..زحمة.....زحمة.......زحمة.....زحمة..........منالم ســــؤل؟؟؟

[اخت السهم]

نطالب المسئولين في الدولة ايجاد حلول سريعة لتخفيف معاناة المواطنين والمقيمين من الزحمة والاستهتار بقوانين المرور

لاانضباط في الشوارع لادوريات مرور تتواجد في التقاطعات المهمة مثل

تقاطع المول وتقاطع التضامن وتقاطعي السينماء والمنتزة وسبب الحافلات والشاحنات وكثرة سيارات الاجرة الخاصة

ارحموا من في الارض يرحمكم من في السماء

صار الواحد منا يخاف يطلع من المنزل مايرجع

غول الزحمة وغول استهتار بقوانين المرور

يادارة المرور

القوانين مب

مشروطة على الحزام ووقوف فوق الرصيف وسرعة رادار

القوانين قبل كل شي

تنظيم حركة السير وتوجدكم في الشوارع وترك بصمة للمواطن والمقيم ان يحس بتواجدكم معة والعمل وسهر على راحتة !!!!!!

[بوحارب]

الشوارع فيها فوضى غير طبيعية

استغرب شلون باص طوله 50 متر
يمشي في الخط السريع ولا حد يحاسبه !!!

والحالات الغريبة العجيبة موجودة بكثرة في الشارع والله يعينا:)

[حسن]

عجزت وانا اوصل رسائل لهم عن طريق المنتدى واقتراحات
والله ابرك من هل الخبراء والمنهندسين

ولكن مايهتمون ونبهت ان اللي يسير مجرد مسكنات بندول
الشارع فوضى سواقين اخرطي في اخرطي
عجزت وانا الف عليهم واعير مسارهم بالقوه
عجزت وانا الصق في ظهرهم والف عليهم لتعليمهم اداب المرور

كل مالها تزيد
يجب ان تومن هناك حمله كبيره ليست لنا لهؤالء المقيمن
والا اخنا مانشكل الى عدد لا يذكر

والمشكله الععد بيوصل الى 4 او 6 مليون في 22

ايش الحل يوم البلد في راحه وسعه الحين يوم صكت
عليكم بطورون

اقول يدتي

[بانغ بانغ]

ليش زعلانين وتتذمرون
كلها سبع سنوات وبتخف الزحمة

[شيخ الديرة]

أقترح

1. أشتراط دخول دورة تحديث معلومات سنوية ولو يوم واحد لكل سواق الباصات وخاصة سواق شركات النقليات.
2. تفعيل نظام أرسال رقم السيارة المستهترة عن طريق رسالة نصية, ومن تستلم سيارته 10 او 20 من تلك الرسائل من أرقام مختلفة ياخذ مخالفة

[يمامـة]

الله يسهل الأمور،، الواحد يقضي وقته في الاستغفار وفزززز يطير الوقت بحيل الله وقوته وتساهيله..

فعلشان نلحق على مواعيدنا لازم نطلع قبل الموعد بفترة اطووول..

[عالي الهمم]

مخالفة التجاوز من اليمين او من خط الطوارىء ومخالفة الحزام يدبلوها .. والتحريات تشد حيلها .. ومتى نشوف كاميرات تخالف التجاوز من اليمين ..

شوراع قطر محتاجه تنظيم لان اللي صاير مصخره ..

[رهج السنابك]

عندي اقتراح

امنعو دخول اي باصات وتريلات للبلد خلو بس سيارات وتوك توك

[الأسبانية للمصاعد]

العلة مب في الباصات
العلة في اللي هب ودب ساق سيارة

قانونهم بخصوص اللياسن تأخر عشر سنوات

[Dmy Enabi]

الشوارع فيها فوضى غير طبيعية

استغرب شلون باص طوله 50 متر
يمشي في الخط السريع ولا حد يحاسبه !!!

والحالات الغريبة العجيبة موجودة بكثرة في الشارع والله يعينا:)

أصبت أخوي بوحارب فوضى مب طبيعية منها مثلا خط اليمين صار للسرعة واليسار للمفهيين التجاوز من اليمين أخرتها تريلا يتجاوز من اليمين قلة ثقافة لأدبيات السواقة وفي شي يديد اما لاحظته تعطي إشارة انك بتلف يجوفك المتأخر يدوس عشان ما تطوف حد صار له نفسي الله يصبرنا بس والله لو ما تزرق ولا ماتلحق

[البانوش]

99% اسباب الزحمة عدم وجود رجال المرور في شوارع الدوحة المكتظة بالسيارات

اتمنى تكليف ادارة شوارع الدوحة لشرطة الخويا او شرطة الفزعة

لان ادارة المرور لشوارع اثبتت فشلها ودليل هذي الزحمة القاتلة

[jajassim]

انتظر اخر شهر 5/2014 سيصدر قرار من رئيس مجلس الوزراء بخصوص الزحمة ، وشكرا

[Dana’1]

مالك الا تتحمل الزحمة عشان توصل لشغلك والتماشي خلها بإجازة الصيف وعطل الكرسمس بالنسبة للأجانب
العالم مسافرة وتاركة البلاد فتلاقي الشوارع فاضية نوع ماء... والا فلها وسافر:)

غير كذا لا تحلم لأن لا سواقة و لاشوارع سنعة

[خليفـة]

انا قررت اوقف السيارة واستخدم سيكل 8 بو بيبين
( طبعا هالكلام ما يفهمه الا مواليد الستينات والسبعبنات )

الزحمة صايره مملة .. والواحد صار يتكاسل يطلع يخلص اموره
بصراحه .. أفضل حل السيكل
او قعدة البيت

خليفــة

[السهم الملتهب]

زحمة لا مثيل لها لم تشهدها البلاد من قبل. وفوضى عارمة تجتاح معظم شوارع الدوحة وشوارع ضيقة يعني مافيه أمل الشارع يتم أضافة حارات جديدة بس كثيرهم يصبغونه ويرقعون الحفر اللي فيه.
و مدير المرور مشغوووووول بالمخلفات والرادارات
ولا حول ولا قوة الا بالله.

[السهم الملتهب]

لماذا لا يرفع مدير المرور تقرير بالشوارع والطرق المزدحمة الى الجهات العليا ويضع بعض المقترحات والحلول لكيفية حل مشكلة الزحام اما بأضافة حارات جديدة أو جسر أو نفق أو الغاء بعض الدورات أو الإشارات العديمة الفائدة.
اليس هو المسئول الأول في الدولة بهذا الشأن.

[السهم الملتهب]

نحن بحاجة ماسة لتوسعة الشوارع وأضافة حارات جديدة أقل شارع يكون فيه 3 حارات على الاقل وأن تلغى دورات وأشارات مالها لزمة
يعني معقول ياخبراء يامهندسين يا أستشاريين كل ماتمشي 1 كيلو قدامك أشارة او دوار وتحصل الزحمه من الاشارة الى الاشارة اللي تبعد عنها 1 كيلو شيء غريب وربي الكعبة لماذا لا تلغى بعض الاشارات وان يكون الطريق يمتد 3 أو 4 كيلو .
تخطيط شيء للأسف سبب لنا الزحمة والفوضى وخسرت الدولة مليارات على الفاااااضي

[شيخ الديرة]

نحن بحاجة ماسة لتوسعة الشوارع وأضافة حارات جديدة أقل شارع يكون فيه 3 حارات على الاقل وأن تلغى دورات وأشارات مالها لزمة
يعني معقول ياخبراء يامهندسين يا أستشاريين كل ماتمشي 1 كيلو قدامك أشارة او دوار وتحصل الزحمه من الاشارة الى الاشارة اللي تبعد عنها 1 كيلو شيء غريب وربي الكعبة لماذا لا تلغى بعض الاشارات وان يكون الطريق يمتد 3 أو 4 كيلو .
تخطيط شيء للأسف سبب لنا الزحمة والفوضى وخسرت الدولة مليارات على الفاااااضي

كيف يعني تلغي الأشارة ؟؟ هناك اتجاهين متقاطعين ولا يمكن لسيارتين أن تكون في نفس الموقع في نفس الوقت. الأشارات موجودة في كل أنحاء العالم لضرورتها.

الوضع لا يمكن ابدا أن يتحسن في المستقبل القريب, وأنما سيزداد سوءا بسبب زيادة عدد السكان وزيادة السيارات المصاحبة لذلك

[السهم الملتهب]

كيف يعني تلغي الأشارة ؟؟ هناك اتجاهين متقاطعين ولا يمكن لسيارتين أن تكون في نفس الموقع في نفس الوقت. الأشارات موجودة في كل أنحاء العالم لضرورتها.

الوضع لا يمكن ابدا أن يتحسن في المستقبل القريب, وأنما سيزداد سوءا بسبب زيادة عدد السكان وزيادة السيارات المصاحبة لذلك

يعني تتكنسل الاشارات اللي تبعد عن بعضها بمسافة أقل من 2 كيلو
وبعد ماتلغى الاشارة أو الدوار يصير الطريق مثل الهاي وي يصير الطريق ممتد ما تقدر تلف يسار ركز ركز على يدك لليسار أن كنت رايح أو جاي واذا تبغى تلف على يدك اليمين ان كنت رايح او جاي

[السهم الملتهب]

مش كل ما تمشي 1 كيلو تحصل اشارة تلف يسار ياأخي خله يلف يسار الاشارة اللي بعدها او اللي بعد بعدها يعني طولوا في أمتداد الطرق مو كل شوي اشارة ودوار على بعد نص كيلو أو 1 كيلو هذا سبب رئيسي للزحام و عرقله الطريق خصوصا وقت الذروة والاجازة الاسبوعية وفي المناسبات الوطنية او الأعياد

[شيخ الديرة]

مش كل ما تمشي 1 كيلو تحصل اشارة تلف يسار ياأخي خله يلف يسار الاشارة اللي بعدها او اللي بعد بعدها يعني طولوا في أمتداد الطرق مو كل شوي اشارة ودوار على بعد نص كيلو أو 1 كيلو هذا سبب رئيسي للزحام و عرقله الطريق خصوصا وقت الذروة والاجازة الاسبوعية وفي المناسبات الوطنية او الأعياد

الأشارة موجودة لكل 1 كيلو لأن هناك شارع يتقاطع مع الشارع اللي أنت عليه كل 1 كم. تكنسل الأشارة يعني اللى بهذاك الشارع ما يقدر يروح للجهة الثانية بدون جسر او نفق

[السهم الملتهب]

الأشارة موجودة لكل 1 كيلو لأن هناك شارع يتقاطع مع الشارع اللي أنت عليه كل 1 كم. تكنسل الأشارة يعني اللى بهذاك الشارع ما يقدر يروح للجهة الثانية بدون جسر او نفق
وشلون افهمك ياخوي.

[بوحارب]

أصبت أخوي بوحارب فوضى مب طبيعية منها مثلا خط اليمين صار للسرعة واليسار للمفهيين التجاوز من اليمين أخرتها تريلا يتجاوز من اليمين قلة ثقافة لأدبيات السواقة وفي شي يديد اما لاحظته تعطي إشارة انك بتلف يجوفك المتأخر يدوس عشان ما تطوف حد صار له نفسي الله يصبرنا بس والله لو ما تزرق ولا ماتلحق

هذا اللي صاير المناحس وأكثر اللي يناحسون أجانب

ولا ذاك الغبي اللي يطق إشارة ويلف على طوووول

اطلع من البيت مستانس وفي نص الطريق الظغط يوصل 1000:)

[بوخالد911]

قااااالها : مافي أحد مرتاااااح

[بوخالد911]

انتظر اخر شهر 5/2014 سيصدر قرار من رئيس مجلس الوزراء بخصوص الزحمة ، وشكرا

ممكن توضيح

وشكراً

[airbus]

اعيدها للمرة المليون المصيبة من الناس الي ماتعرف تسوق ومخلين فضيحة في الشرع لا ومناحس يعني ماتعرف تسوق وتناحس هده مصيبة

للعلم هده الشي مدروس !

[abu m7md]

لو يحطون مادة فالقانون جديده
بانه المخالفه الي يضبطها المواطن تروح له نصف القيمة كان استويت غني :)

[البانوش]

انتظر اخر شهر 5/2014 سيصدر قرار من رئيس مجلس الوزراء بخصوص الزحمة ، وشكرا

الحل الوحيد جسور سريعة التركيب اغلاق 50% من اشارات المرور التي اثبتت فشلها و تشكيل لجان خاصة بقيادة سمو رئيس الوزراء او المكتب الخاص في ادارة المرور واشغال

لتنفيذ القرارات باسرع وقت لتخفيف الازدحامات الخانقة التي تزداد كل يوم ولايوجد لها حلول

تقاطع رمادا ودوار الرياضة ودوار التلفزيون هما الاكثر الزدحاما في الدوحة

[معماري قطري]

الدوحة استوت القاهرة أَيام عزها .. زحمة يا دنيا زحمة

الله يكتب لنا العودة لها قبل رمضان

[معماري قطري]

الحل الوحيد جسور سريعة التركيب اغلاق 50% من اشارات المرور التي اثبتت فشلها و تشكيل لجان خاصة بقيادة سمو رئيس الوزراء او المكتب الخاص في ادارة المرور واشغال

لتنفيذ القرارات باسرع وقت لتخفيف الازدحامات الخانقة التي تزداد كل يوم ولايوجد لها حلول

تقاطع رمادا ودوار الرياضة ودوار التلفزيون هما الاكثر الزدحاما في الدوحة

في عصر طيارات التصوير التلفزيوني الصغيرة وبرموت .. والتصوير الحراري بحيث تشوف ما ورا الجدران.

وفي عصر تكنولوجيا الجي بي اس والتصوير الجوي .. طالعين لنا ناس بأَفكار عقيمة بأَننا نسوي كله أَنفاق ونقلل من الجسور قد ما نقدر علشان ما نكشف هندي يتمشى في حوش بيت ملاصق للجسر.

ولا الجسور وشبكاتها والطرق الواسعة حل مناسب وسريع وعملي وحتى أَرخص الحلول.

ينسون المكاتب الهندسية الرخيصة ويتعاملون مع مكتب قوي ويفتحون المجال لعقول نظيفة وشركات تكنولوجيا عالية ويخلون الشغل بخطة صح ولفترة معينة وبنشوف الدوحة غير .. واللي يقول الزحمة بتقل بعد 2022 ممكن شوي بس بتكون أَزمة كبيرة على مدى السنوات القادمة.

وعلى واقع تخبط أَشغال في إِدارة مشاريع الطرق الداخلية للبلاد بنوصل لطريق مسدود .. مشاريع كبيرة تستوي وتخلص والطرق على ما هي عليه من سنوات وسياسات تنفيذها ما زالت كما هي .. مشروع مشيرب كمثال .. سوق واقف كمثال ثاني خلص من زمان والشوارع نفسها تقريباً من أَيام الغوص .. الستي سنتر انبنى في قطعة أَرض والشوارع مثل ما هي حوله مع تغيير بسيط ما يتناسب مع الضغط المروري المتزايد هناك.

مواقف تكون متوفرة وفجأَة نحصل مشروع قام فيها وقلص عددها مثل مواقف فيلاجيو .. منطقة الأَبراج نقلوا لها دواعيس ام غويلينه وذيك بين بيوت صغيرة وهنا بين أَبراج فيها عدد هائل من الموظفين وما تكفيهم المواقف ولا الشوارع فما بالكم بالمراجعين.

[ولد شرق]

السلام عليكم ورحمة الله وبركاته

انا اشوف ان المسؤول الاول عن الزحمه هم اشغال
اشغال ولا غير اشغال
من تخبط لين تخبط آخر

ابغي افهم شي واحد بس ليش اعفسوا منطقة الابراج صوب ابراج الفردان وبرج وقود؟
الشارع كان بكل انسيابيه لين سكروا اللفه لليمين و انت جاي من صوب اشارات االشيراتون
واصبح الدخول ايضا لوزارة الاقتصاد من مدخل واحد فقط لا والمدخل اغلب الاوقات امسكرينه المرور
انزين اشلون ندخل هالمنطقه عيل يا اشغال دام سكرتوا كل الطرق؟

[مختلفة عقليا]

السلام عليكم .,

كل شي يهون عندي الا سيارات وباصات كروه اللي اتوقف في الشارع .,

يعني تاكسي تاخذ العالم والشارع يتحرك اشلون ., ؟؟

ويسلموو .,

[Abu Muhsen]

السلام عليكم .,

كل شي يهون عندي الا سيارات وباصات كروه اللي اتوقف في الشارع .,

يعني تاكسي تاخذ العالم والشارع يتحرك اشلون ., ؟؟

ويسلموو .,

عادي اختي ... يوقف بنص الشارع ولو وراه مليون سيارة المهم يحمل او ينزل ومش مهم ايش يصير بسببه

[Abu Muhsen]

الحمدلله رب العالمين ... عن نفسي اخرج للضرورة فقط ... واحترم قواعد المرور وكلي فخرا بذلك لا ااذي غيري ولا اتسبب بالاذى لنفسي ...

اما عن المشاهدات التي تسبب الجلطة من قلة ذوق بعض السائقين فحدث ولا حرج ... اكون واقف بالخط قبل الاشارة عشان اروح يسار والخط الي جنبي الي مفروض يكمل الى الامام كله واقف ينتظر اشارتي عشان يلف عليي ... عطل الخط الي اقف فيه وعطل الخط الي هو واقف فيه ...

منظر لن انساه ابدا .... اشارات الرمادا الزحمة كانت واصلة للجسر انا كنت واقف امام مكتبة جرير يعني المكتبة على يساري وانا رايح بي اتجاه الرمادا وواحد امامي شخص بكل استهتار وقلة ذوق طلع على الرصيف وكسر بنص الشارع ولف ورجع راح على الحارة الثانية يعني !! الرصيف عالي والحركة جدا خطيرة وكان ممكن يتسبب بكارثة لا قدر الله !!
الاخ لم يطق الانتظار حتى يصل الى الاشارة ويلف ويرجع لااااااااااا كسر بنص الشارع !!

طبعا انا تمنيت من الله العلي القدير انه تمر دورية وتشوف هالكارثة ...

كوني مقيم وكنت اشوف مرات المواطن يعترض على سواقة البعض من الجنسيات ومن المقيمين مرات كانت تحز بخاطري ... بس من الي صرت اشوفه والله العظيم صرت اقول الله يلوم الي يلومهم !!! الله يلوم الي يلومهم .... .. وبخاصة الاسيوين ... ..

في ضعف واضح بمهارة القيادة في ضعف واضح بالتحكم بالسيارة في وجود خلل اخلاقي عند بعض السائقين ...
رخصة القيادة يجب ان يكون الحصول عليها مثل شهادة الثانوية العامة مش موضوع سهل ابدا !! الموضوع مش مشي الى الامام والوراء ويلف يمين ويسار ...

اقسم بالله معنا فلبيبية بالشركة شوفت عيني وهي تصف بموقف الشركة دعمت الحيط ثلاث مرات وهي ترجع للخلف !

طب هاذي كيف حصلت الرخصة ؟؟؟ ومثلها مثايل ....

[فارس قطر]

الصراحة غياب رجال المرور من الشوارع المزدحمة هوا الذي ادى الى استهتار السواقين

نبي نشوف الدوريات في شارع الكورنيش وشارع 22 فيراير وتقاطع رمادا صباحا ومساء بصراحة زحمة فضيعة والمسؤلين الظاهر انهم في اجازة

معقولة محد يدري عن الزحمة

انا ماشوف تواجد شرطة المرور في الشوارع الا في المناسبات وايام اسبوع المرور الخليجي او اذا صار حادث في الشارع

[ضوى]

الصراحة غياب رجال المرور من الشوارع المزدحمة هوا الذي ادى الى استهتار السواقين

نبي نشوف الدوريات في شارع الكورنيش وشارع 22 فيراير وتقاطع رمادا صباحا ومساء بصراحة زحمة فضيعة والمسؤلين الظاهر انهم في اجازة

معقولة محد يدري عن الزحمة

انا ماشوف تواجد شرطة المرور في الشوارع الا في المناسبات وايام اسبوع المرور الخليجي او اذا صار حادث في الشارع

بالعكس رجال المرور بكل مكان والله اني يويما اشوفهم بشوارعنا صبح ظهر عصر ليل

[أم محمد 90]

والله العظيم من سجلت ف كلية المجتمع وانا تعبااااااااااانة وريولي تعورني من السواقة وكل يوم ادش البيت معصببببببببببة مالي خلق شي

مكان الكلية ف عززززز الزحمة


رحت طلبت اعادة التحاق بجامعة قطر ,, جنب بيتي والله اتحمل شقا الدكاترة والحر وعدم توفر مواقف والمشي لمسافات طويلة

ولا اني اعاني من الزحمة المستفزة


شي لا يطاق والي ينرفزني يخليني احرررررق هرن سيارتي الاشارة خضرة

بس السيد مايمشي كلن مفهي مع جواله

والله عيب وفشلة ومنظر شوارعنا غير حضاري

[فيصل99]

أقل ما اقدر أوصف فيه المشهد
الشوارع صارت مأسااااااااه
سوؤء تخطيط وغباء بعض السائقين وغياب تطبيق القوانين ع الواقع
الحين الاجنبي اول مايوصل الدوحه قبل لا يدور له سكن وو ظيفه يرروح يطلع له ليسن قبل كلشي بكل سهوله حتى قبل لا يتغدى

[Rider]

اقترح يعطونا اجازة لين يخلصون مشاريعهم احسن

[ألعب بعيد]

باص تاتا متجاوز من اليمين اليوم عند دوار الاطلنطي شل مراية موتري وطير جمب الموتر اللي قدامي
الحين من المسؤول عن هالاسيوين اللي حتى تستغرب ان معاهم ليسن

[فلتة زمانها]

الكل يعاني من الزحمه مالنا غير الصبر وان شاءالله الوضع يتغير للاحسن

[عندليب قطر]

بالعكس رجال المرور بكل مكان والله اني يويما اشوفهم بشوارعنا صبح ظهر عصر ليل

ودي اصدق بس قوية

[اخت السهم]

اشكركم على التفاعل و ان شاء الله نجد حلول لهذة الازمة

[الزعفراني]

بعيدا عن الموضوع وعنوانه وردود الاعضاء ..

اسجل اعجابي بتوقيعج :)

[R 7 A L]

الرادع للاسف ضعيف
نبي نشوف قوانين صارمة
نبي حبس وجلد للمخالفين وتشهير

[moonبنتnight]

الرادع للاسف ضعيف
نبي نشوف قوانين صارمة
نبي حبس وجلد للمخالفين وتشهير

اذكر الله يا بن الحلال .. كفاية جالدينهم بالمخالفات .. بعد تعذيب ..

[عزووز قطر]

أنا ملاحظ كثرة وجود الشاحنات وسيارات الردي مكس طول اليوم وخاصة في الفترة الصباحية !!

شسالفة قرار منع مرور الشاحنات في مدينة الدوحة في اوقات الذروة ؟؟

[R 7 A L]

اذكر الله يا بن الحلال .. كفاية جالدينهم بالمخالفات .. بعد تعذيب ..

ذاكرين الله
هذولاء يعتبرون مخالفين للقانون
على شان يحترمونه لابد من العقاب

[البحار00]

شسالفه اللوحات على الطريق الممتد من دوار الشفلح لغاية دوار مدرسه خليفه الثانويه
مرورا بدوار دحل الحمام ودوار المرخيه
اشوف مكتوب فيها استخدم طرق بديله والتأخير محتمل بالاضافه الى لوح ثانيه مكتوب فيها مسارات جديده ابتداء من 15 /5

اتوقع راح انعيش معاناه جديده من الزحمه والاختناقات المروريه مثل الصيف الي راح بالتحديد في رمضان