اباء مايمسكون اطفالهم عند الغلط !!

[حمد 2002]

السلام عليكم ..

جمعه مباركه على الجميع ان شاء الله ..

فالكم التوفيق ..

الموضوع يحمل العنوان التالي

اباء ما يمسكون اطفالهم عند الغلط !!

انا لاحظت بان الكثير من الاباء مايمسكون اطفالهم عند الغلط .. على سبيل المثال لما كنت بالمستشفى اطفال يناقزون ويصارخون ويركضون بالمستشفى وابائهم يضحكون واعصابهم بارده ..

ونفس الشيء لما كنت بالمطار ..

المشكله ماعندي صلاحيه اهاوش اولاد الناس او اضربهم !! لاني ماضمن ردت افعال ابائهم .. وللاسف اخوانا الاجانب والمقيمين هم الاكثر الي يتصرفون هالتصرفات !! ..

مع فائق تحياتي ..

[بصمة قطرية]

وعليكم السلام والرحمة

أول شي بخصوص التهنئة بيوم الجمعة لا يجوز
بدعه و كل بدعة ظلالة ..

و بالنسبة لموضوعك
كلامك صحيح صادفني هالشي في أماكن كثيرة
بعض الآباء و الأمهات فيهم برود غير طبيعي
و لا مبالاة ..
يعني مثلاً يكون في مستشفى عندهم حد مرقد
و عيالهم حاشرين المكان و هو عادي عندهم
تقول في بيتهم مش في مستشفى ..

[رهج السنابك]

لو عندي عيال بخليهم يناقزون ويراكضون في اي مكان يبونه دام عارفه انهم لا بيأذون الناس ولا بيدمرون شي

اسلوب مسك العيال والتحكير لهم يخليهم يخافون من المجتمع

خلهم يلعبون دام ما اذوك بشي

وانت تقول الاجانب اكثر شي
شوف الاجانب وشوف ربعك منو عياله شخصياتهم سليمه وثقتهم كبيره بنفسهم

ربعنا حتى كاميرا التلفزيون يشردون ويغطون وجيهم
نطلب منهم يوقفون يعرضون برزينتشن شردوا من الخوف وقل الثقه


هذا كله من التربيه الغلط

[بصمة قطرية]

لو عندي عيال بخليهم يناقزون ويراكضون في اي مكان يبونه دام عارفه انهم لا بيأذون الناس ولا بيدمرون شي

اسلوب مسك العيال والتحكير لهم يخليهم يخافون من المجتمع

خلهم يلعبون دام ما اذوك بشي

وانت تقول الاجانب اكثر شي
شوف الاجانب وشوف ربعك منو عياله شخصياتهم سليمه وثقتهم كبيره بنفسهم

ربعنا حتى كاميرا التلفزيون يشردون ويغطون وجيهم
نطلب منهم يوقفون يعرضون برزينتشن شردوا من الخوف وقل الثقه


هذا كله من التربيه الغلط

أنا مع حمد في أهالي مب مفتكرين
عيالهم يزعجون الكل ..
مب القصد اللي يتحركون بدون صراخ
البلا من اللي يشوف عياله مزعجين
و في مكان غلط و لا يوفقهم ..

[حسن]

قل تربيه

انا لاحظت هل الشي وخصوا عيال الخدمات
فوضويين بشكل لايطاق

[چواهر]

" صدقت " وصادف كنت خارج المنزل وإضطررت أن أصلي المغرب في المسجد ولم أستطع أن أصلي بتركيز بسبب شقاوة الأطفال ولم يصدر من أمهاتهم أي زجر لهم "

[تغلبية]

فيه ياهل يتحرك ويلعب حركة طبيعية .. ياهل ما نقدر نحكره ..

لكن اللي يستعرض ويخرب ويتسدح ويصيح ويكسر ويجر عقال ابوه ويجر نقاب امه... وابي ذيه وابي ذاك وهم حافينه حوف ..

بدون مايكون لهم أي ردة فعل لاحترامهم أو على الاقل احترام المكان العام اللي هم فيه .....

مادري يعني هم عندهم هالشي حلو وخل الولد يستانس وخلق الله يتأذون ؟؟!

يرفعون ضغطي

[سهم ماينزل]

وعليكم السلام والرحمة

أول شي بخصوص التهنئة بيوم الجمعة لا يجوز
بدعه و كل بدعة ظلالة ..

و بالنسبة لموضوعك
كلامك صحيح صادفني هالشي في أماكن كثيرة
بعض الآباء و الأمهات فيهم برود غير طبيعي
و لا مبالاة ..
يعني مثلاً يكون في مستشفى عندهم حد مرقد
و عيالهم حاشرين المكان و هو عادي عندهم
تقول في بيتهم مش في مستشفى ..


كلام صحيح واعجبني

[R 7 A L]

هذولاء ينتظرون الناس تربي عيالهم

[مختلفة عقليا]

السلام عليكم .,

خل يركضون اطفال .,

لو ما اذوا حد ., خلهم .,

احترم تربيه الاهل اللي يحبون اعيالهم اكثر من حبهم لبرستيجهم .,

ويسلموو .,

[النهار]

قل تربيه

انا لاحظت هل الشي وخصوا عيال الخدمات
فوضويين بشكل لايطاق

جبتها صح يالذيب عيال الخدمات

[سعود العمادي]

السلام عليكم

هاذي مشكلة موجودة بكثرة الصراحهـ

خاصه فالمستشفيات او اماكن الدوامات ( المراجعين )

يخلي ولده كنه يقوله روح كسر سو الي تبيه ؟؟؟

ياحبيبي في احترام للموجودين وذوق

ومثل ماقال الجميع هذا قلة تربيه ووعي للولد

ان يعرف الصح من الغلط

[طبيب قطري]

قل تربيه

انا لاحظت هل الشي وخصوا عيال الخدمات
فوضويين بشكل لايطاق

ههههه حلوه عجبتني عيال الخدامات :nice:

[يمامـة]

تدري يا حمد

سم ضروسي اشوف ياهل يستعبط جدامي في اماكن عامة،،
فمن جذيه كنت استخدم اصابعي الذهبية في تقرص عيالي علشان يلتزمون اماكنهم
في الأماكان العامة والخاصة الا اذا كانوا يلعبون ( في الاماكن المخصصة للعب، مثل البيت والحوش)

ولا اذكر دخلنا مطعم ولقيتهم يقومون من اماكنهم او يستعبطون عاد انهم
يلعبون ويتغشمرون..

وايد قالوا عني قاسية،، لكن بصراحة اشوف ان التربية حلوة وان كانت قاسية

لأن تصرفات الأطفال في الأماكن العامة بوجود اولياء امورهم تقول لي
الحمدلله على القسوة.

[بصمة قطرية]

تدري يا حمد

سم ضروسي اشوف ياهل يستعبط جدامي في اماكن عامة،،
فمن جذيه كنت استخدم اصابعي الذهبية في تقرص عيالي علشان يلتزمون اماكنهم
في الأماكان العامة والخاصة الا اذا كانوا يلعبون ( في الاماكن المخصصة للعب، مثل البيت والحوش)

ولا اذكر دخلنا مطعم ولقيتهم يقومون من اماكنهم او يستعبطون عاد انهم
يلعبون ويتغشمرون..

وايد قالوا عني قاسية،، لكن بصراحة اشوف ان التربية حلوة وان كانت قاسية

لأن تصرفات الأطفال في الأماكن العامة بوجود اولياء امورهم تقول لي
الحمدلله على القسوة.

تصدقين يمامة
يوم كنت في لندن ولدي كان يلعب مرات في الباص
في مكانه و يسولف والله ما كان صوته عالي
بس أنا ما أحب الولد يكون ملفت سواء بصوته و لا حركاته
كنت أهدده بالنظرات و لا أفرصه عشان ما يلاحظون الأجانب
أقول له إذا شافوني أهاوشك و لا أضربك بياخذونك عني
و ما بيخلوني أشوفك خلاص ..
خاف فديته ..
في المقابل
اللي إنصدمت منه
عيالهم يسوون حفلة و عيالنا يطالعونهم مستغربين ..!!
عيال الأجانب مزعجييين و إحنا اللي نقول عيالهم مؤدبين و هاديين
والله إنهم أباليس و هالشي شفته كثير في آخر سفرة ..
عيالنا ملائكة بالنسبة لهم ..

[حبر وقرطاس]

في اماكن لازم نسوي فيها كنترول عالعيال مثل المستشفيات وزياره مريض او اسواق مزدحمه وسيارات .وفي اماكن خلهم مفتلتين لين ينطبون مكانهم من التعب مثل الحدائق والشواطئ في الشاليهات. وبخصوص الجراه والثقه بالنفس هذي تجي من طريقه تعامل الام والاب بشمل عميق مع الابن والابنه .لكل وقت اذان ولكل مقام مقال. تحياتي

[الدمعه]

والله صح كلامكم ،، في ناس اشوفهم في العيادات جايبين الصغار للعياده ومعاهم شيبس وحلويات ،،، وهات ياتنثر وتنطر بالاكل والام عادي ولا كنها تطالع ،،، عاجبها الوضع ،،، انزين بالاساس هم جايين مرضى اللي يكح واللي مزكم ليش ياكل حلاوه وشيبس ،،، شهالاهمال ،،، والا بالمحلات يقصصون الاسعار من عالملابس ،،، او في محلات الاثاث فاصخين كرمكم الله نعلهم وتنقز فوق السرير عبالهم نطاطيه ،،، والاهل فرحانيين بعيالهم ،،، وينهم ووين التربيه ،،، شاقين القاع وقايلين امباع ،،، واحنا تفرص في عيالنا عشان مايزعجون احد ،،، اعوذ بالله من هالاهل

[بوخالد911]

ونفس الشي بالمساجد
اللي تحولت ملعب للركض والمسابق!!!

[يمامـة]

ونفس الشي بالمساجد
اللي تحولت ملعب للركض والمسابق!!!

اهنيه المصيبة..

يقولون لك خلوه يلعب في المسجد علشان يتعلم الصلاة..

[يمامـة]

تصدقين يمامة
يوم كنت في لندن ولدي كان يلعب مرات في الباص
في مكانه و يسولف والله ما كان صوته عالي
بس أنا ما أحب الولد يكون ملفت سواء بصوته و لا حركاته
كنت أهدده بالنظرات و لا أفرصه عشان ما يلاحظون الأجانب
أقول له إذا شافوني أهاوشك و لا أضربك بياخذونك عني
و ما بيخلوني أشوفك خلاص ..
خاف فديته ..
في المقابل
اللي إنصدمت منه
عيالهم يسوون حفلة و عيالنا يطالعونهم مستغربين ..!!
عيال الأجانب مزعجييين و إحنا اللي نقول عيالهم مؤدبين و هاديين
والله إنهم أباليس و هالشي شفته كثير في آخر سفرة ..
عيالنا ملائكة بالنسبة لهم ..

الاساس هي التربية..

مرة كنا مسافرين وفي الطيارة جدامنا اثنين من الشباب القطريين
وكانوا عيالي الكبار معاي ،، ما كنت منتبهة لهم انهم حاطين ريولهم
على ظهور كراسي الشباب ويدزون،، لين سمعت واحد فيهم يقول
والله لو عيالي كان كفختهم.. اهنيه رفعت راسي لقيته ينتقد عيالي..

اليوم احس من حقه ينتقد،، لأن غلط نترك عيالنا يتسببون في التضييق على الآخرين
فهو المسكين ما ركب الطيارة علشان عيالي يهزون له ظهر الكرسي!!

فمن جذيه من حق الناس ان نضبط عيالنا،، فعودة لعيال الأجانب
اللي يراعي التربية بتلقين عياله هاديين وساكتين ويحترمون حقوق الناس.