افيدوني دراسه اللغه في بريطانيا

[دانوو]

السلام عليكم ورحمه الله

اخوكم خريج ثانوية 2013

والحمدلله قدرت اجمع لي كم ريال طول فتره الدراسه لليوم هذا

حاب استفسر منكم عن دراسه اللغه في بريطانيا

ميزانيتي 40000 الف تكفي ولا لا ؟

مع العلم اني اذا بروح ان شاء الله بسكن مع عائله ومادري كم مصاريف السكن

وشلون الحياه هناك والمعاهد مستواها زين ولا نفس البرتش اللي في السد ؟؟

وال40000 هل تكفي الدراسه لمده 6 شهور ؟؟

وانا الانجليزي عندي جيد تقديريا اعطي نفسي [4/10] يعني اقدر امشي

ياريت تفيدوني لآني محتار واحس من 40000 شوي بس احاول اقنع نفسي

[ذكي جدااا]

طبعا اول شي اخي الكريم لازم تكون أوراقك رسميه. بمعنى اذا رحت هناك لازم تطلع فيزة طالب لمدة ست شهور لان في ناس كثير يروحون بفيزة سياحيه فيتعرضون لمشاكل منها مثلا ترفض المعاهد استقبالك والتسجيل بها اذا شافوا فيزتك سياحيه. بس حبيت انوه عن الشي هذا. لو رجعنا لسؤالك انا كنت ادرس بشمال بريطانيا السكن كان يكلفني 350 باوند بالشهر مع عائله يعتمد من مدينه الى مدينه المواصلات بالباص رخيصه تطلع بطاقه شهريه ب 50 باوند تستخدم الباصات مجانا لمده شهر بالنسبه للغسيل والكي بالعاده العائله تقوم بالشي هذا تأكد ان المبلغ شامل او ممكن تزيدهم شوي مقابل الكي والملابس. طبعا عندك رسوم المعهد حق ست شهور بالعاده راح يكلفك تقريبا مش متأكد 4000 باوند. وفي بعض المعاهد تقترح عليك السكن مع بعض العوائل اللي يتعاملون معهم. والأسعار تختلف من مدينه الى مدينه اكيد لندن أغلى من غيرها. لوحسبت الحسبه بتكتشف انك بحاجه لزيادة المبلغ. الا اذا بتقصر مدة الاقامه

[ka2ka2]

صعبة 40 الف في بريطانية ست اشهر ..لكن انصحك بأمريكا معهد رخيص رابط هنــــــــــا (http://www.solex.edu/ar/)
وخل المعهد هو الي يدبر لك السكن مع عائلة اسعاره تقريبا 650 دولار وانت طالع في الشهر ..

[alsoq]

ابشر لو تبي اعطيك رقم ولد اخوي هو يدرس هناك اول شي راح على حسابة وبعدين تحول على الدوله
وبيفيدك ان شاء الله لو تبي رقمه حاضر