مناقشات وتجاربكم في التأمين الصحي شبكة مزودي الخدمة { صحة }

[غير البشر]

السلام عليكم ورحمه الله وبركاته

صبحكم الله بالخير

اكيد مع كل بداية خدمه او شي جديد تواجهنا الكثير من المشاكل
حيث ان الامور في بدايتها ماتكون واضحة

اتمنى الكل يضع لنا تجربته في التأمين الصحي
مميزاتها وعيوبها
والمشكلات الي واجهتها وكيف حليتها

مع تقديم النصايح من تجاربكم


الموقع الرسمي للشركة الوطنيه للتأمين الصحي " صحه "


اتمنى الاستفادة القصوى للجميع :victory:

[غير البشر]

تعريفات لبرنامج صحه

http://www.nhic.qa/what-is-seha-ar.html

[غير البشر]

اسماء المستشفيات والعيادات والمجمعات الطبيه الداخله في التأمين الصحي

http://www.nhic.qa/provider-network-seha-ar.html

[غير البشر]

متى نستخدم برنامج صحه
والفئات الداخله في هذا البرنامج

http://www.nhic.qa/using-seha-ar.html

[غير البشر]

الخط الساخن للتأمين الصحي


http://im46.gulfup.com/ZzORlp.png (http://www.gulfup.com/?DWtUbq)

[المحاميه]

يعطيك العافيه
واللي عنده معلومات وجرب التأمين الصحي يعطينا خبر

شخصياً ماجربت
وماعرف التأمين ش يغطي
بس اعرف شنهي المستشفيات اللي يغطيها

[غير البشر]

يعطيك العافيه
واللي عنده معلومات وجرب التأمين الصحي يعطينا خبر

شخصياً ماجربت
وماعرف التأمين ش يغطي
بس اعرف شنهي المستشفيات اللي يغطيها



الله يعافيج يارب

هذي جميع التغطيات الداخله في التأمين الصحي


( جدول الخدمات )


http://www.nhic.qa/schedule-of-benefits-seha-ar.html

[رهج السنابك]

جربت مع الاهلي كان كل شي تمام

[بوخالد911]

مرحبا بكم

نشكر الدولة للخطوة الموفقة

نبي ضوابط للحد من التلاعب اللي بيصير من قبل العيادات الخاصة
كمثال : اجراء فحوصات غير مبررة ولا داعي لها

وأتمنى أن تكون هناك لجنة للنظر في أحقية الفحوصات والرسوم التي تم فرضها

وشكرا للموضوع الجميل

[المحاميه]

جربت مع الاهلي كان كل شي تمام


شاللي جربتيه؟



مرحبا بكم

نشكر الدولة للخطوة الموفقة

نبي ضوابط للحد من التلاعب اللي بيصير من قبل العيادات الخاصة
كمثال : اجراء فحوصات غير مبررة ولا داعي لها

وأتمنى أن تكون هناك لجنة للنظر في أحقية الفحوصات والرسوم التي تم فرضها

وشكرا للموضوع الجميل


وضح
شقصدك اخوي؟

[QTR TV]

اهم شئ يهتمون في الفحص الشامل كل 6 شهور يكون كامل شامل فالوقاية خير من العلاج

[حياة]

جربت مع ولدي في المستقبل الطبي دكتور اطفال وعيون وكل شي تمام
ودفعت قيمه دوائين غير شاملها التامين وهي دواء كحه وفيتامين .. وباقي
الادويه على التأمين..
والله يطول في عمر الامير ويوفقه في الدتيا والاخره..
بس سؤال عمليه الليزك تصحيح النظر يشملها التأمين او لا..؟؟
وفي وين اذا يشملها التأمين ؟

[marsa]

ياريت الموضوع يتثبت حتى نرجع له وقت الحاجة .
'

'

'

الله يعطيك العافية أخوي .

[حبر وقرطاس]

متابعه الاطباء وحركات المحسوبيه والتقارير الملفقه مثل عمليات نظتجميل لوحده من الاهل يكتب مثلا شفط دهون منطقه البطن لاعاقه الشحم الحركه . وهي تتحرك وتروح وتجي مجرد كرش بسيط بللرياضه يروح ههههههه

[الهاجس2009]

مساكم الله بلخير انا راجعت المستشفي الاهلي واموره طيبه علي التمين الصحي

[الدوحه1]

هل هذا اعتراف من المسئولين عن الصحه في البلد عن فشلهم وان المستشفيات الحكوميه غير قادره على توفير العنايه الصحيه المثاليه للمواطنين؟؟؟؟
اذا كان الجواب نعم. ليش مايتم محاسبتهم خاصة وانهم استعانوا بعشرات الخبراء الاجانب؟؟؟

انا اشوف ان فكرة التأمين الصحي راح تكلف الدوله المليارات فكان من الافضل استغلال هالمبلغ في بناء مستشفيات عالميه والتعاقد مع اطباء عالميين!!!!

[غير البشر]

جربت مع الاهلي كان كل شي تمام



الحمدلله ان الامور ميسره :victory:

[غير البشر]

مرحبا بكم

نشكر الدولة للخطوة الموفقة

نبي ضوابط للحد من التلاعب اللي بيصير من قبل العيادات الخاصة
كمثال : اجراء فحوصات غير مبررة ولا داعي لها

وأتمنى أن تكون هناك لجنة للنظر في أحقية الفحوصات والرسوم التي تم فرضها

وشكرا للموضوع الجميل



والله يابوخلودي كلشي جايز
التلاعب موجود بكل مكان ويشوفون اي ثغره ممكن يدخلون لها
ويطلبون انك تسوي تحاليل وبعض الاشياء انت في الاساس غير محتاجها
بس ان شاء الله اكيد في ظوابط على هذاالموضوع :nice:

[غير البشر]

شاللي جربتيه؟

وضح
شقصدك اخوي؟


يسمح لي بوخالد ارد بداله

يقصد ان بعض المجمعات الطبيه او المستشفيات
يطلبون بعض التحاليل الاضافيه او علاجات اضافه
ومايكون الشخص محتاج لها اساسا
فقط لزياده الفاتوره وزياده دخلهم


ان شاء الله وضح المقصد

[بصمة قطرية]

جربت الأهلي و العمادي لولدي ..
الأهلي الأمور مشت تمام
التسجيل بالبطاقة الصحية ..
العمادي ..!!
لازم البطاقة الشخصية أو صورة من شهادة الميلاد
اليوم كنت في العمادي ..
قلت لهم الأهلي دخلونا بالبطاقة الصحية
قالوا القانون اللي جاينا من الصحة لازم البطاقة الشخصية
أو صورة من شهادة الميلاد ..!!
أكثر من شخص كان متعطل بسبب هالشي ..!
الحمدلله عندي تأمين طلعت البطاقة و قلت لهم
خلاص مابي التأمين القطري ما يسوى علي أنتظر ساعات
و أرجع ..!!
دخلت على التأمين اللي عندي ..

كنت بنزل موضوع بهالخصوص
دامك نزلت هالموضوع قلت بضيف ردي هني ..

المفروض القانون يكون واحد في كل المستشفيات ..
ما يصير كل مستشفى لها قانون للتسجيل ..!!!
البطاقة الصحية فيها الرقم الشخصي
و هاي المطلوب ..
و لو الشخص عنده ملف قبل خلاص مافي داعي بطاقة
الملف مفتوح على البطاقة الصحية ..!

يا ليت يشددون على المستشفيات الخاصة
و يوحدون إجراءات التسجيل و الدخول ..

عندي عتب أخير على العمادي ..
زحمة غير طبيعية
هالشي حالياً في كل المستشفيات
ما لهم دخل فيه ..
بس النظام المتبع في المستشفى مب شي
تاخذ رقم و تنتظر ساعات لين يعطونك رقم للدكتور
لين ييجي دورك عقب ساعتين أو ثلاث تجي بتاخذ رقم
يقولون لك خلاص وقفنا الأرقام
الدكتور اكتفى خلاص ..!!
و ساعات الانتظار راحت على الفاضي ..!
صار لي هالشي اليوم و كم شخص غيري
عند دكاترة مختلفين ..

لازم الأرقام من البداية تتحدد لأي عيادة
مثلاً عيادة الأطفال
عيادة الباطنية .. و هكذا ..

صعبة الواحد ينتظر ساعتين ثلاث يوصل دوره
عشان ياخذ رقم يقولون له سوري خلصت الأربام
تعال بكره ..!!!!

و على كلامهم التأمين يشمل كل شي ..
و ما تضطر تنتطر رد التأمين بالموافقة
اذا في شي مثل تحاليل أو أشعه ولازم يخاطبون التأمين ..
هني كل أمورك تمشي على طول ..

الله يعز حكومتنا اللي مو مقصرة معانا ..

[بوحارب]

جربت طواري الأهلي وكانت الأمور تمام

وجربت عيادة الدوحة قسم الخشم والأذن والحنجره وكانت فوق الاوكي

وصرفولي دوا على التأمين

وبكرة عندي موعد حق ولدي في الأهلي وتاكدة منهم اكثر من مره
ان الدخول على التأمين عشان ما يقولون لي ادفع اذا وصلت ههههه

للعلم عندي تأمين صحي من الشغل يس خلاص ماعترف فيه

لانه في كل زيارة ندفع 100 ريال للدخول :)

والله لايحوجكم للمستشفيات جميعاً

وتحياتي الصباحية لك يا غير البشر

[نتفـه]

جربت العمادي .. كل شي كان تمام ولله الحمد ..

[همر]

الموضوع اللي محد تطرق له


المستشفيات قامت ترفض تأمين الشغل

بحجة ان القطريين تغطيهم صحه !!!!


زين ليش ؟!! انا عندي موافقه من تأمين الشركه

وبديت بالاجراءات من قبل موضوع صحه !!!


زين عيالي معتمدين على تأمين الشركه

وماعندهم بطاقات صحيه !!!

تروح علينا المواعيد يعني لين نطلع

بطاقات صحيه ؟!!

وهذي بعد سالفتها غير نمونه !!!

[مختلفة عقليا]

السلام عليكم .,

يعني لازم انطلع بطاقه ., ؟؟

انا اتصلت قالي انتي قطريه اوردي عندج تامين ما يحتاي اتسوين ولا شي .,

وبغيت اعرف الاسنان خارج التغطيه ؟؟ اذا مو تجميل بس علاج ., ؟؟

ويسلموو .,

[بو الجوري]

يعطيك العافيه أخوي على الموضوع الطيب ، و الله لا يوريكـم مكروه إن شاء الله




سؤال :

هل إذا رحت العمادي و سويت فحص شامل ( للإطمئنان على الصحه :shy: ) بيكون مغطى بالتأمين

[غايه الطواش]

يعطيك العافيه أخوي على الموضوع الطيب ، و الله لا يوريكـم مكروه إن شاء الله




سؤال :

هل إذا رحت العمادي و سويت فحص شامل ( للإطمئنان على الصحه :shy: ) بيكون مغطى بالتأمين

اذا طلعت سليم انت تدفع واذالا ع التامين ههههههه
اضحك معاك
معافى ان شاء الله

[بو الجوري]

اذا طلعت سليم انت تدفع واذالا ع التامين ههههههه
اضحك معاك
معافى ان شاء الله

هههههههههههههههههههههههههههه

زين وين الجواب http://www.cheesebuerger.de/images/midi/boese/a030.gif

[بو الجوري]

من إسبوعين تقريباً كنت مقدم على موافقه لشركة التأمين ( بيمه ) اللي عن طريق شغلي
عشان عمليتي ..

المهم طلعوا عيني وهم يسألون ويتطلبون .. فالنهايه الجفيري قال حوّل على ( صحه ) وماراح تحتاج موافقه ..
وفعلاً رحت أمس العمادي و سجلت في صحه ودخلت على دكتورة التخدير ، وسويت عقبها تحليل الدم ..

وعمليتي يوم 28 إن شاء الله ...


المهم إني إكتشفت إنه شركات التأمين قامت تماطل مع القطريين عشان تجبرهم يروحون على ( صحه )
ويوفرون الفلوس اللي تنصرف علينـا ، حسبي الله عليهم و الله يعز حكومتنـا

طبعاً أنا بحضر إيميل وبشتكي عليهم ، لأنه إحنا دافعين لهم فلوس عشان يأمنون على الموظفين ، مالهم حق يوفرون على حساب الدوله
لا وهذا وأنا عندي التأمين القولد :anger1:

[غير البشر]

من إسبوعين تقريباً كنت مقدم على موافقه لشركة التأمين ( بيمه ) اللي عن طريق شغلي
عشان عمليتي ..

المهم طلعوا عيني وهم يسألون ويتطلبون .. فالنهايه الجفيري قال حوّل على ( صحه ) وماراح تحتاج موافقه ..
وفعلاً رحت أمس العمادي و سجلت في صحه ودخلت على دكتورة التخدير ، وسويت عقبها تحليل الدم ..

وعمليتي يوم 28 إن شاء الله ...


المهم إني إكتشفت إنه شركات التأمين قامت تماطل مع القطريين عشان تجبرهم يروحون على ( صحه )
ويوفرون الفلوس اللي تنصرف علينـا ، حسبي الله عليهم و الله يعز حكومتنـا

طبعاً أنا بحضر إيميل وبشتكي عليهم ، لأنه إحنا دافعين لهم فلوس عشان يأمنون على الموظفين ، مالهم حق يوفرون على حساب الدوله
لا وهذا وأنا عندي التأمين القولد :anger1:



والله جايز يا يا الذيب
يعطلونكم عشان يوفرون على حساب صحه
بس شلون نظامكم دافعين التأمين شلون بشكل سنوي
او شلون انكم دافعين لهم قيمه التأمين ؟؟

[بو الجوري]

بس شلون نظامكم دافعين التأمين شلون بشكل سنوي
او شلون انكم دافعين لهم قيمه التأمين ؟؟

دوامي يدفع لشركة التأمين مبلغ وقدره ، سنوياً عشان يغطي الموظفين

وطبعاً المبلغ اللي ندفعه على حسب عدد الموظفين ..

[بصمة قطرية]

بوالجوري ذكرتني يوم رحت العمادي و الأهلي
قلت لهم أبي أدخل بتأميني
قالوا لا بتأمين الدولة
قلت لهم ما تجبروني أنا حرة أختار اللي أبيه
عندي تأمين مدفوع و يغطي كل شي
ليش ما أستخدمه
و دخلت غصباً عنهم بالتأمين ..

[غير البشر]

بوالجوري ذكرتني يوم رحت العمادي و الأهلي
قلت لهم أبي أدخل بتأميني
قالوا لا بتأمين الدولة
قلت لهم ما تجبروني أنا حرة أختار اللي أبيه
عندي تأمين مدفوع و يغطي كل شي
ليش ما أستخدمه
و دخلت غصباً عنهم بالتأمين ..



وليش يجبرونج تدخلين بأي تأمين
مدام ان تأمينزوجج يغطيكم لحد الان
وعندج تأمين الدوله يغطي
تقدرين تدخلين بأي تأمين اتوقع المستشفى مالهم علاقه بنوع التأمين

[غير البشر]

جربت طواري الأهلي وكانت الأمور تمام

وجربت عيادة الدوحة قسم الخشم والأذن والحنجره وكانت فوق الاوكي

وصرفولي دوا على التأمين

وبكرة عندي موعد حق ولدي في الأهلي وتاكدة منهم اكثر من مره
ان الدخول على التأمين عشان ما يقولون لي ادفع اذا وصلت ههههه

للعلم عندي تأمين صحي من الشغل يس خلاص ماعترف فيه

لانه في كل زيارة ندفع 100 ريال للدخول :)

والله لايحوجكم للمستشفيات جميعاً

وتحياتي الصباحية لك يا غير البشر




متأكد ان الاهلي تمام هههههههههههههههههههاي :tease:

[همر]

وليش يجبرونج تدخلين بأي تأمين
مدام ان تأمينزوجج يغطيكم لحد الان
وعندج تأمين الدوله يغطي
تقدرين تدخلين بأي تأمين اتوقع المستشفى مالهم علاقه بنوع التأمين



اللي عرفته من المستشفيات ان المجلس الاعلى للصحه

هو اللي فرض على المستشفيات مايقبلون اي تأمين

للقطريين غير صحه ...

كلام جميل ... لكن شركاتنا بتسترد فلوسها اللي دفعتها

لشركات التأمين وتلغيه ولا راحت في بطون شركات التأمين ؟!!

[العلياا]

بصراحة من بعد تامين الدولة مارحت المستشفى وان شاءالله ما احتاجه
لكن انا من الناس اللي يهمهم ان ما يلغون تامين الدوام لانه ممتاز

:(

[غير البشر]

بصراحة من بعد تامين الدولة مارحت المستشفى وان شاءالله ما احتاجه
لكن انا من الناس اللي يهمهم ان ما يلغون تامين الدوام لانه ممتاز

:(



في واحد بخيل
متضايق يقول من الدوله سوت تأمين مامرضت كلش :(

[غير البشر]

اللي عرفته من المستشفيات ان المجلس الاعلى للصحه

هو اللي فرض على المستشفيات مايقبلون اي تأمين

للقطريين غير صحه ...

كلام جميل ... لكن شركاتنا بتسترد فلوسها اللي دفعتها

لشركات التأمين وتلغيه ولا راحت في بطون شركات التأمين ؟!!




انا معاك همر
ودي خلاص صحه تكون مسوؤله لانها تحت مظله الدوله
والشركات الي كانت تصرف لموظفينها التأمين المفروض انه يسترجع

[qatari 111]

يسمح لي بوخالد ارد بداله

يقصد ان بعض المجمعات الطبيه او المستشفيات
يطلبون بعض التحاليل الاضافيه او علاجات اضافه
ومايكون الشخص محتاج لها اساسا
فقط لزياده الفاتوره وزياده دخلهم


ان شاء الله وضح المقصد


التحاليل لابد منها لفحص السكر والضغط في ناس ماتدري ان عندها السكر والكلوسترول ونتيجة التحاليل يكتشف ان عنده السكر
دام انه عالتامين ويش اللي راح نخسر كلها عالتامين الصحي

والله لايحوج كل مسلم ويبعد عنا وعنكم شر الامراض

[محمد سعيد]

في الأصل لاي عملية او علاج او صور أشعة


لازم موافقة التامين


اذا تأمين الدولة مايحتاج موافقة فالموضوع بيطلع اسهل للمستشفيات

بس اذا الشركات الي توفر لموظفيها تأمين صحي


فالمفروض يكون في تعاون بين جهات العمل وصحة عشان مايستوي ان يكون للمواطن تأمينين

واحد يكفي والشركة تنزل فلوس التامين في حساب الموظف القطري 😎👍

[(بوطلال)]

الله يعز الدوله وحكومتنا الرشيده

[حمد 2002]

بوالجوري ذكرتني يوم رحت العمادي و الأهلي
قلت لهم أبي أدخل بتأميني
قالوا لا بتأمين الدولة
قلت لهم ما تجبروني أنا حرة أختار اللي أبيه
عندي تأمين مدفوع و يغطي كل شي
ليش ما أستخدمه
و دخلت غصباً عنهم بالتأمين ..

قولي الحمد لله عل النعمه .. بدال التذمر ..


الله يعز الحكومه ياااااارب .. والله ماقصروا ..

[المحاميه]

بصمه وغيرها
ليش يعني تصرون على تأمين الدوام؟
وتأمين الدوله شفيه
يعني دام قالولكم التأمين يغطي خلاص استعملوا
ليش المناحس مافهمت عليكم؟

[طلعة الروح]

يصير ادخل مغربي وافصل نظاره ع حساب التأمين وكم الحد الاقصى لسعر النظارة؟

[العلياا]

في واحد بخيل
متضايق يقول من الدوله سوت تأمين مامرضت كلش :(

ههههههههههههههه الله يهداه :secret:


بصمه وغيرها
ليش يعني تصرون على تأمين الدوام؟
وتأمين الدوله شفيه
يعني دام قالولكم التأمين يغطي خلاص استعملوا
ليش المناحس مافهمت عليكم؟

شوفي انا مااعرف تامين الدولة شيغطي اصلا
وتأميني اللي من الدوام خلاص اعرف شيغطي واي المستشفيات اللي يغطيها

لكن بمجرد ما عرفت ان يعطيج الف ريال عشان تفصلين او تشترين نظارات طبية غسلت ايدي منه !!!

[العنيده]

انا جربت التامين في مركز الحياه الطبي والحمدلله كان كل شي تساهيل وبسرعه الاجراءات كانت ..

[بو خليفه 123]

جربت مع الاهلي و خيروني بين بطاقة التأمين لشغلي او التأمين الصحي للمواطن القطري و سألتهم وش الفرق ؟ اجابت موظفة الاستقبال ان التأمين الصحي من شغلي ادفع عليه رسوم تسجيل 30رق والتأمين الصحي للمواطن بدون رسوم .

لك ان تحكم من افضل

[كلاسيك قطر]

شباب والولاده شامله التأمين الصحي
يعني كل شي ابلاش في المستشفى الاهلي

[7llo]

والله يالربع ممتاز سويت حادث من فتره وماكان فيني شي وثاني يوم ايدي انتفخت رحت العمادي بدون موعد وبدون شي خذت رقم ودخلت عند الدكتور صج انه شوي طولت وانا انطر بس الحق ينقال ممتازين وسويلي اشعه وخدت ادويه وريال واحد مادفعت لو رحت طوارى حمد كان قالولي عند كسور وعندك وعندك وغير هذا كله بتقعد في الطوارى مالت حمد مش اقل من 6 ساعات في العمادي ساعه ونص وخلصت اموري , وحتى بعد رحت حق الاسنان اموري ماشيه الصراحه الله يجزاها خير الدوله على هل التامين ريحتنا من مستشفى حمد وزحمتها الله يطول بعمر امرينا وشيوخنا ويجعلهم ذخر لنا

[alsoq]

سرق يسرق

[الدوحه1]

اقترح الاجراء التالي حتى يتم الكشف عن اي تلاعب في التأمين الصحي:
تقوم الجهه المعنيه الحكوميه بالتأمين الصحي(صحه)بارسال كشف شهري/اسبوعي الى جميع المواطنين ويشمل هالتقرير جميع الزيارات اللي قام بها المواطن الى المستشفيات/العيادات في تلك الفتره.
يقوم المواطن بالتدقيق والتأكد من صحة المعلومات المذكوره في الكشف. وفي حالة وجود اي معلومات غير صحيحه يقوم بابلاغ الجهات المعنيه بذلك فورا.

اشرايكم؟؟؟

[مخطط قطري]

اقتراح ممتاز الدوحه 1 ماجربت خدمات التامين لاجربتها بعطيكم تجربتي

[الصغيره]

الاهلي مواعيده صارت مثل القصص الخرافيه توصلك رساله بالموعد والاسم والساعه والدقيقه وفجاه تروح الموعد الطبيب مايداوم بالليل أي مواعيد وخرابيط صارت لي بالاهلي بخمسة مواعيد مع طبيبة نساء وولاده

[جاسم الدوحة]

قبل التأمين .. كنت أروح مستشفى حمد
بعد التأمين .. ما زلت أروح مستشفى حمد

الأمر عندي مجرد قناعة
يسوون (اللازم فقط) لكل حالة
ويصرفون (اللازم فقط) من الأدوية .
وفيه من الأطباء الممتازين الكثير ..
بس ضايعين في الزحمة واللوُية بعض الشيء .

أما بعض مستشفيات التأمين الصحي فالاستغلال
واضح وضوح الشمس من تكرار الفحوصات بدون داعي
والأسعار الفلكية للأدوية .

(أسعار الأدوية عندهم أغلى بكثير من الصيدليات)
(والصيدليات أغلى بكثير من أقرب صيدلية خارج حدودنا)

وأنا مع موافقة المريض بالتوقيع على الفحوصات والأدوية والفاتورة
كأساس لاعتمادها من قبل الجهات المختصة
منعــًا للاستغلال الواقع بالفعل حاليــًا .

[fhd4]

اقتراح جميل … وأضيف

اقترح ان يتم اختيار عينة عشوائية من المرضى الذين تم فحصهم في العيادات الخاصة

وبعد موافقتهم يتم فحصهم مرة أخرى من خلال لجنة حكومية للتأكد من صحة التشخيص