تقطير الوظايف ، اشرايكم فيه يالربع ؟

[حمد 2002]

السلام عليكم ورحمه الله وبركاته


تقطير الوظايف واشرايكم فيه يالربع ؟

كل مادخلنا وزاره انجوف فيها اجانب وايد بوظايف سهله جدا وممكن المواطن يشغلها !! ، وكذلك الجهات الخاصه وابسط مثال وظيفه الكول سنتر ببعض الشركات الخاصه الي تملكها الحكومه ، كل ماتصل ايكلموني اجانب وايد مع وجود بعض المواطنين طبعا . السؤال الذي حبيت اطرحه هنا
هل هناك تلاعب على قانون التقطير او خلاص الوزارات والؤسسات نسوا هالشيء ؟


مع التحيه ..

اخوكم

حمد 2002

[Right]

تقطير الوظايف ، كالمثل القائل: " اللسان ما فيه عظم " !!


تقطير الوظايف = تجنيب الوظايف !!

[أسد الجزيرة]

كذبة ابريل

[النهار]

السلام عليكم ورحمه الله وبركاته


تقطير الوظايف واشرايكم فيه يالربع ؟

كل مادخلنا وزاره انجوف فيها اجانب وايد بوظايف سهله جدا وممكن المواطن يشغلها !! ، وكذلك الجهات الخاصه وابسط مثال وظيفه الكول سنتر ببعض الشركات الخاصه الي تملكها الحكومه ، كل ماتصل ايكلموني اجانب وايد مع وجود بعض المواطنين طبعا . السؤال الذي حبيت اطرحه هنا
هل هناك تلاعب على قانون التقطير او خلاص الوزارات والؤسسات نسوا هالشيء ؟


مع التحيه ..

اخوكم

حمد 2002

حمد وظيفة الكول سنتر تبي لها طولة بال وخاصه اذا كانت من النوع الخدمي
لازم يتحمل كل انواع الضغوط النفسيه من سب وشتم وملاغه المتصل في ناس فاضيه تتصل فقط لتتسلى فقط
اعرف واحد تحمس واشتغل شهر واحد قدم استقالته يقول اطر ولا اشتغل بمثل هذه الوظفيه
الوظيفه في الوقت الراهن لاتصلح للقطري

[المحاميه]

الدوله بدت بنظام التقطير
لكن للحين ماوصلنا لنسبة 100%
فيه وظائف للحين محتاجه للاجانب
وفيه اماكن يمكن فيها شواغر يعني ماحصلوا قطري يشغلها شيسون يخلون المكان فاضي؟

طبعاً التقطير يبيله سنين مب بين يوم وليله
والحلو ان اغلب الجهات بدت بتطبيق هالنظام وان شاء الله خير ..

[قطريه22]

في وظايف ومسميات وظيفيه في قانون الموارد البشريه للقطريين فقط ومنها الكاتب
اما الوظايف الثانيه تكون للاجانب

الاماكن الحكومي اغلبيتها قطريين
الا الخاصه تلاقي الاجانب محتلينها

[المحاميه]

حمد وظيفة الكول سنتر تبي لها طولة بال وخاصه اذا كانت من النوع الخدمي
لازم يتحمل كل انواع الضغوط النفسيه من سب وشتم وملاغه المتصل في ناس فاضيه تتصل فقط لتتسلى فقط
اعرف واحد تحمس واشتغل شهر واحد قدم استقالته يقول اطر ولا اشتغل بمثل هذه الوظفيه
الوظيفه في الوقت الراهن لاتصلح للقطري

ايوه هذا هو كلامي
اكيد ماحطوا اجنبي الا ماحصلوا قطري يشغلها
وكذلك الوظائف المرموقه
واللي يبيلها مجهود ذهني

[S S]

اشلون تقطير والمضحك فى الامر ان بعض المسؤلين عن التوظيف اجانب اوالأغلب + تلاعب شي طبيعي بيكون دامهم موجودين وعندهم صلاحيات

[Right]

أن كان القرار وإنشاء الوصف الوظيفي للوظايف بيد الأجانب

والمفروض فيه وظايف تكون للقطريين فقط

أغسل يدك للكوع ، وردد ياليل ما أطولك !!

[همر]

ايوه هذا هو كلامي
اكيد ماحطوا اجنبي الا ماحصلوا قطري يشغلها
وكذلك الوظائف المرموقه
واللي يبيلها مجهود ذهني



احسج تتكلمين بالنيابه عن مديرنا

اللي بعد ترقيته مالقى مدير قطري

يناسب الوظيفه في الشركه بكبرها ولا

في قطر كلها ولا في العالم يصلح

يمسك مكانه غير السوداني اللي تحته ...

اللي كان يسوي له كل شي طبعاً ...

شلون بيحس انه انسان خارق اذا في

قطري ممكن ياخذ مكانه بكل بساطه ؟!!

لكن الشرهه على الوزير اللي والله راح يحاسب

عن هذي الاشياء اللي يتغافل عنها او يوافق عليها ...




وكذلك الوظايف المرموقه عيل ها ؟!!

على اساس القطريين بلشتيه ومالهم

في الوظايف المرموقه ؟!!



واللي يبيلها مجهود ذهني هاااا ؟!!

شايفه القطريين تنابل انتي صح ؟!!

[المحاميه]

احسج تتكلمين بالنيابه عن مديرنا

اللي بعد ترقيته مالقى مدير قطري

يناسب الوظيفه في الشركه بكبرها ولا

في قطر كلها ولا في العالم يصلح

يمسك مكانه غير السوداني اللي تحته ...

اللي كان يسوي له كل شي طبعاً ...

شلون بيحس انه انسان خارق اذا في

قطري ممكن ياخذ مكانه بكل بساطه ؟!!

لكن الشرهه على الوزير اللي والله راح يحاسب

عن هذي الاشياء اللي يتغافل عنها او يوافق عليها ...




وكذلك الوظايف المرموقه عيل ها ؟!!

على اساس القطريين بلشتيه ومالهم

في الوظايف المرموقه ؟!!



واللي يبيلها مجهود ذهني هاااا ؟!!

شايفه القطريين تنابل انتي صح ؟!!


ايوه فيه اجانب يشتغلون بذمه وضمير
وفيه قطريين يداومون ومايدرون شسالفه
وكل شي يقطونه على الغير

اقول البعض
البعض وليس الكل :rolleyes2:

[العلياا]

النهار كلامه صحيح

في وظائف ما تصلح لنا ولا اصلا نتقبلها
أذكر اول ما توظفت في شغلي الحالي كانوا يدورون القطريين دواره وكانوا يخيرونهم أي قسم يبونه
لكن كل اللي توظفوا ما اقعدوا كمن شهر واطلعوا لان الدوام طويل والشغل حساس ويبيله طولة باال

[S S]

ايوه فيه اجانب يشتغلون بذمه وضمير
وفيه قطريين يداومون ومايدرون شسالفه
وكل شي يقطونه على الغير

اقول البعض
البعض وليس الكل :rolleyes2:
وفي البعض من الاجانب مايشتغلون ويقطون الشغل يعني هذا وهذا على بعضه ماالجديد

[حسن]

اي تقطير ياحمد

انت من صجك تعرف قطر كم وظيفه محتاجه
بالالف والعدد عنندنا مايغطي شي
التقطير موجود وماشي اصلا من النوادر تلقى قطري عواطلي
الا من نفسه
بس قول هناك خبراء ومستتشارين خرطي في الوزرارت
بحجه خبراء بل بالهبل وبرواتب خياليه
للاسف نتمنى الانتباه لهذه النقطه والتكيز عليها من قبل اللي هناك

:)

[مختلفة عقليا]

السلام عليكم .,

امبلا موجود بس في الوظايف اللي محد يبيها .,

بس الوظايف اللي المفروض فيها تقطير ., مافي .,

سبحان الله ., القطريين ما يصلحون في الوظايف اللي هم يبونا ما نصلح فيها .,

وكل واحد يضبط اعيال دولته واحنا (( انتناحس )) .,

مافي تقطير الا ع الوظايف العاديه واللي محد يبها .,

يسلموو .,

[همر]

ايوه فيه اجانب يشتغلون بذمه وضمير
وفيه قطريين يداومون ومايدرون شسالفه
وكل شي يقطونه على الغير

اقول البعض
البعض وليس الكل :rolleyes2:


القطريين صاروا اتكاليين بسبب هذي النظره

السلبيه مش العكس...

الاجانب اللي تترافعين عنهم يجون بلادنا يتعلمون

على اساس انهم خبراء ...

وفي كثير من الاحيان تلاقي القطري اللي

تحته هو اللي يصلح له ...


نظرتج ... المأساويه ... حتى لو كانت للبعض ...

نبذتها القياده الرشيده في تمكين الشباب القطري

من اماكن حساسه ومرموقه وخير دليل


شاب قطري عمره 33 سنه ...



صاحب اعلى منصب قيادي في الدوله !!!


قولي لا بعد :waiting:

[النهار]

اي تقطير ياحمد

انت من صجك تعرف قطر كم وظيفه محتاجه
بالالف والعدد عنندنا مايغطي شي
التقطير موجود وماشي اصلا من النوادر تلقى قطري عواطلي
الا من نفسه
بس قول هناك خبراء ومستتشارين خرطي في الوزرارت
بحجه خبراء بل بالهبل وبرواتب خياليه
للاسف نتمنى الانتباه لهذه النقطه والتكيز عليها من قبل اللي هناك

:)

جبت الزبده بوعلي الخبراء لوصج خبير دولته ماخلته يطلع برع ديرته
يصير خبير عندنا وبعدها ينطلق للعالميه

[Right]

ايوه فيه اجانب يشتغلون بذمه وضمير
وفيه قطريين يداومون ومايدرون شسالفه
وكل شي يقطونه على الغير

اقول البعض
البعض وليس الكل :rolleyes2:






سؤال: هل أنتي فعلاً قطرية ؟!

[حسن]

على فكره يابوشهاب

الحين تو فرش

صرح عميد كليه الاداره والاقتصاد في جامعه قطر

الدوله تحتاج الى 9000 محاسب تخيل هذا الرقم بس

قايلك انا اشوف شي انت ماتشوفها

[قطريه22]

الله يعينج يالمحاميه على الردود الي بتتهمج الحين

[النهار]

على فكره يابوشهاب

الحين تو فرش

صرح عميد كليه الاداره والاقتصاد في جامعه قطر

الدوله تحتاج الى 9000 محاسب تخيل هذا الرقم بس

قايلك انا اشوف شي انت ماتشوفها

كل سنه الدوله تخرج من كلية الاقتصاد عدد لابأس فيه الطلبه قطرين ومقيمين
لماذا لايستفاد منهم بالشكل الصحيح لازم يجيبون من خارج الدوله وبرواتب خياليه

[الدوحه1]

في احدى الجهات الحكوميه "المهندس القطري" اكتشف الاخطاء الفادحه للخبير/الاستشاري الاجنبي ورفع تقرير بالتفاصيل للمسئولين.
فكان مصير المهندس القطري التهميش والعقاب!!!!

[المحاميه]

القطريين صاروا اتكاليين بسبب هذي النظره

السلبيه مش العكس...

الاجانب اللي تترافعين عنهم يجون بلادنا يتعلمون

على اساس انهم خبراء ...

وفي كثير من الاحيان تلاقي القطري اللي

تحته هو اللي يصلح له ...


نظرتج ... المأساويه ... حتى لو كانت للبعض ...

نبذتها القياده الرشيده في تمكين الشباب القطري

من اماكن حساسه ومرموقه وخير دليل


شاب قطري عمره 33 سنه ...



صاحب اعلى منصب قيادي في الدوله !!!


قولي لا بعد :waiting:



لا
انت قلتلي قولي لا وانا نفذت الامر عشان ماتقولي اتكاليه :shy:


اكيد القياده الرشيده ماعليها كلام .. بس ياخوي انا قصدت البعض اللي يكون همه اشلون يشرد من الدوام واشلون يقعد بدون شغل عشان يخلص اموره الخاصه الخ .. مايبون عوار راس ..













سؤال: هل أنتي فعلاً قطرية ؟!







لا
مش قطريه :rolleyes:





الله يعينج يالمحاميه على الردود الي بتتهمج الحين


متعووووووده .. :nice:





في احدى الجهات الحكوميه "المهندس القطري" اكتشف الاخطاء الفادحه للخبير/الاستشاري الاجنبي ورفع تقرير بالتفاصيل للمسئولين.
فكان مصير المهندس القطري التهميش والعقاب!!!!


اماااا ..
اشدعوه
يكشف الأخطاء ويتعاقب؟
عيل نشوف ونغمض عيونا :secret:

[الأصيلة]

إذا المدير غير قطري
كيف يقطر الوظائف...
شوفوا سباير من الشروط أن يكون الموظف قطري
وأول مايجي القطري يشتغل عليه المدير اللبناني لين يطفشه
ويجيب من نفس جنسيته
ولارقيب ولاحسيب..

[Locale]

منو حط الاجانب في اعلى المناصب ؟؟


ليييش ؟؟!

[ضوى]

فيه وظايف مافيها قطريين فإجباري مايكون فيها تقطير ، مثل الصيادلة ، اطلاقا مافي في الوقت الحالي واول دفعة يمكن تتخرج السنة من الصيدلة وفتيات مافي شباب .
وغير هذا في وظايف كتابية في اماكن فيها مراجعين غلفج واشكال والوان والقطريين يرفضون العمل في هالمكان لذلك يكون فيها اجنبي

[al saad]

الله المستعان.......
في شغلي تطفيش القطرين وتوظيف القطرين من أصول ثانيه حسب أصول المسؤولين او قريبه بشكل واضح وين الرقابة وين اداره الشفافية وين ووين ووين.......
ولين جاهم قطري قالو مافي توظيف وثاني يوم اتحصل واحد متوظف قريب ولا صديق من اصل المدير

[أم محمد 90]

المحامية


سبق ورديت مثل ردودج

وجاتني رسايل ع الخاص تتهمني ان انا مب قطرية وهولية ومستقطرة ومتجنسة ومش عارفة ايش


يا انج تسكتين

ياتأيدينهم في كل شي

[المحاميه]

المحامية


سبق ورديت مثل ردودج

وجاتني رسايل ع الخاص تتهمني ان انا مب قطرية وهولية ومستقطرة ومتجنسة ومش عارفة ايش


يا انج تسكتين

ياتأيدينهم في كل شي


الله يعين
بس ماقدر اسوي كوبي بيست واقتبس كلام اللي قبلي وانسبه لي
هذا مب طبعي

يمكن مع العولمه اتغير واتطبع باطباع بعض البشر

:weeping:

[Right]

لا
مش قطريه :rolleyes:









توقعت ذلك !!

[المحاميه]

توقعت ذلك !!





وطن اسمحيلي اقتبسها منج

هاهاها


صفقوله على راي شبح

[Right]

وطن اسمحيلي اقتبسها منج

هاهاها


صفقوله على راي شبح






بسم الله عليج ، الله يشفيج إن شاء الله

[S S]

الله المستعان.......
في شغلي تطفيش القطرين وتوظيف القطرين من أصول ثانيه حسب أصول المسؤولين او قريبه بشكل واضح وين الرقابة وين اداره الشفافية وين ووين ووين.......
ولين جاهم قطري قالو مافي توظيف وثاني يوم اتحصل واحد متوظف قريب ولا صديق من اصل المدير

ليش اتروح ابعيد شوف ردود بعض الاعضاء الي رادين على الموضوع

[المليونير الفقير]

كلام فاضي مافي تقطير ولابطيخ

[أسد الجزيرة]

الموضوع للقطريين الرجاء من الجنسيات الاخرى المغادرة

[Right]

يا جماعة أنتو فاهمين تقطير الوظايف بطريقة خاطئة

فليس المعنى في ذلك أن الأولوية للتوظيف للقطرين أو إحلال القطري مكان الأجنبي





التقطير المقصود تعبره الصورة التالية:

http://im84.gulfup.com/MnzjC3.jpg (http://www.gulfup.com/?dLPgKD)





عاد أفهموا لي متى نعلم فيكم !!

[Aaziz]

بوشهاب

http://www.mza3et.com/up/uploads/images/mza3et.com-f6310f9f8b.gif

[R 7 A L]

للتقطير
نوعين
بعض المسئولين فاهم التقطير الفهم الصحيح وهو تقطر الوظائف وتشغليها من قبل القطريين

والنوع الثاني
فاهمين التقطير ( مثل القطارة ) كل ماكان عدد التوظيف قليل كل ماكان يخدم ويعمل على تحقيق رؤية الحكومة

والنوع الثاني للاسف هو اكثر نسبة

[ya3coub]

في احدى الجهات الحكوميه "المهندس القطري" اكتشف الاخطاء الفادحه للخبير/الاستشاري الاجنبي ورفع تقرير بالتفاصيل للمسئولين.
فكان مصير المهندس القطري التهميش والعقاب!!!!

صارت بيني و بين مدير المشروع الي اشتغل فيه

و سبحان الله المفروض اروح اشتغل بلندن 6 شهور عقب ما جات الموافقه و اختيار المشروع الي بتعلم منه بقدرة قادر توقفت الأوراق و كلشي و لا ازال موجود هنا فقط تم ابلاغي بتأجيل العرض إلى اجل غير مسمى

للأسف في ناس تلعب و في ناس تنلام و الي يتكلم بالحق يقولونله اسكت قد لا يكون وصلني عقاب مثل الأخ الي فوق بس لو نفس المشكلة او الاحظ شيء مشابه بعيد نفس الحركة و بتكلم و بعترض و بكتب كتاب كالعادة بوجهة نظري و بالحل الي اشوفه و باسباب التأخير و على من تقع المسؤولية ايضا


---------------------

نرجع لموضوع التقطير

ربعنا الحمد الله فيهم الخير و البركة و شبابنا و بناتنا كل جيل اقوى من الي قبله <<< بغض النظر عن نظرة الشياب و الأخلاقيات او التفتح الي الكل ينبذه

كلامي عن الإنتاجية بالعمل و حب العمل سوائا بالضغط و الكمية او بالساعات و طول اوقات الدوام او بالإثنين من حيث ضغط الشغل و الطول وقت العمل

بينما في فئة موجودة بكل جيل المسماة فالسابق بالقطري التقليدي او "القطري بنظرة الخبراء الأجانب" انه انسان غير كفؤ و لا بصاحب مؤهلات و انما توظف بواسطة او معرفه و لا يعتمد عليه لأن واسطته قوية بس ياخذ معاش و يمشي

و للأسف الأن الجيل الثاني على التوالي و لا تزال هذه النظرة من بعض الأجانب ما تغيرت إلا صار بعض المواطنين يصدقونها و يئيدونهم بسبب وجود فئة اقلية مخربين عالكل و اهم الي يتم التشهير فيهم و للأسف هالفئة اغلبهم موجودين بخدمة الجمهور سوائا بوزارات او خدمات حكومية او غيرها او بالأماكن العامة

نظام التقطير عندنا "الشركات الخاصه او شبه الحكومية" القطري نعبي فيه خانه و رقم فقط لا أكثر ولا اقل يستلم معاشه و يسجل حضوره و حتى لو غاب عادي لين ما يطفش من نفسه و نجيب غيره و على هالمنوال.

بعض الاماكن في دعم للقطرين و يتم تنبيهم من مسؤول او مسؤوله قسم القطرين ترى الصورة الي تعرفونها غير عن الواقع لازم تطلبون الشغل لازم تتليقفون حولكم لازم ما تعطون احد فرصه يقول ما عندهم شغل او ما طلبو شغل تعلمو ادمرو و اتعبو فالبداية علشان اتكون لكم بصمة

و من تجربتي في اعداء من جنسية معروفه من اخوانا العرب غير عن باقي الجنسيات بمحاولات التطفيش بس للآن الحمد الله استلم مسؤوليات جديدة و اطالب فيها و الي اتعلم و اقدر على انجازه فالوقت احسن ادائي بعدها و من ثم اطلب شي جديد و قاعد على جبودهم

تحتار ببعض الاماكن من وجود رئيس موارد بشرية من ابناء البلد بعد المقابلة او اثنائها يقولك ليش جاي تشتغل عندنا عندك اماكن كثيرة ثانية !! و يصادف عقب فترة انه عظم ببلعوم أغلب القطرين إلا الي من جماعته و للأجانب اهو الملك و طلباتهم اوامر للأسف ولا يردلهم اي شي

[فيصل99]

المحامية


سبق ورديت مثل ردودج

وجاتني رسايل ع الخاص تتهمني ان انا مب قطرية وهولية ومستقطرة ومتجنسة ومش عارفة ايش


يا انج تسكتين

ياتأيدينهم في كل شي

بل لي هالدرجه في ناس عنصررين قاموا يطرشون رسايل على الخاص
اقعدوا وتهاوشوا هذا حضري هذا بدوي هاي من قبليتي وهاي مستعرب مادري مستقطر
تنحاسوا بينكم وخلوا المناصب للاجانب
للاسف بعض العقول لازالت كانها في ايام الجاهليه
تباٌ لكم

[إعلامي قطر]

..

أخبر قلت هالجمله بسنه من السنين الماضيه بالمنتدى:

التقطير أكبر كذبه في تاريخ قطر الحديث والمعاصر !

خاصة في قطاع البترول والغاز فيه سياسة التطفيش
وسنوياً يقل عدد القطريين عندهم ومايزيد أساساً..

الأمل بعد الله سبحانه في الجهات الرقابيه في الدولة
مثل أمن الدولة ولجان وزارة الداخليه مثل لجنة شؤون
الاستقدام وضباطها القطريين إللي فعلاً الواحد يفتخر
فيهم وبحميتهم على أهل قطر وحرصهم على تقطير أي
وظيفه قابله للتقطير وايقافهم للعديد من المعاملات الخاصه
بنقل الكفاله لأن فعلاً بعض الأجانب لاعبين لعبتهم ويتنقلون
بين الوظايف ويكون الواحد وصل قطر بمرتب تسعة آلاف
وعقب كم من سنه راتبه واصل فوق التسعين ألف وصاير
خبير نووي في علم البحار والطاقه وخبير تقطير في
مكتب سعادة الوزير شلون ماعرف !

وإللي يبط الجبد تشوف البعض ممن "يهرف بما لايعرف"
يبدى يتفلسف ويقول لك القطري مب مال شغل ومايفهم !

والله شوف عيني أجانب إشتغلوا وهم مايفقهون شي
وتعلموا وتطوروا بمساعدة مسؤولينهم أما القطري
ياتكون عنده خبره أو يفارق مافي وقت يعلمونه !

للأسف الشديد كثير من المسؤولين خانوا الأمانه
والأمل كما أسلفت بالذكر في الأجهزه الرقابيه
بالدوله على الأقل لتحقيق التوازن المطلوب..

الشعارات الرنانه ماعاد تنفع ومؤامرة كذبة التقطير
أسدل الستار على فصولها الأخيره وسلامي على
كل مدير قطري يعطي الأولويه للقطريين حتى لو
إنه يشد عليهم لمصلحتهم أهم شي مايفقد الأمل
ويستثمر فيهم لأن محد راح يكون أحرص على
مستقبل قطر مثلهم..

..

[احب قطر]

اذكر يوم كنت صغير واروح الشغل مع الوالد الله يحفظة ، كنت اشوف خيرة اهل قطر يشتغلون ، وشغلهم على قلب واحد ، وما اذكر كنت اسمع ان احد انهضم حقة ، او احد انظلم ، والله اني اذكر جمعتهم الصبح من المدير لين اصغر موظف ، ملتفين على سفرة وحدة ، والكل يضحك والكل يسوي شغله من قلب ، بعكس ايامنا هاذي ، تسمع عن الظلم واكل حقوق الناس ، وسياسة تكميم الافواه ، والترهيب ، وشراء الناس ، ومن النادر ان تلاقي من متمسك بقيمه ، ولو لقيته ، راح يكون منبوذ من عمله ، هذا ما يواجهه اهل قطر من بيئة عمل هالايام ، اصبح الكثير من المسؤلين مستعبدين لموظفينهم (الا من رحم الله) ويقرب حواليه من يلمع له ويخفي اخطائة ، وفي العديد من هالقطر ماتتماشى قيمهم مع هالقيم ، لانهم يعطون رأيهم بكل أمانة واخلاص وفي مصلحة الوطن ، وماذا يكون مصيرهم؟؟؟ المحاربة والتطفيش ...وراح تلقى هالمسؤلين يتغنون باجمل اغاني التقطير ، ويكون عذرهم (مااحد يجينا)...وتحصل الموظفين معمول لهم ترهيب عظيم لتككميم الافواه ، ولو في احد انتقد لو راح يلقى ظ،ظ*ظ* من المطبلين اللي راح يقتلون اي انتقاد.

للاسف بيئة العمل في قطر تفشى فيها الظلم والفساد ، ولو لم يكن في اجراءات حازمة لتغيير مثل هالثقافات ، ماراح يكون في بيئات صحية للعمل ، وماراح نلقى تطور يرتقي بسمعة قطر ، وراح نستمر في سياسة (كل شي ينشرى بفلوس) الى اليوم اللي راح تقل فيه هالفلوس وماراح نلقى الا فراغ في المجتمع ، ولن نلقى من يسد هذا الفراغ.

[Abdulraman]

هم فعلا يستغنون عن بعض الاجانب للتقطير ولكن من ناحيه اخرى يتم توظيف اجانب جدد شي غريب:)

[Rosso]

الشركات تحط اللوم عالقطريين، والقطريين يحطون اللوم على الشركات
السالفة يبيلها دراسة جادة لتوضيح الاسباب الحقيقية

[يمامـة]

اي تقطير ياحمد

انت من صجك تعرف قطر كم وظيفه محتاجه
بالالف والعدد عنندنا مايغطي شي
التقطير موجود وماشي اصلا من النوادر تلقى قطري عواطلي
الا من نفسه
بس قول هناك خبراء ومستتشارين خرطي في الوزرارت
بحجه خبراء بل بالهبل وبرواتب خياليه
للاسف نتمنى الانتباه لهذه النقطه والتكيز عليها من قبل اللي هناك

:)

مع هالرأي

وضد حرمان القطري من الوظائف المرموقة دام انه يستحق وقدها.

[MaRuKoO]

في وظايف ومسميات وظيفيه في قانون الموارد البشريه للقطريين فقط ومنها الكاتب
اما الوظايف الثانيه تكون للاجانب

الاماكن الحكومي اغلبيتها قطريين
الا الخاصه تلاقي الاجانب محتلينها

هالكلام مش صحيح ابداً
الجهه الحكومية الي انا اشتغل فيها 99 بالميه من الكاتب والسكرتير والي قلتي عنه مخصصه للقطرين اجانب الي ماخذينها
ووظايف للاسف اي خريج او خريجك ثانوي يقدر يشتغلها من زود سهولتها
لا واذا فضى مكان تلاقيهم يتصلون من كل قسم الي يبي يجيب سيفي اخوه والي اخته والي زوجته والي ولد عمه الي يقول كلش ما كانهم تارسين المكان بعد يبون يجيبون ربعهم شي يبط الجبد

[يمامـة]

هالكلام مش صحيح ابداً
الجهه الحكومية الي انا اشتغل فيها 99 بالميه من الكاتب والسكرتير والي قلتي عنه مخصصه للقطرين اجانب الي ماخذينها
ووظايف للاسف اي خريج او خريجك ثانوي يقدر يشتغلها من زود سهولتها
لا واذا فضى مكان تلاقيهم يتصلون من كل قسم الي يبي يجيب سيفي اخوه والي اخته والي زوجته والي ولد عمه الي يقول كلش ما كانهم تارسين المكان بعد يبون يجيبون ربعهم شي يبط الجبد

اتفق معاك،،
يقول لي احد ابنائي ان مؤسسة قطرية لها شأن كبير في البلاد

اعمال سكرتارية ممكن تقوم به القطرية او القطري والوظيفة فيها مميزات كثيرة
من تأمين ومدارس مجانية وراتب محترم ،، وفي الأخير الاجانب يتوسطون حق ربعهم,,,

قلت له احتمال اللغة الانجليزية عائق؟

قال لي شلي يمنع يخصصون مركز للتدريب في الدوائر والمؤسسات اللي تحتاج للغلة الانجليزية
وفي الأخير ولد البلاد مستفيد أكثر من غيره في مثل هالوظائف!!

[طلعة الروح]

هم فعلا يقطرون من جهه بس مايعرفون يحافظون ع الموظفين من جهه ثانيه
الخلل في سياسة الجهل والتخلف الموجودة في اقسام الموارد البشرية في قطاعات العمل الحكومية والخاصة
لأن اتضح ان محد أحسن من حد من هالناحية.

ثانيا لما نتكلم عن الرقابه على جهات العمل ومتابعة نسب التقطير ، من اللي تبيه يراقب من، كلهم عباره عن مصالح مشتركة، والبلد ماشيه ع البركة من وراهم.
لأن المسؤول الفلاني مسك المنصب من ورا واسطة الوزير العلاني او رئيس مجلس ادارة شركة من الشركات وتعال شيل وحط وطير على كيفك، هاي حال التقطير وقانون التقطير ف البلد ومن حوالي 5 سنين واكثر واحنا نعيد ونزيد والوضع من سيء لأسوء.

فالمشكله الاساسية ليست في توفر الوظايف من عدم توفرها للقطريين ، المشكله بعد التوظيف والمسؤولين اللي ماسكين مناصب ويتحكمون في مستقبل ومصاير الناس بكلمه وبتوقيع.

[بوخالد911]

متى بس اشوف عدد القطريين يفوق عدد الأجانب؟!؟!؟
لين باض الديج؟
لين حجت / حبت البقرة ع قرونها؟!

[lulu.90]

قال تعالى : {وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَالأَرْضِ إِنَّهُ لَحَقٌّ مِّثْلَ مَا أَنَّكُمْ تَنطِقُونَ} الذاريات 22، 2

تقطير او مش تقطير

لو شنو ما يصير الرزق اللي مكتوب لكل واحد راح ياخذه هي كلها بالاخير ارزاق واقدار من الله ...


دمتم بخير ...


كـــل ألـــود ...

[بوخالد911]

قال تعالى : {وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَالأَرْضِ إِنَّهُ لَحَقٌّ مِّثْلَ مَا أَنَّكُمْ تَنطِقُونَ} الذاريات 22، 2

تقطير او مش تقطير

لو شنو ما يصير الرزق اللي مكتوب لكل واحد راح ياخذه هي كلها بالاخير ارزاق واقدار من الله ...


دمتم بخير ...


كـــل ألـــود ...

عارفين هالشي

[moonبنتnight]

تقطير حبر على ورق ...
وشو أعلامي ..

[ولي العهد]

التقطير موجود ولكن على حساب القطرين اصاحب الخبره

[Right]

يجب تفعيل عملية التقطير بصدق وأمانة 100%

وليس مجرد شوو وكلام بالجرايد ، والذي هدفه للإستهلاك السلبي فقط !!


بعض المسؤوليين يقولون نبي قطريين في قطاعات معينة لأن القطريين فيها ندرة

كمثال الـــ it ، فعلاً هالكلام صحيح

لكن أن ذهب القطري الخبرة بهذا المجال تظهر عراقيل وأكاذيب أخرى

ومعظم موظفي هذا القطاع أجانب ومكوشين على كل شيء ( لوبي )


الله يعين كل قطري وقطرية لم يحصلا على وظيفة حتى الآن