مصرف قطر الأسلامي والسحب من الخارج

[فتى الحرمان]

امس كنت بالامارات ولما جيت ابي اسحب عن طريق الصراف الألي "ممنوع السحب"
اتصلت اليوم في مصرف قطر الأسلامي وقالوا على حسب التعليمات من تاريخ 1/5/2014 ( طبعا مش واضح تعليمات مصرف قطر المركزي او تعليمات مصرف قطر الاسلامي) :
1- لازم تفعل البطاقة قبل لاتسافر.
2- تفعيل البطاقة يحدد بتاريخ معين وبلد معين. ( يعني مثلا تبي تروح الامارات وفعلت انك رايح الامارات ومريت على السعودية وناقصتك فلوس تبي تسحب ما تقدر تسحب من السعودية لازم تتصل فيهم وتفعل البطاقة للسعودية وبتاريخ محدد يعني من الى ).
3- اذا تبي تسافر دولة ثانيه لازم تتصل فيهم وتحدد التاريخ واسم الدولة.
4- البنوك الاخرى ما عندها نفس هذا الاسلوب والدليل اني سحبت من البطاقة الثانيه لبنك قطري اخر والامور في الروب ( الحمد الله انه عندي حساب في بنك ثاني ).
5- ما في دولة بالعالم تمنع السحب من الدول الاخرى لانه السحب بعمولة ونظام تفعيل البطاقه كل مره ابي اسافر مب حل بصراحة.

بس هذا البنك كل يوم يعقد السالفه ويضيق على العملاء بحجة انه بنك اسلامي واذا المصرف ما عنده نظام عدل يحمي حقوق العملاء وحلوله عقيمه وفيها تضييق للعملاء هذا ما يعتبر بنك رائد.

هل هذا منطق من مصرف قطر الاسلامي؟؟؟؟ اتمنى اعطاء وجهات النظر بخصوص الموضوع.

عن نفسي قررت احول راتبي لبنك ثاني ... باي باي المصرف

[يحفظك ربي]

اكيد هذا النظام للحماية من السرقة لا اكثر
ماتوقع بدافع التعقيد !

[ضوى]

والله اشوفه قرار صائب جدا بعد السرقات اللي تصير ، مافيها اي شي فعل البطاقة بتواريخ السفر لكل بلد

[قطريه22]

هاي بس في المصرف لانه نظامهم فاشل

هم من فتره مطرشين مسجات للي بيسحب بره قطر لازم يتصل عشان يفعل الشريحه

تدري انا من عقب سالفتهم مع نظام الدخول للانترنت البنكي وحطيت اكس عليهم بس راتبي ينزل عندهم وعقب اسحبه واحطه في الوطني
بنك فاشل بمعني الكلمه مادري متى بيتطورون

[S S]

صحيح كلامك ومعاهم مصرف الريان

[Right]

خدمات غريبة كالعصور الوسطى !!

[العنيده]

حبيت فكره التفعيل للسفر في الخارج حماية لنا , بس تحديد الدول ممكن تصير واحيانا صعبه الاتصالات من الخارج للبنوك
جربت اتصل وسالفه لين حلوا لي مشكله بسيطه ..

مانلموهم على مشاكل النت المنتشره بس لا يصعبونها علينا :)

[محمد11]

يوم عن يوم يثبتون للناس انهم اغبى بنك او ان عندهم صندقة ويحطون فلوس الناس في خياش
معقوله لهذي الدرجة ماعندهم امان ف البنك
ليش البنوك الثانيه ماسوي هالنظام
لان اكيد في خلل ف السيفتي في هذا البنك
المفروض المصرف المركزي يتخذ معاهم اجراء او يستفسرون عن نظام الامان عندهم

[MAZEN37]

جاني المسج واتصلت قالوا انها تعليمات المصرف المركزي
لكن اعتقد انه الفكره مفيده

[مرتبش]

صحيح كلامك ومعاهم مصرف الريان

كلمت بنك الريان ويقولون ماتحتاج تفعيل الا في استخدام معين اللي هو استخدام البطاقة بدون الرقم السري ( بعض البلدان ماتستخدم اجهزة تتطلب ادخال الرقم السري ويستخدمون البطاقة بالتمرير فقط ) هذا النوع من التعاملات موقوف الان ويجب تفعيله..

شنو المشكلة في هذا بالعكس حماية لي من النصب واشكرهم على جهودهم

[غير البشر]

اي نعم اخوي تم الاعلان عنه من كم يوم

ان قبل لاتسافر لازم تخبرهم وتفعل البطاقه

انا كذا مره لما اوصل فندق في اي دوله
اروح للأستقبال ادفع يقولون مايصير البطاقه مش شغاله
اتصل للمصرف يقول سيفتي اوقفناها
لان يمكن حد يحسب من رصيدك

وصار لي فتره من اسافر اتصل فيهم وانا برع اقولهم حطو ملاحظه اني في الدوله الفلانيه
لاتسكرون عني البطاقه :rolleyes2:


فاكيد لهالسبب سيفتي

[غير البشر]

كلمت بنك الريان ويقولون ماتحتاج تفعيل الا في استخدام معين اللي هو استخدام البطاقة بدون الرقم السري ( بعض البلدان ماتستخدم اجهزة تتطلب ادخال الرقم السري ويستخدمون البطاقة بالتمرير فقط ) هذا النوع من التعاملات موقوف الان ويجب تفعيله..

شنو المشكلة في هذا بالعكس حماية لي من النصب واشكرهم على جهودهم



معظم دول اوروبا
تستخدم البطاقه بدون رقم سري

[بوخالد911]

بل الله يعيين

من 3 أسابيع كنت بدبي
وكنت أسحب كذا مرة والأمور طيبة

بس يمكن الحين تعليمات جديدة
الله أعلم

[محاسب]

اتصلت فيهم
وقالو فقط ........... الجزء الممغنط
يقصدون السحب الألكتروني اما أجهزة الصراف ,,,,ماعندك مشكله ...انتهى كللامهم.
..
..
وغريبه .... شلون صارة معاك ..هم يقولون لنا شي والحقيقه شيء أخر؟؟؟؟

[ضوى]

معظم دول اوروبا
تستخدم البطاقه بدون رقم سري

بالعكس صار لي اكثر من سنة اسحب بالرقم السري والتوقيع

[غير البشر]

بالعكس صار لي اكثر من سنة اسحب بالرقم السري والتوقيع



انا من عشر ايام جاي من باريس
وحرقت البطاقه هناك بكل محل
ولا مكان طلب احط الرقم السري
الا محل واحد وهو كوفي في المجمع بالاديفانس

[al-marri]

هالويكند كنت في السعوديه وسحبت الخميس والجمعه كذلك من اجهزه الصراف والامور طيبه ولا توقفت البطاقه

البطاقة من مصرف قطر الاسلامي

[R 7 A L]

اعتقد ارسلوا مسج لجميع العملاء

حتى انا وانا حسابي ماهوب عندهم وصلني مسج
انه يجب على العميل تبليغ البنك قبل السفر للمكان الي بيسافر له

[monatee]

للاسف البنوك الاسلاميه عندنا ماتوصل مواصيل البنوك الربويه في الخدمات والسهوله والسرعه

راتبي ينزل في الاسلامي ،، نفس اليوم اسحبه واحطه في حسابي الثاني الوطني

ما اثق في بطايقهم في الخارج ،، ولا حتى لين اتصلت بتحصل سرعه في الاستجابه

[قطريه ماركه]

المشكلة تكون أكبر للطلاب اللي يدرسوون برا و رواتبهم تنزل هني و يبون يسحبون و ما يقدرووون :(

الله المستعااان

[مرتبش]

للاسف البنوك الاسلاميه عندنا ماتوصل مواصيل البنوك الربويه في الخدمات والسهوله والسرعه

راتبي ينزل في الاسلامي ،، نفس اليوم اسحبه واحطه في حسابي الثاني الوطني

ما اثق في بطايقهم في الخارج ،، ولا حتى لين اتصلت بتحصل سرعه في الاستجابه

مايصيرعاد صرت انا متحدث باسم البنك .. المهم
الريان استخدامه في الخارج احسن من البنك التجاري (تجربتي)

[فتى الحرمان]

عفوا اخواني بعض الاخوان مش مقتنع انه مصرف قطر الاسلامي طبق هذا النظام ( على بطاقة الصراف الآلي atm ) وال يقول لحماية العملاء وامان ليش بنك الدوحه والتجاري والوطني والدولي ما طبقوا نفس المصرف مثلا ؟؟؟ .. هذا دليل واضح ان سستم المصرف قابل للاختراق في اي لحضه وهو البنك الاسلامي الرائد في قطر ؟؟؟.

في النهايه هاي فلوسك وانت تبي تسحبها من اي مكان والبنك ياخذ العمولة مقابل السحب مب المصرف يجبرك انك تسحب متى وتحدد الوقت هذا معناه ما في مرونه بالتعامل .

وال يقول هالنظام اوكي وحماية للعملاء اخوي شكلك vip المصرف من يشوف رقمك يرد عليك او مخصصين لك موظف خاص غيرك مسكين ما يملك 10000 ريال في الحساب وزين منهم يردون عليه. وخاصه اذا كان خارج البلاد والتوقيت يختلف وغيرالمكالمة الدولية وهذا كله عشان نظام المصرف العقيم وال مش عارف شلون يسد ثغرات الاختراق نفس باقي البنوك.( اذا طبعا في اختراق لحسابات العملاء)

[قطريه22]

عفوا اخواني بعض الاخوان مش مقتنع انه مصرف قطر الاسلامي طبق هذا النظام ( على بطاقة الصراف الآلي atm ) وال يقول لحماية العملاء وامان ليش بنك الدوحه والتجاري والوطني والدولي ما طبقوا نفس المصرف مثلا ؟؟؟ .. هذا دليل واضح ان سستم المصرف قابل للاختراق في اي لحضه وهو البنك الاسلامي الرائد في قطر ؟؟؟.

في النهايه هاي فلوسك وانت تبي تسحبها من اي مكان والبنك ياخذ العمولة مقابل السحب مب المصرف يجبرك انك تسحب متى وتحدد الوقت هذا معناه ما في مرونه بالتعامل .

وال يقول هالنظام اوكي وحماية للعملاء اخوي شكلك vip المصرف من يشوف رقمك يرد عليك او مخصصين لك موظف خاص غيرك مسكين ما يملك 10000 ريال في الحساب وزين منهم يردون عليه. وخاصه اذا كان خارج البلاد والتوقيت يختلف وغيرالمكالمة الدولية وهذا كله عشان نظام المصرف العقيم وال مش عارف شلون يسد ثغرات الاختراق نفس باقي البنوك.( اذا طبعا في اختراق لحسابات العملاء)

انا مصدقه اختي مسافره امس وبطاقتها ماسحبت ويوم كلمتهم قالو لها لازم نفعل لج الشريحه لانج طلعتي بره البلاد
اخوي المصرف خدمته فاشله وسئ جداً

[رجل الجزيرة]

عن نفسي: كنت في الإمارات من فترة طويلة فلاحظت أي صرف ألي فيه علامة نابس تقدر تستخدم البطاقة وإلا ما فيها علامة نابس فالجهاز ما يقبل البطاقة.

[aqsa4us]

لاحوب ولا قوة الا بالله
استغفر الله العظيم

[رجل الجزيرة]

هذا الاجراء ليس حماية من السرقة ولكن لأخلاء مسئولية البنك من اي سرقه تحدث عن طريق البطاقات او اي اختراق من الخارج
خصوصا بعد ماحصل من اختراق لحسابات العملاء

والسيناريو سيكون كالأتي

1 العميل المسكين يتصل طلب تفعيل بطاقتة للأستخدام الخارجي وذلك لغرض السفر
2 وإذا لاسمح الله وتم اختراق الحساب وسرقتة
3 عند عودة العميل من السفر يقوم بمراجعه البنك ويقول للموظف في مبلغ انخصم من حسابي
4 الموظف يشيك ويرد عليه اخوي انت كنت في جزر هنولولو العميل يرد عليه ويقولة لأ كنت في اغادير :nice:
5 الموظف يقولة اخوي تم اختراق حسابك وانسحب منة مبلغ من جزر الواك واك ، العميل المسكين يقدم طلب للبنك لحتى يرد له المبلغ
6 البنك يرفض الطلب ويقول للعميل فالك طيب ياشيخ تم تفعيل البطاقة بناء على طلبكم دون ادنى مسئولية للبنك
مانقدر نرجع لك ريال

نسخة لمصرف قطر المركزي على كل هذي التعقيدات.

[alghalya1]

✌بنك قطر الوطني وبس البنك الاقوى في العالم

[LSBU]

للاسف مصرف قطر الاسلامي صار في انحدار وفاشل بمعنى الكلمة وهذا دليل على ضعف النظام عندهم وعدم كفائة الموظفين في قسم تكنولوجيا المعلومات it ونظام الامن عندهم الحمدلله انا اغلقت حسابي من عندهم بعد ماشفت ضعفهم في الادارة بالتخبط الي يعملونة وعدم توفير حلول امنية قوية بل بدائية ومتخلفة.

[LSBU]

هذا الاجراء ليس حماية من السرقة ولكن لأخلاء مسئولية البنك من اي سرقه تحدث عن طريق البطاقات او اي اختراق من الخارج
خصوصا بعد ماحصل من اختراق لحسابات العملاء

والسيناريو سيكون كالأتي

1 العميل المسكين يتصل طلب تفعيل بطاقتة للأستخدام الخارجي وذلك لغرض السفر
2 وإذا لاسمح الله وتم اختراق الحساب وسرقتة
3 عند عودة العميل من السفر يقوم بمراجعه البنك ويقول للموظف في مبلغ انخصم من حسابي
4 الموظف يشيك ويرد عليه اخوي انت كنت في جزر هنولولو العميل يرد عليه ويقولة لأ كنت في اغادير :nice:
5 الموظف يقولة اخوي تم اختراق حسابك وانسحب منة مبلغ من جزر الواك واك ، العميل المسكين يقدم طلب للبنك لحتى يرد له المبلغ
6 البنك يرفض الطلب ويقول للعميل فالك طيب ياشيخ تم تفعيل البطاقة بناء على طلبكم دون ادنى مسئولية للبنك
مانقدر نرجع لك ريال

نعم وهذا دليل على تخلف ادارة مصرف قطر الاسلامي وضعف الادارة عندهم كلام صحيح 100 في 100

[LSBU]

✌بنك قطر الوطني وبس البنك الاقوى في العالم

يمكن الاقوى من ناحية الدعم لنة بنك الدولة لكن خلنا نتكلم بواقع البنك هذا لاحظت انا فية شغلة لو يهتمون فيها بيكون فعلا الاقوى لو يحطون لك موظفين خاصة الي يتعاملون مع الجمهور يكونوا كفائة ويعرفون يتعاملون مع الجمهور لكن لما يجيك موظف لسانة طويل او متيبس ما يتكلم لما تكلمة كانة مضروب بشوط في رقبتة هذا يسيئ لسمعة البنك اتمنى يهتمون بهذي النقطة وبيكون بعدين الاقوى

[الواعد]

التفعيل ليس للحماية من السرقة بل هو لاخلاء مسؤولية البنك

يعني لو صارت سرقة لحسابك وانت بالخارج ومفعل البطاقة

سلم عليها ماراح ترجع لك أبدا وانا كلمتهم وقالوا لي هالكلام

[جيفنشي قطر]

الله يعطيك العاافيه
اخووي انا بمصرر
واليوم ساحب من البطاقه ((مصرف قطر الاسلامي ))
وسحبت معااي
والفيزاا شغاله بعد ..
ما اتصلت لهم ولا قلت لهم شي

[شتآت]

كنت مسافراة ووقفوا بطاقتي وانا معتمدة على البطاقة والكاش كان بسيط

انحطت في موقف لا أحسد عليه

الله يسامحهم على ها لتعقيد

[المحقق كونان]

الخدمة لحماية بطاقتك بالخارج ... في اروربا الدفع الالكتروني بدون باسوررد

ومصرف الريان بعد أرسل مسجات للعملاء

[موظف ((حكومي]

يوم الجمعه 2/5/2014

كنت في الاحساء وساحب 7000 ريال قطري ولله الحمد

[فتى الحرمان]

يوم الجمعه 2/5/2014

كنت في الاحساء وساحب 7000 ريال قطري ولله الحمد

يمكن ما تفعل النظام في بطاقتك نفسنا اخوي ....
ونتمنى تاكد لنا انه البطاقة بطاقة السحب الالي العادية الصادرة من مصرف قطر الاسلامي مب الفيزا او الماستر كارد .

[فتى الحرمان]

الله يعطيك العاافيه
اخووي انا بمصرر
واليوم ساحب من البطاقه ((مصرف قطر الاسلامي ))
وسحبت معااي
والفيزاا شغاله بعد ..
ما اتصلت لهم ولا قلت لهم شي

غريبة اخوي يمكن المصرف يطبق هالنظام على ناس وناس ... ونتمنى تاكد لنا انه البطاقة بطاقة السحب الالي العادية " الفيزا الكترون" الصادرة من مصرف قطر الاسلامي مب الفيزا او الماستر كارد .

[بو خليفه 123]

هذا القرار معمم من قبل مصرف قطر المركزي على جميع البنوك و لكن بعض البنوك مقصره بالتواصل و ابلاغ عملائها .

القرار ينص على اتصال العميل في بنكه و ابلاغه بتفعيل البطاقه و لكن في دول معينه و ليست كل الدول خارج قطر .

الدول التي تقبل البطاقه بالتوقيع فقط و من غير رقم سري هي الدول الي تم توقيف البطاقات عليها .

مثال : جميع المحلات والمشتريات في امريكا تتم بالتوقيع على الايصال فقط و هذا يسهل سرقة البطاقه . اما بالرقم السري تصعب سرقة البطاقه لانها تلجأ للـ Smart chip في البطاقه نفسها و عكس الـ Magnetic stripe خلف البطاقه .

سواءً كنت مسافر او لا .. انصح الجميع بالاتصال في بنكه و تفعيل البطاقه لأن مدة التفعيل هي 6 شهور ..

[ضوى]

هذا القرار معمم من قبل مصرف قطر المركزي على جميع البنوك و لكن بعض البنوك مقصره بالتواصل و ابلاغ عملائها .

القرار ينص على اتصال العميل في بنكه و ابلاغه بتفعيل البطاقه و لكن في دول معينه و ليست كل الدول خارج قطر .

الدول التي تقبل البطاقه بالتوقيع فقط و من غير رقم سري هي الدول الي تم توقيف البطاقات عليها .

مثال : جميع المحلات والمشتريات في امريكا تتم بالتوقيع على الايصال فقط و هذا يسهل سرقة البطاقه . اما بالرقم السري تصعب سرقة البطاقه لانها تلجأ للـ Smart chip في البطاقه نفسها و عكس الـ Magnetic stripe خلف البطاقه .

سواءً كنت مسافر او لا .. انصح الجميع بالاتصال في بنكه و تفعيل البطاقه لأن مدة التفعيل هي 6 شهور ..

وينهم اللي طلعوا عذاريب في المصرف الاسلامي ؟ يقولوكم بو خليفة كل البنوك يعني مب بس المصرف لانه الامان ضعيف عنده

[فتى الحرمان]

عن نفسي: كنت في الإمارات من فترة طويلة فلاحظت أي صرف ألي فيه علامة نابس تقدر تستخدم البطاقة وإلا ما فيها علامة نابس فالجهاز ما يقبل البطاقة.

اخوي رجل الجزيرة علامة نابس مالها دخل في النظام الجديد لمصرف قطر الاسلامي ... نابس والشبكة الخليجية وفيزا وغيرها تحدد فقط على البطاقه لمعرفة المكينة ال تقدر تسحب منها وطبعا في رسوم محددها مصرف قطر المركزي.
اما قرار مصرف قطر الاسلامي مختلف كليا عن نظام الشبكة .. مصرف قطر الاسلامي حاليا من تاريخ 1/5/2014 وقف بطاقة السحب الآلي " فيزا الكترون" من الاستخدام خارج دولة قطر. واذا تبي تستخدم البطاقه لازم تفعلها عن طريق الكول سنتر بتحديد تاريخ السفر والعودة واسم الدولة.

وهذا نص المسج ال طرشه المصرف للعملاء (( عميلنا العزيز، ابتداء من 1 مايو 2014، وبحسب التوجيهات الجديدة لاستخدام البطاقات خارج قطر ، يرجى اخطار المصرف قبل السفر لتفعيل خاصية الشريط الممغنط على البطاقات المصرفية بالاتصال على 44448444 )).

[فتى الحرمان]

هذا القرار معمم من قبل مصرف قطر المركزي على جميع البنوك و لكن بعض البنوك مقصره بالتواصل و ابلاغ عملائها .

القرار ينص على اتصال العميل في بنكه و ابلاغه بتفعيل البطاقه و لكن في دول معينه و ليست كل الدول خارج قطر .

الدول التي تقبل البطاقه بالتوقيع فقط و من غير رقم سري هي الدول الي تم توقيف البطاقات عليها .

مثال : جميع المحلات والمشتريات في امريكا تتم بالتوقيع على الايصال فقط و هذا يسهل سرقة البطاقه . اما بالرقم السري تصعب سرقة البطاقه لانها تلجأ للـ Smart chip في البطاقه نفسها و عكس الـ Magnetic stripe خلف البطاقه .

سواءً كنت مسافر او لا .. انصح الجميع بالاتصال في بنكه و تفعيل البطاقه لأن مدة التفعيل هي 6 شهور ..

عفوا اخوي اتمنى تتاكد من المعلومه انا عندي حساب في بنك الدوحه وفي مصرف قطر الاسلامي ... والسحب كان من الامارات بتاريخ 3/5/2014 المصرف ممنوع السحب وبنك الدوحه عادي السحب وانت تقول دول معينة وعلى فكرة عدة مكائن لبنوك مختلفة ( الوضع لسحب من امريكا معرف سابقا والبنوك كلها وضحت الامر للعملاء) احنا نتكلم عن نظام جديد كليا لكل الدول وليس لدول معينة . اتصلت بالمصرف وكان الموضوع نفس ما هو مذكور سابقا . اتمنى منك تتصل في الكول سنتر بالمصرف وتتاكد منهم بنفسك .. واذا كان هذا قرار من مصرف قطر المركزي حسب كلامك ليش ما نزل بالجريده الرسمية عشان الناس كلها تعرفه . وتحياتي لك

[فتى الحرمان]

وينهم اللي طلعوا عذاريب في المصرف الاسلامي ؟ يقولوكم بو خليفة كل البنوك يعني مب بس المصرف لانه الامان ضعيف عنده

اتمنى انك تتاكد بروحك من المصرف اذا انت عميل بالمصرف وتسالهم عن هذا النظام هل هو صحيح ام خطا ولا تقول وينهم الي طلعوا عذاريب بالمصرف نقلا عن شخص اخر...

[Rider]

اليوم كلمت المصرف قالوا اذا بتسافر لازم تتصل خدمة العملاء تفعل الشريحة قبلها بيومين على الاقل تدري مايردون بسرعه على العموم تقدر تسحب من اجهزة الصرآف عادي وايضا من المحلات التي تستخدم جهاز السحب الكن التي تضع باسورد لكن اذا مافيه باسورد ماتقدر تسحب لازم تفعل

[جيفنشي قطر]

غريبة اخوي يمكن المصرف يطبق هالنظام على ناس وناس ... ونتمنى تاكد لنا انه البطاقة بطاقة السحب الالي العادية " الفيزا الكترون" الصادرة من مصرف قطر الاسلامي مب الفيزا او الماستر كارد .

اي الشيخ البطاقه العااديه شغاله وتسحب جاري وتوفير بعد
والفيزا جربتهاا
بعد شغاله
شكلهم ناسيني .. \

[بو خليفه 123]

عفوا اخوي اتمنى تتاكد من المعلومه انا عندي حساب في بنك الدوحه وفي مصرف قطر الاسلامي ... والسحب كان من الامارات بتاريخ 3/5/2014 المصرف ممنوع السحب وبنك الدوحه عادي السحب وانت تقول دول معينة وعلى فكرة عدة مكائن لبنوك مختلفة ( الوضع لسحب من امريكا معرف سابقا والبنوك كلها وضحت الامر للعملاء) احنا نتكلم عن نظام جديد كليا لكل الدول وليس لدول معينة . اتصلت بالمصرف وكان الموضوع نفس ما هو مذكور سابقا . اتمنى منك تتصل في الكول سنتر بالمصرف وتتاكد منهم بنفسك .. واذا كان هذا قرار من مصرف قطر المركزي حسب كلامك ليش ما نزل بالجريده الرسمية عشان الناس كلها تعرفه . وتحياتي لك


اي معلومه الي اتأكد منها بالضبط . ياليت تحدد عشان اتأكد .

و أنا بنفسي شفت التعميم من المصرف المركزي على البنوك بخصوص الي ذكرته . و لو تقرأ اخي الكريم مشاركتي السابقه ذكرت في سطري الأول ان بعض البنوك مقصره بالتواصل او بأبلاغ عملائها . و هذا خطأ من البنك و ليس مصرف المركزي .

و يمكن الامارات كانت من الدول المعيّنه و امريكا كانت مجرد مثال مني . والدول الي فيها رقم سري المفترض ان البنوك ماوقفت فاعلية البطاقات فيها , و لكن لربما وقفت على جميع الدول لأن فيه دول تستخدم الرقم السري او التوقيع بنفس الوقت ولا يقدر البنك يحصرها . و هذا يرجع الأمر على البنك نفسه و مدى تطور السستم فيه .. و الي اعرفه شخصياً ان المصرف الاسلامي السستم غير مواكب للتطور التكنولوجي عكس البنوك الاخرى .

[بو خليفه 123]

خلني ابسطها لك اكثر لك و للاخوى القراء لتتضح الصوره "بالرسم"


الصوره ادناه الخط البني خلف البطاقه يسمى Magnetic stripe اغلب الدول ذات السستم الغير متطور تتعرف على البطاقه عند الدفع عن طريقها .. مما يتطلب منك التوقيع على الايصال (تم ايقاف البطاقات على هذه الدول لأنه اصبح سهل سرقتها)

http://download.mrkzy.com/u/0514_07093b302b0e1.gif (http://forums.mrkzy.com/)



اما الدول الي تستخدم ال smart chip امام البطاقه كما هو موضح ادناه هي الدول او البنوك ذات التكنولوجيا المتطوره و يصعب على السارق سرقتها و هذي المدفوعات تتطلب الرقم السري و ليس التوقيع و هذا يعتبر النظام الجديد الي المصرف المركزي يحاول تطبيقه مع جميع الدول حيث تم ايقاف البطاقات بالدول الي تقبل التوقيع فقط .

http://download.mrkzy.com/u/0514_e99e2177bc121.png (http://ecards.mrkzy.com/)

[معماري قطري]

غريبة والله تكون تعليمات المصرف المركزي

العالم الحين استوى قرية وحده والكل المفروض يتحرك بسرعة ويمر كم مكان ويستخدم بطاقته في أَي جهاز صرف .. وفي أَجهزة الشراء المباشر والفنادق وحجز السيارات .. ما واجهتني هذي المشكلة نهائياً مع بنك قطر الوطني .. وفي بنوك أَمريكا سمعت من البعض وما جربت يقولون تقدر تسحب من خلال البنك اللي حسابك فيه أَي مبلغ من بنكك الأَصلي في قطر.

إِذا أَسهل حل لمشكلة سرقات بيانات البطاقة عند بنوكنا وعند مصرفنا المركزي هو تقييد حرية العملاء فهذي مشكلة كبيرة بحد ذاتها.

[فتى الحرمان]

اي معلومه الي اتأكد منها بالضبط . ياليت تحدد عشان اتأكد .

و أنا بنفسي شفت التعميم من المصرف المركزي على البنوك بخصوص الي ذكرته . و لو تقرأ اخي الكريم مشاركتي السابقه ذكرت في سطري الأول ان بعض البنوك مقصره بالتواصل او بأبلاغ عملائها . و هذا خطأ من البنك و ليس مصرف المركزي .

و يمكن الامارات كانت من الدول المعيّنه و امريكا كانت مجرد مثال مني . والدول الي فيها رقم سري المفترض ان البنوك ماوقفت فاعلية البطاقات فيها , و لكن لربما وقفت على جميع الدول لأن فيه دول تستخدم الرقم السري او التوقيع بنفس الوقت ولا يقدر البنك يحصرها . و هذا يرجع الأمر على البنك نفسه و مدى تطور السستم فيه .. و الي اعرفه شخصياً ان المصرف الاسلامي السستم غير مواكب للتطور التكنولوجي عكس البنوك الاخرى .

المعلومة ال تتاكد منها اخوي بو خليفة : انك تتصل في الكول سنتر لمصرف قطر الاسلامي وتسأله هل صحيح لازم تفعيل بطاقه السحب قبل السفر لجميع الدول او لا وعند كل سفره لازم تحدد الدولة وتاريخ السفر ؟؟


اما بخصوص انه التعميم من مصرف قطر المركزي وهو بطبيعة الحال لجميع البنوك لماذا لم يتم تعميمه بالجريده الرسمية وكل الناس تعرفه

[فتى الحرمان]

خلني ابسطها لك اكثر لك و للاخوى القراء لتتضح الصوره "بالرسم"


الصوره ادناه الخط البني خلف البطاقه يسمى Magnetic stripe اغلب الدول ذات السستم الغير متطور تتعرف على البطاقه عند الدفع عن طريقها .. مما يتطلب منك التوقيع على الايصال (تم ايقاف البطاقات على هذه الدول لأنه اصبح سهل سرقتها)

http://download.mrkzy.com/u/0514_07093b302b0e1.gif (http://forums.mrkzy.com/)



اما الدول الي تستخدم ال smart chip امام البطاقه كما هو موضح ادناه هي الدول او البنوك ذات التكنولوجيا المتطوره و يصعب على السارق سرقتها و هذي المدفوعات تتطلب الرقم السري و ليس التوقيع و هذا يعتبر النظام الجديد الي المصرف المركزي يحاول تطبيقه مع جميع الدول حيث تم ايقاف البطاقات بالدول الي تقبل التوقيع فقط .

http://download.mrkzy.com/u/0514_e99e2177bc121.png (http://ecards.mrkzy.com/)


ابشرك اخوي معظم بنوك الامارات وان لم يكن كلها تستخدم ال smart chip فهذا يعني على حسب كلامك انه لم يتم توقيف البطاقة بس انا عن نفسي سحبت من عدة مكائن لبنوك مختلفة ببطاقة السحب لمصرف قطر الاسلامي ولم يتم السحب وفي نفس الوقت سحبت ببطاقة بنك الدوحة وتم السحب بدون اي مشكلة تذكر . وكذلك بعض الاخوه بالمنتدى مشكلتهم مع مصرف قطر الاسلامي نفس الشي ..

[فتى الحرمان]

اليوم كلمت المصرف قالوا اذا بتسافر لازم تتصل خدمة العملاء تفعل الشريحة قبلها بيومين على الاقل تدري مايردون بسرعه على العموم تقدر تسحب من اجهزة الصرآف عادي وايضا من المحلات التي تستخدم جهاز السحب الكن التي تضع باسورد لكن اذا مافيه باسورد ماتقدر تسحب لازم تفعل

شكرا على التاكيد انه الكلام صحيح ولازم التفعيل قبل السفر ....

[ممنوع اللمس]

تحسسسسسفت اني نقلت لهلبنك والله
كل ما ابي اسحب ماتسحب البطاقه اتصل لهم يقولون تحديث بيانات
ياما وياما انحرجت فمطعم والا محل بسبتهم
تحديث تحديث تحديث
كنت فالوطني ولا مره عانيت من هالشي

[Azizuk]

قرار المصرف المركزي قرار تعسفي

ولماذا فقط المصرف الاسلامي ومصرف الريان طبقو القرار بسرعة

المعروف في بعض الدول الأوربية عندهم بعض الاحسابات المصرفية تقدر تحدد كمية المبلغ والدول المتجه لها كانوع من الحماية

بس قرار تحديد المدة والدولة اللي متجه لها صعبه جداً وغير عملي

[captin]

نظام تعيس

انا صادتني نفس المشكلة في الامارات موخرا
قمت ادور على اربع او خمس اجهزة صراف آلي لين اشتغلت وحدة
منهم وكنت ابي اسحب مبلغ 15000 وما صفيت الا على 5000 بالكثير

زين اللي كثير السفر وينتقل من بلاد الى بلاد بس ما شغلته الا يتصل فيهم
يقول لهم انا اليوم في الامارات وبكرة في الكويت وبعد اسبوع في الصين والشهر الياي
في اوروبا.

قرار غير صائب اذا كان على الامان والحماية يسوون لهم انظمة متطورة
للحماية بس ما يعطلون العملاء
ما نبي نرجع للعصور القديمة نشيل مبالغ كبيرة نقدية او شيكات سياحية اللي اصلا انقرضت.

مثل ما الحرامية يطورون تقنيات السرقة المفروض البنوك تطور تقنيات الامان والحماية.