المساعد الشخصي الرقمي

مشاهدة النسخة كاملة : مطلوب خيمة افراح (قاعة ) للرجال


طير
07-05-2014, 11:20 AM
السلام عليكم
اخواني احد يفيدني بخصوص ابي خيمة مكيفة لاني بسوي العرس شهر 8 وحر
اتمنى الي يعرف قاعة وسعر معقول لا يبخل علينا ويعطينا اسم الشركة او رقم صاحب الشركة على الخاص
Rider
07-05-2014, 11:27 AM
الظاهر ياخوي القاعات المجانية الي سوها في شارع الرفاع بتكون جاهزة قبل عرسك ليش ماتحجز فيها بس مادري وين الحجز
بـومحمد
07-05-2014, 08:42 PM
عندك في الغرافه وعند جامعة قطر في خيم ثابته والارقام عليه
طموحي عالي
08-05-2014, 10:13 AM
القاعات اللي بشارع الرفاع مب مضمونه لان كانت بدايه 2014 وللحين مالها حس
وليف الشوق
08-05-2014, 10:25 AM
يااخي الله مكثر المحلات الخاصه بالزواج وكل شارع راح تلقى محال تجارية كثيرة وعندك امام سباير / العزيزيه راح تلقى خيم جاهزة وعندك قدام جامعه قطر راح تلقى خيم جاهزة وعندك خلف نادي الغرافة راح تلقى خيم جاهزة وعندك في شارع بن محمود طب وتخير والفمحل يقول الزود عندي هذا غير الفنادق وغير قاعات الزواج وانا والله مستغرب من طلبك وعلى العموم مبروكين
طموحي عالي
08-05-2014, 11:01 AM
يااخي الله مكثر المحلات الخاصه بالزواج وكل شارع راح تلقى محال تجارية كثيرة وعندك امام سباير / العزيزيه راح تلقى خيم جاهزة وعندك قدام جامعه قطر راح تلقى خيم جاهزة وعندك خلف نادي الغرافة راح تلقى خيم جاهزة وعندك في شارع بن محمود طب وتخير والفمحل يقول الزود عندي هذا غير الفنادق وغير قاعات الزواج وانا والله مستغرب من طلبك وعلى العموم مبروكين

اخوي الرجال يسال عن المكان الافضل
يعني من تجربه الاخوان مايبي ناس تنصب عليه ويوم العرس تنكبه
الله يهديك لاتعصب هد اعصابك
طير
08-05-2014, 11:33 AM
اخوي الرجال يسال عن المكان الافضل
يعني من تجربه الاخوان مايبي ناس تنصب عليه ويوم العرس تنكبه
الله يهديك لاتعصب هد اعصابك
جزاك الله خير اخوي ..
طير
08-05-2014, 11:34 AM
يعطيكم العافية .. انا بدور من صوبي بعد
مختصة
17-05-2014, 12:05 AM
في واحد يسوي العرس كامل من الالف الى الياء وبشكل رائع ومميز جدا جدا .تعاملنا معاه
بس سعره غالي شوي..
Charisma
17-05-2014, 05:18 PM
تبي نصيحتي ؟ سوه بنادي وخل عنك سوالف الخيم في عز الصيف
او في الدانه
وان صممت على الخيم عندك الوسيط والشامل يحطون اعلانات باسعار معقوله
قبل الخيم كانت على 40 .. والحين الاسعارر بين الـ 20 والـ25
تاكد ان الباكج يشمل الخيمه الرئيسيه بمساحه 60 في 30
وخيمه عشاء مع المغاسل ( اقل شي 12 مغسله )
والتصوير فيديو وكرين والبوم + شاشات وباقات الورد
والمقهويين اقل شي 5

مر صوب الخيم الثابته قدام جامعه البنات واستفسر
او الخيمه الثابته اللي في العزيزيه

وابعد كل البعد عن منسقين الاعراس وسوالف من الالف للياء .. ومبروك مقدما