طريقة تطوير سوق السمك في قطر

[رجل مثالي]

افتتاح اكبر سوق للسمك بالعالم في ابوظبي وبتقنيات حديثة للتخلص من الروائح

http://t.co/uO5Dx6gBDV
والله انا عبالي مطار البحرين 😂😂😂

كيف نطور من أسواقنا وخصوصا سوق السمك
عندنا

[بوحارب]

التشبيه مشكلة هههههههههه

والله سوق فنان أحسن من اللي عندنا
اذا دخلته لازم تغسل عقالك من ريحة الزفرة

[بوخالد911]

واحد رايح سوق السمج شنو تتوقعون ريحته ؟!
عود ومسك؟!؟!؟

السوق الحالي يبي له تطوير وتكبير حجمه
ويا ريت فتح أكثر من فرع

[العودي V.X.R]

نفس جبرة الوكره اليديده بالضبط. بس الفرق في الريحه القويه. الجبره القديمه احسن بوايد.

[Aaziz]

خذها قاعده ،، اي شي عندنا ماتطور و الناس تشتكي منه سنين اعرف ان بقاء وضعه بهذه الطريق يصب في فائده احد ما




واحد رايح سوق السمج شنو تتوقعون ريحته ؟!
عود ومسك؟!؟!؟
السوق الحالي يبي له تطوير وتكبير حجمه
ويا ريت فتح أكثر من فرع

مرحبا يابوخالد

اخوي دخلنا اسوق سمك في بلادين ثانيه ،، مافيه هذي الريحه الكريهه ،،(الريحه الموجوده في سوق السمك سببها التعفن و بقايا تنظيف الاسماك و تهويه رديئة)
اغلب الاسواق الي دخلتها تكون سمك و لحم و دجاج و خضره ،، يعني توقف سيارتك و تشتري كل شي من نفس المكان و تمشي .
طبعا هذا الحل ماينفع تطبيقه في مكان واحد بس .. اقل شي 10 فروع من هذا النوع على مساحة الدوله .
6 في الدوحه و محيطها
واحد في الخور
واحد في المطقه الوسطى
واحد في الشمال
واحد في الشحانية

بالنسبه للريحة المفروض التنظيف يتم في نفس المحل ،، طريقه التنظيف الحاليه كانت تنفع في الثمانينات يوم كان العدد بسيط
و المفروض بقايا تنظيف الاسماك يتم تصريفها مع المجاري اجلكم الله
بحيث تلقى البقايا في المغسله المخصصة لتنظيف الاسماك و الي تحتوي على جهاز الـ disposer الي يفرم بقايا الاسماك و يصرفها مع الماء الى المجاري

http://www.nachi.org/forum/attachments/f19/33839d1260766087-disposer-romex-dsc06695-1024x768-.jpg

[sweet qatar]

المكان صح مهم

لكن الأهم شلون تحرر السوق من سيطرة جنسية معينة على الأسعار

[فارس قطر]

احنا ولله الحمد اغنا بلد في العالم

ونملك اوسخ سوق للاسماك والمواشي في العالم


ياليت المسؤلين عندنا يهتمون بالاسواق والشوارع مثل مايهتمون بحقوق العمال

مانطالب نكون الاول عالميا في كل شي بس نكون قريبين من التطور الذي اصاب دول الجوار ولنا في اسواق الكويت والامارات عبرة.

[R 7 A L]

على طاري السمك الي ينباع في سوق السمك
هل صحيح الي سمعناه ؟ :secret:
ان بعض البياعين الاجانب يصيدون من اماكن قذرة ويبيعون على الناس :anger1: