعك تغيرت عن سياستك ووين المطاوعه الرجل الذرب والخلوق بكلامه وايمانه ومواضيعه وردوده المميزه ؟ والدليل موضوعك هذا عن الناس اللي قاعده تسترزق وتربي عيالها وماتدري وش ظروفها وبعدين العسل مااعتقد يكون فاسد ولا راح يفسد حتى لو بعد شهور وثاني شي صدقني حتى لو تاخذ عسل من الجمعيه يكفي انه اصلي ويكفي بعد جاي من جبال اليمن اكيد بيكون اصلي 100% وانا والله مالي مصلحه ولا اعرف احد من اللي يبيعون في الشوارع والطرقات لكن صدقني خير الله واجد والرزق بالارض مايمنعه غير الله ومحلل لعبادة ويكفي الرجال قاعد يبيع عسل مش يبيع شي محرم او ضد القانون ،، وبعدين مثل ماتفضلت ذكرت ان عنده دخل او مصروف وشلون عايش وشلون ينام تعتقد المصروف او الراتب اللي ياخذه يكفي زوجته وعياله وامه وابوه ؟ ماتدري وش ظروفه واحنا بلاد خير ونعمه والكل يسترزق من قطر الخير ومااعتقد راح نمنعه وذكرت في كلامه انه يترزق بشي عدل !! طيب هالعسل مب عدل ؟ المهم تقبل تحياتي ونقدي بصدر رحب

كل هاي و ما لك مصلحه عيل لو لك مصلحه شكلك بتشرينا اياه غصب

[بومحمد المطاوعه]

شفيك يالمطاوعه اشوف هاليومين مواضيعك تغيرت عن سياستك ووين المطاوعه الرجل الذرب والخلوق بكلامه وايمانه ومواضيعه وردوده المميزه ؟ والدليل موضوعك هذا عن الناس اللي قاعده تسترزق وتربي عيالها وماتدري وش ظروفها وبعدين العسل مااعتقد يكون فاسد ولا راح يفسد حتى لو بعد شهور وثاني شي صدقني حتى لو تاخذ عسل من الجمعيه يكفي انه اصلي ويكفي بعد جاي من جبال اليمن اكيد بيكون اصلي 100% وانا والله مالي مصلحه ولا اعرف احد من اللي يبيعون في الشوارع والطرقات لكن صدقني خير الله واجد والرزق بالارض مايمنعه غير الله ومحلل لعبادة ويكفي الرجال قاعد يبيع عسل مش يبيع شي محرم او ضد القانون ،، وبعدين مثل ماتفضلت ذكرت ان عنده دخل او مصروف وشلون عايش وشلون ينام تعتقد المصروف او الراتب اللي ياخذه يكفي زوجته وعياله وامه وابوه ؟ ماتدري وش ظروفه واحنا بلاد خير ونعمه والكل يسترزق من قطر الخير ومااعتقد راح نمنعه وذكرت في كلامه انه يترزق بشي عدل !! طيب هالعسل مب عدل ؟ المهم تقبل تحياتي ونقدي بصدر رحب

اول شي جزاك الله خير
ثاني شي اخوي اشدخل الرجل الذرب والخلوق بكلامه .؟؟؟
ليش بس تكلمت على هذا الموضوع ولا شسالفه


اتمنى ماتشوف الناس بطرحه للمواضيع
اذا انت تقيم الناس عن المواضيع عز الله عندك 80% من اهل المنتدى مب خلوقين

اتمنى تغير وجهتك في الناس


بعدين الله يجزاك خير

لو ناقصه شي الي محتاج

اعتقد الجمعيات الخيريه في قطر مب مقصره عن اي حد
ومحد يقدر ينكر هالشي
احسن من انه يبيع شي مغشوش صح ولالا..؟

ترضى واحد يبيع لك الكيلو ب 400 واهو اصلآ ب 50 ريال .؟؟

يقولك حطى فالثلاجه ومايثلج والبعض منهم كذاب

اصلن غير قانوني انه يبيع في الشوارع
وغير قانوني اني اشتري شي اكله ولا شي اذوق هلي فيه وانا ما ادري من وين جاي ولا من وين جايبه

فرضآ شريت ومرضت ولا تسسممت
شبتقول بروح اشتكي .؟
القانون لايحمل المغفلين بيقولن لك


الله عرفناه بالعقل وجعل لكل انسان عقل ليدركه مب نستخدم عقولنا في كذب بعض الناس علينا



يعطيك العافيه وجزاك الله خير على كلامك
رحم الله والديك

[بومحمد المطاوعه]

كلام صحيح العسل ما ينشرى الا من ناس ثقات. حصل لي كذا موقف لما يجئ الشخص يقول لي عندي عسل اصلي اقول له نفس الشي انا بعد عندي عسل تشتري ههههه ماينفع الا هالاسلوووب

جزاك الله خير

اتبع هالاسلوب

لان هالزمن نادر تشوف الصادق في البيعه

الاكثريه يغشون الناس والعياذ بالله

[بومحمد المطاوعه]

العسل ما ينشرى من اي مكان..

العسل ما نشتري الا من محل او ناس ثقاة..


صدقتي اختي
بارك الله فيج

[بومحمد المطاوعه]

حاسبو ترى مب اي واحد تشترون منه

اكيييد

انا عن نفسي الله عطاني عقل واعرف اتصرف به

الي فلوسه زايده ويحب يقطها فالشارع يشتري من الناس الي يغشوون البشر

[بومحمد المطاوعه]

منتشرين وأيد هالايام

وين البلدية والرقابة عنهم


اتمنى البلديه تدخل والداخليه ايظن

لأن السالفه مصخت زياده عن اللزوم

[بومحمد المطاوعه]

كل هاي و ما لك مصلحه عيل لو لك مصلحه شكلك بتشرينا اياه غصب


الله المستعان

[العلياا]

اي انا شفته في المحطة
تحملوا تاخذون منه ما تدرون من متى عنده وبعدين هو حاطه فالسيارة اكيد تعرض للشمس

اللي بخاطره يروح ياخذ من محل او معرض على الاقل نضمن انه مرخص
واذا محتاج مفروض يتوجهه للجمعيات مب بهالطريقة

[بحر الشمال]

السلام عليكم
اسمحولي ادرعم في الموضوع على طول وانا مع الاخ بو محمد المطاوعة لان اولا الباعة المتجولين ما يخضعوون لأي رقابة صحية على العسل لان اغلب العسل الي يجيبونة يستوردونه عن طريق البر واكثرهم يشترونة من السعودية بعد مركز سلوى تلقون واحد مركز مطاطيره على الدوار ولافحها الشمس واي واحد قطري او رايح قطر يعطية كم مطارة يوصلها معاه الدوحة مقابل ان يعطية مطارة له وهذا الكلام انا محاسب علية وبعدين العسل اذا ما حفظتة في درجات حرارة يفقد فايدته فأنا انصح ان اذا بغيت تشتري عسل اشتر من ناس ثقة مثل عندك مناحل بو سيف منتج قطري مضمون 100% وبعدين اصلا منظر الباعة المتجوليين منظر غير حضاري ويعكس واجهة البلد احنا لما نسافر اكثر ما يضييق عليك هم الباعة المتجوليين وشلون تبونا نرضا بهم في بلادنا هذي وجهة نظري واتمنا تلقى صدور رحبة وشكرا

[R 7 A L]

فيه واحد كان يجيب عسل في سيارتة ويبيعة بسعر رخيص في معيذر من مدة
المهم دار نقاش بيننا في المجلس نفس هالموضوع ان الرجال يبعينا شي مش اصلي ويغشنا وبعض الربع الي له خبرة يأكدون انه اصلي
المهم الربع خذوا من عسل الرجال وراحوا للطايف عند راعي منحل يعرفونه من زمان وعطوة العسل وقالوا نبيك تحلف لنا وش هالعسل
بعد ماجرب العسل راعي المنحل صار وجه راعي المنحل كذا :eek5: من وين لكم هالعسل وبكم ماخذينه بعد ماعلموه الربع انصدم
وقال لهم اشهد انه اصلي درجة اولى واشهد ان الرجال عطاكم اياه بسعر ارخص بكثير من سعرة .

[فيصل99]

والله موضوعك في محله
ياماصادفتهم كم من مره وانا طالع من المسجد يعرضون العسل ومحطات البترول بعد والصراحه ينخاف منهم مايندرى شمكوناته وشنو خالطين فيه ونظيف ولا لا انا مستحيل أخذ منهم شي
والي معارض الموضوع ويقول يسترزقون اقوله خلاص كلما شفت حد منهم إشتر من عنده كمية ووزع على هلك وربعك بتكسبه في رزقه
ويعطيكم الصحه والعافيه

[Dana’1]

ما أحب اخذ منهم
مرة زوجي اخذ من واحد بالسعودية .. وما اكلت منه

الحمدلله انا اخذة من أبوي عسل مزرعة والمصدر من مزرعتة من كل نبته فيها مكس:).. كذا اريح وأضمن.. واذا بناخذ غير هالنوع من العسل أهم شي المصدر يكون معروف

[توشيبا]

وعليكم السلام

الحمدالله عندي ربع من اهل اليمين اذا حد سافر يجب لي عسل وبعضهم يجيب خليه كامله

[@north_star@]

كلامك صحيح اخوي بو محمد واللي يبي يسترزقك يسترزق بالحلال مب بالغش

[كيلو حديد]

الي ما عنده خبره بالعسل بينخدع
العسل تعرفه من ريحته ولونه ولزوجته
عني ما اشتري من الشباب الي يبيعون بالشوارع كنوع من الحذر لاغير

اشتري من ناس ثقه من الربع ، يجيبون كميات قليله بس مضمونه وتعرف الفرق بينها

عموما اخوي المطاوعه سعر العسل الاصلي في اليمن مستحيل ينباع اقل من 150 الى 200 ريال
بالدوحه يصل سعره فوق ال 300 ريال بالراحه
عسل بخمسين ريال لو اصلي مستعد اشتري منك مية كيلو
العسل الجبلي يصل سعره ل 500 الى 700 ريال لانه نادر

من يوم تعودت على العسل ما أكذب عليك ما أطيق عسل الجمعيات
مستعد أكل جبن بس ولا احط عسل الجمعيات
الي يتعود يعرف الفرق الكبير في الطعم وتقبل الجسم له
نفس زيت الزيتون الأصلي من فلسطين يفرق عن زيت اسبانيا وغيره من الجمعيات
المفروض نشتري من ثقه أحسن ما تشتري من اي انسان
والي يترزق بالحلال والامانه الله يرزقه

من مزايا العسل انه ما يخترب ولا يخيس مهما طال الوقت
حاط بكوب بالسياره عسل من الي شريته وصار له قريب السنه وللحين ما تغير فيه شيء
طبعا ما اكل منه لان في غبار طاح عليه بس للتجربه لان تاركه مفتوح يتعرض لكل عوامل الطبيعه هههه

سبحان الله للحين مثل ماهو لولا الاتربه اللي عليه بس

[shadad]

بو محمد كيف حالك ؟ شداد معك ( قطر سبيد ) .

البيع سواء عسل او ملابس او غيره في الشوارع ممنوع. وهذا شي معروف والبدله مشدده على هاي الموضوع حاله حال البياعه المتجولين. اصلا ايش اللي ضمنا انه مب مغشوش ؟ واشلون تدور اللي باعك العسل وشنو الضمان ؟

العسل بالذات مو والطريق واشتر. ويفضل تاخذه من ناس ثقات مثل ما قال بعض الاخوة هني او محل مشهور. اقلها عندك وصل بالاستلام.

الحين بالنسبة لسعر الكيلو للعسل. اخالفك انه 50 ريال هههه شدعوه . فيه انواع وحسب خبرتي فيه هاي اللي بتلقاه ب 50 فيه ان .
وشكرا لك على الموضوع الطيب. ومثل ما قلت موضوع الباعه المتجولين اتمنى منعهم من مزاولة هذا النشاط بغض النظر عن السلعه.

[الماريّة]

السلام عليكم

سبحان الله توني من كم يوم طلبت من رفيجتي يمينه عسل طبيعي اذا راحت اليمن

وقالت لي والله العسل معاد نعرف الاصلي من المغشوش الكل قام يبيعه واغلبهم يغشون يحطون خلايا شمعيه مشبعه بالسكر


بس بقولكم ترى فيه طرق لمعرفه الاصلي
من صبته اذا تصبه اذا يتماسك وينزل بشكل خطوووط تتصفط هذا الاصلي
اما الي ينصب مره وحده هذا مب اصلي

وطريقه ثانيه اخذ منه شوي وارمه على الرمل اذا تكووور فهو اصلي
اما اذا طاح ولزق في الرمل مب اصلي

ويالله الي يعرف محل يبيع عسل اصلي هني يدلني عليه :) واكون شاكره له

[رجل الجزيرة]

السلام عليكم

سبحان الله توني من كم يوم طلبت من رفيجتي يمينه عسل طبيعي اذا راحت اليمن

وقالت لي والله العسل معاد نعرف الاصلي من المغشوش الكل قام يبيعه واغلبهم يغشون يحطون خلايا شمعيه مشبعه بالسكر


بس بقولكم ترى فيه طرق لمعرفه الاصلي
من صبته اذا تصبه اذا يتماسك وينزل بشكل خطوووط تتصفط هذا الاصلي
اما الي ينصب مره وحده هذا مب اصلي

وطريقه ثانيه اخذ منه شوي وارمه على الرمل اذا تكووور فهو اصلي
اما اذا طاح ولزق في الرمل مب اصلي

ويالله الي يعرف محل يبيع عسل اصلي هني يدلني عليه :) واكون شاكره له

وصب العسل على ورقة وإحرق الورقة إلي مع العسل فإن أحترق العسل مع الورقة فهو مغشوش وإن إحترقت الورقة ولا إحترق العسل فهو أصلي.

[الماريّة]

^
^
اضافه ممتازة اخوي يعطيك العافية

[بومحمد المطاوعه]

اي انا شفته في المحطة
تحملوا تاخذون منه ما تدرون من متى عنده وبعدين هو حاطه فالسيارة اكيد تعرض للشمس

اللي بخاطره يروح ياخذ من محل او معرض على الاقل نضمن انه مرخص
واذا محتاج مفروض يتوجهه للجمعيات مب بهالطريقة


صح منتشرين فالمحطات بعد

الصيدليات يبيعون ومحلات العسل بعد عندهم

ليش اشتري من شخص مجهول

[بومحمد المطاوعه]

السلام عليكم
اسمحولي ادرعم في الموضوع على طول وانا مع الاخ بو محمد المطاوعة لان اولا الباعة المتجولين ما يخضعوون لأي رقابة صحية على العسل لان اغلب العسل الي يجيبونة يستوردونه عن طريق البر واكثرهم يشترونة من السعودية بعد مركز سلوى تلقون واحد مركز مطاطيره على الدوار ولافحها الشمس واي واحد قطري او رايح قطر يعطية كم مطارة يوصلها معاه الدوحة مقابل ان يعطية مطارة له وهذا الكلام انا محاسب علية وبعدين العسل اذا ما حفظتة في درجات حرارة يفقد فايدته فأنا انصح ان اذا بغيت تشتري عسل اشتر من ناس ثقة مثل عندك مناحل بو سيف منتج قطري مضمون 100% وبعدين اصلا منظر الباعة المتجوليين منظر غير حضاري ويعكس واجهة البلد احنا لما نسافر اكثر ما يضييق عليك هم الباعة المتجوليين وشلون تبونا نرضا بهم في بلادنا هذي وجهة نظري واتمنا تلقى صدور رحبة وشكرا

وعليكم السلام ورحمه الله وبركاته

حياك ياخوي افا عليك قول مافي خاطرك

جزاك الله خير
كلامك صحيح بارك الله فيك

تحياتي لك

[بومحمد المطاوعه]

فيه واحد كان يجيب عسل في سيارتة ويبيعة بسعر رخيص في معيذر من مدة
المهم دار نقاش بيننا في المجلس نفس هالموضوع ان الرجال يبعينا شي مش اصلي ويغشنا وبعض الربع الي له خبرة يأكدون انه اصلي
المهم الربع خذوا من عسل الرجال وراحوا للطايف عند راعي منحل يعرفونه من زمان وعطوة العسل وقالوا نبيك تحلف لنا وش هالعسل
بعد ماجرب العسل راعي المنحل صار وجه راعي المنحل كذا :eek5: من وين لكم هالعسل وبكم ماخذينه بعد ماعلموه الربع انصدم
وقال لهم اشهد انه اصلي درجة اولى واشهد ان الرجال عطاكم اياه بسعر ارخص بكثير من سعرة .


ماشاءالله هذي شي طيب ياخوي

اصابع ايدنا مب سوى
وقلت لك البعض يغش والبعض مايعرف الحلال من الحرام


يعطيك العافيه

[بومحمد المطاوعه]

والله موضوعك في محله
ياماصادفتهم كم من مره وانا طالع من المسجد يعرضون العسل ومحطات البترول بعد والصراحه ينخاف منهم مايندرى شمكوناته وشنو خالطين فيه ونظيف ولا لا انا مستحيل أخذ منهم شي
والي معارض الموضوع ويقول يسترزقون اقوله خلاص كلما شفت حد منهم إشتر من عنده كمية ووزع على هلك وربعك بتكسبه في رزقه
ويعطيكم الصحه والعافيه

بارك الله فيك اخوي
والله يحفظنا منهم

[بومحمد المطاوعه]

ما أحب اخذ منهم
مرة زوجي اخذ من واحد بالسعودية .. وما اكلت منه

الحمدلله انا اخذة من أبوي عسل مزرعة والمصدر من مزرعتة من كل نبته فيها مكس:).. كذا اريح وأضمن.. واذا بناخذ غير هالنوع من العسل أهم شي المصدر يكون معروف

يعطيج العافيه

خلاص نبي من مزرعه الوالد الله يحفظه

لو ربع كيلو :shy:

[بومحمد المطاوعه]

وعليكم السلام

الحمدالله عندي ربع من اهل اليمين اذا حد سافر يجب لي عسل وبعضهم يجيب خليه كامله

ماشاءالله
كفو عليهم

اذا ناس ثقه مب قايلين لا
بس المشكله المتجولين فالشوارع
هني الخوف منهم

[بومحمد المطاوعه]

كلامك صحيح اخوي بو محمد واللي يبي يسترزقك يسترزق بالحلال مب بالغش

جزاك الله خير
صح ياخوي

عيل بغش الناس وبأكل عيالي وهلي فلوس حرام

وين الواحد يتوفق فالرزق اذا يبي جذي

[بومحمد المطاوعه]

الي ما عنده خبره بالعسل بينخدع
العسل تعرفه من ريحته ولونه ولزوجته
عني ما اشتري من الشباب الي يبيعون بالشوارع كنوع من الحذر لاغير

اشتري من ناس ثقه من الربع ، يجيبون كميات قليله بس مضمونه وتعرف الفرق بينها

عموما اخوي المطاوعه سعر العسل الاصلي في اليمن مستحيل ينباع اقل من 150 الى 200 ريال
بالدوحه يصل سعره فوق ال 300 ريال بالراحه
عسل بخمسين ريال لو اصلي مستعد اشتري منك مية كيلو
العسل الجبلي يصل سعره ل 500 الى 700 ريال لانه نادر

من يوم تعودت على العسل ما أكذب عليك ما أطيق عسل الجمعيات
مستعد أكل جبن بس ولا احط عسل الجمعيات
الي يتعود يعرف الفرق الكبير في الطعم وتقبل الجسم له
نفس زيت الزيتون الأصلي من فلسطين يفرق عن زيت اسبانيا وغيره من الجمعيات
المفروض نشتري من ثقه أحسن ما تشتري من اي انسان
والي يترزق بالحلال والامانه الله يرزقه

من مزايا العسل انه ما يخترب ولا يخيس مهما طال الوقت
حاط بكوب بالسياره عسل من الي شريته وصار له قريب السنه وللحين ما تغير فيه شيء
طبعا ما اكل منه لان في غبار طاح عليه بس للتجربه لان تاركه مفتوح يتعرض لكل عوامل الطبيعه هههه

سبحان الله للحين مثل ماهو لولا الاتربه اللي عليه بس


صح كلامك اخوي
الي يعرف له ماينغش


ههههههه يالغالي انا اقصد

ان العسل سعره 400 بما انه اصلي يقولك هاي سعره

واهو مايسوى حتى 50 ريال

هاي قصدي

مب قصدي ب 50 ريال الاصلي

:secret:
تحياتي لك

[بومحمد المطاوعه]

بو محمد كيف حالك ؟ شداد معك ( قطر سبيد ) .

البيع سواء عسل او ملابس او غيره في الشوارع ممنوع. وهذا شي معروف والبدله مشدده على هاي الموضوع حاله حال البياعه المتجولين. اصلا ايش اللي ضمنا انه مب مغشوش ؟ واشلون تدور اللي باعك العسل وشنو الضمان ؟

العسل بالذات مو والطريق واشتر. ويفضل تاخذه من ناس ثقات مثل ما قال بعض الاخوة هني او محل مشهور. اقلها عندك وصل بالاستلام.

الحين بالنسبة لسعر الكيلو للعسل. اخالفك انه 50 ريال هههه شدعوه . فيه انواع وحسب خبرتي فيه هاي اللي بتلقاه ب 50 فيه ان .
وشكرا لك على الموضوع الطيب. ومثل ما قلت موضوع الباعه المتجولين اتمنى منعهم من مزاولة هذا النشاط بغض النظر عن السلعه.

هلا الشيييييييييييييييخ
نووووووورت طال عمرك

ههههههههه يالغالي مب قصدي الاصلي ب 50 ريال

انا اقصد ان العسل مايسوى 50 ريال واهو يبيعه 400 ريال
اخرتها مغشوش
عرفت
يو نوووو :nice:

[للصبر اخر]

شارع المطار بالذات كله دوريات رايحين رادين
واشوفهم عند النعيمي وتي تايم
معقوله ماشافوهم
والا مالهم صلاحييه

[Rider]

انا من شهر اتصل فيني واحد قال اخبارك يابو فلان جايب لك عسل يمني اصلي قلت له من وين جايب الرقم قال انت عطيتني الرقم وشاري مني عسل وانا عمري ماشريت عسل من الباعه المتجولين حتى تلفوناتنا وصلو لها

[بومحمد المطاوعه]

شارع المطار بالذات كله دوريات رايحين رادين
واشوفهم عند النعيمي وتي تايم
معقوله ماشافوهم
والا مالهم صلاحييه


اصلن اهم لو شافو الدوريات
يتشردون يسوون نفسهم عاديين

يمشون عادي

لو يسوون جدام الشرطه اكيد بيصيدونهم

[بومحمد المطاوعه]

انا من شهر اتصل فيني واحد قال اخبارك يابو فلان جايب لك عسل يمني اصلي قلت له من وين جايب الرقم قال انت عطيتني الرقم وشاري مني عسل وانا عمري ماشريت عسل من الباعه المتجولين حتى تلفوناتنا وصلو لها

والله العظيم كان في واحد طب علي وانا عند البقاله

ابي اصرفه عطيته رقمي بس القديم والثابت فالموتر

سندرني

اخر شي رديت عليه قلت له لو شفت رقم بقدم شكوى عليك
ولليوم ماشفت رقمه

الحمدلله