وبعدين مع كرة القدم!؟؟؟

[رهج السنابك]

برشلوني
مدريدي
عرباوي
رياني
غرفاوي
هلالي
نصراوي

شالحل مع الادمان الاحمق لكره القدم؟!

الادمان الاحمق هو ادمان متابعة الدوريات على حساب
الدراسه
الصلاه
تنمية الفكر
بر الوالدين
تنمية العلاقات

لدرجة غداهم وعشاهم كورة

[رجل الجزيرة]

برشلوني
مدريدي
عرباوي
رياني
غرفاوي
هلالي
نصراوي

شالحل مع الادمان الاحمق لكره القدم؟!

الادمان الاحمق هو ادمان متابعة الدوريات على حساب
الدراسه
الصلاه
تنمية الفكر
بر الوالدين
تنمية العلاقات

لدرجة غداهم وعشاهم كورة

أذكر واحد من الشباب مدمن كروة حتى وصل تقريباعمره ل 60 سنة ولين الحين يشوف مباريات الأندية الأوروبية ويسهر لين الساعة وحدة وثنين لين تنهتي المباراة وهذي حالته.

[alsoq]

هل عملتي احصائيه ان اللي يشفون المباريات

الدراسه
الصلاه
تنمية الفكر
بر الوالدين
تنمية العلاقات

مقصرين
وكيف عرفتي ذلك

[سعود العمادي]

السلام عليكم

كرة القدم هي هواااية والكل يحب يتابع الدوري المفضل عنده

بس مب معناته راح يهد صلاته + اهله والي اخره

اغلب المباريات تكون بين الساعه 9 الي الساعه 2

[R 7 A L]

لايكون زوردا مدة المباراة صارت خمس ساعات هههههه

[سعود العمادي]

لايكون زوردا مدة المباراة صارت خمس ساعات هههههه

هههههه لا اتكلم بشكل عام بمختلف الدوريات هههههههه - انجليزي - ايطالي - اسباني وغيرهم

[R 7 A L]

لا يابوعبدالعزيز
ردي على شلون تضيع اوقات الصلاوات وتكون المباريات السبب

[سعود العمادي]

لا يابوعبدالعزيز
ردي على شلون تضيع اوقات الصلاوات وتكون المباريات السبب

أي اوكي ههههههه

عشان جي كتبت المباريات تكون من 9 الى 2 الفجر الاغلب

ماعدا الدوري الانجليزي يبدء من العصر

[R 7 A L]

يمكن الاخت قصدها الطلاب الي برا في بريطانيا ولا امريكا

[abu m7md]

بعد ما اعتزلت الكوره سنة 2002

اذكر قبل في التسعينيات الشوط الثاني يكون محددوينتهي الشوط على الاذان او قبله وكنا نصلي بعدين يشرح المدرب الخطه للشوط الثاني
ومن سنة 2000 تغير الحال جيت بصلي بين الشوطين يقول لي المدرب خل عنك الصلاة واسمع شالي بقوله
قدمت استقاله ورحت لنادي ثاني ومع معناة الى سنة 2002 قررت ترك الكوره
من هم في سني ولعبت معاهم
السد : حسين علي واخوه عمر وقريبهم عماد
فهيد سطام ومحمد الحاج
حسين ياسر واخوه محمد وسعد جمعه -
الاهلي مشعل + وليد جاسم
الوكره حميد + وواحد عراقي ناسيه اسمه
واغلبهم ماتحضرني اسمائهم حاليا لكن الي اعرف انهم في الدرجه الاولى حاليا ولعيبة منخب
منهم الى الان متواصل معاي ومنهم الله يستر عليه


السموحه على الاطاله

[qatara]

وش الفائده من الكره

قديما وحديثا ما خذنا الا حقد وشحنا بين المشجعين وحتا بين الاشقاء

يازين الخليج قبل دورات الخليج

[رهج السنابك]

أذكر واحد من الشباب مدمن كروة حتى وصل تقريباعمره ل 60 سنة ولين الحين يشوف مباريات الأندية الأوروبية ويسهر لين الساعة وحدة وثنين لين تنهتي المباراة وهذي حالته.


نموذج للادمان الاحمق
استهلاك الصحه والوقت

[رهج السنابك]

هل عملتي احصائيه ان اللي يشفون المباريات

الدراسه
الصلاه
تنمية الفكر
بر الوالدين
تنمية العلاقات

مقصرين
وكيف عرفتي ذلك



لا اتكلم عن المعتدلين

في موضوعي قلت الادمان الاحمق مالحل معاه؟

يعني لو اخوك عمره 18سنه اخر سنه ثانوي و ادمانه للكره اثر على دراسته
اثر على نومه
بالتالي اثر على صلاته
وبالتالي اثر على تنميته

شالحل معاه؟!!!

لو زوج مدمن على دوريات ماخذه اغلب وقته وزوجته مقصر معاها ولايقوم بالواجبات الي عليه لانه اغلب وقت يا يتابع كورة يا يتابع تحليلات يايتابع برامج كره

ادماااان ادماااااااااااان

تعرف معنى الادمان

كيف ممكن تشلع واحد من هاللعبه!

[£عبدالعزيز£]

مع احترامي للاخت اللي كاتبة الموضوع

يمكن الدراسة هي الشي الوحيد اللي يتاثر

اما باقي الاشياء



الصلاه

جدول مباريات الدوري القطري ينحط على اساس اوقات الصلاة

وعالميا اغلب المباريات مب في وقت الصلاة


تنمية الفكر
بر الوالدين
تنمية العلاقات

شدخل !!

بالعكس تنمية الفكر ممكن تصير من خلال كرة القدم

وتنمية العلاقات مع الناس تصير بشكل كبير من خلال متابعة كرة القدم

اما بر الوالدين ماشوف ان له خص

..

فالنهاية هاذي وجهة نظرج ولها كل احترام وتقدير

[حسن]

الرياضيه زينه ومفيده للجسم
ولاتنسين ورانا تنظيم عالمي

بس حطيني انا الوحيد اللي مايعرف عن الكوره خيرشر
ولاتابعت اي منهم حتى الاسياد 2006 لم اشاهدها
رغم متابعينها كثر وتعتبر رياضه عالميه

من كم يوم اشوف العاب ناريه اقول خيروش السالفه
يقولون مباراه الجيش والاخويه
اول مره اسمع بهل النوادي عندنا

قايلك المعلومات زيرو

:(

[توشيبا]

الاحمق اهو الادمان ولا الشخص مع ادمانه !؟

[نيساني]

اخبر في واحد توفى الله يرحمه بسبة خسارة الريان هالكلام في التسعينات


الله المستعان

الحمدلله العب بس ما اتابع خير شر!!
وشكراً

[خليفـة]

هي تعتبر اهتمامات شخصية
كل واحد وله موده ومزاجه
المهم في الأمر ان ما تلهيك اهتماماتك عن ذكر الله سبحانه

عن نفسي
الحمدلله .. مالي في متابعة المباريات ابداً
اهتمامي يتمثل في متابعة المصارعة الحرة
ههههههه

خليفــة

[رهج السنابك]

مع احترامي للاخت اللي كاتبة الموضوع

يمكن الدراسة هي الشي الوحيد اللي يتاثر

اما باقي الاشياء




جدول مباريات الدوري القطري ينحط على اساس اوقات الصلاة

وعالميا اغلب المباريات مب في وقت الصلاة



شدخل !!

بالعكس تنمية الفكر ممكن تصير من خلال كرة القدم

وتنمية العلاقات مع الناس تصير بشكل كبير من خلال متابعة كرة القدم

اما بر الوالدين ماشوف ان له خص

..

فالنهاية هاذي وجهة نظرج ولها كل احترام وتقدير



ارجع واكرر انا اتكلم عن المدمن
المدمن لهذا الادمان السخيف حتى المباريات المسجله يتابعها ومباريات معاده تكون بعضها الظهر وبعضها العصر وبعضها وقت متاخر يضطر المدمن يسهر ويسحبها رقاد ثاني يوم
وبر الوالدين يتمثل في القعده معاهم وتلبيه طلباتهم المدمن ماعنده وقت لهم

احس مدمن الدخان اسهل في العلاج من مدمن الكره

على فكره عندي حاله وعجزت اعالجها

[رهج السنابك]

الاحمق اهو الادمان ولا الشخص مع ادمانه !؟

الاحمق هو نوع الادمان يا باناسونيك

[رهج السنابك]

الرياضيه زينه ومفيده للجسم
ولاتنسين ورانا تنظيم عالمي

بس حطيني انا الوحيد اللي مايعرف عن الكوره خيرشر
ولاتابعت اي منهم حتى الاسياد 2006 لم اشاهدها
رغم متابعينها كثر وتعتبر رياضه عالميه

من كم يوم اشوف العاب ناريه اقول خيروش السالفه
يقولون مباراه الجيش والاخويه
اول مره اسمع بهل النوادي عندنا

قايلك المعلومات زيرو

:(




احسن لك انت خلك في البحر مع غزولك وطراريدك واايد احسن
ترا باجر الجمعه وخاطريي في سميكات : (

[رهج السنابك]

هي تعتبر اهتمامات شخصية
كل واحد وله موده ومزاجه
المهم في الأمر ان ما تلهيك اهتماماتك عن ذكر الله سبحانه

عن نفسي
الحمدلله .. مالي في متابعة المباريات ابداً
اهتمامي يتمثل في متابعة المصارعة الحرة
ههههههه

خليفــة


كنت اتحمس للمصارعه وانا صغيره
هوك هوغن ابطل واحد فيهم
والساحر الي يرش ملح
ويوكوزونا
و ون تو ثري كي



وقبل سنتين لما عرفت انه تمثيل وانا مصدقه طحت من عين نفسي : (

[Locale]

المباريات اهون من اللي يتابع الافلام ويتابع اخبارها
واول بأول يحضرها فالسينما
واخبار الممثلين والممثلات
احس قمة التفاهه ان ريال ينشغل في السينما

[بريق الحق]

انا كرهت متابعة الكوره بعد الي جفته في مسيرة كاس العالم واذكر ان اعلان الدوله المستضيفه على اقامة صلاة العشاء والله اذكر بالضبط بعدها كرهت متابعة الكوره الناس تاركه الصلاه وقاعده فالمسيره
الله يرحمنا برحمته
ولحد يقول انها ماتضيع الصلاه المباريات تنتهي في اوقات متاخره وناس وايد تضيع صلاة الفجر الله المستعان

[عاشق العديد]

للاسف بعد ذهاب الريان لم يتبقئ لي متعه فالكوره راححح الي كان اغليه :(

[بوخالد911]

اتابع الكرة
ولكن بقدر معقول ومقبول

[السيف5]

الحمد لله من اللي يتابع الكورة

لكن باعتدال وبعض المباريات المتأخرة اشوفها بالاعادة اوالنت اذا بقيت

يعني الادمان في الشخص نفسه اذا كان فيه

[Aaziz]

اشوف ادمان الكوره افضل من الفراغه و ادمان الحش في خلق الله و الغيبه و الكلام في اغراض خلق الله

[رهج السنابك]

كل الادمان سيء يا عزيز


وين الحلول؟

[Aaziz]

ادمان الحبيب :o

[مراد2015]

كلام فاضي ومضيعة وووقت

ومافيها اي فائدة

وفيها نوع من المظاهر

[محسن العجي]

المتعه الكرويه جايه

كاس العالم بعد شهر ونص

[qatara]

المتعه الكرويه جايه

كاس العالم بعد شهر ونص

امحق متعه
من جاتنا هلدورات و هلكوره وحنا في غلاء
وبهدله وزحمة شوارع وغثاء

[معماري قطري]

الكوره يقولون تنمي خلايا المخ ووايد أَحسن من التدخين ومن الشيشه

والكوره وعموم الرياضات تشغل الشباب والشعوب في شيء حماسي .. من فترة التقيت شاب يبين عليه التعب والسهر وكنت عند كاونتر فندق وسولفت معاه شوي .. قال انه جاي برحلة برية مدتها 16 ساعة وبيتابع مباراة بيسبول وبيرجع بعد يومين .. كل هذا المجال وما يتبعه من اعلام وبناء وحماس وتشجيع وأَموال يعتبر صناعة مثل السياحة ومثل غير من المجالات .. وما ننكر انه سبب رئيسي لتطور الدول .. وإِن شاء الله الله يكتب لبلادنا تنظيم رائع نرضى عنه نحن أَولاً ويبهر دول العالم لبطولة 2022

تخلوني افكر اطالب بمنع البنات والحريم من زيارة الأَسواق أَكثر من مرة في الشهر :nice:

[رهج السنابك]

معماري

كرة القدم والترويج لها اعلاميا بقوة لازلت مقتنعه انه مخطط ماسوني بشكل مباشر او غير مباشر


اما الاسواق عادي سوي علينا منع الله يخلي الاونلاين شوبينغ نطلب واحنا قاعدين هههههههه مايعوقنا