الرجاء من الاخوه ابداء الراي في استفساري؟؟؟

[الروقي]

اخواني الاعزاء انا اريد ان اشتري سياره انفنتي q80 4wd
ومتخوف من الوكاله لان الوكاله عندنا تعيسه بمعنى الكلمه وايضا قطع الغيار يقولون اسعارها نار وان الصيانه عند الوكاله تعيسه وهذي الوكاله النيسان كما سمعت تعيسه بمعنى الكلمه من مده طويله وبعض الناس يقولون ان صيانة الانفنتي تعدلت
الحين شنو رايكم اخواني الاعزاء تنصحوني اشتري وحده وللعلم انا استعمالي بسيط جدا من الدوام الى البيت وسفري قليل جدا بس مابي اتبهدل مع الوكاله

وشكرا ارجو الرد وانا بانتظاركم

:

[airbus]

سؤال انت تبي تشتري بفلوسك القهر ورفع الضغط ؟

[lion66]

لا تغلط ... وتقول ياريت اللى جرى ماكان ...

امحق وكيل و وكالة ...

[بـويوسف]

الموتر ماعليه كلام

لكن الوكالة .. يحاولون يطورون فيها قد ما يقدرون .. واكيد افضل من التويوتا

يعني بعد السيرفس بيومين يتصلون ويسالونك عن الموتر .. هل انت مرتاح هل في تغيير .. واذا في مشكله استلمهم ولا تخلي عليهم شي

[الروقي]

مشكورين اخواني على ردودكم بس بويوسف افهم من كلامك انهم صاروا احسن يعني الواحد يتوكل على الله وياخذ الموتر ارجو منك اعطاء رايك الله يجزاك خير

وشكرا جزيلا للجميع

[فقط قطر]

ياخوي خذ الموتر واترك عنك كلام الناس....
الموتر ماراح يخترب ان شاءالله... طالما استخدامك له بشكل معقول..
وعلى فكره..ترى معاملتهم جيده
توكل على الله واعقد العزم وانا اخوك..
والله يبارك لك

[المحقق كونان]

من 7 سنين كان عندي نيسان بترول وانفينتي ومعاملة الشركة ممتازة

والحين افتحو فروع اكثر للسيرفس

الا ان سعر السيارة عند البيع يطيح

[الروقي]

جزاكم الله خير اخواني الاعزاء على ارائكم القيمه

[بومحمد911]

توكل على الله