بغيت رأيكم ولا عليكم أمر

[رجل الجزيرة]

فيه عائلة بنغالية عايشة في قطر من 50 سنة مع جدهم – رحمه الله تعالى – فتوفي جدهم في قطر وإشتغل والدهم الكبير في الأعتدة الميكانية لمدة 30 سنة في الحدادة وأنهوا خدماته بسبب مرضه السكري وتوفى من 7 سنوات في مقبرة أبوهامور فطبعا قبل الوفاة إشترى له بيت شعبي في منطقة الهلال من 15 سنة وعدل البيت ووسعه وحط غرفة زيادة لإخوانه وعياله وسجل البيت بإسم صديقة القطري من على أيام الطفولة يعني ثقة عمياء بدون أوراق رسمية أو شهود والحين والحمد لله العائلة عندهم محل أو محلين جوالات، فمن فترة بسيطة تفاجأوا لصاحبنا القطري إلا وقال لهم: البيت جاني عليه عرض بيع وبعته ب 4 ملايين ريال وأعطاهم مليون وقال لهم: دبروا حالكم لين آخر الشهر.

فويش رايكم في هذا التصرف؟.

وجزاكم الله خير وربي يرحم والديكم.

[ودي أكون]

حسبنا الله ونعم الوكيل .. تكفيهم

ولا حول ولا قوة إلا بالله

الله المستعان أخوي

[R 7 A L]

حرام في جوفه كلها
ولا ريال له
لازم هالشخص ينصحونه المسلمين انها حرام عليه

[Aaziz]

راينا ؟
لاحول ولا قوه الا بالله ،، مافيه راي ياخوي
خان الامانه الله يهديه ،، شلون يرقد الليل عافانا الله

[basma222]

قال تعالي (إن الذين يأكلون أموال اليتامى ظلماً إنما يأكلون في بطونهم ناراً وسيصلون سعيراً) [النساء: 10]، أي إذا أكلوا مال اليتامى بلا سبب، فإنما يأكلون في بطونهم ناراً تتأجج في بطونهم يوم القيامة،

حسبنا الله ونعم الوكيل

ولا حول ولا قوة إلا بالله

[Aaziz]

دزو عليه ناس ياخذونه بالنصيحة و الموعضه و اكل الحرام عل و عسى قلبه يلين

[بوخالد911]

الله يعيينهم
دنيا دوارة
وابن آدم ما يملي عينه الا التراب

[Aaziz]

رجل الجزيره ممكن تفتح الخاص

[خوي الدرب]

رأينا إذا كان بالفعل مثل ما تفضلت
فهذا الرجل سارق ظالم
عديم الإيمان والمروءة

[مشاكل]

هذا يحتاج صفعة تفيقه من غفلته

[abu m7md]

قال تعالى: يَا أَيُّهَا الَّذِينَ آمَنُوا لَا تَأْكُلُوا أَمْوَالَكُمْ بَيْنَكُمْ بِالْبَاطِلِ إِلَّا أَنْ تَكُونَ تِجَارَةً عَنْ تَرَاضٍ مِنْكُمْ غڑ وَلَا تَقْتُلُوا أَنْفُسَكُمْ غڑ إِنَّ اللَّهَ كَانَ بِكُمْ رَحِيمًا.

[رجل الجزيرة]

رجل الجزيره ممكن تفتح الخاص

مفتوح يا الغالي.

[مختلفة عقليا]

السلام عليكم .,

رايي انه غلطان .,

بس دامه باع البيت وسوا اللي براسه ,’

خلهم يدورون لهم بيت ., والله يعينهم ., والله يهداه هالريال الظالم .,

ويسلموو .,

[Aaziz]

ما انفتح

[Rider]

الفلوس عمته

[NaifQatar]

لا حول ولا قوة الا بالله

يروحون يشتكون عليه فالمحكمه

وطبعا الإجراء اذا مافي شهود بيكون الحلف على القرآن

وإذا حلف كاذب بيجيه عقابه من الله


حسبي الله ونعم الوكيل

[ANONYMOUS]

رخيص .. 4 ملايين شوي اعتقد

[رجل الجزيرة]

ما انفتح

والحين؟

[ولد العرب]

عَنْ سَعِيدَ بْنَ زَيْدٍ رَضِيَ اللَّهُ عَنْهُ قَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ مَنْ ظَلَمَ مِنْ الْأَرْضِ شَيْئًا طُوِّقَهُ مِنْ سَبْعِ أَرَضِينَ. رواه البخاري 2452

[رجل الجزيرة]

لا حول ولا قوة الا بالله

يروحون يشتكون عليه فالمحكمه

وطبعا الإجراء اذا مافي شهود بيكون الحلف على القرآن

وإذا حلف كاذب بيجيه عقابه من الله


حسبي الله ونعم الوكيل


أصلا بدون محكمة ولا حلف بالقرآن فالله سبحانه وتعالى بيعاقبه.

[رجل الجزيرة]

رخيص .. 4 ملايين شوي اعتقد

رخيص علشان البيت قديم على الأيام تركيب البيوت.

[kaspero]

حسبي الله عليه والله لايوفقه دنيا ولا آخره

كان الله في عونهم

بس والله ما تروح بالساهل

[بصمة قطرية]

حسبي الله و نعم الوكيل
حرااام عليه
أيتام ياكل حلالهم ..!!
لا حول و لا قوة إلا بالله
حوبتهم بتصيبه
خل حد يكلمه و يقول له خاف ربك في هالأيتام
و رجع لهم حلالهم و لا رب العالمين بيبليك في أعز ما تملك ..

[دايموند]

عالاقل خل يكلمونه ان يعطيهم نص المبلغ


ناس ماعندها ضمير للاسف

[العربية نت]

يقدم بلاغ عاجل للمحكمة المختصة ويآخذ من البلاغ نسخة ويوديه للسجل العقاري بوزارة العدل علشان يعرفون ان على البيت مشكلة وماتم البيعه
والله المستعان

[العنيده]

استغفر الله الا مال اليتامى مومن حقه حرام عليه

لازم حد يوعيه يمكن مايدري ويمديه يتدارك الغلط

[عاشق العديد]

وين بيتهنى بالفلوس ..

مثل السم في بطنه

[الخيالة]

لا حول ولا قوة الا بالله وين بيروح من رب العالمين شلون بيصرف هالفلوس ومب له ناس ماعندهم ذمة ولا ضمير ولايخافون ربهم

[رجل الجزيرة]

جزاهم الله خير وربي يرحم والديكم على التفاعل والردود والإقتراحات الزينة وأسأل الله القدير أن يكتبها في ميزان حسناتكم إنه جواد كريم اللهم أمين يا رب العالمين.

[Charisma]

{يا أيها الذين آمنوا لا تخونوا الله والرسول وتخونوا أماناتكم وأنتم تعلمون }
{ إن الله يأمركم أن تؤدوا الأمانات إلى أهلها}

الظلم ظلمات .. ماعرف شلون اعمت الفلوس بعض الناس لدرجه انه ماتفرق عنده حقه مب حقه ياكل عياله واسرته حرام !!

[المحاميه]

لاحول ولا قوة الا بالله
حسبي الله على كل ظالم
واللي ياكل فلوس خلق الله

ش هالنفوس
:(

[امـ حمد]

حسبي الله ونعم الوكيل

[bos3eed]

مساكين, المفروض دام البيت صغير وضاق عليهم يبيع البيت ويشتريلهم فلتين كبار في ام العمد هذا بعد مايشاورهم طبعا, بلفيت برء ذمته وعطاهم مليون ريال, شكلها حاسبها انهم بيزيدون مليون وشوي من عندهم وبياخذون لهم بيت ثاني, بس بعد من وين يلاقون لهم شخص ثاني يأمنون له!

بس بشكل عام لو واحد اجنبي كتب بيته باسم قطري والقطري مات! شلون بيجيب حقه من الورثه؟ لازم عقد موثق وشهود.

[bos3eed]

دام الرجال عطاهم مليون هذا دليل انه في ذرة خير وضروري الناس يكلمونه وينصحونه عسى يرجع للناس حقوقهم

[امـ حمد]

حسبي الله ونعم الوكيل

والله ما يأخذ الفلوس في قبره غير عمله مايأخذ


[/quote]

[رهج السنابك]

هذا للاسف خان الامانه

وين الاخلاق
وين الخوف من الله

على كيفه هو يقدر ويثمن البيت
ًوعلى كيفه يتصرف بشي ماحط فيه ريال

الله يهديه لازم ياخذونه بالمسايس

[وليف الشوق]

عالاقل خل يكلمونه ان يعطيهم نص المبلغ


ناس ماعندها ضمير للاسف

ولا له حق ختى ريال الظالم

[Dana’1]

اللوم على الأنظمة الي ماتخلي الأجنبي يتملك بيت ممايسبب مثل هالمشاكل
ممكن الحين اغيرت القوانين وصار من حقهم الله أعلم وإذا لا ... لازم يرغير هالوضضع
مايجوز بصراحة

أما هالناس الله يخلف عليهم ويعوضهم خير
والرجال القطري يستنصح ماسمع .. من ثم ترفع علية قضية بالمحكمة
بس المشكلة ممكن ما يقدرون خصوصا اذا عو كفيلهم!!! ويقولون فلوس ولا احنا نترحل!

الله يعينهم بصراحة

[فلتة زمانها]

عشانهم بنقاليه سهل يقص عليهم اتوقع لو كانوا عرب مب ساكتين عنه
في بعد عايله من مواليد قطر تقريبا نفس موضوعهم الورثه باعوا البيت وهم اخر من يعلم
وااايد ناس عمت بصيرتهم الفلوس

[النهار]

ياخوي مرت علي كذا حاله من نفس النوع
بس تأكد من شي واحد ان الله عز وجل لن يضيع حق المظلوم
عليهم فقط ان يتحسبوا عليه ليل نهار

[رُفق المجنّا]

اخوي رجل الجزيرة اذا تعرف الرجل شخصيا كلمه وان ما نفع كلم احد الدعاة المعروفين إعلاميا مثل القرداغي او البوعينين او غيرهم وخلهم يكلمونه فان ما خاف من تذكيرهم خاف من الفضيحة

[رجل الجزيرة]

اخوي رجل الجزيرة اذا تعرف الرجل شخصيا كلمه وان ما نفع كلم احد الدعاة المعروفين إعلاميا مثل القرداغي او البوعينين او غيرهم وخلهم يكلمونه فان ما خاف من تذكيرهم خاف من الفضيحة

يا ليتني أعرفه على أكلمه وبيض الله وجهك ووجه الحاضرين.

[رجل الجزيرة]

اللوم على الأنظمة الي ماتخلي الأجنبي يتملك بيت ممايسبب مثل هالمشاكل
ممكن الحين اغيرت القوانين وصار من حقهم الله أعلم وإذا لا ... لازم يرغير هالوضضع
مايجوز بصراحة

أما هالناس الله يخلف عليهم ويعوضهم خير
والرجال القطري يستنصح ماسمع .. من ثم ترفع علية قضية بالمحكمة
بس المشكلة ممكن ما يقدرون خصوصا اذا عو كفيلهم!!! ويقولون فلوس ولا احنا نترحل!

الله يعينهم بصراحة

في السابق حتى الآن نعم ولهم حق في المنع في ذلك وأهم أعلم بذلك إلي هم السلطة العليا

[رجل الجزيرة]

عشانهم بنقاليه سهل يقص عليهم اتوقع لو كانوا عرب مب ساكتين عنه
في بعد عايله من مواليد قطر تقريبا نفس موضوعهم الورثه باعوا البيت وهم اخر من يعلم
وااايد ناس عمت بصيرتهم الفلوس

نعم علشانهم عجم جايين علشان لقمة العيش والستر فهم ما يبغون يسوون أي مشكلة من المشاكل مع أي دائرة أمنية ولو إنهم عرب كان على الأقل عرفوا شيء من قوانين الدولة.

[رجل الجزيرة]

يقدم بلاغ عاجل للمحكمة المختصة ويآخذ من البلاغ نسخة ويوديه للسجل العقاري بوزارة العدل علشان يعرفون ان على البيت مشكلة وماتم البيعه
والله المستعان

طيب وأذا طلع ما لهم شيء فعندك خبر أي واحد مقيم إذا راح المحكمة وحكم عليه القاضي أي شيء ضده فيؤدي الحكم الذي عليه وآخر شيء يتسفر من البلاد.

[رجل الجزيرة]

أقول لكم على قصة حقيقة من أحد المشايخ:

فيه مسلم عاصي مليادير وصار يلعب بفلوسه حتى قال لو مرضت أقدر أتعالج بفلوسي ما عندي مشكلة، فالله سبحانه تعالى أعطاه مرض وهذا المرض ما يخلاه ينام الليل فكان يجيه ألم ليل ونهار فأخينا هذا راح يتعالج لبريطانيا ومعظم الدول الأوربية وأمريكا وشرق أسيا وماخلا بلاد إلا وجاه لين فلس ولا حتى ريال عنده باع أسهم ألي في البورصة العالمية وجميع أملاك إلي في العالم لين ما عنده إلا ملابسه العادية حتى صار فقير متقع فعرفوا الناس حالته وتصدقوا عليه وآخر شيء قال للي عنده بغيت منكم خدمة بس أبغي أروح للحرم لين الله سبحانه وتعالى يآخذ أمانته يعني بالعربي مئيوس من الدنيا وإلي فيها وبعد ما تصدقوا عليه وراح الحرم ووصل هناك فقاموا الناس المعمترين تصدقوا عليه من الطعام والنقود وصار يصلي ويدعي لنفسه ويشرب من ماء زمزم وجلس فترة طويلة حتى حس بالعافية ورديت عليه الروح وزاد وزنه لين تعافي وعرف إن الفلوس ما نفعته حتى إلتزم بالدين.

[بـومحمد]

استغفر الله العظيم

[العربية نت]

طيب وأذا طلع ما لهم شيء فعندك خبر أي واحد مقيم إذا راح المحكمة وحكم عليه القاضي أي شيء ضده فيؤدي الحكم الذي عليه وآخر شيء يتسفر من البلاد.

مرحبا ،،، الموضوع قانوني ولن يكون حله الا بالمحاكم خاصة ان صاحبكم عديم الضمير وهذا باين من فعلته ولن يرجع الحق الا بقوة القانون ولا مجال للخوف من التسفير او خلافة
فالقانون سيجد الحل إن شاء الله

[توشيبا]

اعوذب بالله من اكل الحرام

هذا ودك اتله برقبته وتوديه المقبره وتقول هذا القبر بيتك وتسكنه بلاش

[يمامـة]

زقوم في بطنه ليوم الدين