كم سوال بخصوص الابتعاث...

[Rayane]

السلام عليكم

اخواني واخواتي....

ان شاء الله عندي موافقة ابتعاث اكمل البكالوريوس... وعندي كم سؤال .....


1- وش افضل.... بريطانيا والا امريكا.....؟

2- افضل ولايه في امريكا من ناحية ( الأمان )...؟

3- افضل مدينه في بريطانيه من ناحيه ( الأمان )....؟

4- في منتدئ خاص بالابتعاث والجامعات واخبارها......؟


وفي كذا سؤال بعد بتبين بعد المعلومات...

وما خاب من استشار...

[marsa]

من وجهة نظري لندن أفضل لأنه جامعاتها أقوى. ونظام الدراسة كذلك أفضل من أمريكا.

وبالتوفيق .

[SOUD.QA]

وعليكم السلام

بالمبارك عالبعثه وإن شاء الله نبارك بالتخرج

:nice:

امريكا من ناحية الرخص والامان ومستوى الدراسه ونفسية الشعب الطيبه افضل بواجد من هالبريطانيا اللي تعتبر عكس كل شي ذكرته

كولايه انصح نيويورك من واقع سفراتي لها بس بعد التخصص المطلوب بتكون له حسبه ثانيه لان كل طالب وميوله في ناس تطمح للجامعات التوب لانها بتفرق فالتوظيف وبتفرق للقبول بعدين فالشهادات العليا وفي ناس تبغي شهاده وبس وما تفرق معاها الجامعه من حيث المستوى الاكاديمي

فنصيحتي هي التفكير بالتخصص عدل وقوقل ما بيقصر في ترتيب الجامعات في امريكا اكاديميا وبعدها يبتدي التشاور فالولايات

والله الموفق

[marsa]

وحبيت أضيف نقطة مهمة ؛ أخوي عليك بالإستخارة .

[ka2ka2]

منتدى خاص بالابتعاث اسمه مبتعث

[QaTaR MaFia]

بالنسبه لامريكا اخوي ارشح لك ثلاث ولايات وبنظري انها افضل الولايات الي تصلح للدراسه دي سي العاصمه،اريزونا،كاليفورنيا
واخوي الي ذكر نيويورك مانصح ابها غاليه وايد..اذا في خاطرج اي سؤال راسلني ع الخاص وبالتوفيق ان شاءالله

[Aaziz]

بذكر لك الي اعرفه

بريطانيا بتخلص دراسه بسرعه و يعيبها الغلا و العيشه فيها تجيب القرف

امريكا اتوقع الدراسه فيها تاخذ وقت حسب ما اشوف من الشباب لكن العيشه فيها اكثر متعه و سلاسه من بريطانيا .

بالنسبه للمكان في امريكا ،، كلش ما انصح في نيويورك ولا حتى واشنطن .. غاليه و ممله و مزدحمه

انصح بكليفورنيا بالدرجه الاولى و بعدها اشوف عالم في اريزونا.. هذا الي عندي والله اعلم
بالتوفيق

[Rayane]

مشكورين وماقصرتوا......

بريطانيا قدرت احصل قبول سنتين...

لكن امريكا الشباب اللي حاولوا قالوا لي اقل شي 3 سنوات....

سنه زياده ما بتفرق عندي واجد.....

الظاهر باستخير والنيه امريكا ان شاء الله....

[Rayane]

من عقب قوقل وحوسته.... صفيت بثلاث مدن

وهي دنفر ولاية كولورادو

بورتلاند ولاية اوريقون

سياتل مدري اي ولايه.....

علئ حسب البحث والاراء في قوقل....

بغض النظر عن الجامعه.... لانه المدينه بالنسبه لي اهم

[meeemz]

دور ولايه جوها حلو طول السنه سياتل خضرا وحلوه لكن دايما مطر ، كولورادو ولايات الوسط ، زوجي كان مبتعث في كانساس و لما سال قالوا له ابتعد عن ولايات الوسط كانت فعلا تضيق الصدر وبارده صقيع الحراره توصل 20 تحت الصفر ، ماقدر يتحمل و نقل كاليفورنيا

[Master_qtr]

ابتعد عن دنفر ! متروووسه خليجيين السعوديين بس فيها فوق 1000! ماراح تستفيد في مرحلة اللغة !

انا اشوف افضل ولاية للدراسة والسكن والوناسة هي ولاية بنسلفانيا ! اول شي جوها حلو ! ورخيصة ! اذا بغيت نييويورك قريبة واذا بغيت واشنطن قريبة ! واغلبها قرى !

[قطرية بعيون]

بريطانيا كارديف آولا قرب بريطانيا من قطر ثانيا الاجازات وايد ثالثا عقب الفاونديشن بس ظ£ سنوات جامعة رابعا كارديف جميلة وحلوه و آمان في جامعتين كارديف يونيفيرسيتي و ساوث اوف ويلز والله الموفق لاتنسى الاستخارة.

[بوجاسم566]

1- وش افضل.... بريطانيا والا امريكا.....؟

يعتمد من شخص الى شخص كل مكان له سلبيات وايجابيات .. بالنسبه لي امريكا

2- افضل ولايه في امريكا من ناحية ( الأمان )...؟

الامان تقريبا موجود في اغلب ولايات امريكا .. ف لاتحاتي جوف لك جامعه سهلة في الدراسة وتقدر تمشي فيها وتتخرج

ثانيا الطقس يعني جوف لك مكان دافي طول السنه وابعد عن الولايات الباردة

ووفيه عده ولايات حلوة مثل كاليفورينا .. مدينة لوس انجلوس او سان دييغو

واشنطن ستيت .. سياتل .. اريزونا فينكس .. فلوريدا ميامي او تامبا

4- في منتدئ خاص بالابتعاث والجامعات واخبارها......؟

في منتدى سعودي على ما اظن دورة في قوقل بتلقاه

[الســيل]

السلام عليكم

اخوي من تجربة بريطانيا اسهل بواجد من امريكا

وفترة الدراسة بتكون اقل

اما للمعيشة الربع يمدحون امريكا اكثر من بريطانيا

وبريطانيا فيهاا مناطق حلوه وجامعات معترف فيها من المجلس الاعلي

ويعتمد علي التخصص اللي تبيه


الله يوفقك ومبروك البعثه