ارتفاع سعر الديزل في قطر !! ( موضوع للنقاش )

[أبو رماح]

ابتداء من تاريخ 01/05/2014 رفع اسعار ( الديزل ) في الدوله ليصبح 1.5 بدل ريال واحد

[R 7 A L]

مساكين هل التريلات الاسعار غالية
والشغل تعبان
والنتيجة يوقفون في الفرجان ويضيفون على الاهالي

[بوخالد911]

وبعد شاللي بيرتفع؟!؟!؟!؟

[جاسم الدوحة]

الديزل صار ريال واحد للتر الواحد
أما للمشاريع والكميات المختلطة اصبح السعر ريال ونص
ومادري اشمعناها لحد يسألني خخخخ

هذا اللي سمعته في الأخبار

[أبو رماح]

الديزل صار ريال واحد للتر الواحد
أما للمشاريع والكميات المختلطة اصبح السعر ريال ونص
ومادري اشمعناها لحد يسألني خخخخ

هذا اللي سمعته في الأخبار

لا وانت الصادق ارتفاع الأسعار شامل للكل وانا شايف الأعلان في محطة وقود قبل شوي

[محمد2]

والله محد ماكلها غير هالقطري وبالذات (الدخل المقرود. مب المحدود)
من هالارتفاع الاسعار. اما الغير ولا يهمهم هالشي ومكيفين نفسهم مع الوضع. عندنا

[الزعفراني]

ارتفاع الديزل يعني ارتفاع كلفة النقل والشحن البري .. معناته ارتفاع تسعيرة المنقول لتغطية تكلفة النقل :)

[زقرتي ومزاجي]

الدوحة - بوابة الشرق

قال السيد إبراهيم جهام الكواري الرئيس التنفيذي لقطر للوقود بأنه ونسبة لتعليمات من الجهات المختصة فلقد تقرر زيادة أسعار التجزئة لمنتج الديزل بحيث يصبح سعر بيع اللتر الواحد من محطات البترول العاملة بالدولة ريال/ لتر، كما تقرر زيادة أسعار البيع بالكميات للمشاريع لفئتي السعر المحلى والمختلط ليكون بواقع 1.5 ريال/لتر و 1.8 ريال/لتر على التوالي، وذلك إعتباراً من الساعة الواحدة صباحاً من يوم الخميس الموافق 1/05/2014، بينما ستبقى فئة الأسعار العالمية كما هي.

[زقرتي ومزاجي]

البيع بالكميات للمشاريع لفئتي السعر المحلى والمختلط ليكون بواقع 1.5 ريال/لتر و 1.8 ريال/لتر على التوالي


ممكن احد يفهمني النقطة هذي ... المعروف ان اسعار الديزل 1.0 للتر الحين اصبح 1.5 او 1.8

[معماري قطري]

نتمنى شركة وقود تزيد أَرباحها وتوزيعاتها نص ريال مب خسارة فينا كمساهمين وشكله البترول في الطريق

[أسد الجزيرة]

للمشاريع يعني بالكميات الكبيرة مثلا مشروع الميناء الجديد بيتعاقد مثلاً بمية الف لتر شهريا بيكون السعر ريال و نص زايد سعر التوصيل بالدناكر اما اذا بتصف بالدور في المحطة بيكون بريال

اتوقع هذا القرار مع توحيد اسعار البترول في دول الخليج

[CH Engineer]

قرار صائب سعر الديزل اغلى من السوبر والممتاز وينباع بسعر ارخص ومحد يستخدمه الا التجار الي اسعارهم نار.. واصحاب المشاريع لتشغيل المولدات الكهربائية واسعار المشاريع اضعاف اسعارها فكل دول العالم والديزل عندنا ارخص بمراحل..

زيادة الدخل = زيادة الرفاهيه للمواطن والمقيم

[همر]

قرار صائب سعر الديزل اغلى من السوبر والممتاز وينباع بسعر ارخص ومحد يستخدمه الا التجار الي اسعارهم نار.. واصحاب المشاريع لتشغيل المولدات الكهربائية واسعار المشاريع اضعاف اسعارها فكل دول العالم والديزل عندنا ارخص بمراحل..

زيادة الدخل = زيادة الرفاهيه للمواطن والمقيم



اسمح لي اختلف معاك في هالنقطه

صار عندنا قناعه .. ارفع اي شي

الا الشي يخص التجار ... لانهم

بياخذون الزياده من جيوبنا

فزيادة الدخل من جيوب التجار

تطلع من مخابي المواطنين ،..

[CH Engineer]

اسمح لي اختلف معاك في هالنقطه

صار عندنا قناعه .. ارفع اي شي

الا الشي يخص التجار ... لانهم

بياخذون الزياده من جيوبنا

فزيادة الدخل من جيوب التجار

تطلع من مخابي المواطنين ،..


مصاريف الديزل الي يستخدم فالنقل ماتوصل 1% من اجمالي المصاريف
رفع الاسعار غير مبرر مع انها فرصة للتاجر

الحين بنشوف دور حماية المستهلك

[alsoq]

من تهريب اهل تريلات للديزل

ما فيه قطري يستخدم vxr ديزل :)

[lulu.90]

والله محد ماكلها غير هالقطري وبالذات (الدخل المقرود. مب المحدود)
من هالارتفاع الاسعار. اما الغير ولا يهمهم هالشي ومكيفين نفسهم مع الوضع. عندنا

شلون يعني !!!

[أسد الجزيرة]

الظاهر الي معترضين مواترهم ديزل

لكل شئ نهاية و بداية و الحين جا زمن نهاية الدعم الحكومي سعر الديزل في السوق العلمي ريالين و نص للتر

[عيسى111]

بتحمل الزيادة كلها على ظهر المواطن

[البرونزي]

ايش ذنب التاجر اذا تعاقد مع شركات ولا جهه حكوميه لمدة سنه او سنتين مثلا
على سعر التكلفه القديمة والحين تم رفع سعر الديزل
من بيكون الخسران ؟
مب المفروض يكون رفع السعر بعد فتره من الاعلان ماتقل عن ست شهور على الاقل
حتى التاجر يرتب اموره على السعر الجديد
الامور عندنا والقرارت دايما في تخبط للاسف