قطر تنفذ مركز تسوق على مساحة 50 ملعبا لجمهور المونديال......

[مستثمر رشيد]

http://alarab.qa/new/upload_ar/articles/images/large_1399149633.jpg


بدأت الدوحة تنفيذ أكبر مركز تسوق في الدولة على مساحة تعادل مساحة 50 ملعب كرة قدم، لخدمة جمهور بطولة كأس العالم لكرة القدم في عام 2022، ومن المتوقع أن يستقبل 20 مليون متسوق سنويا.



وقالت شركة "أورباكون للتجارة والمقاولات" والتي تقوم بإنشاء وتطوير وتصميم مشروع "قطر مول"، أن "المول سيكون مركز التسوق الرئيسي لجمهور كأس العالم كونه يقع بجوار الاستاد الرئيس الذي ستجري فيه منافسات مونديال عام 2022 في الدوحة".



وذكرت في بيان اليوم أن المول يقام في منطقة نادي الريان الرياضي، ومن المقرر الانتهاء من الاعمال الانشائية في المشروع وافتتاحه في الربع الثالث من العام المقبل.
وقال معتز الخياط، رئيس مجلس إدارة شركة "أورباكون"، إن المول سيكون مركزا كبيرا للتسوق ليجذب السياح والمقيمين بقطر، فضلا عن الجمهور الذي سيحضر مباريات كأس العالم، وسيضم أكثر من 400 متجر، ومنصات للماركات العالمية، وفندق فخم (خمس نجوم) ومراكز التسلية وتذوق الطعام.



وأضاف "سيضم المول مركزا للسينما يضم 19 شاشة، من ضمنها أول شاشة ليزر بقطر، و 6 شاشات للشخصيات الهامة، وأكثر من ثلاثة آلاف مقعد لصالات العرض السينمائي، وعشر ممرات لأزقة لعبة البولينج".



وسيغطي المول، الذي سيوفر 7 آلاف مكان لتوقف السيارات، مساحة 195 ألف متر مربع من المنطقة القابلة للتأجير وسيكون أكبر مول في قطر عند افتتاحه، مشيرا إلى أن "قطر مول" يقع على مساحة تعادل خمسين ملعب كرة قدم وفق معايير الفيفا.



ولفت الخياط إلى أن شعار استضافة مونديال 2022 سيبرز في تصميم قطر مول الذي سيتصل بمحطة مترو خاصة مما يتيح سهولة الوصول إليه، متوقعا أن يزور المول سنويا 20 مليون شخص.



وأكد الخياط أن المول سيكون أحد أفخم المولات في منطقة الشرق الأوسط، وسيكون معلما سياحيا بارزا في قطر والمنطقة، ويوفر خدمة التسوق والترفيه في نفس الوقت فضلا عن خدمات المطاعم والمقاهي.



وأشار إلى أن شركة "أورباكون"، التي تتولى تنفيذ المشروع، قامت بتشغيل 5 مصانع في موقع البناء لتتمكن من توفير المواد اللازمة ليفتح المول أبوابه في الموعد المحدد خلال العام المقبل.

[دايموند]

معقوله السنه اليايه ؟!!!
ننطر ونشوف

[دايموند]

الي حز بخاطري ان هدف انشاء المول مش لعيونا !!!
بركات مونديال 2022 !!

[عضو المنتدى]

ماشاء الله ، وفتتاحة في الربع الثالث بالعام المقبل .

المسؤولين عندنا اذا بغوا شي يسوونه بيخلصونه بسرعه ،

احنا صار لنا أكثر من عشر سنوات نشتكى من قله المحلات التجارية والاراضي الصناعية .... الخ ،

ولا حصلنا نتيجة ،

[رجل الجزيرة]

مستحيل السنة الجاية ولا السنة إلي بعدها يمكن في 2017 أو 2018

ولا حتى المارد الأزرق يبنيه.

[دايموند]

رجل الجزيره لا عادي مب مستحيل تدري ليش ؟ههههه

بيبنون اي كلام وبيقولون يلا حمدوا ريكم عندكم مول ههههه

[رجل الجزيرة]

رجل الجزيره لا عادي مب مستحيل تدري ليش ؟ههههه

بيبنون اي كلام وبيقولون يلا حمدوا ريكم عندكم مول ههههه

المساحة 50 ملعب كرة قدم، مستحيل ومليون مستحيل.

[دايموند]

بيفتحون ملعب واحد بس كافتتاح جزئي والباقي لين 2022 ههه

ثانيا اول مره ادري ان عندنا وحده قياس بالمتر تسمى ملعب !!

[imation]

,



إذا عُرف السبب بطل العجب !!!!!!!





,

[رهج السنابك]

امبلا يقدرون
اي شي تجاري جك بوم بسرعه يخلص

اما لو خدمي انطر يا غزال لين يجيك الربيع

[imation]

بيفتحون ملعب واحد بس كافتتاح جزئي والباقي لين 2022 ههه

ثانيا اول مره ادري ان عندنا وحده قياس بالمتر تسمى ملعب !!



,


وحده قياس الفقارى = فوت

وحدة قياس الهوامير = ملعب



,

[.. الكاش ..]

ليش مانقول انه بيخلص في موعده وبمواصفات ممتازه لازم نعطي الثقه للجماعه طبعن الانسان يتعلم من الاخطلء السابقه في المشاريع بس مثل هذا المشروع تبع الدوله مب ملك شخص لحاله مثل المجمعات الموجوده اذا حب يشطب شي وتجاري محد بيلومه ملكه الخاص لكن اذا شي حق الدوله الوضع بيتغير وخاصتن داخلين على كاس العالم وصدقوني بيخلص في موعده الوضع تغير احين والشفافيه موجوده بقيادة معالي رئيس الوزراء عينه على كل المشاريع وصارم بذات في امور التاخير عندي ثقه في المرحله الجايه بي انجاز جميع المشاريع وفي وقتها وبمواصفات عاليه ان شاءالله

[عضو المنتدى]

ليش مانقول انه بيخلص في موعده وبمواصفات ممتازه لازم نعطي الثقه للجماعه طبعن الانسان يتعلم من الاخطلء السابقه في المشاريع بس مثل هذا المشروع تبع الدوله مب ملك شخص لحاله مثل المجمعات الموجوده اذا حب يشطب شي وتجاري محد بيلومه ملكه الخاص لكن اذا شي حق الدوله الوضع بيتغير وخاصتن داخلين على كاس العالم وصدقوني بيخلص في موعده الوضع تغير احين والشفافيه موجوده بقيادة معالي رئيس الوزراء عينه على كل المشاريع وصارم بذات في امور التاخير عندي ثقه في المرحله الجايه بي انجاز جميع المشاريع وفي وقتها وبمواصفات عاليه ان شاءالله


ماعتقد انه ملك للدولة ، مثل هالمشاريع ملك للمستثمر ، او مستثمرين .

يعنى لو ملك للدولة يعنى إيجاراتها تروح لأي جهة ؟

والله أعلم

[qtr5qtr]

2015.10 نهاية افتتح قطر مول

[ابن البيطار]

المشروع للقطريين والمقيمين اما جمهور المونديال كلها شهر ويفارقون .

[مخطط قطري]

المشروع بيخلص في وقته وهو ليس ملك للدوله بل لشخص قطري الله يبارك له فيه

[aljaber1]

سؤال من صاحب المول
التصريح يعطي نطباع وكانه ملك دوله
دعاية تجارية بامتياز

[يوسف0]

مستحيل ينتهي 2015

[معماري قطري]

امبلا يقدرون
اي شي تجاري جك بوم بسرعه يخلص

اما لو خدمي انطر يا غزال لين يجيك الربيع

ليش سبقتيني؟ كنت باقولها .. عندنا البيوت كشخة ومزروعة ونظيفة والشوارع كشره حتى لو مخلصه من شهور بس .. والمشاريع التجارية تخلص مثل البرق وشفنا مولات انبنت بين البيوت .. نتمنى هذا يكون متصل بالملعب والمواقف مزدوجة الاستخدام ويكون معزول عن البيوت.

[الزعفراني]

ليش مستغربين انه بيخلص في الربع الثالث من عام 2015 ؟؟؟؟

المشروع شغال صار له كم سنه .. واللي يمر ع الشارع صوب ام الافاعي .. يقدر يشوف حجم الانشاءات اللي تمت

في المشروع ..

[همر]

ليش مانقول انه بيخلص في موعده وبمواصفات ممتازه لازم نعطي الثقه للجماعه طبعن الانسان يتعلم من الاخطلء السابقه في المشاريع بس مثل هذا المشروع تبع الدوله مب ملك شخص لحاله مثل المجمعات الموجوده اذا حب يشطب شي وتجاري محد بيلومه ملكه الخاص لكن اذا شي حق الدوله الوضع بيتغير وخاصتن داخلين على كاس العالم وصدقوني بيخلص في موعده الوضع تغير احين والشفافيه موجوده بقيادة معالي رئيس الوزراء عينه على كل المشاريع وصارم بذات في امور التاخير عندي ثقه في المرحله الجايه بي انجاز جميع المشاريع وفي وقتها وبمواصفات عاليه ان شاءالله



والشوارع تبع الدوله ولا جايه عندنا بعقد عمل ؟!!

[همر]

ليش مستغربين انه بيخلص في الربع الثالث من عام 2015 ؟؟؟؟

المشروع شغال صار له كم سنه .. واللي يمر ع الشارع صوب ام الافاعي .. يقدر يشوف حجم الانشاءات اللي تمت

في المشروع ..



مشروع بهالحجم يبيله سنه بس عشان تفتح المحلات

هذا عقب مايخلص البنيان ... غير التراخيص و و و ...

شوف ازدان مول بعد ماخلص تم سنه لي مافتح واكثر

من ست شهور فاضي يكش ذبان ولي الحين اشوفه

فاضي مافيه شي ...

مول الخليج اللي جنبه نفس الحاله ... في مرحلة

الشرنقه بعد التشطيب ...

هذيلا مولات تقزيره .. فما بالك باكبر مول

في قطر ... ابو عشر ملاعب فوق بعض ...

[دايموند]

اي صح من صاحب هالمول ؟

[المحاميه]

الي حز بخاطري ان هدف انشاء المول مش لعيونا !!!
بركات مونديال 2022 !!

مافيها شي مب غلط

خيرات 2022 :victory:

ننطر ونشوف

واذا بيبطلونا نهاية 2015 شي حلو يعني مابقى شي

بس اتوقع الانتهاء من انشاء المول ك هيكل

وبعدين المحلات والله اعلم

تفائلوا يامال التفائل

[المحاميه]

مشروع بهالحجم يبيله سنه بس عشان تفتح المحلات

هذا عقب مايخلص البنيان ... غير التراخيص و و و ...

شوف ازدان مول بعد ماخلص تم سنه لي مافتح واكثر

من ست شهور فاضي يكش ذبان ولي الحين اشوفه

فاضي مافيه شي ...

مول الخليج اللي جنبه نفس الحاله ... في مرحلة

الشرنقه بعد التشطيب ...

هذيلا مولات تقزيره .. فما بالك باكبر مول

في قطر ... ابو عشر ملاعب فوق بعض ...



ايوه هذا هو كلامي

اتوقع قصدهم افتتاحه ك هيكل

وبعدين الخبر يقول الربع الاخير

يعني نهاية 2015
يعني بعد سنه ونص
وشدراك انهم مابدوا فيه؟

[المحاميه]

اي صح من صاحب هالمول ؟


سؤال مب ف محله

ش يفيدج لو عرفتي؟

[imation]

,


اي صح من محامي صاحب المول ؟



,

[المحاميه]

,


اي صح من محامي صاحب المول ؟



,


الجواب عندك

يمكن انت؟


..

[رجل الجزيرة]

طيب كم من حديد ورمل وحصى وإسمنت فأكيد إن المشروع بتأخر.

[رجل الجزيرة]

الي حز بخاطري ان هدف انشاء المول مش لعيونا !!!
بركات مونديال 2022 !!

بس إذا بتقوم مدينة جديدة جنبه فيا سلام سلم.

[فلتة زمانها]

ليش كله مولات
ابي ملاهي ابي العب

[ضوى]

اشكثر اسواق عندنا

[المحاميه]

ليش كله مولات
ابي ملاهي ابي العب


اشكثر اسواق عندنا



لا مب اشكثر
نبي زود ليش لا
وخصوصا الماركات
وياحبذا لو وزعوها على أرجاء الدوحه


لاتستعجلين يافلته عالملاهي جايها الدور
بس احنا خلاص كبرنا مانفكر ف الملاهي وايد هههه

[فلتة زمانها]

لا مب اشكثر
نبي زود ليش لا
وخصوصا الماركات
وياحبذا لو وزعوها على أرجاء الدوحه


لاتستعجلين يافلته عالملاهي جايها الدور
بس احنا خلاص كبرنا مانفكر ف الملاهي وايد هههه

وينها نسمع عن مشاريع ولا نشوفها
وين مشروع ديزني لاند قطر من سنة 2006 وانا انتظره
وعقب six flags يقولون تكنسل المشروع
انا وحده احب العب حتى لو صرت عيوز بلعب مع احفادي :(

[MAZEN37]

يا رجال الستي سنتر ما اكتملت محلاته
شفايدة سوق من غير متسوقين

[meeemz]

تعرفون وين موقعه بالضبط على الخارطه شفت الفيديو بس ما قدرت احدد

[رجل الجزيرة]

إلا ويش أخبار قطر مول؟

[دايموند]

سؤال مب ف محله

ش يفيدج لو عرفتي؟
بسم الله وانتي ليش زعلانه ؟!!

ش يضرني لوعرفت ؟

والا عندج مشكله لو عرفنا ؟

[alhurmsi]

أنا أعتقد أنه بيكون افتتاحة نفس التاريخ المذكور لأن اللي زار الموقع عند نادي الريان
راح يشوف نسبة أنجاز المشروع وكذلك الشركة المشرفة على المشروع شغاله 24 ساعة في المشروع
ولا ننسى أننا أصبحنا في زمن يسابق الوقت لأنجاز الكثير من المشاريع
ولا وقت للتراخي والكسل

دمتي يا قطر من أنجاز الى انجاز

[lion66]

عشان هاللون نزل نادي الريان درجة ثانيه ...

هنيه الغمندة .... يا بو دعيي ...

[lion66]

ارفع لك القبعة ...

عجبني ردك ....

[بوخالد911]

بنشوووف

يسلموو للخبرية

[lion66]

الجواب عندك

يمكن انت؟


..


صاحب المول واحد من اهل قطر ....

تبون تعرفونه شوفوا تلفزيون قطر ....

رجال ماينقال فيه الا ونعم وسبعة انعام ...

[همر]

تعرفون وين موقعه بالضبط على الخارطه شفت الفيديو بس ما قدرت احدد


يقع على احد رؤوس مثلث الرعب التجاري ...

جنب نادي الريان...

ويتشكل مثلث الرعب التجاري

من دوحه فيستيفال سيتي مول

وبوابة الشمال مول في الشمال..

ومول قطر في الغرب..

واللاندمارك وازدان مول والخليج مول وبن طوار مول

في الجنوب ...

[همر]

ايوه هذا هو كلامي

اتوقع قصدهم افتتاحه ك هيكل

وبعدين الخبر يقول الربع الاخير

يعني نهاية 2015
يعني بعد سنه ونص
وشدراك انهم مابدوا فيه؟


شغالين فيه

ومتى بيخلص بنسلم لكلامهم

لكن متى بيفتح ابوابه يا سمسم

نحن الاطفال هني السالفه !!!

خل نشوف مول بوابة الشمال اللي خلص بنيانه

اولريدي متى بيفتح وقيسي عليه !!!

[دايموند]

يقع على احد رؤوس مثلث الرعب التجاري ...

جنب نادي الريان...

ويتشكل مثلث الرعب التجاري

من دوحه فيستيفال سيتي مول

وبوابة الشمال مول في الشمال..

ومول قطر في الغرب..

واللاندمارك وازدان مول والخليج مول وبن طوار مول

في الجنوب ...


بسم الله وهالمولات وين طلعت بعد! !!
اظاهر قطر بتكون عباره عن مولات

نبي حدايق
نبي ملاهي

بسنا مولات بسنا

[الحياة الخالدة]

مولات اشكثرها و في النهاية نفس المحلات و نفس البضاعة

[sweet qatar]

اتمنى يكون مول مؤقت

والمحلات الي فيه مؤقته لخدمة زوار الدوحة في المونديال

عقب يتم استغلاله في امور ثانية

مول بهالحجم و كل زاوية في الدوحة صار فيها مول ما بنستفيد منه

[fzaa_qatar]

حديقة سباير موجوده وحدائق الفرجان موجوده وحديقة اللجنه الاولمبيه فام صلال موجوده وحديقه الشيراتون القديمه موجوده حديقه الشيراتون الجديده تحت الانشاء وحديقه تظم حديقه حيوان ومتنزه عائلي فالخور على وشك الافتتاح وقريبا ان شاء الله .. حديقه اوكسيجين فالمدينه التعليميه تحت الانشاء حديقه الدوحه الكبرى تحت الانشاء وان شاء الله نشهد افتتاحها ايضا .. المولات ضروريه لمواجهة النمو المتزايد من السكان والضغط على المولات الحاليه كبير فهي تعتبر تجاره وربح للشركات والافراد في دوله ولله الحمد تتقدم وتتطور كل يوم والسياحه فيها تنتعش .. اللي ابيه صراحه بناء المولات الفاخره التي تفتقر لها الدوحه ... ننتظر باذن الله التطور المذهل لقطر الخير في ظل القياده الرشيده ...

[fzaa_qatar]

وينها نسمع عن مشاريع ولا نشوفها
وين مشروع ديزني لاند قطر من سنة 2006 وانا انتظره
وعقب six flags يقولون تكنسل المشروع
انا وحده احب العب حتى لو صرت عيوز بلعب مع احفادي :(

المشاريع اللي نسمع بها ولا نشوفها للحين تحت الانشاء وهي مشاريع كبيره وضخمه ومشروع ديزني لاند غير صحيح و مدينة six flags فمدينة لوسيل اللي اهي تحت التطوير والانشاء وتم الانتهاء من جميع البنيه التحتيه وابراج المدينه بدت تظهر من بعيد .. الصبر زين وانا مثلكم انتظر بفارغ الصبر افتتاحها ان شاء الله ....

[ولد البدر]

المول اللي جنب ازدان من كم سنة ما افتتحوه وهذيه بيفتتحونه السنة الجاية يمكن يسوون سالفة المطار كل مره يجيبون عذر لين 2021