الاستراحه الاسبوعيه .. حيييييياكم ياشباب ويابنات ..

[حمد 2002]

السلام عليكم ورحمه الله وبركاته

اكيد كلكم تنتظرونها بشغف ..


يالله طلعوا حرتكم هجوووووووووم :victory:

[بصمة قطرية]

و عليكم السلام و الرحمة

اول قول بتصريح و لا ..؟

[الحياة الخالدة]

و عليكم السلام و رحمة الله و بركاته
صحيح راونا التصريح قبل

[حمد 2002]

هلاؤؤ بصمه ..

هلاؤؤؤ الحياه ..

لاتخافون تصريح قووي جدا جدا جدا

[بصمة قطرية]

يا خطيييييييير

[بصمة قطرية]

شخبارج حبيبتي الحياة ..
وحشتيني ،،

[حمد 2002]

:oops::oops:

[الحياة الخالدة]

هلا فيك حمد
ما دام التصريح قوي جداً عيل حط لنا العشا

[الحياة الخالدة]

شخبارج حبيبتي الحياة ..
وحشتيني ،،

هلا فيج يالغالية .. وانتي بعد وحشتيني
وين كافي هارودز :)

[(Sara)]

اخيراً :weeping:

[حمد 2002]

انا مريض اليوم وماطلعت من البيت ماقدر اروح اشتري عشى كخخخ

[غير البشر]

مساكم الله بالخير جميعا

شخباركم عساكم بخير

[حمد 2002]

ولكم الحياه .. بصمه .. ساروه

[حمد 2002]

ولكم غيرووو الحب

[الحياة الخالدة]

انا مريض اليوم وماطلعت من البيت ماقدر اروح اشتري عشى كخخخ

سلامات سلامات ما تشوف شر
عادي اتصل و هم يوصلون الاستراحة

[الحياة الخالدة]

أهلاً سارا
غير البشر

[غير البشر]

ولكم غيرووو الحب



يسلمووووووو حمد
يعطيك العافيه على افتتاح الاستراحه

شخبارك عساك بخير

[حمد 2002]

سلامات سلامات ما تشوف شر
عادي اتصل و هم يوصلون الاستراحة

صوتي مبحوح ماقدر اتكلم :(

الله يسلمج :weeping:

[غير البشر]

أهلاً سارا
غير البشر



مرحبتين الحياه
شخبارج عساج طيبه

[عطر فرنسي]

مساكم الله بالخير اليوم كان خوش قعده ويا اخوي شبح قعده فللي هههههههه

اسعد الله ايام الجميع

[غير البشر]

صوتي مبحوح ماقدر اتكلم :(

الله يسلمج :weeping:



سلاماااات حمد ماتشوف شر


انا اليوم العصر مصلي وانا قاعد :( ماقدر اقوم

[بصمة قطرية]

هلا فيج يالغالية .. وانتي بعد وحشتيني
وين كافي هارودز :)

موجود
بطرشه لج هناك خخخخخ

[غير البشر]

مساكم الله بالخير اليوم كان خوش قعده ويا اخوي شبح قعده فللي هههههههه

اسعد الله ايام الجميع



مساك الله بالنور والسرور
حيا الله الغالي
شخبارك عساك بخير

ههههههههههه الله يديمها عليكم ان شاء الله

[الحياة الخالدة]

صوتي مبحوح ماقدر اتكلم :(

الله يسلمج :weeping:

يمه يالعيارة .. زين احنا بنطلب و انت ادفع

[عطر فرنسي]

انا مريض اليوم وماطلعت من البيت ماقدر اروح اشتري عشى كخخخ

ماتشوف شر اطلب وأمر بس جهز شيك ضمان هههههههه

[الحياة الخالدة]

مرحبتين الحياه
شخبارج عساج طيبه

الحمد لله بخير بس يوعانه صار لي ساعة اتحايل على حمد يطلب لنا عشا مب راضي

[عطر فرنسي]

مساك الله بالنور والسرور
حيا الله الغالي
شخبارك عساك بخير

ههههههههههه الله يديمها عليكم ان شاء الله

بخير الله يسلمك دقيت عليك مغلق :rolleyes2:

[عطر فرنسي]

الحمد لله بخير بس يوعانه صار لي ساعة اتحايل على حمد يطلب لنا عشا مب راضي

ادا تنتظري حمد اغسلي أيدج

[الحياة الخالدة]

مساكم الله بالخير اليوم كان خوش قعده ويا اخوي شبح قعده فللي هههههههه

اسعد الله ايام الجميع

مساك الله بالنور يالعطر الفرنسي
شلونك الحين ان شاء الله أحسن

[الحياة الخالدة]

موجود
بطرشه لج هناك خخخخخ

ما تقصرين فديتج

[الحياة الخالدة]

ادا تنتظري حمد اغسلي أيدج

غسلتها و بديتول بعد .. تعلمني عنه

[عطر فرنسي]

مساك الله بالنور يالعطر الفرنسي
شلونك الحين ان شاء الله أحسن

بخير ربي يسلمك الحمدلله احسن من اول بس الم خفيف الله يعين مشكله التسمم في المعده

وانتي اخبارك

[عطر فرنسي]

غسلتها و بديتول بعد .. تعلمني عنه

هههههههههههههههههههه

[الحياة الخالدة]

بخير ربي يسلمك الحمدلله احسن من اول بس الم خفيف الله يعين مشكله التسمم في المعده

وانتي اخبارك

ما عليك شر ان شاء الله .. ما يندرى ايش ماكل في أسبانيا

أنا الحمد لله طيبة

[عطر فرنسي]

ما عليك شر ان شاء الله .. ما يندرى ايش ماكل في أسبانيا

أنا الحمد لله طيبة

عسا دوم طيبه والشر مايجيك مأكل قطو محشي ههههههههههه

[غير البشر]

الحمد لله بخير بس يوعانه صار لي ساعة اتحايل على حمد يطلب لنا عشا مب راضي



حمد يطلب لج عشى
نجوم السما اقرب لج هههههههه

[عطر فرنسي]

حمد يطلب لج عشى
نجوم السما اقرب لج هههههههه

هههههههههههه

[غير البشر]

بخير الله يسلمك دقيت عليك مغلق :rolleyes2:



اي مغلق هههههههههه
بطلع لك فوق :victory:

[عطر فرنسي]

اي مغلق هههههههههه
بطلع لك فوق :victory:

:weeping: يالله استاذن بروح انام هلكني الدوا منوم يخر بيته

[الحياة الخالدة]

حمد يطلب لج عشى
نجوم السما اقرب لج هههههههه

قلت يمكن تغير مع حمى الرومانسية اللي صايدته

[غير البشر]

:weeping: يالله استاذن بروح انام هلكني الدوا منوم يخر بيته



ماتشوف شر ان شاء الله
ربي يشافيك ويعافيك :(

[غير البشر]

قلت يمكن تغير مع حمى الرومانسية اللي صايدته



كل شي ممكن يتغير في الا هالشي
حاسيته تكون عنده عنده حتى لو صاده زهايمر ههههههههه بعيد الشر عنه

[الحياة الخالدة]

لا بس ما نبي نحرجه يمكن فقير ما عنده فلوس و منحرج يقول :(

[بصمة قطرية]

مرحبا بالجميع
ولكم لكل اللي دخلوا

سلامات حمد ..
كنت صوب المرخية آخذ عشا من الامراء
ما قلت لي اجيب لك شاورما من الورد ..

[غير البشر]

لا بس ما نبي نحرجه يمكن فقير ما عنده فلوس و منحرج يقول :(


اغنى مني ومنج ومن 100 عضو اهني
الله يزيده :rolleyes2:

[بصمة قطرية]

ما تقصرين فديتج
قصر عنج الشر حبيبتي

[عطر فرنسي]

اغنى مني ومنج ومن 100 عضو اهني
الله يزيده :rolleyes2:

انا اشهد افلووووووس اسهم عقارات كل شي

[سعود العمادي]

مساء الخير

انا اقول وين الاسترااحه اليوم على بالي خلاص كنسلوها ههههههههههههههههههههههه

[(Sara)]

بااااككك :)

[(Sara)]

ياهلا بالكل وياهلا بالاستراحه :(

[(Sara)]

تسمم ومرضه وألم
وش هالاستراحه اللي كنها عيادة
اللهم لك الحمد ع الصحه والعافيه

[غير البشر]

ههههههههههههههههههه سارا


باااااااااااااااااك

[سعود العمادي]

هههههههههههههه

سارا اكيد يعني فتحوا الاستراحه وقت متاخر العالم رقود الحين هههههههههههههههههههههههههه

[(Sara)]

ههههههههههههههههههه سارا


باااااااااااااااااك


ولكم غيروووو
سلامات عيارررررر 1

[(Sara)]

هههههههههههههه

سارا اكيد يعني فتحوا الاستراحه وقت متاخر العالم رقود الحين هههههههههههههههههههههههههه

مابغوا يفتحونها :omen2:

[غير البشر]

ولكم غيروووو
سلامات عيارررررر 1



يسلموووو سارا
الله يسلمج 2 ههههههههههه

شخبارج عساج بخير

[سعود العمادي]

يله تصبحون على خير

[(Sara)]

حتى أنا برب سليب تايم

[النهار]

ايش سالفة الاستراحه اليوم

[عاشق العديد]

حمد استراحتك بارده اعتذر اني بطلع خف الاي سي شوي

[حمد 2002]

منوورين يالربع ..

صباحكم جمعه كلها ونااااسه ..

[لاجل QT]

عيل طلعت واصل

منك هين

صباحكم ورد

[عطر فرنسي]

صباحكم ورد

[محب قطر 64]

صبحكم الله بالخير جميعا
سبحان الله يوم الجمعه هدوء هدوء غير
غير الايام
والبشر غير
وغير البشر كيفك اليوم

[مـراحـب]

صباح الظهر

اذكركم و بنفسي بقراءة سورة الكهف

والاكثار من الصلاه على نبينا محمد صلى الله عليه و يلم

والدعاء بساعة الاستجابة

والصدقه

والاستغفار

ولا تنسون مراااحب من صالح دعوااتكم

[(Sara)]

مساء الايمان وطاعة الرحمن
مسائكم مملوء بطاعة الله تعالى وطاعة الرسول الكريم صل الله عليه وسلم
مساء الخير عليكم جميعا
مساء يحمل معه كل ما هو جميل ويقربكم ويقربنا من الله تعالى بالاعمال الصالحة
مساء الشفاء لكل مريض (حمد وعاشق وغيروو وعطر) وبعد من :telephone:

[حمد 2002]

مساء الايمان وطاعة الرحمن
مسائكم مملوء بطاعة الله تعالى وطاعة الرسول الكريم صل الله عليه وسلم
مساء الخير عليكم جميعا
مساء يحمل معه كل ما هو جميل ويقربكم ويقربنا من الله تعالى بالاعمال الصالحة
مساء الشفاء لكل مريض (حمد وعاشق وغيروو وعطر) وبعد من :telephone:

يسلمؤؤؤ ..

نسيتي لاجل قطر ومراحب ومحب قطر

[حمد 2002]

ولكمم للي كل دخل ..

[حمد 2002]

جمعه ورى جمعه والايام قدام
والعمر ينقص والليالي تزيده

يا الله ياللي بـ أمرك تزين الايام
تجعل حياتنا بالعباده سعيده"

[حمد 2002]

هالله هالله

[حمد 2002]

رائعه هي ااجمعه ذنوب تغفر.. وحاجات تقضى .. وهبات تعطى .. فاسلوا الله من فضله
-- جمعه مباركه للجميع��--"

[حمد 2002]

من سنن الجمعه
ظ،-الإغتسال

ظ¢-التطيب

ظ£-كثرة الدعاء

ظ¤-لبس الجميل

ظ¥-السواك

ظ¦-ساعه الاستجابه

ظ§-قراءة سورة الكهف.

ظ¨-كثرة الصلاة على النبي صلى الله عليه وسلم

[حراير قطر]

مساء الخير

[حمد 2002]

من اقوال الصحابه رضوان الله عليهم اجمعين / اخر ساعه من عصر يوم الجمعه ساعه استجابه بأذن فألتمسوها…

[حمد 2002]

جولدا مائير رئيسة وزراء اسرائيل قالت:
سنخاف من العرب اذا رأيناهم بصلاة الفجر مثل صلاة الجمعه !

[حمد 2002]

ولكم حراير .

[حمد 2002]

„™تعمير القلوب يأتي بذكر الله والصلاه على إمام النبيين.. وصفاء السريرة والثقة بالله والتوكل عليه.....ربنا عمر قلوبنا بالإيمان واصلح لنا سريرتنا واجعلنا من عبادك الحامدين الشاكرين الراضين بما كتبته لنا.. اللهم آمين يا رب العالمين.مساءكم راحة وطمأنينة بأن الله معنا.

[المحاميه]

ماهذا

من قالك اتبطلها :eek5: هااااا

[حمد 2002]

الراجح من اقوال أهل العلم في ساعة الإجابه في يوم الجمعه أنها مابين العصر والمغرب فاكثروا فيه من الدعاء ولاتنسوا اخوانكم في جميع بقاع المسلمين , مسائكم خير"

[حمد 2002]

ماهذا

من قالك اتبطلها :eek5: هااااا

هههه رفيجي قطري :shy:

[حمد 2002]

ولكم المحاميه ..

[حمد 2002]

من اقوال النبي صلى الله عليه وسلم:خير يوم طلعت فيه الشمس يوم الجمعه فيه خلق الله ادم,وفيه ادخل الجنه,وفيه اخرج منها ولا تقوم الا يوم الجمعه."

[حمد 2002]

المحاميه اشرايج انسكر مجالسهم وانخلي الاستراحه ؟ :telephone:

[بصمة قطرية]

السلام عليكم و رحمة الله و بركاته
مساكم الله بالخير
شخبارك حمد ..؟

[حسن]

:)


مساء الخير

[حمد 2002]

هلا هلا باللندنيه بصمه ..

ولكم ..


هلا هلا براعي الزفره بوعلي ..

ولكم ..

[حمد 2002]

مساءكم ونااااسه :shy:

[بصمة قطرية]

هلا حمد و حسن ..
شخباركم ..؟

[حمد 2002]

تمام التمام انا بس بوعلي مادري عنه كخخخخ ..

وانتي شخباارج بصمه وين بترووووحين اليوم

[حسن]

حيالله حمد وبصمه

مساء النور

[حسن]

تعبان اكتب متغدي برنيوش وعيش ابيض
وصالونه هامور وسمك مقلي

مافي رد صوتي

[حمد 2002]

بوعلي تععععال :(

[حسن]

بوعلي تععععال :(

هلاهلا

[بصمة قطرية]

تمام التمام انا بس بوعلي مادري عنه كخخخخ ..

وانتي شخباارج بصمه وين بترووووحين اليوم

الحمدلله بخير ..
أنا في أم عبيرية ..
الليلة عندنا عشا إن شاءالله
العيال مستانسين في البرجة و النطاطية
الله يحفظهم ..

[بصمة قطرية]

عوافي حسن ..

[حسن]

عوافي حسن ..

الله يعافيك يابصمه

عيل مستانسين اليهال

[المحاميه]

هاي :)

[بصمة قطرية]

الله يعافيك يابصمه

عيل مستانسين اليهال

اي الحمدلله ..

http://i.imgur.com/4QYzvKS.jpg

http://i.imgur.com/gCeVqA9.jpg

[المحاميه]

انا مع الاستراحه

والمجالس نطرح فيها اسئله واستفسارات بس ترا مافيها خصوصيه وان دارت بين بنات الا ان فيه رياييل يدخلون ومانقدر ننكر هالشي
فالتذرع بالخصوصيه امر مضحك لانها غير موجوده

[حسن]

اوه فله والله وناسه

هاي

:)

[المحاميه]

وناسه بصمه
تسلمين عالصور

[بصمة قطرية]

هاي المحامية

صدقتي
بالنسبة للخصوصية معدومة
انا مستغربة من سياسة المنتدى
قبل غير والحين غير ..!!!!!!
في مواضيع كثيرة انطرحت قبل و حذفوها
و قالوا تخالف سياسة المنتدى
والحين عادي ..!!

[حسن]

انا توني متسبح في ذالك البحر الواسع الكبير النظيف

وناسه

وصورت تحت البحرفيديو وشلون صدت الهامور

[المحاميه]

جدامي اجانب راقدين عالكراسي ف الكوفي شوب

شسالفتهم ياترا

[المحاميه]

ماحب اسبح لا ف بحر ولا برجه

[المحاميه]

بصمه عادي
كثرت التدقيق ولا ولا تخلي الاعضاء ينسحبون
وتسبب ركود

[حسن]

ماحب اسبح لا ف بحر ولا برجه

خوافه

:tease:

[حسن]

جدامي اجانب راقدين عالكراسي ف الكوفي شوب

شسالفتهم ياترا

وين انتي في مطعم الزرقاء

جالس مع العمال

[المحاميه]

هههه لا اقولك كوفي شوب

[المحاميه]

مب خوافه
تلوع جبدي
ماحب اتوصخ

[حسن]

مب خوافه
تلوع جبدي
ماحب اتوصخ

تلوع جبدك

:eek5:

شاربه خروع

وتتوصخين ليش تسبحين في بالوعه

:eek5:

[بصمة قطرية]

مافي أحلى من البحر
ما أعرف أسبح بس إذا رحنا البحر
تلقيني كله في البحر
متعه وناسه عالم ثاني ..
صج مشتاقة للبحر ..
الله يردهم بالسلامة عشان نروح البحر ..

[غير البشر]

السلام عليكم ورحمه الله وبركاته

شخباركم عساكم طيبين :pioneer:

[(Sara)]

باااااااك

أخباركم واخبار صحتكم ؟؟؟

[غير البشر]

باااااااك

أخباركم واخبار صحتكم ؟؟؟



ولكممممم باااااك

صحتنا منتهيين

الي مصدع والي تسمم والي الم والي مادري شنو هههههههههههه :shy:

[bohilal191]

السلام عليكم ورحمة الله وبركاته

[(Sara)]

ولكممممم باااااك

صحتنا منتهيين

الي مصدع والي تسمم والي الم والي مادري شنو هههههههههههه :shy:

الله يشفيكم يارب :)

[(Sara)]

السلام عليكم ورحمة الله وبركاته

ياهلا والله وعليكم السلام ورحمة الله وبركاته

[بصمة قطرية]

و عليكم السلام للي دخلوا ..


في بيت حولنا جايبين نطاطية
احترقت مطاقي و اسعاف :(
شكل البيت ما فيه حد الجيران يتراكضون
العيال فديتهم خافوا قالو خلاص سكروا النطاطية ما نبيها :(

[المحاميه]

تلوع جبدك

:eek5:

شاربه خروع

وتتوصخين ليش تسبحين في بالوعه

:eek5:

هههههههه

جذي احساسي شاسوي عاد

[المحاميه]

الله يستر عليهم ان شالله مافي اضرار بصمه

:(

[بصمة قطرية]

الله يستر عليهم ان شالله مافي اضرار بصمه

:(

آمين
ان شاءالله مافي اضرار
المطافي طفت النطاطية ..

[المحاميه]

الحمدلله

وشخبار العشا
وشخبار الجميع

[بصمة قطرية]

الحمدلله

وشخبار العشا
وشخبار الجميع
الحمدلله كل شي تمام
ننتظر الضيوف يوصلون ..

[بصمة قطرية]

حياكم :)

http://i.imgur.com/381mOSt.jpg

http://i.imgur.com/4ZRdv5l.jpg

ولدي سحبني يقول لي تعالي شوفي العنز تشرب ماي مسكينه
كاسره خاطره عطشانه خخخخخ

http://i.imgur.com/hoT0oN0.jpg

[رحال]

السلام عليكم ورحمة الله وبركااااتة ..

[وطن]

السلام عليكم

ابي اطلع اتسوق
محد يبي يروح معاي
:weeping:

[رحال]

السلام عليكم

ابي اطلع اتسوق
محد يبي يروح معاي
:weeping:

هلا وطن شخبارك ؟
عاش من شافك

[رهج السنابك]

خذيني وطن

[حراير قطر]

مساء الخير

شخباركم ؟

وطن بكره بنروح انتسوق ههههههه

[وطن]

هلا وطن شخبارك ؟
عاش من شافك
الحمدلله تمام
عاش غاليك

شخبارك


خذيني وطن
انتي تسوقين لان ما أشتهي أسوق



مساء الخير

شخباركم ؟

وطن بكره بنروح انتسوق ههههههه

والله شكلي بخليها لين بكرة
مع اني متملله الحين

خاطري اطلع

[المحاميه]

ش الحل مع الملل ياقماعه

[المحاميه]

هههه وطن توني أفكر أقول الحل الوحيد أني اطلع طلعه طويله عشأن إشرد تعبأنه واحط رأسي والسلام

[المحاميه]

التسوق يغير النفسيه ويطير الراتب. :)

يالله معليه أهم شيء النفسيه

[وطن]

هههه وطن توني أفكر أقول الحل الوحيد أني اطلع طلعه طويله عشأن إشرد تعبأنه واحط رأسي والسلام
شبعانه نوم

راقده يمكن 11
ساعة


التسوق يغير النفسيه ويطير الراتب. :)

يالله معليه أهم شيء النفسيه

الحمدلله
الخير موجود

اهم شي النفسية

هو الصراحة خاطري بتسوق طفاسه

[panda]

السلام عليكم

[وطن]

عليكم السلام يا هلا باندا

[رهج السنابك]

لا وطن مااسوق بس عادي امرج مع الدريول

انزين وين خاطرج نروح

ترا ماعرف الا سوق الجبر خخخخ

[panda]

عليكم السلام يا هلا باندا

هلا وطن الله يحفظفك

تصبحون على خير

[وطن]

لا وطن مااسوق بس عادي امرج مع الدريول

انزين وين خاطرج نروح

ترا ماعرف الا سوق الجبر خخخخ
لا ما اركب مع دريول ما اثق

ابي فيلاجيو صوب الماركات و اللؤلؤة



هلا وطن الله يحفظفك

تصبحون على خير

تو الناس باندا

نوم العوافي

[سعود العمادي]

مساء الخير على الموجودين

[حراير قطر]

مساء النور يا سعود

[وطن]

مساء النور هلا سعود

[سعود العمادي]

هلا والله بحرور شخبارج ؟؟

وين هاي القطاعه >>>> انت الي قاطع هههههههههههههه

[حراير قطر]

هلا والله بحرور شخبارج ؟؟

وين هاي القطاعه >>>> انت الي قاطع هههههههههههههه

انا بخير والحمدلله وانت اخبارك

انت ما تقطع ههههه بس لين ذكرتك بالبورش والجلكسي 5 اس تشرد :tease:

[سعود العمادي]

انا بخير والحمدلله وانت اخبارك

انت ما تقطع ههههه بس لين ذكرتك بالبورش والجلكسي 5 اس تشرد :tease:

دوم ان شاء الله - انا الحمدالله

لا ماشرد انا ههههههههههه البورش الاسود خلص من السوق للاسف انا ادور حاليا ههههههههههههه

الجلكسي يوم ميلادج ههههههههههههه

[حراير قطر]

دوم ان شاء الله - انا الحمدالله

لا ماشرد انا ههههههههههه البورش الاسود خلص من السوق للاسف انا ادور حاليا ههههههههههههه

الجلكسي يوم ميلادج ههههههههههههه

انا راضيه باي لون :tease:

بخصوص يوم ميلادي راح بشهر 1 :weeping:

[سعود العمادي]

انا راضيه باي لون :tease:

بخصوص يوم ميلادي راح بشهر 1 :weeping:

هههههه عيل نطري السنة اليايه >>> باكون متزوج وقتها ههههههههههههههههههه

[حراير قطر]

هههههه عيل نطري السنة اليايه >>> باكون متزوج وقتها ههههههههههههههههههه

هههههههه الله يوفقك

[سعود العمادي]

هههههههه الله يوفقك

هههه ويوفق الجميع ان شاء الله

وبعد شخبار

[حراير قطر]

هههه ويوفق الجميع ان شاء الله

وبعد شخبار

آمين

ابد سلامتك قاعدين ومتمللين

وين الناس اليوم ؟

هالاستراحه تعبانه نفس راعيها ما يندرى شخباره الحين :rolleyes2:

[سعود العمادي]

آمين

ابد سلامتك قاعدين ومتمللين

وين الناس اليوم ؟

هالاستراحه تعبانه نفس راعيها ما يندرى شخباره الحين :rolleyes2:

هههههههههههههههههههه من قلب ملل

مادري هههههههههههههههه

انا والله المنتدى + انستغرام + بلاك بيري من الملل ههههههههههههههههههههههه

[حراير قطر]

نفس الحاله

[سعود العمادي]

نفس الحاله

هههههههههههههههههههه شنسوي بعد هاي الموجود

[حراير قطر]

اي والله

يلا اخليكم وانشوفكم بكره اذا الله راد

لا تنسون قيام الليل وسورة الملك

تصبحون ع خير ...

[سعود العمادي]

اي والله

يلا اخليكم وانشوفكم بكره اذا الله راد

لا تنسون قيام الليل وسورة الملك

تصبحون ع خير ...

في حفظ الله

وانتي من اهل الخير

[وطن]

أنا أسوي أون لاين شوبينغ

[(Sara)]

أنا أسوي أون لاين شوبينغ

اخذي لي معااااج :shy:

[النهار]

اخذي لي معااااج :shy:

:weeping: وانا بعد اي بادي والاي فون 5s نسيتهم في سوق واقف من اسبوع :shy:

[(Sara)]

:weeping: وانا بعد اي بادي والاي فون 5s نسيتهم في سوق واقف من اسبوع :shy:

خلاص انا مابي جيبي لنهار يستاهل كانج اخذتي لي :)

شفتوا شلون انا طيبه كبيرررره كبيررررره يا سارا الله يحفظني فديتني :shy:

[غير البشر]

:looking:

[(Sara)]

:looking:

حيالله جدي غيرووو

[غير البشر]

حيالله جدي غيرووو


هههههههههههه جد مره ثانيه

الله يحييج ويبقيج
شخبارج سارا

[(Sara)]

هههههههههههه جد مره ثانيه

الله يحييج ويبقيج
شخبارج سارا

دامك انت بخير فانا بخير
بس صج ماشاء الله العام مسوين معرض مال لول عند المتحف الاسلاميه
لو كنت مشارك احس انت اللي بتكون افضل قسم احس اغراضكم وايد مختلف

[غير البشر]

دامك انت بخير فانا بخير
بس صج ماشاء الله العام مسوين معرض مال لول عند المتحف الاسلاميه
لو كنت مشارك احس انت اللي بتكون افضل قسم احس اغراضكم وايد مختلف




دووووووم بخير يااارب
والله يا سارا عندنا اشياء كثيره
حاليا قدرت اصور بعضها

وان شاء الله بحاول اصور اشياء ثانيه

[وطن]

اخذي لي معااااج :shy:


:weeping: وانا بعد اي بادي والاي فون 5s نسيتهم في سوق واقف من اسبوع :shy:

هاهاهاهاهاها

[وطن]

غيرووو شخبارك

[مـراحـب]

هلووووو

[رهج السنابك]

<<<< هذه العضوه في حالة صدمة ولا تسألون ليش

[غير البشر]

غيرووو شخبارك


ياهلا ومرحبا وطن
ووين امس مختفيه
بخير الله يسلمج
وانتي شخبارج عساج بخير

[غير البشر]

<<<< هذه العضوه في حالة صدمة ولا تسألون ليش


الا بنسأل ليش
خير شنو صاير :eek5:

[غير البشر]

هلووووو



اهلين مراحب
شخبارج عساج بخير

[المحاميه]

من قاعد يكش ذبان

[النهار]

محد كل الناس الحين سليب

[الوسيط العقاري]

:tease:

[رحال]

السلام عليكم ورحمة الله وبركااااته ..

[النهار]

صبحكم الله بالخير والسعاد صبحاكم كرك وجباتي

[حمد 2002]

ويييينكم خامدين =رااااقدين ؟

[رهج السنابك]

<< لازالت مصدومه

[رحال]

<< لازالت مصدومه

من أيش ياترى ؟

[وطن]

<< لازالت مصدومه

شفيج بسم الله عليج




السلام عليكم جميعا

[مـراحـب]

مسااا الخيررر

[رهج السنابك]

لو تكلمت بروح ورى الشمس

[الحياة الخالدة]

و عليكم السلام و رحمة الله و بركاته

الارستقراطية .. لا تتكلمين .. اكتبي :secret:

[imation]

لو تكلمت بروح ورى الشمس


,

انزين تكلمي ,

وخل يودونك المريخ اقرب


,

[المحاميه]

مساء النور

شو الاخبار

شهببتوا؟

[الحياة الخالدة]

مساء الورد المحامية
ما هببنا شي .. حتى الآن

[المحاميه]

اهلين الحياه

ملل صح


وباجر دوام

اوف
استغفرالله

[رهج السنابك]

ها اهبب؟؟؟

[المحاميه]

شنو

قولي

سرج ف بير

[بومحمد المطاوعه]

السلام عليكم ورحمه الله وبركاته

[الحياة الخالدة]

اهلين الحياه

ملل صح


وباجر دوام

اوف
استغفرالله

إي و الله ملل

[الحياة الخالدة]

و عليكم السلام و رحمة الله و بركاته يا بومحمد

[بومحمد المطاوعه]

شخبارج اختي الحياة

[المحاميه]

وعليكم السلام

اهم شي الاعصاب
كيف الحال

[الحياة الخالدة]

شخبارج اختي الحياة

الحمد لله رب العالمين .. بصحة و عافية و خير من الله

[المحاميه]

فالصالون انطر دوري

[بصمة قطرية]

السلام عليكم و رحمة الله و بركاته
شخباركم ..؟


يا جماعه يا ليت تفيدوني
أبي مفسر أحلام ضروري
أبي شخص ثقة ..
حلمانة حلم غريب عن وحدة من قرايبي ..

[لاجل QT]

مساء الخير

تونى قاعدة من النوم من فترة ماقيلت راسي ويهي معتفسين ياكافي الشر

المراد

اشفيها الاستراحة جذي صايدها تصحر

وين العرب

[بصمة قطرية]

هلا نونه
شخبارج .؟
انا في الطريق للبيت
هالويكيند قضيناه في ام عبيرية ..

حزينة بوفاة ولد جيراننا الله يرحمه ..

[النهار]

مساء الخير

تونى قاعدة من النوم من فترة ماقيلت راسي ويهي معتفسين ياكافي الشر

المراد

اشفيها الاستراحة جذي صايدها تصحر

وين العرب

هههههههههههههههههههههههههههههههه
راعيها بعد مانزل الاستراحه نزل 4 مواضيع و3 استفسارات

[بومحمد المطاوعه]

السلام عليكم و رحمة الله و بركاته
شخباركم ..؟


يا جماعه يا ليت تفيدوني
أبي مفسر أحلام ضروري
أبي شخص ثقة ..
حلمانة حلم غريب عن وحدة من قرايبي ..

وعليكم السلام
الحمدلله

شخبارج اختي

[بصمة قطرية]

وعليكم السلام
الحمدلله

شخبارج اختي

الحمدلله بخير ..

[بومحمد المطاوعه]

الحمد لله رب العالمين .. بصحة و عافية و خير من الله

دوم ان شاءالله

[بومحمد المطاوعه]

مساء الخير

تونى قاعدة من النوم من فترة ماقيلت راسي ويهي معتفسين ياكافي الشر

المراد

اشفيها الاستراحة جذي صايدها تصحر

وين العرب

مساءالنور

رقاااد اهل الكهف

خخخخخ

[لاجل QT]

هلا نونه
شخبارج .؟
انا في الطريق للبيت
هالويكيند قضيناه في ام عبيرية ..

حزينة بوفاة ولد جيراننا الله يرحمه ..

هلا حبيبتى بصمة بخير الحمدالله

اشلونج واشلون الشاب عيالج

زين وسعتو صدوركم في ام عبيرية

والله يرحم ولد جيرانكم ويصبرهم عظم الله اجرج واجرهم


هههههههههههههههههههههههههههههههه
راعيها بعد مانزل الاستراحه نزل 4 مواضيع و3 استفسارات

ههههههههههه

الله يقطع ابليسة حمد من الزهق عيزنا واحنا نقولة عرس يبا

هالنتيجة



وعليكم السلام
الحمدلله

شخبارج اختي

ورا ه ماتسلم يمك

[المحاميه]

يبيلنا نرقي المنتدى omen

[المحاميه]

الله يرحمه ويصبر اهله

لا للنطاطيات

[لاجل QT]

مساءالنور

رقاااد اهل الكهف

خخخخخ


ههههههه

اشدراني

قاعدة المزاج معتفس

[رحال]

يبيلنا نرقي المنتدى omen

شكلك في الصالون ومتملله ..
عندك المجلات القديمة اللي على الطاولة لو أخبارها قديمة تسلي فيهم

[المحاميه]

شكلك في الصالون ومتملله ..
عندك المجلات القديمة اللي على الطاولة لو أخبارها قديمة تسلي فيهم

اشدراك بسوالف المجلات :eek5:

بعدين المجلات اندثرت مال اول
الحين نت و بي بي
والمتملل يتابع مسلسل ولا فلم فالتلفزيون

[حراير قطر]

مساء الخير

اخباركم ؟

[النهار]

شكلك في الصالون ومتملله ..
عندك المجلات القديمة اللي على الطاولة لو أخبارها قديمة تسلي فيهم

رحال هي داشه صالون نسائي مهب صالون بنغالي هههههههههههههههههههههه

[المحاميه]

الناس بتيمع بين 9 ونص و 10

[المحاميه]

رحال هي داشه صالون نسائي مهب صالون بنغالي هههههههههههههههههههههه

بس هو شعرفه بسوالفنا؟

النهار وضعك مب مضبوط
كلش مب اوكي
شفيك؟

[النهار]

مساء النور حراير اشلونج مادري اليوم ملل وزهق
الواحد ماوده يطلع ولا يقعد في البيت

[المحاميه]

وين راعي الاستراحه تعبت وانا اوجب

[المحاميه]

مساء النور حراير اشلونج مادري اليوم ملل وزهق
الواحد ماوده يطلع ولا يقعد في البيت

اها عشان هيك وضعك مش مستقر
لاحظت :nice:

[لاجل QT]

مساء الخير

اخباركم ؟

مساء الورد اسفرت وانورت


الناس بتيمع بين 9 ونص و 10

بك

مهب حولكم انا بارد انام الحين

[حراير قطر]

مساء النور حراير اشلونج مادري اليوم ملل وزهق
الواحد ماوده يطلع ولا يقعد في البيت

مساء النور انا بخير

والله انك صادق ومع هالجو الحلو الواحد يقعد بمكانه

طلعت اشوي رحت اشتري شنطه لولدي ورجعت :rolleyes2:

[لاجل QT]

مساء النور حراير اشلونج مادري اليوم ملل وزهق
الواحد ماوده يطلع ولا يقعد في البيت

اي والله

ودك الواحد يحصل نفسة طاير في الهوا

[النهار]

بس هو شعرفه بسوالفنا؟

النهار وضعك مب مضبوط
كلش مب اوكي
شفيك؟

بالصعيدي زهجان اوي مش عارف ليه وزهجان من الطلعه وزهجان من البيت ياترى ايش الحل
مالي الا اروح عند الحلاق اقراء المجلات البايته ههههههههههههههههه

[حراير قطر]

ومساج يا نونه منوره بوجودج

[حراير قطر]

بالصعيدي زهجان اوي مش عارف ليه وزهجان من الطلعه وزهجان من البيت ياترى ايش الحل
مالي الا اروح عند الحلاق اقراء المجلات البايته ههههههههههههههههه

ههههههه يلا قوموا صلاه

وبرجع لكم بعد ما اشيك ع العشاء

[بصمة قطرية]

هلا حبيبتى بصمة بخير الحمدالله

اشلونج واشلون الشاب عيالج

زين وسعتو صدوركم في ام عبيرية

والله يرحم ولد جيرانكم ويصبرهم عظم الله اجرج واجرهم



ههههههههههه

الله يقطع ابليسة حمد من الزهق عيزنا واحنا نقولة عرس يبا

هالنتيجة


ورا ه ماتسلم يمك

آمين يااارب ..
الحمدلله فديتج ..
غيرنا جو استانسنا
العيال طول وقتهم في البرجة
أقول لهم الماي تملل منكم ..

الله يرحمه ويصبر اهله

لا للنطاطيات

آمين يارب ،،
النطاطيات خطرة والله ..
بالذات العالية وايد ،،
اخبر واحد من سنتين تقريباً يلعب مع عياله
اعتقد انبطت النطاطية و هو فوق
طاح على راسه لين اليوم غيبوبة ..

[بصمة قطرية]

مرحبا للي دخلوا
عيزانه اذكر اسمائكم ..

نعسااااااانه

[@north_star@]

وحدة اتصلت على البنك تستفسر عن رصيدها :telephone: قالها الموظف وش اخر عملية قمتي بها ؟؟!!! :omen2:
قالت ولادة :tease::rolleyes2: .....
يقولون الموظف قدم استقالته وجاه فتاق من كثر الضحك

[@north_star@]

نسيت اقول مساكم الله بالخير

[بصمة قطرية]

مساء النور ..


نفس اللي اتصلت على كيوتل تقول للموظف
الواير لس ما يشبك مب شغال
قال لها كم ليت والع عندج ..؟
قال له ليت الصاله و المطبخ ..

[النهار]

مساء النور ..


نفس اللي اتصلت على كيوتل تقول للموظف
الواير لس ما يشبك مب شغال
قال لها كم ليت والع عندج ..؟
قال له ليت الصاله و المطبخ ..

كخ كخ كخ وهي صادقه ههههههههههههههههههههههههههههههه
يقولون الموظف جاته جلطه ومات

[بومحمد المطاوعه]

ههههههه

اشدراني

قاعدة المزاج معتفس

الله يعينج

السبت لازم جذي

انا متملل طلعت فالكورفت والحين رجعت بطلع فالجمس خخخ من الملل

[بصمة قطرية]

كخ كخ كخ وهي صادقه ههههههههههههههههههههههههههههههه
يقولون الموظف جاته جلطه ومات

خخخخخخخخخ
مقفلة
أحاول أقاوم مب قادرة ..
المشكلة مب حزة رقاد ..
أبي أصحصح

[المحاميه]

النهار يالعتيج انا ارويك

[المحاميه]

خخخخخخخخخ
مقفلة
أحاول أقاوم مب قادرة ..
المشكلة مب حزة رقاد ..
أبي أصحصح

مالج الا بلاك كوفي

[لاجل QT]

الله يعينج

السبت لازم جذي

انا متملل طلعت فالكورفت والحين رجعت بطلع فالجمس خخخ من الملل

ههههههههههه

انا قعدت اشوف مرة ثانية فلم لاتراجع ولا استسلام ابي اعدل المود

يضحك الله يقطع ابليسة

[رحال]

بس هو شعرفه بسوالفنا؟

النهار وضعك مب مضبوط
كلش مب اوكي
شفيك؟

بالله عليك الصالونات والحلاليق شعندهم غير المجلات مالت 3 سنوات
أي والله شعرفه .. ليش آنه عايش في جزيرة الوقواااق ؟

[الحياة الخالدة]

جزيرة الوقواق .. شسمها بالانجليزي ؟؟

[المحاميه]

هههه شدراني تفاجأت
توني ادري عندكم مثالنا هههه

[رحال]

جزيرة الوقواق .. شسمها بالانجليزي ؟؟

تريكوااااااز ..

الحياة شخبارك ؟ وين ماتطلعين الا بالأستراحة ؟

[الحياة الخالدة]

ما شاء الله بلبل في الانجليزي :nice:

الحمد لله أخباري تمام .. شسوي أبي أستريح في الاستراحة

[النهار]

النهار يالعتيج انا ارويك

ليش ايش سويت :weeping:

[المحاميه]

ليش ايش سويت :weeping:

تقط علي نقزات

[النهار]

تقط علي نقزات

الله اكبر متى قطيت نغزات محاميه وتكتب غلط نغزات مهب نقزات هههههههه:eek5:

[رحال]

ما شاء الله بلبل في الانجليزي :nice:

الحمد لله أخباري تمام .. شسوي أبي أستريح في الاستراحة

طلبوني مترجم فوري بالجزيرة الأنجليش ..

[الحياة الخالدة]

طلبوني مترجم فوري بالجزيرة الأنجليش ..

روح لا تتردد .. بس أهم شي يصرفون لك كامري جديدة

[بومحمد المطاوعه]

ههههههههههه

انا قعدت اشوف مرة ثانية فلم لاتراجع ولا استسلام ابي اعدل المود

يضحك الله يقطع ابليسة

خخخخخخخ

ملل بالقوو

[المحاميه]

خلاص لحد يزعل

باقوه :secret: من القائل

[النهار]

خلاص لحد يزعل

باقوه :secret: من القائل

مافهمتا :eek5:

[النهار]

خخخخخخخ

ملل بالقوو

والله بومحمد ملل اليوم مهب طبيعي
اليوم الصبح عند مطعم بيروت سودانيه جايه تشتري فووووووووووول وانا واقف اخذ الطلبيه ادعمتني
هذي ثاني مره تدعمني سودانيه ههههههههههههههه

[غير البشر]

مساكم الله بالخير جميعا

شخباكم عساكم بخير