نداء عاجل لمحبي ميلانو وسويسرا غير البشر واللي عنده خبره

[^امـ نواري^]

مرحبا وحياكم الله
ابغي المعونة والراي

طلعت لنا سفرة سريعة قريبه بعد اسبوعييييين لميلانو وروما ؟

السؤال ؟

وين نروح فيهم اول مره نزور ميلانو ؟
الرحلة اسبوع فقط
الذهاب الى ميلانو والعودة من روما
الاشخاص 3 كبار ( رجل وامرتين )

كيف اوزع الايام وووين اروح .. يقولون سويسرا قريبه من ميلانو ؟
نبغي نشوف البلاد يعني سياحة والتسوق شي بسيط


وسؤال ثاني هل بنحتاج سياره مع سايق او ناجر سيارة بروحنا ونلف فيها البلاد


اي صح السؤال الاهم ماحجزنا فنادق للحين ؟
رشحو لي فندق خمس نجوم مرتب وجديد في روما وفي ميلانو


وبسسسس
عاجل
عاجل يا محبي السفر كلمة ولو جبر خاطر


وللجميع احلى تحيه مع امنياتي للجميع بسفره حلوة جيه مفاجاة وسريعه :victory:

[غير البشر]

مرحبا وحياكم الله
ابغي المعونة والراي

طلعت لنا سفرة سريعة قريبه بعد اسبوعييييين لميلانو وروما ؟

السؤال ؟

وين نروح فيهم اول مره نزور ميلانو ؟
الرحلة اسبوع فقط
الذهاب الى ميلانو والعودة من روما
الاشخاص 3 كبار ( رجل وامرتين )

كيف اوزع الايام وووين اروح .. يقولون سويسرا قريبه من ميلانو ؟
نبغي نشوف البلاد يعني سياحة والتسوق شي بسيط


وسؤال ثاني هل بنحتاج سياره مع سايق او ناجر سيارة بروحنا ونلف فيها البلاد


اي صح السؤال الاهم ماحجزنا فنادق للحين ؟
رشحو لي فندق خمس نجوم مرتب وجديد في روما وفي ميلانو


وبسسسس
عاجل
عاجل يا محبي السفر كلمة ولو جبر خاطر


وللجميع احلى تحيه مع امنياتي للجميع بسفره حلوة جيه مفاجاة وسريعه :victory:


ياهلا ومرحبا فيج اختي ام نواري
ان شاء الله ابشري
بعطيج الفنادق الزينه وكل الاماكن

واذا بعد تبغين تروحين لمناطق ومدن قريبه في ايطاليا
مثل فينيس وترجعين بنفس اليوم
وبرج بيزا
ولوغانو في سويسرا قريبه جدا
وزيرمات في سويسرا
ومومبي جنوب روما

اليوم بالليل ان شاء الله بعطيج كل المعلومات

بغيت استفسر على الخاص بس مسكر عندج

[^امـ نواري^]

تسلم اخوي على الرد السريع
ادري بك ماتقصر

اي نبغي نروح كل مكان

همتك ياغير البشر باحلى المناطق

[ذكي جدااا]

مرحباً اخي العزيز. ميلان موقعها متوسط وقريب من اجمل المناطق السويسريه. ميلان تبعد مسافه قريبه من لوقانو وكومو مسافه لا تذكر. عندك انترلاكن تبعد قرابة ثلاث ساعات ونص بالسياره. عندك سانت موريتز أغلى منتجع جليدي لمشاهير العالم يبعد قرابة ساعتين. عندك هايدي لاند وزيارة متحف هايدي قرابة ثلاث ساعات ونص. وممكن تزور دافووس واروسا. انصح يوم بالتوجه بانترلاكن وقشتاد. ويوم لسانت موريتز ويوم لزيارة لوقانو وكومو لقربهم من بعض. وإذا في مجال ممكن تزورون هايدي لاند. بالنسبه للمسافات ممكن تستعين بجوجل ماب وتشوف المسافه بين كل مدينه وأخرى. أتمنى اني أفدتك. انا رايح سويسرا الشهر القادم انشاء الله

[^امـ نواري^]

يسلموو يسلمو من قلب اخوي ذكي جدا
ورحلة ممتعه لسويسرا باذن الله

ماقصرت اخوي على الرد
والمناطق الحلوة ذي ان شاء الله كلها كلها نشوفها :)

[غير البشر]

مرحبا اختي ام نواري
السموحه على التأخير لأنشغالي هالفتره

المده : اسبوع

ميلانو :

اشوف مده الاقامه بها اربع ايام

ارشح لج الفنادق

1- بارك حياه ( في الدومو )

فندق من خمس نجوم
وفي افضل مكان في وسط الدومو
وسعره مرتفع

http://www.booking.com/hotel/it/park-hyatt-milano.html?tab=1&origin=hp&error_url=%2Fhotel%2Fit%2Fpark-hyatt-milano.ar.html%3Faid%3D356983%3Blabel%3Dgog235jc-hotel-ar-it-parkNhyattNmilano-unspec-qa-com-L%253Aar-O%253Aunk-B%253Aunk-N%253AXX%3Bsid%3D12ab9fb9a6f1cc43b8f665f3544b3c2d% 3Bdcid%3D1%3B&do_availability_check=on&aid=356983&dcid=1&label=gog235jc-hotel-ar-it-parkNhyattNmilano-unspec-qa-com-L%3Aar-O%3Aunk-B%3Aunk-N%3AXX&lang=ar&sid=12ab9fb9a6f1cc43b8f665f3544b3c2d&checkin_year_month=2014-5&checkin_monthday=23&checkout_year_month=2014-5&checkout_monthday=27#availability_target


2- فندق غراند روزا

من فئه اربع نجوم حلو وسعره مناسب
ومكانه حلو في وسط الدومو
يعيبه صغر حجم الغرف العاديه
لكن السويت حجمه حلو وديكوراته حلوه
ولا انصح بنوع الغرفه سوبيريور لان الاثاث قديم

http://www.booking.com/hotel/it/starhotels-rosa.ar.html?aid=356983;label=gog235jc-hotel-ar-it-parkNhyattNmilano-unspec-qa-com-L%3Aar-O%3Aunk-B%3Aunk-N%3AXX;sid=12ab9fb9a6f1cc43b8f665f3544b3c2d;dcid=1


3- فندق ارماني

من فئه خمس نجوم
الفندق حلوو وراقي جدا
وتقريبا مشي عشر دقايق الى الدومو

http://www.booking.com/hotel/it/armani-milano.ar.html?aid=356983;label=gog235jc-hotel-ar-it-parkNhyattNmilano-unspec-qa-com-L%3Aar-O%3Aunk-B%3Aunk-N%3AXX;sid=12ab9fb9a6f1cc43b8f665f3544b3c2d;dcid=1


4- فندق بوسكولو ميلانو

من فئه خمس نجوم
وحلو وقريب من الدومو تقريبا خمس دقايق مشي
وسعره وايد حلوووو بالنسبه له ولمكانه

http://www.booking.com/hotel/it/boscolo-exedra-milano.ar.html?aid=356983;label=gog235jc-hotel-ar-it-parkNhyattNmilano-unspec-qa-com-L%3Aar-O%3Aunk-B%3Aunk-N%3AXX;sid=12ab9fb9a6f1cc43b8f665f3544b3c2d;dcid=1


الاماكن الي تزورونها في ميلانو

1- الدومو Domo

هالشارع حيوي وجميل انا بالعاده اقعد فيه يوم كامل ولا اطلع منه
توجد فيه ساحه اما الكنيسه وشارع مشاه ومجمع تجاري مفتوح ومغطى بالزجاج وفيه المطاعم الايطاليه
والكوفيهات مع التجول في المناطق القريبه منه

2- شارع تجاري مونتي بليوني Montenapoleone
شارع حلو وراقي وماركات عالميه قريب جدا من الدومو
3- شارع بيونس ايرس حلو وتجاري Buenos Aires milano
قريب من محطه القطارات
4- شارع via della spiga
قريب من الدومو ويجي بعد شارع مونتي نابليوني

بالنسبه للأماكن خارج ميلانو :


اذا خاطركم تروحون فينيس وترجعون بنفس اليوم
لان المده عندكم مب طويله كلها اربع ايام
يعني غير مؤيد المبيت فيها

لان اهم مكان في فينيس هي ساحه سان ماركو San Marco
وزياره ازقتها ومحلاتها الضيقه
والتجول بالقارب الصغير داخل المدينه قمه المتعه والاجواء الحلوه

المسافه من ميلانو الى فينيس

قطار :

http://im44.gulfup.com/dWPNod.png (http://www.gulfup.com/?inHuee)http://im44.gulfup.com/bN9GUM.png (http://www.gulfup.com/?vzKyZF)


سياره :

المسافه اطول 3 ساعات و 40 دقيقه
يعني الافضل قطار وخاصه ماعندكم اغراض كثيره


بالنسبه لبحيره كومو + اولت لت فوكس ( سويسرا) + لوغانو (سويسرا)

كلهم بينهم مسافات قريبه وجنب بعض نوعا ما
والحين بعطيج المسافات بينهم اذا يناسبونج تروحين لهم بنفس الوقت او تختارين من بينهم

من ميلانو الى كومو milano - como
بالسياره ساعه و 10 دقايق
قطار 33 دقيقه الى 36 دقيقه حسب نوع القطار
ومعظم الرحلات دايركت

من كومو الى اوتلت فوكس تاون como - fox town
بالسياره نص ساعه
بالقطار السويسري لو دايركت توصلون في 18 دقيقه


من فوكس تاون الى لوغانو fox towm - lugano
بالسياره 20 دقيقه
وبالقطار نفس الشي كل الرحلات دايركت 20 دقيقه

اولت لت فوكس تاون fox town
يقع في مدينه مندريسيو السويسريه Mendrisio

يفتح طوال ايام الاسبوع من الساعه 11 صباحا الى 7 مساء

وبالنسبه للتاكس فري tax free
اعتقد هالمجمع عندهم خدمه ارجاع مبلغ التاكس فري بدل اخذها من المطار
يعني تاخذين المبلغ من المجمع نفسه وهذا افضل

ملاحظه :
احتمال لو ان بطاقتج مش فيزا يعني الاي تي ام العاديه مايعطونج كاش ويقولون لج تاخذين التاكس فري من المطار
يعني الافضل لو عندج بطاقه فيزا اشتري منها افضل واخذي التاكس فري من عندهم ( المبلغ المسترجع )


خارطه توضح مكان المجمع بالنسبه للخط من ميلانو الى لوغانو
خط ( مسار ) توضيحي لمكان الاوت لت بالنسبه للمدن القريبه منها
توضح انهم على خط واحد

ميلانو الى كومو الى فوكس تاون الى لوغانو

http://im51.gulfup.com/EHbThy.png (http://www.gulfup.com/?fzfJH5)


الماركات والمحلات الموجوده هناك :

http://im82.gulfup.com/LxqHM0.png (http://www.gulfup.com/?s2mdPS)


http://im82.gulfup.com/MGJxe1.png (http://www.gulfup.com/?Nljz6P)


http://im82.gulfup.com/PBYVrT.png (http://www.gulfup.com/?0RpW6w)


ملاحظه مهمه جداا جداا ::

اذا رايحين الاوت لت ولوغانو في سويسرا لازم تاخذون جوازاتكم معاكم
لان لما تدخلون الحدود السويسريه راح يطلبون منكم الجوازات
لان سويسرا ليست من دول الاتحاد الاوروبي
لكن ممكن تدخلون لها بفيزا الشنغن العاديه التابعه للأتحاد الاوروبي
مايحتاج تستخرجون فيزا اخرى لسويسرا





هنا اختي نقدر نقول خلصنا من ميلانو
وبعدها ننتقل الى روما

اذا عندج اي استفسار او توضيح بأي شي في الي كتبت عن ميلانو والمناطق وماجاورها

[غير البشر]

بالنسبه لروما


المسافه من ميلانو الى روما

بالسياره 6 ساعات وربع
بس اتوقع لو واحد يسوق ومافي زحمه توصلون اقل من هالوقت بكثير

بالقطار

بالضبط ساعتين و 55 دقيقه دايركت بدون توقف
وفي قطارات توصل في 3 ساعات و20 دقيقه بعد دايركت


طبعا بتكون مده 3 ايام
بالنسبه للسكن
اذا حابه تسكنين في منطقه الاسواق والناس وقريبه من كل شي
بكون في اشهر مكان عندهم وهي ( الساحه الاسبانيه ‪(Piazza di Spag
ومن جنبها شارع الماركات الصغير والمزدحم جدا :rolleyes2:

بس مشكله هالمنطقه معظم الفنادق غرفها صغيره واسعارها مرتفعه
ممكن تسكنون في منطقه قريبه منه وفي فنادق راقيه وحجم الغرف حلووو واسعارها معقوله

1- فندق Boscolo Exedra Roma, Autograph Collection

فندق من فئه خمس نجوم
وراقي بالسياره اقل من خمس دقايق الى منطقه الاسواق

http://www.booking.com/hotel/it/boscoloexedra.ar.html?aid=356983;label=gog235jc-hotel-en-it-metropolehotel-unspec-qa-com-L%3Aen-O%3Aunk-B%3Aunk-N%3AXX-T001-1;sid=12ab9fb9a6f1cc43b8f665f3544b3c2d;dcid=4#rt-lightbox-open


2- فندق Trevi Collection Hotel
من فئه اربع نجوم
وقريب جدا من الساحه
فندق نظيف واثاثه راقي
وسعره مناسب
بس عيبه الغرف صغيره

http://www.booking.com/hotel/it/trevi-collection.ar.html?aid=356983;label=gog235jc-hotel-en-it-metropolehotel-unspec-qa-com-L%3Aen-O%3Aunk-B%3Aunk-N%3AXX-T001-1;sid=12ab9fb9a6f1cc43b8f665f3544b3c2d;dcid=4#rt-lightbox-open


3- NH Vittorio Veneto

هذا الفندق بصراحه عجبني فيه كلشي
السعر + حجم الغرف وايد زينه + موقعه جنب الحديق + قريب من الساحه + اثاث الغرف حلو وناعم

http://www.booking.com/hotel/it/jollyvittorioveneto.ar.html?aid=356983;label=gog23 5jc-hotel-en-it-metropolehotel-unspec-qa-com-L%3Aen-O%3Aunk-B%3Aunk-N%3AXX-T001-1;sid=12ab9fb9a6f1cc43b8f665f3544b3c2d;dcid=1

شوفي هالفنادق
وقرري الحجز قبل لاتروح الحجوزات
وان شاء الله في مشاركه قادمه بكتب لج الاماكن الحلووه

[ClassicRoyal]

الشيخه اذا انتو رايحين سويسرا انصحكم في منطقه ماشالله فيها مناظر خلابه

اسمها انترلاكن في سويسرا ، مكان بس حق الراحه والهدو
هاي فيديو في المنطقه
http://www.youtube.com/watch?v=EwpZcK8cSEE