استفسار عن عملية اللحمية وتعديل انحراف الخشم !

[بوحارب]

السلام عليكم

أمس كنت عند الدكتور عبدالعزيز الجفيري

وبعد الكشف قررلي عملية تعديل انحراف داخلي ولحمية

وانا حاليا متردد ومشكلتي هي 1- الشخيييير ;) 2- صعوبه التنفس

ياريت اللي عنده خبرة او تجربه مع هالعملية يفيدنا وشكراً

[Aaziz]

بوحارب برد عليه و عقب خلاص سكر الموضوع ههههههههه

طال عمرك العمليه مزعجه و مؤلمه في ال 3 ايام الاولى
و راح يركب الطبيب قطعه بلاستيك داخل الخشم ماراح تدري انها موجوده بالاساس الا بعد مايشيلها لك بعد شهر تقريبا

ولكن
وركز على ولكن

كل من سوى العمليه تندم انه ماسواها من زماااااان
بسبب الفرق و الراحه الي حس فيها .

بما انه الطبيب قرر انك تحتاج عمليه معناته انت قاعد تعاني و اكثر شي راح يفرق وياك هو سهوله التنفس بعد العمليه .

تخيل جمس 454 مركبين عليه شكمان عراوي

سو العمليه و بتحس بفرق و راحه كبيره باذن الله

[بوحارب]

ههههههههههههههه سالفة الجمس اختصرت لي الكلام كله ;)


أشكرك مستر عزيز

وننتظر اللي لهم تجربه

[بصمة قطرية]

تشبيه عزيز قتلني خخخخخخخخ
إستشير طبيب ثاني
شوف لك راي ثاني أحسن ..
الجفيري ممتاز بس بعد ما يمنع تشوف دكتور ثاني
و تشوف هل بيقول لك نفس الكلام ..!!!
قال لبنت عمي انتي محتاجة عملية لتصحيح الإنحراف
راحت لدكتور ثاني عطاها علاج و قال لها مب محتاجة عملية
ارتاحت على العلاج ..
ما تشوف شر ان شاءالله ..

[العلياا]

بوحارب
اختي سوتها عنده بصراحة ارتاحت واااايد واخوي قرر يسويها عنده بعد
الجفيري من افضل الدكاترة
ولكن لا تنسى الاستخارة ياخوي وما عليك شر ان شاءالله


خاطري اعرف عزيز شنو يقصد بالشكمان :rolleyes2:

[بصمة قطرية]

بوحارب
اختي سوتها عنده بصراحة ارتاحت واااايد واخوي قرر يسويها عنده بعد
الجفيري من افضل الدكاترة
ولكن لا تنسى الاستخارة ياخوي وما عليك شر ان شاءالله


خاطري اعرف عزيز شنو يقصد بالشكمان :rolleyes2:

خخخخخخخ
الشكامين ما تعرفينها ..!!!
ما اعرف شلون اشرحها لج ..
مرات يقولون عن الشخص انه مركب شكامين ..
عزيز ممكن شرح تفصيلي

[Aaziz]

شكمان يعني سلنسر
هههههههه العادم
اقزوز

http://www.autoextract.co.uk/_images/_cms/image/Car%20exhaust%20fumes.jpg

[العلياا]

ههههههههههههههههه عزيز ما قصرت على الصورة

بصمة احين هذا شلون يتركب على بني آدم :nop:

[بصمة قطرية]

ههههههههههههههههه عزيز ما قصرت على الصورة

بصمة احين هذا شلون يتركب على بني آدم :nop:

خخخخخخخخخخ
الخشم يصير جنه شكامين :taunt:

[خليفـة]

بلا طبيب بلا عملية بلا وجع راس

مر علي بالويك اند الجاي الظهر .. تكون صايم
طراق واحد على غفلة .. وامورك في الروب

:nice:

[بوحارب]

أشكركم جميع

بودعي من بيعطيني الطراق انت ولا الفقيه هههههههههههههه

[حمد 2002]

جرب العلاج وتالي اخر حل العمليه و حاسب تري العمليه خطيره ولازم يكون الدكتور ممتاز لأن بالخشم عروق حساسه ويمكن تسبب نزيف .. بعيد الشر عنك أن شاء الله ..

[بصمة قطرية]

أشكركم جميع

بودعي من بيعطيني الطراق انت ولا الفقيه هههههههههههههه

بالتوفيق مع الطراق :nop::nop:

[عاشق الشهادة]

وعليكم السلام


توكل على الله عمليه بسيطه وماعليك شر يالغالي

[الفارس]

هلا بوحارب أنصحك لا تسوي عمليه عندالجفيري لنه مادي المرضي لي عنده يقرر لهم عمليه علي طول. لأكن أنا أنصحك تمر أوتتصل في مركز الجزيرة الطبي لي في معيذر في عندهم برافسور اسمه مازن الهاجري ممتاز ممكن تسوي بحث في قوقل باسم دكتور يطلع لك بنتي الصغيرة حصل عندها صديد ماعرفه لا هو. ماتشوف شر

[Right]

بلا طبيب بلا عملية بلا وجع راس

مر علي بالويك اند الجاي الظهر .. تكون صايم
طراق واحد على غفلة .. وامورك في الروب

:nice:




هيب مو يد :nice:

[Right]

يقال أن أي شخص يزور الدكتور عبدالعزيز الجفيري


بعيادته يقرر عليه العملية فوراً دون التطرق لحلول أخرى

[qatari4]

الدكتور عبدالعزيز الجفيري من أفضل الأطباء وعمل عملية تعديل الحاجز لزوجتي والحمد الله ما تشتكي الصداع او ضيق في النفس وللعلم د. مازن جراح ممتاز في زراعة القوقعه للآذن فقط

[بوحارب]

أشكركم جميعا على المشاركة

اليوم زرت دكتور في عيادة الدوحة
وعطاني علاج لمدة شهر

وقالي ما تحتاج عملية

[بوحارب]

العلاج عبارة عن بخاخ في الأنف