ايش يخلي البنت تقول ياليتني ولد

[زورق]

1- عندما تكون جاهزة و مستعدة للخروج و لم تجد من يوصلها لا سواق والأخوان مشغولين عندها تسمعها تقول
( يــا ريتني ولــد )

2- وأحيانا تعزم صديقاتها وتقول لهم بكل الفخر العشا علي ...لا ومن وين من احـــسن مطــعم. تتصل باخوانها فتجد
واحد مقفل جواله !!
والثاني بالبر مايوصل له الارسال !!
والثالث نايم بالملحق ولا في امل يصحى !!
والرابع بالغرفة ...وقافل على نفسه الباب ...ويقول لا احد يزعجني !!
والعشا يتفركش
والاعذار تتسكت بوجبات( بتوصيل منزلي) من بيتزا هت
واول مايطلعون تسمع صرخة بالحوش
( يـا ريتني ولـد )

3- ولما تكونين جالسة على النت و تريدين الدخول على موقعك المفضل و فجاة تجد اخوها واقف امامها
يقول قفلي النت ليـــــــش
بس بكيفي ....وثاني مرة لا عاد تشبكينه فاهمة !!!!اوكي
وليـــه معد أشبكه؟!!!!



اولا أصرف ....ثانيا بنت ....ثالثا وشوله تشبكينه ...وش الفايدة...؟؟؟؟ماله داعي
!!!!
عطيني لاب توبك بفتشه احس فيه شئ.
( يــآآ ليتـنـــــــي ولــد )
اكيد هناك العديد من المواقف التى تدفع الفتاة الى قول هذه العبارة
و ما ذكرناه سابقا ليس الا امثلة بسيطة

[بانغ بانغ]

موضوع ماله معنى الشيخ
يمكن بقصد القهر بس والمزح

[نتفـه]

اي والله .. يا كثر ما الوحده تحس انها لو ولد احسن لها .. والاسباب عديده ومنها ما تم ذكره وما لم يتم ذكره .. ومالي بارض ازيد الجيله ههههههه

[Ţĥę őήę]

اذا بقول ياليتني ريال مب عشان طلعات وتوصيل
عشان اقدر أشيل مسؤولية البيت وما نحتاج للغريب يخلص أمورنا

[رهج السنابك]

اذا بخاطري اغير جو واحايل اخواني يودوني ومافي امل منهم اقول ياليتني ولد

[بوحارب]

فيه حد من الشباب يقول يا ليتني بنت ;)؟؟

ماظن !

[دايموند]

لان المجتممع مجتمع ذكوري

وللرجل صلاحيات اكثر من المرأه
عشان جذي تقول البنت ياليتني

والولد مايقولها لان عارف ان المرأة لها حدود بعكسه

[بصمة قطرية]

اذا بقول ياليتني ريال مب عشان طلعات وتوصيل
عشان اقدر أشيل مسؤولية البيت وما نحتاج للغريب يخلص أمورنا

عجبني هالرد ..

[چواهر]

هذه أمور غير مهمة وضرورية حتى أتمنى من أجلها أكون ولد "
وإذا لم أخطأ ولم أفعل شيء يخجل فاليراقب اللابتوب .. " |لا تبوق ولا تخاف|