وين تنباع تميمة في تايلاند بالضبط ؟؟؟؟

[الواعد]

السلام عليكم

بخصوص نعال تميمة ( الله يعزكم ) وين مكان بيعها في تايلاند ؟؟؟؟

[شمس المغيب]

تلقاهم في شارع العرب
محلات وايد تبيعهم
بس احسن نوع تلقاه عند محل ريم
على الشارع الرئيسي
محل هندي سيخي
بس النعل عنده ممتازه وماتفرق عن الأصلية بشي
وفي أنواع كل مازاد السعر زادة الجودة

[أسد الجزيرة]

على كم اسعارهم

[الواعد]

تلقاهم في شارع العرب
محلات وايد تبيعهم
بس احسن نوع تلقاه عند محل ريم
على الشارع الرئيسي
محل هندي سيخي
بس النعل عنده ممتازه وماتفرق عن الأصلية بشي
وفي أنواع كل مازاد السعر زادة الجودة

تسلم والله على الرد والله يجزاك خير

[خليفـة]

في شارع العرب من الداخل
فيه محل مقابل مطعم ابودبه اليمني
معروف المحل
راعي المحل سيخي من النيبال
لكن بضاعته لا يعلى عليها

بالنسبة للأسعار
التميمة الموديل الجديد المتعوب عليها سعرها ما يزيد عن 1500 - 1800 بات
والعادية التشكيلة القديمة تحت الـ 1000 بات
وفي النهاية طبعا انت وشطارتك في المكاسر مع البنات الشغالين في المحل

عن نفسي .. لما ادش المحل تضربهم ضيقة
لانهم عارفن ان السعر بينزل للنص معاي
ههههههه

في البيع والشراء والتجارة
لازم تكون للملاغة عنوان


خليفــة

[باراكودا]

في شارع العرب المشهور بشارع نانا المحلات موجودة صوب محل فريدة ولاتشترين من الهنود النيباليين سعرهم غالي
اشتري من الافارقة ارخص

[عاشق الشهادة]

في شارع العرب محل اسمه (جاكي - صاحب المحل و الموظفين الي فيه هنود مسلمين)

[HSN_QTR]

فشارع العرب فالمحلات الي ورا

خذت على 40 ريال

النوعيه ممتازه

عن نفسي احسن من الي فالدوحه

^_^

موفق

[شيخ القبيلة]

هناك ب40 ريال وهني العادية الكلاسيك ب 600 شسالفة؟ عيل اشتري درازن من هناك احسن لي

[وحيد-الشوق]

بس هل نفس الجودة اخبر مره حد من الاعضاء حط صورة للنعال واشوف شكلها مادري شلون

[رRاAدDاAرR]

بس هل نفس الجودة اخبر مره حد من الاعضاء حط صورة للنعال واشوف شكلها مادري شلون





اخوي وحيد جودة النعل تختلف هناك حسب المحلات في شارع نانا اللي نسميه شارع العرب

بتحصل نوعية تعبانة ونوعية جيدة ونوعية ممتازة

في أول سفرة لي شريت النعل من أول محل دشيته بـ 700 بات للنعال 80 ريال تقريبا وكانت النوعية تعبانة

لكن في سفرتي الثانية مريت محلات وايد وصدت لي نوعية ممتازة بـ 600 بات تقريبا 70 ريال