وش الحل مع صاحبة الترخيص

[kayed]

السلام عليكم و رحمة الله و بركاته

ياجماعة الخير عندي مشكلة و ابغي لها حل لان يعلم الله وصلت حدي و نفسيتي اتعبت

الموضوع بختصار

زوجتي تشتغل مدرسه في مدرسة و صار لها 8 سنوات و لا عطوها ترقيه مع العلم ان هي عندها باكالوريوس ويشهد الله ان
هي تشتغل بجهد و شغلها واضح في المدرسه و جابت للمدرسه حول 7 جوائز في مشاركات بين المدارس و لا في تقدير
و المشكله ان الترقيات اللي حاصله من ادارة المدرسه محصورة على المقربين و غير الاشياء الثانيه

و انا ما فتحت الموضوع علشان الترقيات لا والله اللي ابغيه الحين اني انقلها من هالمدرسه ياريت حد يعلمني بالحل لان المجلس
الاسفل شايل يده من الموضوع وين اقدر اشتكي عليها وشنهو اللي في يدي اقدر اسويه

[حسن]

توكيل محامي ورفع قضيه

مع الثبوتات اللي عندك

وان شاء الله تكسبها


ولا تعور راسك

[Right]

الله يعينكم ويوفقها ويرزقها ، آمين



أعطيك أياها من الآخر ، دور لك واسطة وأنقلها

[قناص 787]

توكيل محامي ورفع قضيه

مع الثبوتات اللي عندك

وان شاء الله تكسبها


ولا تعور راسك

المحاكم دربها طووووووووووووووووووووووووووووووويل

و اخرتها يمكن ياخذ حقه و يمكن لا

الافضل ياخوي انك تشوف اللي يحل و يربط في المجلس الاعلى او تدخل على الوزير

[نفسي عزيزه]

ادخل على الوزير
صدقني بيطيب خاطرك

[kayed]

توكيل محامي ورفع قضيه

مع الثبوتات اللي عندك

وان شاء الله تكسبها


ولا تعور راسك

الله كريم :weeping:

[kayed]

الله يعينكم ويوفقها ويرزقها ، آمين



أعطيك أياها من الآخر ، دور لك واسطة وأنقلها





لو عندي واسطة ما دخلت اكتب المشكلة لكن وأستطي رب العالمين

[كاروهات]

لجنة التظلمات هي الحل الوحيد

[kayed]

ادخل على الوزير
صدقني بيطيب خاطرك
وين مكانه الوزير و هل اقدر ادخل عليه بنفس الوقت و الا لازم موعد

[kayed]

لجنة التظلمات هي الحل الوحيد

وين مكانها أختي و شنهو اللي ممكن يقدرون يسوونه لي

[زورق]

اخذها نصيحه محد بنافعك من المجلس الأعلى ترى اهم مخلين الخيط والمخيط في يد صاحبه الترخيص خل عنك المجلس الأعلى ولجنه التظلم اللي ما تحل ولاتربط نصيحه خل مرتك تعدل علاقتها مع صاحبه الترخيص وتاخذ لها كم هديه وبتشوف اشلون تعطيها تقدير زين وتقرب الى أحباب المديره في المدرسه أنا اكلمك عن تجربه ماخليت باب ما طقيته في المجلس ولجنه التظلم ولافيه فايده

[قناص 787]

اخذها نصيحه محد بنافعك من المجلس الأعلى ترى اهم مخلين الخيط والمخيط في يد صاحبه الترخيص خل عنك المجلس الأعلى ولجنه التظلم اللي ما تحل ولاتربط نصيحه خل مرتك تعدل علاقتها مع صاحبه الترخيص وتاخذ لها كم هديه وبتشوف اشلون تعطيها تقدير زين وتقرب الى أحباب المديره في المدرسه أنا اكلمك عن تجربه ماخليت باب ما طقيته في المجلس ولجنه التظلم ولافيه فايده
معنى كلامك اخوي ان صاحبة الترخيص هي القانون و فوق القانون و تسوي
اللي يعجبها و بمزاجها و المدرسات لازم يتقربون لها و يعاملونها يا دهينه لا تنكتين
لان هي المعزبه و هي بيدها كل شي و المجلس الأعلى و اللي فوق المجلس الأعلى مجرد
ديكور


كلامي لك يا راعي الموضوع خذ حقك و أوصل لين الوزير و اذا ما فادك حد بعدها ألجأ للمحكمه
و قول انك رحت لفلان و كلمت فلان وصلت لين الوزير و محد جاب لك حقك و لا تسمع الكلام
اللي يقولك صاحبة الترخيص في يدها كل شي ترا هذا كلام تحبيط و كلام فاضي و صدقني
مجرد انك تشوشر عليها و توصل لأكبر شخص مسؤول حزتها انت بتشوف التغيرات اما يجيك
فلان و الا غيره و يحبط من معنوياتك و انت صاحب حق هذا كلام لا تسمعه أبد والله اللي رفع
سبع ان لو بيدي شي اقدر اسويه لك سويته من غير تردد

عسى ربي يوفقك

[زورق]

هاي الكلام اقوله عن تجربه فعلا كله هاالخطوات سوته وحده من الاهل حتى الوزير قابلته القديم مب هاي اللي اللحين ولا اتخذو ضد المديره اي اجراء ولا نفعوها لجنه التظلم كل يوعدونها لين رجعت تحب راس المديره وسوت لها اللي تبيه ما تدري بالذل اللي حصلته لان المجلس ما وقف معاها ولا خذا حقه وقالت لها المديره محد راح ينفعج الا أنا وهي اللحين تشتغل وتقول مستحيل اشكي مره ثانيه للمجلس لانه ما يسوي شي