الروتر والتجار والفور جي والاسعار المضرووبه

[alawy]

السلام عليكم ورحمه الله وبركاته
طبعا عانيت وانا ادور راوتر 4g حصلت وايد تجار يبيعونها ب 1100 وفي موقع امازون ب 400 ريال انزين ليش هالنصب لو فايده 100 او 200 مب مشكله اما فايده 700 مشاءلله المهم طلبته من السعوديه كلفني مع التوصيل 540 وشغال 4g والتجار يقولون مب شغال عشان يصيدون سالفتهم على العموم الصور فالمرفقات والي يبي يطلب انا بعطيه رقم الرجال بس شرط محد يكلم الرجال الا الصامل وراح يطلب بدون اساله لاني بجاوب انا على الاساله
اسالتكم معروفه شغال فور جي اي نعم شغال عليه ضمان لا اصلن حتى في قطر بدون ضمان التوصيل خلال 3ايام السعر 440 وفي الجديد ب 530سعر البريد 120 واحنا مفروض نساعد القطرين من نصب المحلات مب نزيد عليهم واسمحولي على الاطاله

[alawy]

باقي الصور

[X 4 X]

ريال والنعم فيه من السعوديه ، قد طلبت من عنده جهازين بنفس السعر المذكور وشغالين من اروع ما يمكن ، بارك الله فيك اخوي الكريم

[alsoq]

ها الشغلات رخيصه في سعوديه والحين فيه ناس يجيبونه

خل اللي هنيه تخيس بضاعتهم عندهم

[المارونـــي]

بين البايع والشاري يفتح الله
وعساك على القوة

[alawy]

الله يعافيكم ويقويكم انا كتبت هاي من القهر نشتري اشياء اسعارها نار واخر شي تطلع فوق سعره دبل
والي يقهر انه الي يضرب عليك واحد من تجارنا
وهاي الموضوع سويته عشان الناس الي محتاجه الجهاز وبسعر حلو ممكن ارسل له رقم الرجال

[فقط قطر]

كلامك صحيح والله اخوي....

وتسلم

[السيف5]

اسعارنا دائما فوق لأن حماية المستهلك دوم ارقود

[wesam82]

في مثل يقول : لا تخاف من الغني إذا جاع ، خاف من الفقير إذا شبع . هذا هو جشع التجار

[محمد11]

الذيب هالرواتر لازم تحط فيه شريحه

[fantasy]

احسنت والله احييك
ياليت تكاتفنا و اي شي سعره ارخص برع ان ننشر الخر للفايده الله يجزيك خير الجزاء

[بوسعود]

ممكن رقم الرجال

[باش السبيت]

ممكن رقمه

[alawy]

مشكورين على الردود والراوتر نعم بشريحه
الي طلب الرقم يكلمني على الخاص يقول يبغي الرقم
مشكله اخاف اوزع الرقم والناس تشتري منه وتاجر فيهم ههههه
على العموم اذا الاداره تسمح حطيت رقمه

[احساس غالي]

ههههههههههه بل جننت التجار

[باش السبيت]

تم طلب 2 .. والحمد لله وصلوا وشغالين 100% ومن احلى ما يكون

سعره مناسب جداً .. طلعوا علي ب1390 مع التوصيل عن طريق البريد الممتاز السعودي


وبحط لكم بعدين خطوات الأعدادات


ما قصرت ياخوي alawy على النصيحه وبيض الله ويهك

[qatari 111]

وعليكم السلام

ابغي اعرف وشو الراوتر حق ايش وشلون استخدامه او تركيبه :shy::confused:

[qatar711]

باقي الصور

السلام عليكم
انا ابغي لي جهاز ولا عليك امر

كيف التواصل؟؟!