استفسار : تغير مكينة مرسيدس

[بوعيسى1]

السلام عليكم ورحمة الله وبركاته
يالربع انا عندي مرسيدس موديل 1979 قير عادي 6 سلندر كربريتر
ابغي ابدل له مكينه واحوله الى بخاخ
وفي ناس قالوا لي حط عليه مكينة تويوتا.
سؤالي وين بيغيرون لي المكينة وكم بيكلفني .
ولكم جزيل الشكر.

[فقط قطر]

السلام عليكم ورحمة الله وبركاته
يالربع انا عندي مرسيدس موديل 1979 قير عادي 6 سلندر كربريتر

وفي ناس قالوا لي حط عليه مكينة تويوتا.

ولكم جزيل الشكر.
مكينة تويوتا على مرسيدس...
ليش...يعني

[@north_star@]

شلون ماكينة تويوتا على مرسدس ما تركب اخوي ..... روح على شارع 6 في كراج اسمه الملكي اسال عن حيدر

[الـخـور]

اتوقع يبيلك تركب مكينة صغيرة مثل مكينة سزوكي
او مكينة سيارات التيوتا الصغيرة

[q6ri_vip]

شيك عند كراج الموهبه مختص بالمرسيدسات شارع 29

[بوعيسى1]

يعطيكم العافية يالربع على الردود الطيبة
اعتقد انا ما وضحت الفكرة
اول شي الموتر مرسيدس صالون موديل 1979
وبعدين بانة كبيرة موب بس 6 سلندر حتى 8 سلندر يركب فيه بس الموتر في استمارة كاتبين 6 سلندر
والسبب موب ان تويوتا احسن من مرسيدس بل انا عندي مشكلة في السيارة هذه رابع مرة اخترب عندي الكربريتر والحين يقولون لازم تبدل كربريتر جديد
انا دورت في الوكالة قالوا لي مافي رحت المرزوقي نفس الشيء رحت كراج اسلام اباد يقولون بيصلحون بس ما يطعون الضمان
وكمبريسر مكيف بعد تعبان
فانا فكرت بدل ما يخترب كل ساعة افتك من كربريتر واركب له بخاخ علشان ما يتعبني ويكون مكيفه جيد.
وفي ناس قالوا لي مكينة تويوتا سوبر صالون 6 سلندر تركب فيه وعزمه بيكون احسن.
انا ابغي من ربع الي عندهم فكره عن الموضوع يعطينا اقتراحاتهم وتجاربهم .
ويعطيكم العافية .

[صقر الجزيرة]

ركب مكينة مرسيدس حجم 300 ستة سلندر بخاخ انجكتر
أحسن شي وإذا تبي ارسلي رقمك وانا حاضر

[أبو رماح]

مكينة تويوتا على مرسيدس...
ليش...يعني

ههههههههههههه