حل ازمة مواقف مستشفى حمد

[لـبـيـه]

اقتراح بعمل مواقف حديديه مؤقته لمستشفى حمد مثل الي في مطار الدوحه صالة القادمون

واذا يقدرون يشيلونها ويودونها مستشفى حمد لانها غير مجديه في صالة القادمون حيث القادم مايقدر يركب الدرج وشناطه على ظهره

فلكل يصف تحت والموظفين يصفون فوق واعدادهم بسيطه فلمواقف دوم فاضيه

فاتمنى نقلها الى مستشفى حمد لحل ازمة المواقف والمخالفات

[R 7 A L]

سمعت هالاقتراح قبل أسبوعين من شايب قطري في وطني الحبيب

وفعلاً اقتراح ممتاز
نتمنى وصولة للمسئولين بمؤسسة حمد

[شبح الصمت]

صباحك فللي لبيه

حي الله الشيخ

الحين اهم شغالين على قدم وساق قاعدين يبنون هالمواقف

ويا ليتهم يوم سوو المواقف الشرقية والمساحة كبيرة سووها طوابق احسن وسوو مثل الجسر يوصل لين المستشفى

الحين لهم قريب الـ 8 شهور مصكرين المداخل الي من صوب مستشفى الولادة ما تقدر توصل للطوارئ الى عن المدخل الجنوبي فقط ..


اقتراحك طيب

[Azizuk]

الحل يسون المواقف بفلوس في جميع مناطق الدولة وخاصه الأماكن الخدمية

والساعة ب 10 ريال احسن من تتخالف ب 600 ريال قيمت 60 ساعة لو بتوقف بفلوس

عندي ادفع 10 ريال في الساعة واحصل موقف وإلا اتخالف 600 ريال :victory:

[NaifQatar]

والله مايبيلها مخ .. المساحة اللي سكروها مجابل مستشفى الولادة يسوون فيها طوابق مواقف
مع ملاحظه ان المساحه اعرض فياليت يزيدون العدد والإرتفاع يعني اكثر من طابق مع توصيل ممرات لأقسام المستشفى وانتهى الموضوع
وبالنسبة للمواقف الحديدية ماتنفع ابيزه لان من ضيق الممرات اي سياره كبيرة صعب توقف

المشكلة بعد في الشوارع والكثافه المرورية
مثلا دوار الرياضة اللي هو دوار مستشفى حمد عليه ضغط كبير بس غريبه ماحولوه لاشارات لان بعض الناس يبوون الواحد يقولهم تفضلوا طال عمركم الشارع لكم تحركوااااااااااااااااا :( :(

[لـبـيـه]

وينكم يامسؤولين والى تدرون مانبي مسؤولين بني اصحاب القرار

وين صاحب القرار ؟؟؟؟

[بوعلاوي]

انا اقترح يبنون مستشفيات جديده خدماتها نفس مستشفى حمد

[khk]

المقترح ممكن انشاء مواقف اضافية تحت الأرض دور أو دورين وعمل مدخل أرضي (نفق) للدخول من تحت الارض
كما أقترح أن يتم نقل العيادات الخارجية أو نقل بعض المراكز أو المستشفيات عن بعض يعني (مستشفى ولادة والطوارئ والعيادات الخارجية ومستشفى حمد جنب بعض )وكل هذا وماتبغون زحمة ولنا مثال في مستشفى القلب ومستشفى الأمل

[باراكودا]

فكرة حلوة أهم شىء ماينسون مستشفى ارميلة والقلب ومستشفى الأمل

[لـبـيـه]

شاكر لكم مروركم

[بوخالد911]

هلا

للأسف نصف المواقف للموظفين والدخاترة

والنص الباقي يتقاتلون عليه المراجعين !!!!

نبي مواقف عدة طوابق

[لـبـيـه]

هلا

للأسف نصف المواقف للموظفين والدخاترة

والنص الباقي يتقاتلون عليه المراجعين !!!!

نبي مواقف عدة طوابق

مواقف المطار الحديديه عدة طوابق وبعد 27/5/2014 بتنلغي لانه المطار بينتقل

فاتمنى نقل هلمواقف الحديديه لمواقف المستشفى باسرع وقت

حسو في الناس ياناس