مطابخ Ikea

[Master_qtr]

السلام عليكم ! عندي استفسار بخصوص مطابخ ايكيا !

انا درت في شارع سلوى ! وحصلت يا غالي يا مايسوى !

ايكيا صراحة عندهم أشكال حلوة ! وضمان 25 سنة !

هل حد جرب المطابخ اللي عندهم ! علمأ انهم رايح يصممون المطبخ على اللي ابيه ! سواء من ادراج او اكبات !

كل الشكر

[Master_qtr]

معقولة 63 مشاهدة ! ولا رد؟

الله يجزيه الجنة اللي يساعدني

[أم وضاحي]

مستحيل ضمان 25 سنه
ضمانهم 5 سنوات
بالنسبة للمطابخ
انا فصلت مطبخي عند مطبخ الأحلام في طريق سلوى
صج غالي لكن يستاهل
مميزاته وايد حلوة
من بينها أن مفاصل البيبان لما تجي تسكر الخزاين ما تصفق بقوة
تسكر ببطئ
وفي بيبان تفتح و تسكر بأزرار
غير انه على سطح الطاولة في مثل دائرة صغيرة تهوس عليها
تطلع لين فوق وفيها بلكات حق الخلاط و التوستر و غيرة من الأدوات الكهربائية
أيكيا مطابخهم حلوة
بس ماتعيش لأن الخشب اللي يستخدمونه بشكل عام في كل أثاثهم هو نشارة الخشب المضغوط
مش الخشب الصولد
انا عندي قاعدة
الأشياء الاستهلاكية إللي أستخدمها بأستمرار ما عندي مانع أكلف عليها دامها بتعيش معاي فترة طويلة

[Chambray]

انا فصلت البانتري من عندهم

صراحة شغل حلو ويستاهل

عندهم النوع الرخيص والنوع الغالي على حسب ..

دائماً اختار النوع اللامع الملمس لسهوله تنظيفه

انصحك فيهم صراحة

انا كنت متردد .. لكن توكلت على الله ورحت لهم وفصلت من عندهم ومرتاح منهم والله ..

لكن المطبخ الرئيسي فصلته المنيوم عند العبيدلي

[Qt.1]

بخصوص المطابخ , انا مطبخي الداخلي بيكون من ايكيا لاان الشغل بيكون جدا قليل عليه , لكن المطبخ الخارجي بفصله عند الجوكي الي في النصر شغل حلو وضمان وسعر ممتاز .

[nono80]

ياريت كل واحد يفيدنا وين احسن مكان للمطابخ بالنسبه للاسعار والجودة انا نصحتني وحدة عند حسين فكري واسعارة حلوة

[Azizuk]

والله انا فصلة عند رافكو صج غالي بس شفتهم هم الوحيدين ماخذين الموضوع جدي والباقي اعطيهم الخرائط وإلا حد يرد على وإذا راجعتهم يقولي مرنا بعدين عندنا شغل واجد وهم مافي اكذب منهم

رحت عند تايلز اند مور في طريق سلوى والله 3 أسابيع وهو يقص على كل مره يقولي تعال الأسبوع الجاي بخلص لك التصميم وإلا في فايدة وعذرة ان بروحه ولازم يشرف علو المطابخ اللي تتركب في البيوت وعليه ضغط في المحل

ورحت كتشن هاوس وشغلهم حلو وعجبني وأعطيتهم متطلباتي وقالو بيردون على وإلا في فايدة وإلا بعد طلوع نفس وكلاء تيلز اند مور وكيلهم الشايع

ورحت خزانة اللي جنب معماري قطر وإلا رد على

ورحت للميرة حلو بس يعني مايسوه سعرهم على الموجود عندهم والمفصلات الأفقية عندهم تعبانه

احسن محلين شفتهم وجادين في عملهم هم رافكو وتوفلي

رافكو اجود وسعرة غالي

وتوفلي حلو وسعرة أرخص من رافكو بس جودة اقل شوي

رافكور خشب ألماني وتحس ان في وزن

اما توفلي إسباني وبعد حلو بس ارتحت حق رافكو

مطبخ 7*5 مع بان تري في الدور الثاني طلع على 154 الف ريال مع توابعها من ثلاجات وأفران وكل شي ومع الاكسسوارات الداخلية داخل الكبتات والادرج العامودية والإضاءة

والتصميم بدون جزيرة في النص لان احس انها راح تعيق الحركة داخل المطبخ والشيخ الثاني انها بس مجرد شكل عصري وحديث بس عمليا في المستقبل لو تبي تحركها مستحيل الا اذا تخسرها

وأرح أحط طاولة كبيره ومتى ما بغيت أغير وأشيل الطاولة ما عندي مشكلة وخصوصا المطبخ الداخلي راح يكون هو مكان أكل الوجبات اليومية والمطعم خله لرسميات والضيوف وأيام الأعياد

المطبخ الخارجي متصل بالمطبخ الداخلي وبعد حجمها كبير وهو راح يستخدم لطباخ ورز الجدوووور ان شاالله



غالي بس ايش أسوي المحلات التعبانة راح تتعبني لان مافي مصداقية عندهم ومافي حماية مستهلك توقف معاك للأسف

على فكرة توفلي بعد رافكو فوق قسم المطابخ ومحل روووووعه في واحد أسمة فارس جداً ممتاز

ورافكو تعاملة مع أميرة بس خلكم شاطرين معها ومنتبهين :eek5: لانها تبالغ في الطلبات دوم عطها متطلباتك اللي انت محتاجها