نعلة خشب ؟؟

[dream~qa]

السلام عليكم ورحمة الله وبركاته

عندي غرفة باركيه بس مشكلتها أن النعلة أما تطيح أو تتقشر فقررت أركب نعلة خشب عليها .. شرايكم ؟؟

ووين ألقى محل يسوي لي نعلات خشب ؟؟

[ضوى]

تاخذين القياس اللي تبينه واللون اللي تبينه وتروحين الصناعية فيه محل مادري شينقال له ، يسويهم لج بالمقاس المطلوب

[dream~qa]

ههههههههههههههههههه يعني وين أطق براسي في الصناعية ؟؟؟؟

بصراحة ما ابي أروح الصناعية أبي حد يجيني البيت !

[لما]

منجره الصقور سوت لنا نعله خشب وديكورات خشب روعه وبسعر اقل بواجد من السوق د


اذا تبي الصور بحطها
اللي يستفيد منها دعواته بالتوفيييييييق

[ضوى]

لما حطي الصور الله يعافيج

[ولد المنصور]

هلا
مفروشات الخليج طريق سلوى
ومحل ف شارع الاصمخ ,,,, بس احس نعلات الخشب اتشمخ ..

[معماري قطري]

الباركيه حلاته أَرضية بس لكن النعلات تتركب خشب وتتركب ببراغي وتنصبغ باليد .. ولو كان اللون مقارب للباركيه أَو يختلف بعد يطلع زين .. بس بالنسبة إِنج تركبين عليها ما اتوقع فكرة زينة اطلبي يشيلونها ويركبون الخشب.

[معماري قطري]

هلا
مفروشات الخليج طريق سلوى
ومحل ف شارع الاصمخ ,,,, بس احس نعلات الخشب اتشمخ ..

تتشمخ لو خشب أَبيض ناعم .. أَما البني والأَحمر ما تبين فيه الشموخ وبعضه يجي قاسي ومهمة العناية بالخشب.

[ولد شرق]

السلام عليكم

رافكو في شارع الريان قسم الباركيه

[dream~qa]

جزاكم الله خير جميعا

عزيزتي لما ياليت تحطين الصور علشان الكل يستفيد

وياليت عنوان منجرة الصقور ؟