استفسارهل مشروع استيراد حجر صناعي ورخام طبيعي مجدي هاليومين؟

[BoFahed]

السلام عليكم

عرض علي احد الاخوان مشاركته في مشروع استيراد وتركيب حجر صناعي من احد دول الجوار مواصفاته ممتازه ومختبر معمليا وسعره
مناسب ورخام طبيعي عماني ؟؟؟

هل المشروع يعتبر ناجح حاليا ؟؟؟ يعني هل زاد الطلب مقابل العرض في مشاريع البنيان الحكومي والخاص ؟؟؟

شنونصايحكم ؟؟؟ وكم تكلفة المشروع من ايجار حوطة تخزين والمحل لازم يكون في موقع ولا اكتفي بشقة ادارية واشتغل ميداني واتعامل مع موزعين ؟؟؟؟

[معماري قطري]

أَي مادة بناء فيها ربح .. والمستورد يستورد كميات وبأَسعار معقولة ويبيعها كميات أَصغر بأَسعار مضاعفة وبربح فوق الجيد .. المشاكل اللي بتواجهك شوية فائض غير صالح وممكن يستخدم استخدامات ثانية .. وبعض تعقيدات النقل وشروط بعض الدول .. يعني حط في بالك امكانية ايقاف أَي مادة من التصدير من أَي دولة .. لو يتم الشحن من دول ثانية وبكميات متنوعة وعن طريق البحر ونوعيات مميزة من هذي المواد طبعاً بعد دراسة السوق والمواد الصالحة له .. بيكون الوضع أَفضل بكثير بس ما يمنع تبدأَون بالقريب وتتجهون للبعيد مع التنويع في البضاعة ومع اضافة مواد ثانية.

بالنسبة للتخزين والأَرض والموقع أَفضل شيء الصناعية وبشكل قانوني حتى تبتعدون عن الشكاوي والمشاكل .. وبالتوفيق لكم ان شاء الله.

[شموخ دائم]

,

,


مرحبا

اخوي الكريم

انا دائما انصح الشباب بدخول التجاره

ما عدا التجاره الي السوق ( متشبع ) منها

ما انصح تدخل هذا المجال نهائيا وفر فلوسك لشي احسن

ترى الكل يجيب ( حجر ) والكل يجيب ( رخام ) و( سيراميك ) اختلط الحابل بالنابل


الشركات الكبيره تستورد

المهندس يستورد

الفورمن يستورد بدون محل

العامل العادي يستورد بدون محل

دريول يستورد

الناطور يستورد

الصناعيه ( متشبعه ) حجر ومتشبعه رخام

لدرجه انه ينباع بسعر التكلفه خاصه الي طول معاه ما ينباع

واكثرها انواع سيئه الا من رحم ربي

ما تقدر تنافس لان الموجود الان ليس سوق مواد بناء

الموجود الان فوضى

فكر بشي يصعب على العمال العاديين يجيبونه

تميز بشي خاصه الي فيها امور فنيه
وفر فلوسك لا تروح في الايجار وفي بضاعه ما تنباع معاك



موفق يارب



,

,


اخوك

شموخ دائم

[بن غيث]

انا مع شموخ ..
إلا اذا كان عندك مشروع جاهز بتورد له .. شئ ثاني

[BoFahed]

معماري

شموخ

بن غيث

الف شكر علا تجاوبكم الطيب ودايما عودوتنا تكونون اول المشاركين عسى الله يوفقكم


بس سؤال هل تشوفون الحجر الصناعي مليان السوق ؟؟؟ انا اروح لاي شركة معروفه مثل البيت الازرق والبوعينين عندهم تاخذ موعد بالشهور ؟؟؟؟؟

[BoFahed]

معماري

شموخ

بن غيث

الف شكر علا تجاوبكم الطيب ودايما عودوتنا تكونون اول المشاركين


بس سؤال هل تشوفون الحجر الصناعي مليان السوق ؟؟؟ انا اروح لاي شركة معروفه مثل البيت الازرق والبوعينين عندهم تاخذ موعد بالشهور ؟؟؟؟؟

[شموخ دائم]

,

,


مرحبا


اسئله طيبه بو فهد

انت سئلت وجاوبت بنفس الوقت

:)

انت قلت شركات ( معروفه )

البيت الازرق

و

البوعينين

ما شاء الله عليهم صار لهم سنوات طويله من الخبره واصبح لهم زبائنهم

والتوفيق من الله

انت تعرف ان الفيلا الوحده تحتاج اكثر من ( شهرين ) لعمل الحجر عليها
والعمال بيكونون مشغولين في كم فيلا
وما بيقدر ياخذ شغل جديد الا بعد الانتهاء من بعض القديم

اما الشركات الغير معروفه تعاني كثير وهي بالمئات في البلد


على فكره

قطر فيها اكثر من 3 مصانع لانتاج الحجر الصناعي في المنطقه الصناعيه
الي انا اعرفهم made in qatar
بخلاف الي يجينا صناعه السعوديه والبحرين



,

,

اخوك

شموخ دائم

[BoFahed]

,

,


مرحبا


اسئله طيبه بو فهد

انت سئلت وجاوبت بنفس الوقت

:)

انت قلت شركات ( معروفه )

البيت الازرق

و

البوعينين

ما شاء الله عليهم صار لهم سنوات طويله من الخبره واصبح لهم زبائنهم

والتوفيق من الله

انت تعرف ان الفيلا الوحده تحتاج اكثر من ( شهرين ) لعمل الحجر عليها
والعمال بيكونون مشغولين في كم فيلا
وما بيقدر ياخذ شغل جديد الا بعد الانتهاء من بعض القديم

اما الشركات الغير معروفه تعاني كثير وهي بالمئات في البلد


على فكره

قطر فيها اكثر من 3 مصانع لانتاج الحجر الصناعي في المنطقه الصناعيه
الي انا اعرفهم made in qatar
بخلاف الي يجينا صناعه السعوديه والبحرين



,

,

اخوك

شموخ دائم
بيض الله وجهك اخوي شموخ وضحت لي امور مهمه غابت عني

[معماري قطري]

هذا الزين في منتدانا .. النقاش الموضوعي وتوصل لك لحل جيد

مثل ما قلت لك انا لو بتفتح لازم تكون قانوني .. أَما أَرض مسورة وفي منطقة يمكن سكنية ممنوع تخزن فيها وممنوع وجود عمال فيها فهذي بداية غلط .. ولازم تدرس السوق عدل والتكاليف عدل وشبتحصل من مردود .. انا عني حتى مكتب استشاري ما قدرت اغامر وافتح واتجهت للبورصة كاستثمار والحمد لله فلوسي محفوظة وتعطيني مردود .. أَما افتح وفي النهاية اسوي نسخ خرايط ما تسوى ويدعون علي الناس .. وأَصرف على علل على قلبي الا سيارة للشغل وبيت للسكن ومدارس لعيالهم .. والمردود مبلغ بسيط.

إِذا أُمورك متيسرة وعندك خطة وتقدر تورد كميات وتخزن صح وبطريقة قانونية وتركز على كاميرات مراقبة وحراسة للمكان .. لأَن الحرامية وصلوا حتى للبيوت اللي تنبني وحتى للمخازن وسرقوها بالاشتراك مع من يحرسها .. بهالطريقة ممكن تضمن ربح بسيط .. الأَفضل هو إِنك تجيب بضاعة متميزة مثل البورسلان بنوعيات عالية الجودة .. ومثل الرخام والغرانيت القطع الكبيرة النادرة ومن منتجات تنافس الموجود كسعر وكجودة، وهذا يحتم يكون عندك تجهيزات قص وشطف ومحل حتى لو صغير في مكان مميز يعرض هذي المواد .. ما تسوي مثل واحد يعرض بضاعته هنا ويدخلك دواعيس لين توصل بيت عنده كم قطعة مخزنها ومحصل ناس يمشي شغله عليهم وكل اللي يتاجر به صور .. ضحكني مره حاط صورة قبل وحاط نفسها عقب ويقول بضاعة جديدة .. سئلته مب ذي نفس الصورة المعروضة في موضوعك من شهور؟ زعل وزمجر وانكشف غشه عينك عينك.

[BoFahed]

هذا الزين في منتدانا .. النقاش الموضوعي وتوصل لك لحل جيد

مثل ما قلت لك انا لو بتفتح لازم تكون قانوني .. أَما أَرض مسورة وفي منطقة يمكن سكنية ممنوع تخزن فيها وممنوع وجود عمال فيها فهذي بداية غلط .. ولازم تدرس السوق عدل والتكاليف عدل وشبتحصل من مردود .. انا عني حتى مكتب استشاري ما قدرت اغامر وافتح واتجهت للبورصة كاستثمار والحمد لله فلوسي محفوظة وتعطيني مردود .. أَما افتح وفي النهاية اسوي نسخ خرايط ما تسوى ويدعون علي الناس .. وأَصرف على علل على قلبي الا سيارة للشغل وبيت للسكن ومدارس لعيالهم .. والمردود مبلغ بسيط.

إِذا أُمورك متيسرة وعندك خطة وتقدر تورد كميات وتخزن صح وبطريقة قانونية وتركز على كاميرات مراقبة وحراسة للمكان .. لأَن الحرامية وصلوا حتى للبيوت اللي تنبني وحتى للمخازن وسرقوها بالاشتراك مع من يحرسها .. بهالطريقة ممكن تضمن ربح بسيط .. الأَفضل هو إِنك تجيب بضاعة متميزة مثل البورسلان بنوعيات عالية الجودة .. ومثل الرخام والغرانيت القطع الكبيرة النادرة ومن منتجات تنافس الموجود كسعر وكجودة، وهذا يحتم يكون عندك تجهيزات قص وشطف ومحل حتى لو صغير في مكان مميز يعرض هذي المواد .. ما تسوي مثل واحد يعرض بضاعته هنا ويدخلك دواعيس لين توصل بيت عنده كم قطعة مخزنها ومحصل ناس يمشي شغله عليهم وكل اللي يتاجر به صور .. ضحكني مره حاط صورة قبل وحاط نفسها عقب ويقول بضاعة جديدة .. سئلته مب ذي نفس الصورة المعروضة في موضوعك من شهور؟ زعل وزمجر وانكشف غشه عينك عينك.


تسلم اخوي معماري الصراحة نصايحكم ما تقدر بثمن

[حسن الاحمد]

اخي بو فهد : توريد الحجر الصناعي السعودي مثلا او الرخام فقط مامنه فايدة ،،،، لان محد ياخذ منك حجر او رخام بدون تركيب.
لو عندك راس مال طيب ممكن تتاجر في المواد والأكسسوارات اللي يستهلكونها شركات الحجر الطبيعي والرخام.
اوربي وصيني ..
بالتوفيق

[قدام]

شموخ دايم ... فيك الخير و الف ونعم مقدرين نوايك الصادقه للشباب بالنصيحه
بس....
كل اقترحنا موضوع تجارة تعطينا. الف سبب للخسارة وانه ما ينفع و السوق متشبع
اتمني منك تكتب موضوع بالمشاريع اللي يقدر الواحد يبدأ فيها تجارة
اوجوك لا تفهمني غلط
شكرااااااااا

[قدام]

السلام عليكم

عرض علي احد الاخوان مشاركته في مشروع استيراد وتركيب حجر صناعي من احد دول الجوار مواصفاته ممتازه ومختبر معمليا وسعره
مناسب ورخام طبيعي عماني ؟؟؟

هل المشروع يعتبر ناجح حاليا ؟؟؟ يعني هل زاد الطلب مقابل العرض في مشاريع البنيان الحكومي والخاص ؟؟؟

شنونصايحكم ؟؟؟ وكم تكلفة المشروع من ايجار حوطة تخزين والمحل لازم يكون في موقع ولا اكتفي بشقة ادارية واشتغل ميداني واتعامل مع موزعين ؟؟؟؟

بوفهد .... انا امس عندي محل بيت الاحساء ابي اشتري حجر للبيت و اسولف معاه عن تجارة الحجر و الرخام و السيراميك
قالي بالحرف الواحد ( اي شي يخص مواد البناء في قطر ربحه مثل ( المخدرات ) كرمكم الله .. شغل ما يوقف
بس اهم شي التسويق و العلاقات ..... روح و اسئله بعد

و الاستخاره مطلوبه في كلشي ,,,, الله يوفقك

[BoFahed]

بوفهد .... انا امس عندي محل بيت الاحساء ابي اشتري حجر للبيت و اسولف معاه عن تجارة الحجر و الرخام و السيراميك
قالي بالحرف الواحد ( اي شي يخص مواد البناء في قطر ربحه مثل ( المخدرات ) كرمكم الله .. شغل ما يوقف
بس اهم شي التسويق و العلاقات ..... روح و اسئله بعد

و الاستخاره مطلوبه في كلشي ,,,, الله يوفقك

تسلم اخوي علا مشاركتك الطيبة وان شالله ان متاني وادري السوق عدل والواحد يتوكل علا الله في كل شي

[شموخ دائم]

,

,


مرحبا

اخوي الكريم

قدام

انت تامر والله

:)

فاهم كلامك زين والله

انا اكتب من واقع ( خبرتي ) بالسوق ومن تجاربي الشخصيه

وكل تعليق كتبته في المنتدى القصد منه توضيح بعض الامور

ربما تكون تعليقاتي سلبيه او ايجابيه في الاخير

هذا تجاربي الشخصيه ربما انا ما توفقت فيها ويمكن غيري توفق

ويكتب رايه وتجاربه الشخصيه ايضا

ويمكن غيري يشوفه مشروع ممتاز ويدخل ذهب وانا اشوفه مضيعه للوقت

في الاخير ( القرار ) لك

وتقدر تستشير ناس اكثر حتى توصل لقرار

بالنسبه للمواضيع ( الناجحه )

طبعا لا يوجد ( لسته ) لمشاريع ناجحه او مشاريع فاشله

هناك شركه ( مقاولات ) تنجح وهناك ( مقاولات ) تخسر خساره كبيره

هناك ( عوامل ) للنجاح بعد التوفيق من الله

العقارات
مواد البناء
حجر
رخام
سيراميك
التنظيفات
المقاولات
الالمنيوم
الحداده
النجاره
سوبرماركت
كهرباء
بيبفيتر
العاب الاطفال نطاطات وملاعب الصابون

هذا السوق متشبع منها جدا

لكن هذا ما يمنع ان لودخلوا 10 ينجح واحد منهم
لان عوامل النجاح اجتمعت عنده واولها التوفيق من الله

مثل

1- مدير للمشروع خبره وامين ويعرف يجيب ( شغل ) للشركه
2- المصاريف الشهريه مدروسه بعنايه والدخل الشهري للشركه اكبر من مصاريفها
3- نوعيه المشروع وموقعه
4- الايدي العامله فيه ماهره ومدربه
5- بضاعه مميزه ومطلوبه
6- اسعار تنافسيه

لكل مشروع عوامل نجاحه

انا حريص جدا على هذه العوامل واشدد جدا على ( الشخص ) الي بيدير الشركه

هذا ( اهم ) من المشروع نفسه


ما يصير نشتري ( مرسيدس ) ونحط شخص ما يعرف يسوق دريول
ويخرب لك السياره او يعمل حادث
:)

العيب ليس في السياره العيب في من ( يقود )
.

.


اخوك


شموخ دائم