نصائح حول استثمار مبلغ 500 الف .

[Nojoom]

السلام عليكم

عندي مبلغ 500 الف وناوي استثمره في شيء مفيد لان الصراحه من خلال تجاربي السابقه في الودائع مامنها فايده

طبعا ابي شي غير الاسهم ( عندي محفظه في الاسهم )



ممكن نصائحكم حول استثمار هالمبلغ وكيف ممكن استفيد منه ؟


وجزاكم الله خير مقدما

[saeed2005]

أخي ليس كل من ملك مالا كثيرا أو قليلا هو مستثمر الاستثمار له شقان علمي وعملي وإذا كنت لا تملك الدراسة ولا الخبرة فاستعن بأصحاب الدراسة والخبرة لا يكفي وجود المال ليكون عاملا في نجاح الاستثمار هذا المبلغ من الممكن أن يضيع في شهور قليلة أمام ارتفاع كلفة المشاريع والإيجارات والعمالة يجب أن تبدا صغيرا ثم تكبر وإذا دخلت مشروعا فابدأ بالحد الأدنى ولتكن أنت صاحب الخبرة في المشروع أو شريكك وبدون الخبرة سوف تقع في مطبات وخسارات في كل تجارة هناك أسرار لا يعرفها إلا من مارسها لا تكفي الدراسة النظرية إن لم تضف إليها الخبرة العملية وشكرا

[king fish]

سلمي المبلغ لواحد سوري او مصري يستثمره لك:eek5::eek5::eek5::eek5:

[دايموند]

سبائك ذهب

او افتح لك محل خياط او صالون نسائي

[بوالبيض]

هل الزمن لا تدخل مشروع وتسلمه حق غيرك بتخسر والحراميه هل الايام علي بيزه
اشتر سبائك او رقم سياره او سياره .... اخ قصدي شي تشتريه وتبيعه بدون سجل تجاري
ولا عمال ولا عوار راس . والله يوفقك

[مخطط قطري]

اشتر حلال فيهم وقدم على عزبه بس الحلال محتاج متابعه واهتمام وخذ الحلال من السعوديه مع الرخصه

[رذاذ]

اشتر حلال فيهم وقدم على عزبه بس الحلال محتاج متابعه واهتمام وخذ الحلال من السعوديه مع الرخصه

اتفق معاك 100%

منها توسع صدرك وتغير جو بمكان مخسر به لهلك ولناسك .

ومنها لحم البيت من انتاجك . ولا تاخذ الا صنف والله يوسع عليك

حط لك راعي بعد أمين


او

اجر فلل بـ 15 الف وشرط التقسيم واعاده الايجار يدخل عليك حول 22 وبعقد 3 سنين بمناطق حيوية( عين خالد - العزيزية خلف الاند)

[roma27]

اتفق معاك 100%

منها توسع صدرك وتغير جو بمكان مخسر به لهلك ولناسك .

ومنها لحم البيت من انتاجك . ولا تاخذ الا صنف والله يوسع عليك

حط لك راعي بعد أمين


او

اجر فلل بـ 15 الف وشرط التقسيم واعاده الايجار يدخل عليك حول 22 وبعقد 3 سنين بمناطق حيوية( عين خالد - العزيزية خلف الاند)
بس هذا يسمونه التجار بالباطن هل مسموح به اي تسمح به القوانين

[قدام]

اشتر حلال فيهم وقدم على عزبه بس الحلال محتاج متابعه واهتمام وخذ الحلال من السعوديه مع الرخصه

ممنوع الحلال يطلع من السعوديه .... و الرخصه صعبه .. و اذا لقيت بفلوس مبلغ و قدره

[قدام]

500 الف اشر ارض في السعوديه او الشارقه او عجمان
اراضي رخيصه هناك و لها مستقبل ( علي ما سمعت )

[ريتويت]

انا اتوقع انك تستثمرها فالبورصه احسن

[kuwari]

تزوج فيها :omg:

[أخو من طاع ربه]

خذ لك أرض في مسقط

[KR4Tech]

استثمر ربعها في مشروع على الانترنت ,, مايحتاج لا عمال ولا تراخيص ولاهم يحزنون
وارباح خيالية لانه مافي مصاريف تذكر..

[KR4Tech]

راسلني لو مهتم بلموضوع

[KR4Tech]

استبعد المشاريع طويلة المدى

[ya3coub]

اي والله صحيح في استثمارات عالانترنت الناس تدخل ذهب و عندنا بقطر الكل متردد لأن المردود ياخذ وقت

و نفس ما ذكر اخوي فوق في عدى استثمارات

و تقدر تستثمر بالطاقه و الألواح الشمسية لمحطات عالمية و يئجرونها منك مع ضمان انك تبيعها بعد سنتين بنفس القيمة

الربح كل ما زاد الإستثمار زاد الربح و تقريبا دبل الودائع اذا مو اكثر

[Bin Hood]

افتح مطعم برجر لانه اسهل شي تقريبا

حق take away فقط

علشان توفر الديكور وعدد العمال

بس يفضل يكون عندك شريك حتى لو راس مالك يكفي

[محلل واقعي]

يعطيكم العافيه >> اخوي المبلغ الي تتكلم عنه في اشياء كثيره تقدر تدخل فيها اتكلم بواقع خبر بدون دراسه لنا راس المال بسيط تبتدي وبتوفيق من الله وبقلب قوي مايتردد هذا اهم شي عندك مشروعين افكارهم موجوده عندي وسهله جدا تقدر خلال سنه تجيب ثلاث دفعات من الالياف الطبيعيه >>اكل المواشي<< وهذا شي عليه استهلاك من الحيوانات ومطلوب فكل مكان وينباع فكل الدول يعني شيك مراح اعطيك الطريقه شلون بس بابين لك المدخول خلال سنه تقريبا مب اقل من 120% والاهم بدون صدعت راس لنك بتكون موزع والمشروع الثاني عباره عن التجزئه يعني تشتري كيلو زعفران اسباني قيمته عشره الاف ريال الكيلو عباره عن الف جرام تبيع الخمسه جرام ب ميتين ريال يعني ربح 300 % او بطريقه ثانيه تشتري كيلو وتبيع منه بس ثلاثميه جرام وترجع راس المال وبعدها الباقي ربح الله يوفقك واذا احتجت ارشادات انا حاضر >>

[سرياليزم]

انا عندى فكره مشروع جيد لكن لم ابدا بعد فى عمل دراسه الجدوى ... المبلغ الى معاك ممكن يكون كافى للمشروع 50 % كراس مال والباقى كغطاء تشغيلى للمشروع فى اول سنه ... احتمال بدايه الدخل بعد شهرين من بدايه التشغيل او قبل حسب قوه التسويق ...الارباح جيده.. وراس المال الثابت يتزايد من تلقاء نفسه حسب الاداره ... لو مهتم كلمنى على الخاص ...

[بالمرصاد]

البورصة وما ادراك مالبورصة

[وسمي2016]

ربي يزيدك خير وبركه

[البارع]

اشتر حمام وطيرة:)

[السيليه]

انصحك احتفظ في قلوسك في البنك او في الاسهم ولا تعور راسك في تجاره

[الشانزلزيه]

اخووي يقولك المثل لاتحط البيض في سله وحده ,,,

قسمها على 3 او اربع مشاريع ,, مب شرط مشروع اكبير ,,

علشان الاول اذا مامشى عندك الثاني والثالث وعليها ,,

شوف لك وكالة شي مب موجوده في الدوحه ,, لانه مب كل شي موجود

والله يوفقك ويرزقك من خيره ^^

[ابو يوسف1]

http://plasticindustries.net/up/do.php?img=338 (http://plasticindustries.net/up/)

[علي قطر]

الله يوفق الجميع