لازم نبتعد قدر المستطاع عن النظري وانركز على العملي

[حمد 2002]

السلام عليكم ورحمه الله وبركاته

(( لازم نبتعد قدر المستطاع عن النظري وانركز على العملي ))

الصراحة كل ألي تعلمه الطالب من صف أول ابتدائي إلى صف ثالث ثانوي ومن سنه أوله بجامعه قطر إلى سنه رابعة بجامعه قطر ، كلام عادي وما يستفيد الطالب أي شيء إذا راح لسوق العمل والشغل ، اللهم يستفيد شيء واحد وهي الشهادة فقط ،

ليش مايتم تأهيل الطالب سواء بالجامعة أو بالثانوية بنسبه كبيره على العملي ونبتعد عن النظري قدر المستطاع .


مع فائق تحياتي العطرة .


اخوكم حمد 2002

[شبح الصمت]

يعطيك العافيه اخوي حمد ..

بس لازم تغذي العقل بالمعلومات الكافيه من العلم وتخليه يستوعب اكثر في بداية مراحلة الدراسية ..

والعملي موجود في بعض المدارس مثل الصناعة دراسة وعملي بعد ما يتمكن الطالب من سقل نفسه ..

ولو صار تطبيق العملي لبعض المواد راح يكلف الدولة الكثير من المال ومن الكوارد ..


موضوعكم جميل واقتراحك اجمل ولكن يبقى القرار لاصحاب القرار ..

تسلم لي يالراكد

[عثرة جواد]

صباح الخير

هاي الي الي احنى نتمناه من المجلس الاعلى احنى نبي جيل مثقف يحب الاطلاع وليس حشومعلومات من غيرفايده
واخرالسنه خوف ورعب من الامتحانات
والي يقهرالعقال ينطرهم بعدالنتيجه

[حسن]

للاسف ياحمد

ماقدر احكم على الوضع وهل هناك رؤيه تعليميه ولا لا
ماادري
الطالب القطري يجب ان يطور في ضل الميزانيات الضخمه العاليه
يجب ان يكون هناك الالف المهندسين والدكاتره
يجب ان جيب افضل مدرسين العالم وافضل مخططين في العالم
اذا لم يستفيد المواطن من هذا الفائض الضخم من الميزانيات

لين يستفيد بعدين الى كان يروح حق عاهد يعلمه يجبر ريش طيور
على الاقل يطلع دكتور طيور

:)

[همر]

ابتعدنا عن نظام التعليم التقليدي

الى نظام المستقلات وخربت خيبر ...

خل يرجعون نظام التربيه والتعليم

وجزاهم الله خير العملي جاي جاي ...

[حسن]

ابتعدنا عن نظام التعليم التقليدي

الى نظام المستقلات وخربت خيبر ...

خل يرجعون نظام التربيه والتعليم

وجزاهم الله خير العملي جاي جاي ...



همر

هذا مهب حل ولو تقول تعال رجع النظام القديم ليش
الحين لو قالوكل تعال اركب النيسان القديم ذاك بوتواير
مكعبات ام صوت والسقف طربال ولا تركب اللي عندك وتقول لا هذا قديم وانتهي
موديله

نفس الشي تعليم الحين وين ومال قبل وين

راح ايام

دا دو دي

الدنيا تغيرت اصحو ياناس ياعالم الاول المراه ماتشبر الى مع ام ولا اب ولا اخ
والحين تروح تتسلق جبال الالب وبروحها

عجب ياناس تصحوني وانا نايم وتقلون تعال اسمع وكيف اسمع وانا نايم

:rolleyes2:

[تغلبية]

محد يبي التعب ..

يكفي النظري متعبهم !!

[قطري2022]

للاسف ياحمد

ماقدر احكم على الوضع وهل هناك رؤيه تعليميه ولا لا
ماادري
الطالب القطري يجب ان يطور في ضل الميزانيات الضخمه العاليه
يجب ان يكون هناك الالف المهندسين والدكاتره
يجب ان جيب افضل مدرسين العالم وافضل مخططين في العالم
اذا لم يستفيد المواطن من هذا الفائض الضخم من الميزانيات

لين يستفيد بعدين الى كان يروح حق عاهد يعلمه يجبر ريش طيور
على الاقل يطلع دكتور طيور

:)

يعطيكم العافية بو شهاب و بو علي ، بس يا بوعلي خذها مني وانا بعطيك جرنتي مدى الحياة على الي بقوله ، مناهج التعليم يجب ان تقلص لين الربع ، علشان يكون في و قت للمراجعة و التربية و اللعب ، اما الي يصير ان الطالب من الصبح لين الليل حياته كلها دراسة فهذا غلط فادح ، من و ين جابو فكرة ان الطالب لازم يذبح نفسه من الصبح لين الليل علشان الدراسة ؟ ان امتذكر مادة الاحياء و العلوم عليهم دروس لو ان متذكرينها كنا صج استفدنا منها في تغذيتنا و كنا بنطلع ناس ذوي اجسام صحية ، لكن كله تبخر ، صار الهف من التعليم مجرد حفظ ونجيب علامة كاملة علشان اهالينا يكشخون فينا عند ربعهم ، لكن تعال الحين اسال و احد شنو الي خذته في سادس و لا ثاني سنة جامعة ، بيتذكر اشياء لاتضر و لا تنفع ، الهدف من التعليم هو ان نستخدم الي تعلمناه في حياتنا اليومية مب علسان نقدم امتحان ، وكم هائل من المعلومات نتلقيه كل سنة ، يفوق قدرة الطاقة البشرية ، عاد و الجامعة ، من زمان و انا اقول ان الجامعة كلام فاااااضي وما نستفيد منها الا يمكن و احد بالمية اذا مب اقل ، و اذا جابو لك خبير من برع ، بجيبون واحد يقص عليهم لين يوم المقصة ، و بياخذ منهم كم مليون و بيمشون على كلامه حرفيا ، ليش ، لانه اجنبي ، و دايما في نظر المسؤولين ان الاجنبي والعربي يفهم اكثر من القطري .

[Rosso]

الافضل انه يكون نظري وعملي مع بعض

[meme-93]

انا كنت مثلك
اقل شي كنت اقول ليش اتعلم الرياضيات
اهم شي نتعلم القسمه والضرب والجمع والطرح وباقي الاشيا مانشوفها في حياتنا
لكن مع الدراسه وتطور كورسات الرياضايات معاي اكتشفت ان الرياضيات مهمه في فيحاتنا بغض النظر للي يحبها ويكرها
تدري يوم تعلم الرياضيات وتمرن شلون تحل التمارين والمشاكل الرياضيه تسهل عليك سلوك حياتك من حل المشكلات وغيرها

دراسة النظري مهم لكن بعد مع رأيك لازم نطبق عشان نتعلم اكثر
يعني مثل نص عملي ونص نظري منها نستمتع واحنا نوع بطريقة التعليم

[حمد 2002]

اشكر كل الاعضاء الي مروا على موضوعي كلن بأسمه ولقبه ،،،

[همر]

همر

هذا مهب حل ولو تقول تعال رجع النظام القديم ليش
الحين لو قالوكل تعال اركب النيسان القديم ذاك بوتواير
مكعبات ام صوت والسقف طربال ولا تركب اللي عندك وتقول لا هذا قديم وانتهي
موديله

نفس الشي تعليم الحين وين ومال قبل وين

راح ايام

دا دو دي

الدنيا تغيرت اصحو ياناس ياعالم الاول المراه ماتشبر الى مع ام ولا اب ولا اخ
والحين تروح تتسلق جبال الالب وبروحها

عجب ياناس تصحوني وانا نايم وتقلون تعال اسمع وكيف اسمع وانا نايم

:rolleyes2:



بالطبع وبالتأكيد يا بوعلي بركب النيسان

القديم لو يبيعونه جديد صدقني اشتريه

يكفيك انه حديد في حديد شغل اصلي

مافي بلاستك واكسسوارات صينيه ووايرات

تايلانديه ومادري شنو ... تنكر ان القديم

كان يصنع بجداره ومتانه وعراقه ؟!!

حاله حال التعليم في ذلك الزمن الجميل

ومش معناة ان النيسان صاروا يصنعونه

من بلاستك والمنيوم وقصدير نقول

خلاص خل البنت تتسلق ايفرست والهملايا..

ام انك مع التطور والحداثه في مقابل

التنازل عن الثوابت ؟!!

هل جرفتك رياح التغيير يا بوعلي ؟!!

هل ماتقوله هو اعتقادك الشخصي ام

واقع مفروض عليك ؟!!

هل تعتقد ان الواقع من المسلمات

ام انه قابل للتغيير ؟!!

هل تعتقد انك قادر على التغيير للافضل ولو

كان للاقدم ام ان عودك طري ؟!!

ها ؟!! جاوب اشوف ... كله تسأل حمد

الفقيرووه ... دورك .. تفضل المايك ...