مرحلة البلوغ

[مشاكل]

كيف توصل المعلومة الصح لأبنك وكيف تكسر حاجز الصمت بينك وبين ابنك من اجل تقديم النصح وبالتحديد فيما يخص مرحلة البلوغ وما يصاحبها من تغيرات هرمونية قد تمثل مصدر قلق وارق للأبناء من جهة وللاباء من جهة اخرى خوفاً عليهم من استقاء المعلومة من مصادر خاطئة قد تكون سبباً في وقوعهم في مالا تحمد عقباه ،،،

يمكن الأم اقرب لبنتها في هذا الجانب ولذلك ماتواجه المشكله اللي يوجهها الاب مع ابنه ؟

بختصار ،، شلون تقدر تكسر هذا الحاجز بينك وبين عيالك ؟

[بانغ بانغ]

اعيال هالايام هم اللي ايعلمونا

[الجوهرة الثمينة]

كيف توصل المعلومة الصح لأبنك وكيف تكسر حاجز الصمت بينك وبين ابنك من اجل تقديم النصح وبالتحديد فيما يخص مرحلة البلوغ وما يصاحبها من تغيرات هرمونية قد تمثل مصدر قلق وارق للأبناء من جهة وللاباء من جهة اخرى خوفاً عليهم من استقاء المعلومة من مصادر خاطئة قد تكون سبباً في وقوعهم في مالا تحمد عقباه ،،،

يمكن الأم اقرب لبنتها في هذا الجانب ولذلك ماتواجه المشكله اللي يوجهها الاب مع ابنه ؟

بختصار ،، شلون تقدر تكسر هذا الحاجز بينك وبين عيالك ؟


يكسر الحاجز يعني شيقوله

بعد مسأله بيولوجيه ....بيوقفها مثلآ

عليكم اسأله مادري شلون

[marsa]

من مصلحة الأبناء تعليمهم وتوجيهم من الناحية الدينية بالذات .... وبعدين المشكلة عندك يعني حلها بسيط خذ الولد معاك في مشوار وكلمه بهدوء وبشكل بسيط والكلام إلي المفروض ينقال كلها كلمتين .

[بوخالد911]

جلسة مع الابن والشرح له باسلوب يتوافق مع سنه
والتأكيد أن يرجع لأبيه فيما يختص بمرحلة البلوغ

[مشاكل]

اعيال هالايام هم اللي ايعلمونا
ههههه تهقى

من مصلحة الأبناء تعليمهم وتوجيهم من الناحية الدينية بالذات .... وبعدين المشكلة عندك يعني حلها بسيط خذ الولد معاك في مشوار وكلمه بهدوء وبشكل بسيط والكلام إلي المفروض ينقال كلها كلمتين .
اشكرج اختي على ابداء الرأي
المشكلة ان ثقافة العيب عندنا كونت حواجز اسمنتية يصعب هدمها

جلسة مع الابن والشرح له باسلوب يتوافق مع سنه
والتأكيد أن يرجع لأبيه فيما يختص بمرحلة البلوغ
تسلم اخوي العزيز بوخالد على الاضافة

[القبطان سلفر]

كيف توصل المعلومة الصح لأبنك وكيف تكسر حاجز الصمت بينك وبين ابنك من اجل تقديم النصح وبالتحديد فيما يخص مرحلة البلوغ وما يصاحبها من تغيرات هرمونية قد تمثل مصدر قلق وارق للأبناء من جهة وللاباء من جهة اخرى خوفاً عليهم من استقاء المعلومة من مصادر خاطئة قد تكون سبباً في وقوعهم في مالا تحمد عقباه ،،،

يمكن الأم اقرب لبنتها في هذا الجانب ولذلك ماتواجه المشكله اللي يوجهها الاب مع ابنه ؟

بختصار ،، شلون تقدر تكسر هذا الحاجز بينك وبين عيالك ؟




موضوع مهم جدا

نسمع اراء المتداخلين لنتبادل الخبرات بيننا ونستفيد .

يعطيك العافيه

[rayyani12]

انا مع اخوي بانغ بانغ في ان عيال هالايام هم اللي يعلمونا .. راح تتفاجأ بأشيا ماكنت اتوقعها صدقني .. الله يعينك ويطرح ف عيالك البركه ان شاءالله

[همر]

هذي فايدة المدارس الاجنبيه...

[MAZEN37]

الحمدلله هذا ما كنت احسب حسابه من البدايه هو اني اكون قريب وصديق لابني علشان اقدر اوصل له الرساله والمعلومه بالوقت والمرحله المطلوبه

[marsa]

اشكرج اختي على ابداء الرأي
المشكلة ان ثقافة العيب عندنا كونت حواجز اسمنتية يصعب هدمها






أخوي مشاكل : باجر ولدك بيحز بقلبه لأنك ما فطنته على هالأمر ممكن تتعاون وتستعين بإمام المسجد تعزمه على بيتك وتخليه يكلمه أو يجمع ربعه ويسمعون للإمام وكنها محاضرة

[marsa]

هذي فايدة المدارس الاجنبيه...




اعيال هالايام هم اللي ايعلمونا

المدارس الأجنبية ما تعلمهم أمور دينهم ولا تعلمهم وجوب الغسل ومبطلات الوضوء .

[تغلبية]

قبل لا تكلمه عن مرحلة البلوغ .. يبي لك تقرب منه شوي وتبتدي في تكوين علاقة الصداقة علشان الحواجز الاسمنتية شوي شوي تذوب من غير ماتحسون أنتو الاثنين

راح يكون فيها تمثيليات ومسرحيات علشان تكون العلاقة طبيعية ومتناغمة .. موب جاية فجأة

يعني .. مثلا .. ياولدي خلك جاهز الساعة الفلانية بنروح نسلم على فلان في المجلس ينشد عنك...

في الطريق .. ممكن تفتح واياه مواضيحع الدراسة والمدرسة عادي .



يوم ثاني .. مثلا .. تبون تركبون ليتات في البيت ... تعال ناولني الليتات .. او تعال ركب الليت ..

يعني يكون القرب من واقع الحياة اليومية ..

وشوي شوي بتفتح معاه مواضيع المدرسة .. عقب الربع .. عقب اشرايك نروح البحر .. او المطعم الفلاني ..

وتسوي لك حسابات الانستغرام وسنبتشات وهالسوالف واتطرش له ويطرش لك .. علشان تعرف مزاجه وجوه شنو


ممكن اتطرش له على الايميل عن موضوع البلوغ .. رابط موقع يتكلم عن أحكام الطهارة مثلأ على الرجل البالغ .. . أو أي رابط تعليمي انت تشوفه مناسب

واذا ممكن مع الرابط تكتب له كلمة حنونة مؤثرة منك كأب .. وعقب وانتو طالعين في مشوار .. فاتحة في الموضوع .. قريت الايميل .. اشرايك .. عطوكم في المدرسة هالكلام ....

مهم جداً يكون فيه حوار ونقاش بطلف .. وتتجاوز عن هفواته ... مش أوامر .. ولا مواعظ وبس

علشان بكرة لو بغى يسال أي شي .. يلقى منك الجانب اللين .. الحنون .. اللي لو أخطا أو قصر في يوم .. ماراح يلقى منك الهواش والتعنيف

ولو يستاهل التعنيف .. عطه فرصه للخطأ على انه مايعودها مرة ثانية .. وانك عطيته الأمان ..


هذي سيناريوهات مفترضة ... تكوّن الألفة والقرب ...

ومهم انك ما تكون شاد أعصابك وصاير حازم وايد واياه كأب ..

رخوا في اوقات العايلة وجلسات الود .. وشدوا في الأمور اللي تمثل خطوط حمراء .. علشان الولد يعرف وشي حدوده في التعامل.

[alsoq]

اذا احتلم الولد فقد وصل مرحله البلوغ
والسؤال سهل ولا فيه احراج له تقول له هل انت تحتلم وضح له فقط

[يمامـة]

هذي فايدة المدارس الاجنبيه...



مب شرط.........> لأن يقال اطفال اعمارهم 12 و 13 و14 يدخلون دور افلام
ويتلفظون على الممثلة بالفاظ فيها تهديد من انها ستحمل في احشائها طفل منهم !!!

وفي الأخير يطلعون طلاب مدارس مب اجنبية ولا مختلطة !!


اخوي مشاكل اولياء الأمور المهتمين في عيالهم تلقاهم يشلون هم المرحلة هذي سواء كانوا مسلمين او غير مسلمين
فطبيعة العلاقة ما بين الطفل واهله هي اللي تساعد في افهامه التغييرات هذه..
لأن كفاية يكونون احد الوالدين قراب من الابناء ويطلعون بفايدة..


لأن طبيعة علاقة الاب او الام مع الابناء هي اللي تساعدهم
على كسر اي حاجز ممكن يتولد بسبب الحرج في توضيح اهمية المرحلة هذه في حياتهم.

واذا كان هناك حاجز ممكن كسره من خلال التركيز على اهمية تنبيه الطفل الى التغيير الحاصل فيه
فمع وجود الحاجز هذا راح يُترك الطفل يستفيد من ثقافة وخبرات اقرانه وممكن يتلقى معلومات خاطئة.

لكن في البيت لو كان يتمتع بوجود والدين مثقفين فاهمين و واعيين لكل جوانب هالمرحلة
ممكن جدا توصيل المعلومة للطفل عن طريق المواجهة ،، او الكتب ،، وبعض المواقع التي
يفضل ان يرافق الوالدين الطفل في هذا العمر وهم يقرون له المكتوب ويشرحون له شنهو اللي
راح يتعرض له.