اشرايك في هالاشخاص؟

[المحاميه]

السلام عليكم



بالمختصر المفيد ..


اشرايك في الاشخاص الاتكاليين وعديمين المسؤوليه .. اللي يبون كل شي ايجيهم جاهز على طبق من ذهب

وتحصلهم مستهترين ومايبون يتعبون نفسهم ولو القليل بالتفكير او التحضير للانجاز!!!

يعني مثلاً يجيك واحد يقولك يافلان انت اشلون قدمت هالبحث ولا شلون حصلت على هالشهاده؟ او اشلون انجزت هالغرض؟ طبعاً راح تشرحله شرح مايعجبه

هو الود وده انك تاخذ مكانه وتخلص اغراضه بداله او تسلمه اللي عندك والسلام




هل مر عليك شخص اتكالي وعديم المسؤوليه .. تحصله ف آخر لحظه جاي يسأل عن واجب او التزام كان المفروض يحضرله من شهور؟

هل تتقبل هالنوع من الاشخاص؟ وشنهي ردت فعلك؟



اتحفونا
:)

[رجل الجزيرة]

أنا من جهة عملي واجب علي أنا أخدمه أيا من كانت جنسيته، وإذا هو طلب مساعدة خاصة مني أقصد خارج العمل في هذه الحالة بأعتذر منه.

[بـــاروود]

اخدمه من عيوني وماقصر معااه

[أسد الجزيرة]

اساعده عشان الاجر

[المحاميه]

لا يااخوان حتى لو من خارج العمل


سواء صديق او اخو او غيره

لكن مب شرط السالفه لها خص بالوظيفه

ممكن شي على مستوى شخصي

المشكله هو مايبي يتعلم

تحسه يبيك تحل الموضوع بداله وهو قاعد حاط ريل على ريل

هل هالكلام يعقل؟

[ولد العرب]

الله كريم

[المحاميه]

ليش غيرت ردك ولد العرب؟

[حسن]

سبحان الله


:)

[أسد الجزيرة]

ولد العرب خاف لتهاوشينه

[عاشق العديد]

.. اذا شخص عنده ظروف بساعده وبوقف معاه وبعلمه ..

وبشرح له 3 مرات وبساعده 3 مرات ..

لكن اذا مصخها .. ولا كني اشوفه ..

[مختلفة عقليا]

السلام عليكم .,

اساعده بطريقه يقدر هو يساعد نفسه مره ثانيه .,

يعني اعطيه الطريقه اللي يقدر ياخذ فيها اللي يبيه بس ما ياخذ الموضوع ياخذ الفكره .,

لو كل مره ساعدته بيتم اتكالي ., وانا طبعا ما ارضي اني اكون (( معطائه )) بشكل غبي ., يعني اعين واعاون بالصح .,

ويسلموو .,

[ولد العرب]

ولد العرب خاف لتهاوشينه

لا والله
بس انتبهت لرد كان بيجرح المقصود ولكن بقلبي كان مزحه وقريتها مرات قلت احذفه ولا يضيق اخونا وبس

[النهار]

سبحان الله


:)

قامت تنافس ولدنا بوعلي ههههههههههههههههههههه

[Dmy Enabi]

البلا يالمحامية مب في الشغل لو عندج ها لنامونة في البيت وش السواة
نصبر ولنا الجنة ان شا الله :rolleyes2:

[أم محمد 90]

مثل وحدة تجيج تقولج من وين عباتج ؟؟ تقولين لها تفصيل من المحل الفلاني

تقولج بال اروح قياس وشرح وتفصيل عطيني اياها لانها نفس قياسي


عسى ماشر ماماتي

صج كسل ..

[JN000N]

اييييييي
وملوعييييين جبدي

[حسن]

الحمد لله رب العالمين

:)

[المحاميه]

مادري
هل انتو مب فاهمين الموضوع
يعني السالفه فيها لبس

ولا ماتعرضتوا لهالموقف؟

بصراحه انا وحده وايد اتضايق من هالسالفه
يعني شنو تبين او تبي تاخذ السالفه جاهزه وماتعب نفسك

نفس ماانا تعبت وحصلت اللي ابيه بعد جد واجتهاد وصبر
انت لازم تصبر وتتحمل وتتعلم بروحك

مب اعطيك الشي جاهز مجهز
مستحيل

هذا يناقض نظامي وفلسفتي ومعتقداتي وقدراتي وكل شي

[المحاميه]

البلا يالمحامية مب في الشغل لو عندج ها لنامونة في البيت وش السواة
نصبر ولنا الجنة ان شا الله :rolleyes2:


ايه اختي تحصلينهم بكل مكان
بيت
شغل
منتدى
شارع
زنقه زنقه دار دار :secret:



مثل وحدة تجيج تقولج من وين عباتج ؟؟ تقولين لها تفصيل من المحل الفلاني

تقولج بال اروح قياس وشرح وتفصيل عطيني اياها لانها نفس قياسي


عسى ماشر ماماتي

صج كسل ..


امااااا :eek5:




اييييييي
وملوعييييين جبدي

الله يعين
وش الحل معاهم؟
انا اعطيهم الخطوات
والباقي عليهم
لازم يتحملون المسؤوليه
حلوه ذي
انت اتعب
وانا احصل

[غير البشر]

الاتكاليين الله يعينهم على انفسهم

بس في ظل الزحمه الموجوده
اذا شغلات بسيطه ممكن السايق يروح يجيبها او يخلصها افضل
لكن الامور الكبيره والي محتاجه تكون متواجد
اكيد الافضل ان الشخص يخلصها بنفسه ويتصرف في كل الامور

وفي بعظهم اتكاليين في كل شي بالبيت على زوجته
هذي تعتبر كارثه
عيل الزوجه تسند ظهرها لمن غيره
اذا متعمد عليها بكلشي

[المحاميه]

السلام عليكم .,

اساعده بطريقه يقدر هو يساعد نفسه مره ثانيه .,

يعني اعطيه الطريقه اللي يقدر ياخذ فيها اللي يبيه بس ما ياخذ الموضوع ياخذ الفكره .,

لو كل مره ساعدته بيتم اتكالي ., وانا طبعا ما ارضي اني اكون (( معطائه )) بشكل غبي ., يعني اعين واعاون بالصح .,

ويسلموو .,


رد مختصر
لكنه بليغ
ولخص السالفه

تسلمين عالاضافه :victory:

[الشاكوش]

هالاشخاص يا كثرهم فالجامعة
يجيك الواحد على اخر يوم ولا يومين من تسليم البحث يقولك
" شلون سويت البحث؟ " وبكل براءة
عاد انت ترد عليه وتشرح له رحت هنا وجيت من هناك تبين له انك تعبت فيه
الطامة الكبرى انه يطقع لك ويقولك "انزين ممكن تطرش لي بحثك اشوفه" ؟
وتأكلها انت المسكين الي تنحرج من الناس
لانه فالنهاية بيغير شي بسيط فالبحث وبيسلمه
وصارت معاي كثير
عالاقل يالاخ الكسول احترمني ولا تقدم بحثي

الله كريم :weeping:

[المحاميه]

هالاشخاص يا كثرهم فالجامعة
يجيك الواحد على اخر يوم ولا يومين من تسليم البحث يقولك
" شلون سويت البحث؟ " وبكل براءة
عاد انت ترد عليه وتشرح له رحت هنا وجيت من هناك تبين له انك تعبت فيه
الطامة الكبرى انه يطقع لك ويقولك "انزين ممكن تطرش لي بحثك اشوفه" ؟
وتأكلها انت المسكين الي تنحرج من الناس
لانه فالنهاية بيغير شي بسيط فالبحث وبيسلمه
وصارت معاي كثير
عالاقل يالاخ الكسول احترمني ولا تقدم بحثي

الله كريم :weeping:

صحيح صحيح
أايد كلامك
وايد اتعرض لهالموقف
لكن الحمدلله ان الله يكشف السالفه
ودوم الحق يكون معاي
كلن يرزق حسب نيته

:victory:

[يمامـة]

ايه مروا علينا ..

مرات ننجبر نوقف معاهم ومرات نضطر نتركهم لأنهم مصخوها.

[دااانة قطر]

هالاشخاص يا كثرهم فالجامعة
يجيك الواحد على اخر يوم ولا يومين من تسليم البحث يقولك
" شلون سويت البحث؟ " وبكل براءة
عاد انت ترد عليه وتشرح له رحت هنا وجيت من هناك تبين له انك تعبت فيه
الطامة الكبرى انه يطقع لك ويقولك "انزين ممكن تطرش لي بحثك اشوفه" ؟
وتأكلها انت المسكين الي تنحرج من الناس
لانه فالنهاية بيغير شي بسيط فالبحث وبيسلمه
وصارت معاي كثير
عالاقل يالاخ الكسول احترمني ولا تقدم بحثي

الله كريم :weeping:



صاارت معاااي واايد في الكلية
الاغلبية سوالف عالبيبي والواتس والانستقرام ولا لعب
ولين جينا للواجبات ولا الاختباارات ولا البحوث ينقلون منك نقل حسبي الله على ابليسهم



آخر شي معترضين ليش اني جبت a وهم نااقصين
المشكله اني ماحب اتحاجج معااهم لأنهم في العمر اصغر مني بس الوااحد شيقول
بس اقول لهم لين الححين ماسويته او ماحليت واعطيهم المختصر للبحوث وارسله للاستاذ بالايميل او في البريك

[lulu.90]

مادري
هل انتو مب فاهمين الموضوع
يعني السالفه فيها لبس

ولا ماتعرضتوا لهالموقف؟

بصراحه انا وحده وايد اتضايق من هالسالفه
يعني شنو تبين او تبي تاخذ السالفه جاهزه وماتعب نفسك

نفس ماانا تعبت وحصلت اللي ابيه بعد جد واجتهاد وصبر
انت لازم تصبر وتتحمل وتتعلم بروحك

مب اعطيك الشي جاهز مجهز
مستحيل

هذا يناقض نظامي وفلسفتي ومعتقداتي وقدراتي وكل شي

:nice: :nice: :nice: :nice:

[بوحارب]

جردتيهم جررررد

يعني وش تبين يكون راينا عنهم ههههههه

[المحاميه]

اشكركم على الاضافات وعلى المواقف اللي فعلا تنرفز وياريت اصحابها يحسون


والله يابوحارب فيه ناس موقفه معاهم اظاهر عاجبينهم وماعندهم مشكله شوف اول ردود :rolleyes2:

[بوحارب]

يمكن كاتبين الردود نحاسه لج خخخخ

[المحاميه]

اتهقى :)

[kuwari]

تعطيه الخبره وتاخذ الاجز

[بوخالد911]

للأسف هالكسالى يتهمون السودانيين بالكسل
وهم أكسل منهم مافي

مع احترامي للشعب السوداني

[abu m7md]

المحامية
ممكن تكتبين ردي بدالي
:tease:

[meme-93]

في ناس ماتعب نفسها اتدور اتفه الاشياء
مثلا تجيني وحده تقولي شلون اغير صورة العرض فالواتس اب
اعلمها بعد شهر تجي تسأل نفس السؤال والمسأله ماتاخذ منها دقايق لو تعبثت فالاعدادات وتعلم وتمسك المعلومه ماتنساها

احب اتعلم كلشي بنفسي عشان ماعتمد على حد
فالمقابل احب اساعد من طلب مني شغله
لــكـن ان مصخها كل يوم يسالني نفس السؤال ونفس المعلومات اعيد وازيد فيها
اقوله الطريقه او اقوله افتح النت دور بتعلم بروحك

[المحاميه]

تعطيه الخبره وتاخذ الاجز

لا


للأسف هالكسالى يتهمون السودانيين بالكسل
وهم أكسل منهم مافي

مع احترامي للشعب السوداني


ههه
المشكله هالكسل يخليهم عديمين مسؤوليه

[المحاميه]

المحامية
ممكن تكتبين ردي بدالي
:tease:

لا يالكسول
شوفوا هذا نموذج حي
:tease:


في ناس ماتعب نفسها اتدور اتفه الاشياء
مثلا تجيني وحده تقولي شلون اغير صورة العرض فالواتس اب
اعلمها بعد شهر تجي تسأل نفس السؤال والمسأله ماتاخذ منها دقايق لو تعبثت فالاعدادات وتعلم وتمسك المعلومه ماتنساها

احب اتعلم كلشي بنفسي عشان ماعتمد على حد
فالمقابل احب اساعد من طلب مني شغله
لــكـن ان مصخها كل يوم يسالني نفس السؤال ونفس المعلومات اعيد وازيد فيها
اقوله الطريقه او اقوله افتح النت دور بتعلم بروحك



هذا شي بسيط
يعني مب مشكله لانه جهل بالتكنو يمكن ومب حاب يعابل فالموضوع
< اسويها وايد ويعصبون علي :nice:
لكن المشكله فالناس اللي تبي مجهود كبير في انجاز شي لصالحها بدون ماتتعب
وكلامج ف الشق الثاني ماعليه غبار
يعطيج العافيه

[Right]

بهذا الزمن الأشخاص الإتكاليين وعديمي المسؤولية

هم الذين يحصلون على أفضل الأشياء

كـــ واسطات وأمورهم ماشيه و وظائف ورواتب وإلخ ...

[JN000N]

ايه اختي تحصلينهم بكل مكان
بيت
شغل
منتدى
شارع
زنقه زنقه دار دار :secret:





امااااا :eek5:





الله يعين
وش الحل معاهم؟
انا اعطيهم الخطوات
والباقي عليهم
لازم يتحملون المسؤوليه
حلوه ذي
انت اتعب
وانا احصل


مره مرتين اعلمهم وبس
عقبها افشلهم وانرفزهم

معاي وحده ف الدوام جذي
من ناحية كلام فاضي ف هي شاطره فيه اما اي شي ثاني لا
تسوي نفسها تعرف كل شي
بس وقت يعطيها المدير تاسك تسويه تقعد تتلفت وتسالني ومرات تلوع جبدي ب الاساله وانا من النوع الي اذا ركزت ف شي ماحب حد يزعجني ف تلاقيني جاوبتها من اول مره بالضبط شنو لازم تسوي والمره الثانيه اذا سالتني اهاوشها اقولها توني معلمتج بالضبط شنو تسوين بعد شتبين اقولج؟
والمشكله ان تروح تقول للبنات ان هي تعرف بس بالعماله تسوي جذي عشان مانضغطها شغل!!

واكبر قهر اذا سويت انا شي كل شي علي وضاغطه نفسي عليه وتعبت عشان اسويه
تروح هي ترتز ع اساس ان هي مسويه معاي ومساعدتني
دايما ترجع الفضل لنفسها ان لو مب هي موجوده جان ماستوى شي

[موظف ((حكومي]

الله كريم

[تاجر كشخة]

ههه يا كثرهم المشكلة مب هنيه المشكلة لما يجيك واحد عارف بس ما يبي يتعب نفسه

[قطري2022]

اذا انا عارف ان ظروفه تعبانة او نفسيته تعبانة بساعده ، لان في ظروف تهد الحيل ، لكن اذا ظروفه جيدة بساعده مرة او مرتين بالكثر ، اذا كنت اقدر ومن غير ما ا ضغط على نفسي ، لكن عقبها ما بساعده

[المحاميه]

الكل يعاني

رساله لعديمي المسؤوليه
حسوا شوي:weeping: