اختي السائقة تدربتي على يد مدرب/مدربة؟ تجربتك اتركيها هنا .

[همس البراكين]

السلام عليكم
دعي التجربة تحكي لنا تفاصيل الواقع ...
دمتي بخير ...

[LSBU]

اعتقد في مدارس السواقة كلة حريم للحريم الي يدربون

[alsoq]

موضوع مجرد حشو ليس منه فائده

[العلياا]

وعليكم السلام
على يد مدربه سودانية الله يذكرها بالخير
تخليني اسوق وهي تلعب فالتلفون بس الحمدلله عدت على خير :)

[دااانة قطر]

وعليكم السلام ورحمة الله وبركاته


مدرب هندي من أول حصه طلعني الشارع والله ستر وشغالتي الله يذكرها بالخير تقول مدام هذا مافي سيارات تصادم مال سناء





:shy:


وعليكم السلام
على يد مدربه سودانية الله يذكرها بالخير
تخليني اسوق وهي تلعب فالتلفون بس الحمدلله عدت على خير :)


أي أذكر بنت عمي وصديقاتي نبهوني الحمدلله عدت على خير

[v_h3]

انزين وعقب ؟ ممكن اعرف فايدة الموضوع ؟

[abu m7md]

انا دربتني وحده هولندية في هولندا وكانت تعلمني اشياء وحتى تعلمني اقدر المسافه بالوقت
وتسئلني اسئله شفهيه وتقيمني عليها

[monatee]

مدرب سوداني كله نايم :nice:

سجلت ل 25 حصه وقدمت في اليوم التاسع وخذت الليسن

[العلياا]

انزين وعقب ؟ ممكن اعرف فايدة الموضوع ؟

يمكن الاخت حابه تاخذ لها دورة تعليم سواقة وحابه تشوف تجارب العضوات
من الافضل مدربه والا مدرب :o

[ضوى]

على يد مدربة فلبينية لمدة ظ£ظ* ساعة والحمد لله اجتزت الاختبار من اول مرة

[المحاميه]

ماتعلمت
بس اذا فكرت باختار مدرب

[رهج السنابك]

خذت دورة عشان اتعلم مب عشان اسوق
مع صومالية اسبوعين كانت حليوة
بعدين تفسلسفت على نفسي قلت اكيد الفلبينيات احسن وقمت خذت فلبينيه تحسفت قد شعر راسي دلوعه وكله تصارخ وخوافه شلعت قلبي بصراخها
عقب مع بحرينية شخصية جبارة علمتني في اسبوع اللي ماتعلمته على يد اللي قبلها خاصة الإل بالريوس

وعقب نجحت من اول مره وحطيت الليسن ديكور في البوك : )

[Miss]

هو كله حظوظ
بس انا ما أثق في مدربه حتى لو صار لها 20 سنه تسوق :(

[رهج السنابك]

عادي عندكم تقعدون جنب مدرب !! :omg: ومرات يمسك لكم السكان :omg:

[المحاميه]

هو كله حظوظ
بس انا ما أثق في مدربه حتى لو صار لها 20 سنه تسوق :(

نفس الشعور

ارسطو من وين البحرينيه؟

انا ابي الليسن زينه ف البوك

عاد مادري متى

[Miss]

عادي عندكم تقعدون جنب مدرب !! :omg: ومرات يمسك لكم السكان :omg:

انا اللي كان يدربني اخوي وكم مره دخلته في سدره وحلف ما عاد يمسكني السكان :(
فمسكت أرضي وهونت من هالطاري :(

[همس البراكين]

السلام عليكم
اشكركم على تفاعلكم اللذي أبهجني بعفويته ..
اطمع بالمزيد فلاتبخلوا بالمشاركه ...
شكرا ...

[رهج السنابك]

مدرسة قطر للسواقه
البحرينيه معروفه هناك لها عشرين سنه مدربه سواقه وماهره جداااااا تعطيج اساسيات غير عن الباقي
اكتشفت كل وحده لها طريقه
لكن اشطرهم البحرينيه ويطلبونها بالاسم

[طلعة الروح]

أنا مدربي كان مصري، وكان في مدرسة الخليج للسواقة.
اتذكر اني اخترت الريال لأن الريال معروف انه قلبه اقوى من المرة وتدريبه أحسن.

[طلعة الروح]

انا دربتني وحده هولندية في هولندا وكانت تعلمني اشياء وحتى تعلمني اقدر المسافه بالوقت
وتسئلني اسئله شفهيه وتقيمني عليها

شلون تقدر المسافة بالوقت ياريت تعطينا فكرة عنها!

[alsoq]

اما اللي يتباهون ان مدربها رجل وبدون محرم

الحمد لله والصلاة والسلام على رسول الله وعلى آله وصحبه، أما بعد:

فلا يجوز للمرأة المسلمة أن تتعلم قيادة السيارات على يد رجل أجنبي إذا ترتب على ذلك خلوته بها وأولى مسها، سواء كان ذلك في بلد أوربي أوغيره، وقد قال الشيخ محمد بن صالح العثيمين ـ رحمه الله تعالى: وأما بالنسبة لتدريب الفتاة على قيادة السيارة وانفرادها برجلٍ يدربها: فهذا لا يجوز، وهو أكبر فتنة مما لو انفرد بها في حجرة، لأن من المعلوم أن النفس تحب من أحسن إليها، وهذا المدرب إذا عامل الفتاة باللطف واللين يكون هناك فتنة كبيرة لا يتصورها الإنسان، وكيف عندما تجد الطالبة نفسها بجانبه يريها كيف يعمل عجلة القيادة، وكيف يعمل بالفرامل، وكيف يعمل كذا، فهذا خطير جداً جداً. انتهى من لقاء الباب المفتوح له.

والدليل على منع الخلوة بالأجنبي قوله صلى الله عليه وسلم: لا يخلون رجل بامرأة إلا مع ذي محرم. رواه البخاري ومسلم.

وقوله أيضاً: لا يخلون رجل بامرأة إلا كان الشيطان ثالثهما. رواه الترمذي وصححه الألباني.

أما إذا لم تترتب على ذلك خلوة ولا مس فقد سبق أن أوضحنا في الفتوى رقم: 96249، أن تعلم المرأة القيادة على الرجل جائز بشرط الالتزام بالضوابط الشرعية مثل التستر عن الأجانب والبعد عن مسهم والخلوة بهم.

والله أعلم.

[عتيج الصوف]

الحمد لله ماخذت ولادرس سياقة ,,,كنت في رحلة لامريكا في الثمانينات وكنت 16 سنة ,,وتقدمت لامتحان السياقة ,,والاختيار يعود للشخص اذا يريد جير عادي او اتوماتيكي ,,,وهناك كان اختبار نظري ,,,وبعدها لما رجعت بدلت الرخصة برخصة محلية في احدى دول الخليج وبعدها رخصة قطرية

[Ţĥę őήę]

جربيت الاثنين في البداية مدربة سلبياتها اكثر من إيجابياتها غياب وحجي زايد وريحة الأكل اللي تجيبه في السيارة والأسوء تعليمها مب لهناك ولما قطعت الدروس لضروف الدراسة ورجعت في الصيف خذت مدرب لان ماكان في مدربة وشفت انه أحسن صج كان عصبي بس عطاني ثقة في الشارع وداني برا دربي في مواقف خارجية ونجحت من اول اختبار . طلب مني حلوان وماعطيته شي ههههه

[HotBlood]

لا بالله رحنا فيها :weeping:

بس والله ماتوقعت ان في رجاجيل يرضون على بنتهم تتعلم السواقة مع رجال غريب وبروحهم في السياره. يعني ما تدرون ان حرام هالشي

افاااا والله

[المليونير الفقير]

ماشاءالله البنات كلهم متعلمين من مدربين ومع ذالك مايعرفون يسوقون اذكر مره كلمتني وحده اتقول ممكن خدمه قلت نعم قالت ابيك تطلع سيارتي من الموقف هههههههه استغفرالله العظيم هذي شلون خذت ليسن

[البحار00]

رحت المدرسة دفعت خمسين ريال وأختبروني اختبار شارع ونجحت بلا حصص بلا خرابيط

[كان فيه وخلص]

انا دخلت زوجتي مدرسة سياقه
وطبعا كان المدرب إمرأة

لا قواعد مرورو ولا تعليم مثل الأوادم ،

ومره مشيت وراهم وطلعت 5000 خطأ مروري ، وكلمت زوجتي تقول لها أن تعليمك غلط ،

وزوجي يقول تعلميك غلط ، عصبت وزعلت ، وقدام زوجتي سألت مدرب عن بعض النقاط ،

وقال لها طبعا أنتي اللي تعمليه غلط ، ومخالف للقوانين ومسبب للحوادث ، تفشلت ،

ومن أحد الأخطاء كانت تدخل الدوار من أقصى اليسار ، وتغير أتجاهها داخل الدوار إلى أقصى اليمين

المهم زوجتي أخذت الليسن وبدا تعليمي لها وإعادة برمجه لكل ما تعلمته على يد المدربات 0
--------------------
اما المدربين اللي هناك ، صراحه ما أنصح أمرأة تكون مع مدرب في سياره وحده ، ولا يصح شرعا ولا يليق بمسلمة

وحده أعرف أخوانها ، تدربت مع مدرب ، والمدرب هذا الله يهديه والله أعلم بنيته ،

أتهمته بالتحرش ، هل عن طريق الخطأ أو مقصود ، الله أعلم ،،

وإذا كان لا بد خلاص يعني لا زم مدرب وخربانه خربانه ، لازم يكون هناك محرم ، في نفس السياره ، كنت أشوف ناس معاهم ازواجهم أو آبائهم ،

ولا يجب الإستهانه بهذا الامر

فهم بين نارين ،
نار المدربات اللي أكثرهم تعبانات ، ونار الخلوه مع مدرب الله أعلم بحاله ،

[monatee]

اما اللي يتباهون ان مدربها رجل وبدون محرم

الحمد لله والصلاة والسلام على رسول الله وعلى آله وصحبه، أما بعد:

فلا يجوز للمرأة المسلمة أن تتعلم قيادة السيارات على يد رجل أجنبي إذا ترتب على ذلك خلوته بها وأولى مسها، سواء كان ذلك في بلد أوربي أوغيره، وقد قال الشيخ محمد بن صالح العثيمين ـ رحمه الله تعالى: وأما بالنسبة لتدريب الفتاة على قيادة السيارة وانفرادها برجلٍ يدربها: فهذا لا يجوز، وهو أكبر فتنة مما لو انفرد بها في حجرة، لأن من المعلوم أن النفس تحب من أحسن إليها، وهذا المدرب إذا عامل الفتاة باللطف واللين يكون هناك فتنة كبيرة لا يتصورها الإنسان، وكيف عندما تجد الطالبة نفسها بجانبه يريها كيف يعمل عجلة القيادة، وكيف يعمل بالفرامل، وكيف يعمل كذا، فهذا خطير جداً جداً. انتهى من لقاء الباب المفتوح له.

والدليل على منع الخلوة بالأجنبي قوله صلى الله عليه وسلم: لا يخلون رجل بامرأة إلا مع ذي محرم. رواه البخاري ومسلم.

وقوله أيضاً: لا يخلون رجل بامرأة إلا كان الشيطان ثالثهما. رواه الترمذي وصححه الألباني.

أما إذا لم تترتب على ذلك خلوة ولا مس فقد سبق أن أوضحنا في الفتوى رقم: 96249، أن تعلم المرأة القيادة على الرجل جائز بشرط الالتزام بالضوابط الشرعية مثل التستر عن الأجانب والبعد عن مسهم والخلوة بهم.

والله أعلم.


مشكلة تفكيركم :rolleyes2:

ومن قال تباهينا ومن قال كنا بخلوه ؟!!

الاخت اسألتنا وجاوبنا على قد السؤال ،، لازم يعني كان اخوي معاي او كانت امي معاي

[للصبر اخر]

انا دربتني حرمه
ولما خذت الليسن ابوي ماخلاني اسوق قبل مايدربني هو بنفسه

[w.qatar]

اللي دربتني فلبينية ممتازه بس مدرسه خبره للتدريب كانوا يقولون لها ما تودونهم شوارع مزدحمه و انا من حنتي عليها خليتها توديني فبراير وهي ميته من الخوف تقول ممنوع احنا بعدنا عن المدرسه
بس الحمد لله خذت الليسن من اول تراي
بعدها اسبوعين اطلع مع اخواني لين شغلي و يرد الظهر و انا اسوق لين البيت و بس :)

[شمس المغيب]

تدربت على يد مدربة سودانية الله يذكرها بالخير
دربتني بس على شان انجح في الاختبار
لا قواعد مرور ولا غيره
ووقته كان التعليم على العادي مافي اوتماتيك
ويوم خذت الليسن
استلمني بو العيال الله يجزيه الخير
وتدربت على يده من يد ويديد أصول السوقه
ولله الحمد كل من شافني او ركب معاي
يقول لي انتي مدربچ ريال مب مره

[شيزكيك]

انا تعلمت على يد مدربة عربيه كانت وايد شاطرة طلعتني شارع من ثاني يوم:weeping: بس مشكلتها طلابه وايد تشحت وتطلب تزهق الواحد ما صدقت نجحت وافتكيت منها بس الصراحة شاطرة

[(Sara)]

أنا ما تدربت ولا اسوق ولعيون اخواني ما أفكر أني اسوق :victory:

[ولد العرب]

أنا ما تدربت ولا اسوق ولعيون اخواني ما أفكر أني اسوق :victory:

هههههههههههههههههههههههههههههههههههههههههههه

http://cdn.xlserv.slabnews.com/public/uploads/images/35583559609949592.jpg

نسيتي مشاركتك واحد قالك يدوسك بالتريله والثاني رصاصه هههههههههه:shy:

منتدى مراقب بالردارات :nice:

[نفسي عزيزه]

:strong3:

[غزلان]

انا ما افكر كلش اسوق لأن هلي مايوافقون :weeping:

[بومحمد المطاوعه]

انا الليسن جاني لين البيت
الحمدلله

[(Sara)]

هههههههههههههههههههههههههههههههههههههههههههه

http://cdn.xlserv.slabnews.com/public/uploads/images/35583559609949592.jpg

نسيتي مشاركتك واحد قالك يدوسك بالتريله والثاني رصاصه هههههههههه:shy:

منتدى مراقب بالردارات :nice:

ياخي مشيها لي خلهم يصدقون نفسهم شوي
أصلا كنت بصور الشاشه وبطرش لهم بس انت خربت السالفة :rolleyes:

[ولد العرب]

ياخي مشيها لي خلهم يصدقون نفسهم شوي
أصلا كنت بصور الشاشه وبطرش لهم بس انت خربت السالفة :rolleyes:

ههههههههههههههههههه تعيشين وتاكلين غيرها خيتووا :app:

[أم محمد 90]

أنا ما تدربت ولا اسوق ولعيون اخواني ما أفكر أني اسوق :victory:

ههههههههههههههههههههههههههه


هههههههههههههههههههههههههههههههههههههههههههه

http://cdn.xlserv.slabnews.com/public/uploads/images/35583559609949592.jpg

نسيتي مشاركتك واحد قالك يدوسك بالتريله والثاني رصاصه هههههههههه:shy:

منتدى مراقب بالردارات :nice:

كفووووو ياولد العرب اشهد انك غطيت ع رادارات قطر ,,



::



عن نفسي تدربت ع يد اخوي وبعدها رحت خذ كم حصة مع مدربة سودانية ماتعرف تدرب

قدمت الامتحان ونجحت ومن 2009 اسوق ولله الحمد ..

بس بديت اتملل ابي دريول اهئ اهئ

[مليونيرة مفلسة]

مدرب بنقالي في مدرسة الراية