تجربتي مع فحص الخبراء الالمان للسيارة

[سعد81]

السلام عليكم بقولكم عن تجربتي مع الفحص لدى الخبراء الالمان ، امس رحت لهم افحص سياره بشتريها وهي بورش كيان وكان صاحب السياره امين وقالي عن المشكله الي فيها قبل ما افحص وهي عند بداية التشغيل (السلف ) يكون ضعيف ولازم اشغلها مرتين او ثلاث مرات علشان تشتغل ولكن بعد الفحص وللاسف ما قالو لي عن هالمشكله ولا كتبوها بورقة الفحص ويوم انا نبهتهم عليها قالو لي هذ المشكله بسبة البطاريه
وانصح اي واحد بيشتري انصحه ان ما يروح لهم والي حاب يتاكد اكثر ورقة الفحص عندي والسيارة موجوده
وللعلم سعر البطاره 800 ريال
سعر السلف فقط 2800 ريال (بدون تركيب )

شوفو الفرق بينهم
والله حرام السمعه الي ماخذينها

[لبى آلعرب]

الخبرا الالمان ناس واجد تكلم عنه الي شغالين فيه شوف من اي جنسيه وبتعرف وبعدين هم ماخذين قاعده الي ايطلع عيوب وخرابات اكثر هو الناجح انا بعد انصح الكثير عندكم فحص الطائر مافيه كلام وفحص الالماني بعد مافيه كلام محله جنب معرض الشرق بضبط والله ايوفق الجميع

[@north_star@]

اي خبراء واي خرابيط والله اتحدى دخل نفس السيارة مرتين وشوف التقارير شلون مختلفين وبالنسبه للفحص الالماني رايحين فيها ولا يدرون شالسالفة
واحسن الموجود حاليا الطائر الفني لا يعني انه توب بس احسن الموجود ... والف شكر على نقل تجربتك اخوي والله يباركلك بالسيارة ويعطيك خيرها ويكفيك شرها

[الجوكر90]

الشيخ بقولك شي
مب شرط كلامهم صح ï»»نهم يمشون ع معاير معينه
يعني لو شافو شي معين يقولون هني في صبغ او هالمكان مدعوم
مب شرط كلامهم صح
مره قالو ان موتري مدعوم باب وهو مب مدعوم
اهم شي انك تكون امين مع الشراي وتقوله الموتر اشفيه بالضبط
وبالتوفيق

[Abu Muhsen]

والله اخي الكريم موضوعك مهم جدا جدا ... مركز خبراء الالمان ... مجددين المحل ومكبرينه ... وانه حركات ويستوعب الكثير من السيارات بوقت واحد... المهم
كل الاحترام والتقدير للمحل واصحابه ... ولكن من وجهة نظري لا يستحق كل هذا الصيت ...
المحل هذا يحب يكتب الكثير من الكلام والمشكلة تعال اسال الفنيين عن المكتوب نص الكلام ما يعرفون يشرحونه ... طب كيف كتبته ؟؟ نقطة انت كاتبها ومش عارف تشرحها ؟؟؟
هذا غير اسعاره الفلكية ...فحص راف فور 2006 كامل مع الصبغ كلفت 350 ريال !! طبعا السيارات الفخمة فحصها غالي جدا ...

والله من تجربتي افضل محل فحص الطائر .. سواء المحل الي ببداية طريق سلوى او الي بجانب الجزيرة للتمويل ...

[Abu Muhsen]

اي خبراء واي خرابيط والله اتحدى دخل نفس السيارة مرتين وشوف التقارير شلون مختلفين وبالنسبه للفحص الالماني رايحين فيها ولا يدرون شالسالفة
واحسن الموجود حاليا الطائر الفني لا يعني انه توب بس احسن الموجود ... والف شكر على نقل تجربتك اخوي والله يباركلك بالسيارة ويعطيك خيرها ويكفيك شرها

والله كلامك جواهر اخي الكريم ... دخل سيارتك مافيها شي يطلعلك مجلد

[علي بن جاسم]

حتى الطاير مرة دخلت موتري الفحص قال صبغ بانه بعدها بفتره دخلته مرة ثانية قال البانة صبغ شركة ... راويته الورقة القديمة ويهه انصفق تم يفحص آلبانه ربع ساعة

[Abu Muhsen]

حتى الطاير مرة دخلت موتري الفحص قال صبغ بانه بعدها بفتره دخلته مرة ثانية قال البانة صبغ شركة ... راويته الورقة القديمة ويهه انصفق تم يفحص آلبانه ربع ساعة

اخي الكريم من بعض الحلول لمعرفة الحقيقة اذا السيارة حديثة تشوف الرجال وين مامن السيارة وتشوف ملف السيارة بشركة التامين اذا عليها حوادث ولا لاء اذا السيارة غالية فهي تستحق العناء ... وبصراحة من كثر تعاملي مع محلات الفحص فا اكثر شي يفيدك فيه محل الفحص انه لما يرفع السيارة تشوف في تسريب زيوت ولا لاء وتطمن انت بعينك على حالة السيارة من الاسفل فوضع السيارة من الاسفل يتحدث بالكثير عن وضع السيارة اما موضوع الصبغ فا الله المستعان مين الي يكون صادق معك فعلا ويقدر يحدد 100 بالمئة ان السيارة مصبوغة ولا لاء

[Mzyoon Q6r]

اخوي سواء محل الالماني او غيره لازم تلاقي شيء ناسينه او مغلطين فيه .. وبالنسبه لفحص الطائر قبل كم شهر حبيت اشتري نيسان باترول وخذته عندهم وفحصوه وطلعولي اماكن الصبغ و بعض المشاكل .. والمشكله الكبيره ما انتبهولها ولا انا انتبهت لها وصاحب السياره غشني فيها وما قالي عن العيب اللي هو ان خزان البترول معلق وما تعرف كم باقي من البترول .

[الامير]

اااااخواني الحذر ثم الحذر من محل الا لماني

[al-obaidly]

كلهم اخرطي

[qtrvip]

اشكرك اخي على الموضوع المهم جدا جدا ...

سؤال مهم جداا : موضف الفحص او الفاحص هل عنده شهادات او خبرات تؤهله انه يكون فاحص للسيارات او هل هناك معايير للفاحص حتى يشتغل في فحص السيارات ؟؟؟
لان اللي اشوفه الكثير منهم ما عنده الأهليه انه يشتغل في فحص السيارات بغض النضر عن الاجهزة اللي يستعملها .. والناس مساكين يدفعون دم قلبهم على سيارات معينه وتطيح في كبودهم .. الله المستعان



ونصيحة يا اخواني اللي ببيع سيارة يبري ذمته امام الله قبل الناس ...

[qtrvip]

..
الله المستعان

[qatari 111]

كلهم اخرطي

+1

اهم شي ذمة صاحب السياره

[سعد81]

اشكر الجميع على ردودكم وتفاعلكم
والقصد من الموضوع اني انصحكم وانبهكم لمشكله انا طحت فيها ومابي غيري يطيح فيها

[BuFaisal]

اخوي سواء محل الالماني او غيره لازم تلاقي شيء ناسينه او مغلطين فيه .. وبالنسبه لفحص الطائر قبل كم شهر حبيت اشتري نيسان باترول وخذته عندهم وفحصوه وطلعولي اماكن الصبغ و بعض المشاكل .. والمشكله الكبيره ما انتبهولها ولا انا انتبهت لها وصاحب السياره غشني فيها وما قالي عن العيب اللي هو ان خزان البترول معلق وما تعرف كم باقي من البترول .

هذي المشكلة ما تطلع بالفحص .. لازم راعي الموتر يقولك ولا بتعرفها مع الأستعمال للأسف

وانصح الجميع قبل لا يشتري موتر انه يشيك مع التأمين ..
أو مع الشرطة وبيعرف كم مرة سوت حادث واعطوه ورقة تصليح
بالطريقة هذي ما يقدر يغشك فيها أحد