شوفولي حل..!

[المحاميه]

السلام عليكم

صباح الخير جميعاً


كان مزاجي تمام اليوم
قاعده عالصبح ورايقه
وفجأه تعكر بسبب ... :secret:

مادري اذا مر عليكم هالصنف من الناس ولا لا
لكن ليش الواحد يقعد يجذب ويالف وايد؟ شنو بتستفيد يابني آدم؟

انا لاحظت فيه بنات يجذبون ويبالغون ويزيدون على الوقائع
وكله تشكي ف تشكي

قعدت افكر ليش فلانه اتشكى هالكثر والوضع مب عاجبها؟
من خبرتها وكل ماشفتها تقولي نفس الكلام ونفس التشكي بخصوص (زوجها)..

اعتقد انه بعض البنات تقعد تذكر زوجها بسوء واتكلم فيه وتشوه صورته بزياده وبطريقه مبالغ فيها لسببين مالهم ثالث
اما انها خايفه انه وحده من البنات تبوقه منها .. بس محد بيبوقه اذا ماطريتيه وسندرتينه فيه
او تخاف من العين والحسد .. تخاف نقول فلانه عايشه حياتها وحياتها ماشيه مثل ماتبي


الصراحه الوضع اوفر..
رسالتي لج انتي يافلانه ياللي مصختيها ف التطري ..
اذا ريلج ساتر عليج ومافيه شي من اللي ذكرتيه فخلاص مب لازم اتجيبين طاريه لان محد اسالج عنه وحمدي ربج وخلاص
واذا ريلج مطلع عينج ف خلاص سكتي ومب لازم تطلعين كل كبيره وصغيره وتقولين فيه وفيه تصبري وخلاص

واذا صج متضايقه منه ممكن اتشكى شوي بالشي المعقول (فضفضه)
مره مرتين
بس عاد مب كل مره
وفكل سالفه

المشكله اذا صدت هالشخص من كلامه وعرفت انه قاعد يجذب
يعني اللي يجذب مايدري شقال او ممكن يزل لسانه وهاللي صار
فعرفت ان فلانه تألف ..

يعني شنو بتستفيد المره اللي جذيه .. اللي قاعده تألف واتشكى من ريلها بزياده ومبالغه فالموضوع؟


قولولي شالحل؟ انا صرت اتجنبها ..
واذا صادفتها اسمع من اهني واطلع من اهني :secret:

[Qtr37]

من واقع ( خبرتي )،،، السوالف الزايدة "في الدوام" سببه قلة العمل، لو عندهم شغل ما كان سمعتي هالحنّة..

[النهار]

من الاساس ليش تجيب طاري مشاكل البيت في الشغل ةالله عيب

الفاضي يعمل قاضي صكوها بشغل شوفيها تجيب طاري ريلها ولا لا

[إعلامي قطر]

..

الفرااااااااااااااااغ مصيبه..
سواء من المرسل أو المتلقي !

..

[عاشق العديد]

والله يا اختي المحاميه انا اعتب عليج ..

الكلام الي كتبتيه فالمنتدى ..

كان قلتيه فويها .. منها تقدمين لها نصيحه ومنها انها خويتج وتنبهينا انه هذا غلط ..

[jassim_007]

عقب تلومون الاجنبي الي نزل موضوع و قال القطريين مايشتغلون :$

الاخت عينه من هل النوع لسببين ، اول سبب كانت تضيع وقت الشغل و هي تسمع كلام صديقتها ، ثاني سبب استخدمت وقت دوامها لكتابه موضوع بصراحه ماشوف لها اي لزمه ولا بتفيد الاعضاء بشي ..

اسف اختي المحاميه هذا الواقع و اتمنى ماتاخذين الانتقاد بطريقة شخصية ...

[مختلفة عقليا]

السلام عليكم .,

والله لو عندكم (( خطافين الرقاله )) ., ما الومها .,

بس ممكن تنصحينها .,

قولي لها اللي تبينه ., بس جنج اتكلمين عن رفيجه ثانيه ., وهي بتفهم ان لها الكلام .,

ويمكن هي تشرح لج شي انتي مو فاهمته في الموضوع .,

ويسلموو .,

[رهج السنابك]

لا بصراحة ما مر علي هذا الصنف

ماوحده تطري سوالف عن زوجها او تتشكى قدامي لاني ماحب اسمع سوالف شخصية

قاعدة اتخذتها في حياتي
في الدوام ما اعطي ويه حق اي سوالف شخصية

[رجل الجزيرة]

طنشي لها وبترتاحين منها، يا سبحان الله أكيد إن زوجها مرخي الحبل لو شده كان إنضبطت.

[المحاميه]

يااخوان المشكله مب منحصره ف طاري زوجها
طبعاً هو السبب الاول لعيشتها السودا
لكن حتى سوالف ومواضيع ثانيه كله فيها كلام مايدخل العقل

وبالنسبه للي يقول داشه وقت دوامي الخ
اولا ابيك تعرف لو عندي شغل لاتفتكر راح ادش المنتدى .. لان الشغل اولى منها اخلص حاجة الناس ومنها ماخلي مسؤولي يتكلم عني الا بالزين
ثاني شي نفس الكلام ينطبق اذا رحتلها او جاتني المكتب .. يعني اتوقع بيكون عندي شغل وباخليه وباقعد اسولف معاها ف هالكلام؟
واخر شي افهم من كلامك الحين انت داش وراد عالموضوع وانت قاعد فالبيت ولا ف سوق واقف؟

اخوي صاحب العديد ..
صعب اقولها هالكلام ف ويها
شاقولها انتي جذابه ولاتقعدين تجذبين وتألفين؟
انا قمت اتجنبها وهي حست ب هالشي .. وقامت تلزم حدودها
ولا قبل تبيني اداوم طول يومي ف مكتبها :)

اختي مختلفه ..
هي فاهمه غلط وخايفه من ولاشي ..
واشلون اقولها فلانه ترا تألف ووو الخ؟

[المحاميه]

طنشي لها وبترتاحين منها، يا سبحان الله أكيد إن زوجها مرخي الحبل لو شده كان إنضبطت.


كنت مصدقتها اول شي
بعدين قمت اصيد عليها كلام متعارض
وقمت افكر يعني الكلام اوفر مايدش العقل ..
شدعوه عيشتج سودا لهالدرجه .. ؟

[فتى الجود]

السلام عليكم

الأدعاء على الغير مرفوض ومايجوز والأنسان لو جاه من شريك حياته بعض العيوب المفروض يستر عليه ويستر عل بيته
ولاحد من هالناس خالى

ان شاء الله يصير عندها الوعى الكافي وما تطلع اسرار بيتها


وبالنسبة للكذب والكاذابين

الظاهر انتى ماشفتي شي

تعالى دوامنا واسمعى بس

في واحد يقول انه عنده استثمارات بالخارج بــ 50 $ مليون دولار امريكي

وان راتب الحكومة مايدري عنه وان مخليه للكورن فليكس والجمعية

هههههههههههههههههه

والدليل عل ذلك انه في 01 / 04 من كل سنه يبيع نص الرصيد من اجازته السنوية

و لول اقطعوا علاوة او تأخرو فؤ صرفها تم مثل الياهل يصيح


النقص وعقدة النقص

طبعا ما أعتقد عندكم احد في الدوام يكذب مثلة !!!! ؟ ؟؟؟؟

[قطريه22]

قولي لها الي بخاطرج بدون لايجرحها كلامج
لاتلفين وتدورين مثلها

بدايه ابديها وقولي لها باقولج شيء واعتبريه نصيحه من اخت
وهنيه ابدي كلامج معاها ان مايصير تتكلم عن زوجها وممكن الي يسمعها ياخذ فكره عنها وممكن تصير لها مشاكل بسبب الي تقوله للكل

واذا صدتيها تكذب قولي لها انتي قبل قلتي ان كذا وكذا شكلج نسيتي << جيبيها بطريقه كأنج ماتدرين وهي بتفهم انج واعيه وعارفه انها قاعده تكذب..

[أم محمد 90]

ههههههههههه

آه يالمحامية , والله يبي لج قعدة وياي , صدقيني بس قعدة وبعلمج شلون تلقنين كل بنت (اوفر) درس تخلينها ماعاد تملغ عليج

من واقع خبرة ,,

البنت اللي دوم تسولف عن ريلها (سواء بسوء أو بمديح) خصوصاً لوحدة مو متزوجة ماعندها سالفة وفيها بلا داخل عقلها


تبين بسياسة تخلينها تيوز عن حركاتها وسوالفها وملاغتها بيطول الموضوع ,, تبين دايركت قولي لها

(أنا شكو لا عندي ريل ولا عندي خبرة بالزواج شكو تشكين لي اشكي لحد عنده خبرة)

طبعاً اذا كانت ملسونة بتحطج ف راسها وبتحاول تطفر عيشتج
وان كانت مسكينة بتسكت ومابتعيد تفتح طاري موضوع ريلها عندج ,,


انا عندي بنات متزوجات وكل مانتجمع لازم ريلي وريلي ريلي وريلي لين صرنا نتملل منهم ومانعزمهم خير شر ,,

مشكلة اللي متخرعة وبعدين من بتخطف ريلها !!

مافي بنت بتخطط على ريال الا اذا الزوجة تراوي البنت صورته ومسجاته وسوالي وفعل لي وجذي وجذي

الوحدة المتزوجة تحتفظ بمعلومات ريلها لنفسها !! من يكون ريلج يعني عشان تسندرينا بسوالفج عنه !

وشالحياة هذي كل همها الريل ؟

اشتغلت مع وحدة 4 سنوات ف مكتب واحد انا وهي ومع ان قراب من بعض ماعرف اي شي عن ريلها الا ان اسمه (بوفلان)

ولا اي تفاصيل عنه ولا تذكر اي شي عنه الا بسوالف عن اليهال ماتقعد تلوع جبدي ريلي جاب لي ريلي قالي
وريلي
وريلي
وريلي


اوف طلعت طوري


عن اذنج بشرب لي شاي :shy:

[خليفـة]

كان الأولى والاجدر انج توجهين هالكلام لها وجها لوجه
بدلاً من الكتابة في القسم العام

ثانياً .. انا اشوف مشكلتج شخصية
لا يستفيد الأعضاء اي شيء من ذكرها

الله المستعان

خليفة

[المحاميه]

السلام عليكم

الأدعاء على الغير مرفوض ومايجوز والأنسان لو جاه من شريك حياته بعض العيوب المفروض يستر عليه ويستر عل بيته
ولاحد من هالناس خالى

ان شاء الله يصير عندها الوعى الكافي وما تطلع اسرار بيتها


وبالنسبة للكذب والكاذابين

الظاهر انتى ماشفتي شي

تعالى دوامنا واسمعى بس

في واحد يقول انه عنده استثمارات بالخارج بــ 50 $ مليون دولار امريكي

وان راتب الحكومة مايدري عنه وان مخليه للكورن فليكس والجمعية

هههههههههههههههههه

والدليل عل ذلك انه في 01 / 04 من كل سنه يبيع نص الرصيد من اجازته السنوية

و لول اقطعوا علاوة او تأخرو فؤ صرفها تم مثل الياهل يصيح


النقص وعقدة النقص

طبعا ما أعتقد عندكم احد في الدوام يكذب مثلة !!!! ؟ ؟؟؟؟

شكراً لانك طريت موقف من مواقف هالناس اللي تزيد عالكلام وتألف
الموضوع ياجماعه مش عن طاري الزوج وبس
لكن بعد عن الجذب والتأليف اللي ماله داعي
شوف ياخوي الاصل ف الانسان هو النيه السليمه والظن الحسن
لكن اذا قامت دلائل على خلاف ذلك فالعقل يعطي اشاره ان السالفه فيها شي غلط وان الكلام غير معقول وبالتالي مانصدقه وهاللي حاصل
وهالاشكال منتشره فعادي يعني
المشكله انهم مصيودين
اظاهر الكل عارف انهم يشلخون
وهم الوحيدين اللي مصدقين اعمارهم ..


قولي لها الي بخاطرج بدون لايجرحها كلامج
لاتلفين وتدورين مثلها

بدايه ابديها وقولي لها باقولج شيء واعتبريه نصيحه من اخت
وهنيه ابدي كلامج معاها ان مايصير تتكلم عن زوجها وممكن الي يسمعها ياخذ فكره عنها وممكن تصير لها مشاكل بسبب الي تقوله للكل

واذا صدتيها تكذب قولي لها انتي قبل قلتي ان كذا وكذا شكلج نسيتي << جيبيها بطريقه كأنج ماتدرين وهي بتفهم انج واعيه وعارفه انها قاعده تكذب..


ياريت
لكن صعبه
صعبه صعبه
لاني من البدايه سمعتها وقلتلها ايه ايه
حسبالي صج
بس الحين ماعدت اصدق شي
يعني حتى لو قالت شي صج باعتبره جذب

يعني تخيلي وحده من بنات الدوام بتروحين تقولينلها لاتقولين جذي وخلاص سكتي
وترا ندري انج تجذبين؟

[Right]

الفاضي يعمل قاضي !!

[المحاميه]

ههههههههههه

آه يالمحامية , والله يبي لج قعدة وياي , صدقيني بس قعدة وبعلمج شلون تلقنين كل بنت (اوفر) درس تخلينها ماعاد تملغ عليج

من واقع خبرة ,,

البنت اللي دوم تسولف عن ريلها (سواء بسوء أو بمديح) خصوصاً لوحدة مو متزوجة ماعندها سالفة وفيها بلا داخل عقلها


تبين بسياسة تخلينها تيوز عن حركاتها وسوالفها وملاغتها بيطول الموضوع ,, تبين دايركت قولي لها

(أنا شكو لا عندي ريل ولا عندي خبرة بالزواج شكو تشكين لي اشكي لحد عنده خبرة)

طبعاً اذا كانت ملسونة بتحطج ف راسها وبتحاول تطفر عيشتج
وان كانت مسكينة بتسكت ومابتعيد تفتح طاري موضوع ريلها عندج ,,


انا عندي بنات متزوجات وكل مانتجمع لازم ريلي وريلي ريلي وريلي لين صرنا نتملل منهم ومانعزمهم خير شر ,,

مشكلة اللي متخرعة وبعدين من بتخطف ريلها !!

مافي بنت بتخطط على ريال الا اذا الزوجة تراوي البنت صورته ومسجاته وسوالي وفعل لي وجذي وجذي

الوحدة المتزوجة تحتفظ بمعلومات ريلها لنفسها !! من يكون ريلج يعني عشان تسندرينا بسوالفج عنه !

وشالحياة هذي كل همها الريل ؟

اشتغلت مع وحدة 4 سنوات ف مكتب واحد انا وهي ومع ان قراب من بعض ماعرف اي شي عن ريلها الا ان اسمه (بوفلان)

ولا اي تفاصيل عنه ولا تذكر اي شي عنه الا بسوالف عن اليهال ماتقعد تلوع جبدي ريلي جاب لي ريلي قالي
وريلي
وريلي
وريلي


اوف طلعت طوري


عن اذنج بشرب لي شاي :shy:

هههه شنسوي
قلنا نسمعلهم
خل يفضفضون لكن بالمعقول
مب تقعد تألف وتطلع كل عذاريب خلق الله ف ريلها
والله قمت اشك فيها واحس ان كل شي تقوله عن ريلها هو العكس
يعني هو زين وهي تبي تطلعه مب زين
مادري ليش
الله يهديها ويصلحها

المشكله اني ماداني اللي يجذب
وقاعدتي اللي يجذب ف شي ولو صغير راح يجذب ف غيره مليون ف الالف ف اشلون نثق فيه؟


فيه العافيه
ويبيلج تدعميني بكورسات مكثفه :weeping:

[فتى الجود]

شكراً لانك طريت موقف من مواقف هالناس اللي تزيد عالكلام وتألف
الموضوع ياجماعه مش عن طاري الزوج وبس
لكن بعد عن الجذب والتأليف اللي ماله داعي
شوف ياخوي الاصل ف الانسان هو النيه السليمه والظن الحسن
لكن اذا قامت دلائل على خلاف ذلك فالعقل يعطي اشاره ان السالفه فيها شي غلط وان الكلام غير معقول وبالتالي مانصدقه وهاللي حاصل
وهالاشكال منتشره فعادي يعني
المشكله انهم مصيودين
اظاهر الكل عارف انهم يشلخون
وهم الوحيدين اللي مصدقين اعمارهم ..



الله يعينك

لله الحمد والشكر ان محور عملى

اقدر انى ما أتواصل مع اى احد

بس عن طريق الأيميل

فلذلك الواحد يلقى نفسه مرتاح

يروح الدوام ولاينقل اخبار بيته

ويرجع البيت ولا يتكلم عن دوامه

للأسف في بعض الأوقات التواصل مع بعض الناس
يجيب المرض ويقصر العمر

والله يعينك اختى

[المحاميه]

كان الأولى والاجدر انج توجهين هالكلام لها وجها لوجه
بدلاً من الكتابة في القسم العام

ثانياً .. انا اشوف مشكلتج شخصية
لا يستفيد الأعضاء اي شيء من ذكرها

الله المستعان

خليفة


طرحته لسببين..

اول شي نشوف اذا حد مرت عليه هالفئه وشنو الموقف وكيف تصرف
ثاني شي يمكن هالفئه موجوده وتقرا عالاقل تحس على دمها وتبطل هالكذب وتعرف انها مصيوده


صعبه ان الواحد يروح يقولها لاتجذبين ولاتسولفين
انا قلت اني قمت اتجنبها وهي شكلها حست اني اتجنبها وقامت تلزم حدودها

وممكن اقولها لاتجيبين هالطاري بطريقه سلسه وحلوه عشان ماتحسس وفنفس الوقت تفهم ان هالسالفه ملوعه جبدي

[المحاميه]

الله يعينك

لله الحمد والشكر ان محور عملى

اقدر انى ما أتواصل مع اى احد

بس عن طريق الأيميل

فلذلك الواحد يلقى نفسه مرتاح

يروح الدوام ولاينقل اخبار بيته

ويرجع البيت ولا يتكلم عن دوامه

للأسف في بعض الأوقات التواصل مع بعض الناس
يجيب المرض ويقصر العمر

والله يعينك اختى


انا اتكلم واسولف وافضفض بالمعقول
وغالباً اطرح همومي بعد مايطرح الشخص همه عشان ابينله اني مهتمه واخفف عليه
واقوله يعني الكل عنده هم بس صابرين وعايشين :rolleyes2:

[أم محمد 90]

هههه شنسوي
قلنا نسمعلهم
خل يفضفضون لكن بالمعقول
مب تقعد تألف وتطلع كل عذاريب خلق الله ف ريلها
والله قمت اشك فيها واحس ان كل شي تقوله عن ريلها هو العكس
يعني هو زين وهي تبي تطلعه مب زين
مادري ليش
الله يهديها ويصلحها

المشكله اني ماداني اللي يجذب
وقاعدتي اللي يجذب ف شي ولو صغير راح يجذب ف غيره مليون ف الالف ف اشلون نثق فيه؟

المحامية سؤال من اختج أم محمد :-

خلال مسيرتج العلمية + الوظيفية !

ماجاتج (قرصة) من أي بنت !!!!


انا انقرصت لين الله شاف لي وصار الدوام بالنسبة لي ادش اسوي شغلي واطلع , خصوصاً وظيفتي الجديدة عطيت نفسي عهد
تخيلي انا اشتغل ف قسم كله بنات 9 بنات كلنا !!

وتعالي شوفي السوالف والهذرة تخيلي يتجمعون للريوق انا ماقعد وياهم

اول ماتوظفت راحو كلمو مسؤولتي ان انا (انطوائية) وماكون علاقات !

نعم شتبون ! ليكون جاية ادور ربع انا ..! ترا جاية اشتغل ؟

العلاقات سطحية بس :
السلام عليكم شلونج ان شاء الله طيبة وضحكة وانا ماشية


ترى والله مابتسلمين كلش حق الحجي والقيل والقال

تدرين انا جي مرتاحة لان لما تطلع سالفة يقولون ام محمد كله ف مكتبها ماتروح لحد ف ماتجي اصابع الاتهام علي ,,

[المحاميه]

المحامية سؤال من اختج أم محمد :-

خلال مسيرتج العلمية + الوظيفية !

ماجاتج (قرصة) من أي بنت !!!!


انا انقرصت لين الله شاف لي وصار الدوام بالنسبة لي ادش اسوي شغلي واطلع , خصوصاً وظيفتي الجديدة عطيت نفسي عهد
تخيلي انا اشتغل ف قسم كله بنات 9 بنات كلنا !!

وتعالي شوفي السوالف والهذرة تخيلي يتجمعون للريوق انا ماقعد وياهم

اول ماتوظفت راحو كلمو مسؤولتي ان انا (انطوائية) وماكون علاقات !

نعم شتبون ! ليكون جاية ادور ربع انا ..! ترا جاية اشتغل ؟

العلاقات سطحية بس :
السلام عليكم شلونج ان شاء الله طيبة وضحكة وانا ماشية


ترى والله مابتسلمين كلش حق الحجي والقيل والقال

تدرين انا جي مرتاحة لان لما تطلع سالفة يقولون ام محمد كله ف مكتبها ماتروح لحد ف ماتجي اصابع الاتهام علي ,,


والله ياام محمد السوالف اللي تمر علي من هالنوع وايد
يعني ربعي موظفات ف دوائر ثانيه دوم يتشكون من هالسالفه

انا طبيعتي ماحب التجمعات وهذرة الريوق والغدا
والدوام ينقلب جمعة حريم
ماحب جذي
لان فعلاً احنا جايين نشتغل مب ناكل ونسولف
ف حطيت حدود من البدايه
ويعني بطبيعتي انا احط حواجز وايد ف صعب يوصلونلي ..
ونفس ماقلتي كلام سطحي
مرات الكلام ينقلب سوالف بس فالمعقول

والله فيه حجي ان فلانه تنقل الكلام حق المدير وان فلانه مادري ش تهبب
لكن مادري يعني ماشفت للحين شي
اذا شفت او تعرضت لشي مب زين لاقدر الله اكيد ماراح اسكت وساعتها بيشوفون الويه الثاني :)

الله يهدي الجميع

[مهرة]

قونايدن ابله جنم :nice:

الحل حطي سماعات وقولي لهم انا مشغولة.. ولا تعطينهم وجه خل يقولون مغرورة ورافعة خشمها عادي ولا يئذوونج ويحلفونج ويدخلوونج بعد بسوالفهم ..

ياشييييينهم عندنا نفس الطخة وترى كله تأليف في تأليف كذب ونفاق وكفران العشير .. لا تستانسووون مب الكل طبعاً .!!

[المحاميه]

قونايدن ابله جنم :nice:

الحل حطي سماعات وقولي لهم انا مشغولة.. ولا تعطينهم وجه خل يقولون مغرورة ورافعة خشمها عادي ولا يئذوونج ويحلفونج ويدخلوونج بعد بسوالفهم ..

ياشييييينهم عندنا نفس الطخة وترى كله تأليف في تأليف كذب ونفاق وكفران العشير .. لا تستانسووون مب الكل طبعاً .!!


ياختي كانوا يقولونلي ترا السوالف كلها جذب
ماكنت اصدق
يعني ليش الواحد يجذب
قول الصج او اسكت
اما تقعد تألف
والله سالفه ذي

لا والحلو ان هي ماتبي تقعد ف مكتبي
تبيني انا اللي اقعد عندها
مادري شالمقصد

[توشيبا]

السلام عليكم

بعض الحريم مشكله

عندنا موظفه وصلني كلام من الشباب انها دوم تشتكي لهم عن زوجها ولدرجه انها قالت حق بعض الشباب انها للحين بكر وان امه ساحرته وولد امه ومن هالكلام

ناديتها وتكلمت معها بحترام ومثل اخوها وانه عيب تقولي كذا وكذا والحرمه ماتقول للشباب عن اي مشاكل بيتها

للاسف العصر امن العاصمه يتصلون علي مشتكيه علي

المهم ماطول وانتها الاكشن معاه انها مب صاحيه غيرت اقوالها فوق عشرين مره

والله يستر عليها وعلينا

[jassim_007]

واخر شي افهم من كلامك الحين انت داش وراد عالموضوع وانت قاعد فالبيت ولا ف سوق واقف؟


لا اجازتي السنوية اختي :)

[بو خليفه 123]

مايكثر التشكي الا لأنك فتحتي لها الباب و قعدتي تسمعينها . عالجي مشكلتك قبل مشكلتها

ثانياً سجلي صوتها و ارسلي نسخه الى زوجها للعلم والاطلاع وهو صاحب القرار

[مهرة]

السلام عليكم

بعض الحريم مشكله

عندنا موظفه وصلني كلام من الشباب انها دوم تشتكي لهم عن زوجها ولدرجه انها قالت حق بعض الشباب انها للحين بكر وان امه ساحرته وولد امه ومن هالكلام

ناديتها وتكلمت معها بحترام ومثل اخوها وانه عيب تقولي كذا وكذا والحرمه ماتقول للشباب عن اي مشاكل بيتها

للاسف العصر امن العاصمه يتصلون علي مشتكيه علي

المهم ماطول وانتها الاكشن معاه انها مب صاحيه غيرت اقوالها فوق عشرين مره

والله يستر عليها وعلينا

مأجور اخوي وأستغرب انها تنحسب على باقي بعض البنات المحترمات ( مرة ) ..؟؟؟:rolleyes2:

[المرحب]

اسمع من اهني واطلع من اهني


:nice:

[الجوهرة الثمينة]

زميلتي وتشتكي لي من زوجها ....الا انها متأزمه وتبي حل

ليش اتوقع دايمآ سؤ الظن ....معليش المحاميه يمكن نختلف بس لاتعصبين علي انا عمري ماجاتني وحده حتى لو متاكده انها تكذب وتجاهلتها بالعكس اسكر تيلفوني واقرب كرسي منها واسمعها مافيها شي المسلم للمسلم كالبنيان المرصوص يشدبعضه بعضآ والكلمه الطيبه صدقه ....عودوا نفسكم على (العطاء) انج تهتمين بزميله تعاني من ظرف ما وتعطينها شوي من وقتج وشوي من انتباهج وتقترحين حل مايخسر ترى بالعكس المساعده صفه حلوه ومطلوبه ، بتقولين كل يووووم تشتكي ...كل يوم سمعيها ! وين المشكله .....اسمعها واشتغل بس ماحسسها اني متضايقه من كلامها واكسر بخاطرها حرام

حاسه انج بتهاجميني لكن والله يا اختي قلت الي يمليه علي ضميري ولي انا متبعته بحياتي بعد مانقدر نغير طباعنا

[بو الجوري]

ياااا هالحريم إللي ماعندهم غير الحنه و الكلام و المفوشر و الجذب << البعض طبعاً

اللي يقهر بزياده إذا يمجدون في أزواجهم ويبينون لباقي المتزوجات إن زوجها ملااااك و هو ماعنده ماعند يدتي ومبهدلها فالبيت

هذي حسبي الله فيها تخرب على الحريم ، تخليهم يردون البيت يقولون حق زواجهم شوف زوج فلانه شلون ، لابوج لابو رفيجتج لابو زوجها :anger1:

[قطريه ماركه]

شكلها تخاااااااف من الحسد

اتوقع

[المحاميه]

السلام عليكم

بعض الحريم مشكله

عندنا موظفه وصلني كلام من الشباب انها دوم تشتكي لهم عن زوجها ولدرجه انها قالت حق بعض الشباب انها للحين بكر وان امه ساحرته وولد امه ومن هالكلام

ناديتها وتكلمت معها بحترام ومثل اخوها وانه عيب تقولي كذا وكذا والحرمه ماتقول للشباب عن اي مشاكل بيتها

للاسف العصر امن العاصمه يتصلون علي مشتكيه علي

المهم ماطول وانتها الاكشن معاه انها مب صاحيه غيرت اقوالها فوق عشرين مره

والله يستر عليها وعلينا

امااا :eek5:
اشتكت عليك شلون
يعني اقصد من اي باب


لا اجازتي السنوية اختي :)


شاطر
محلل اجازتك عيل :)



مايكثر التشكي الا لأنك فتحتي لها الباب و قعدتي تسمعينها . عالجي مشكلتك قبل مشكلتها

ثانياً سجلي صوتها و ارسلي نسخه الى زوجها للعلم والاطلاع وهو صاحب القرار


ايه فتحتلها الباب وقعدت معاها وسمعتها مره وثنتين وثلاث لان الانسان بطبيعته يحسن الظن فكنت اسمع واصدق
بس لين متى؟ عاد كل مره
وكل شي مب حلو ومب زين عندها
والمشكله التمست انه ممكن يكون الكلام مش صحيح

حلوه ذي سجليه وطرشيه
على اساس اني من الـ FBI
وين قاعدين شالاقتراح بعد

[Right]

الحمدلله ما عندنا حريم بالدوام حتى الآن


حريم + دوام = مشكلة !!

[المحاميه]

زميلتي وتشتكي لي من زوجها ....الا انها متأزمه وتبي حل

ليش اتوقع دايمآ سؤ الظن ....معليش المحاميه يمكن نختلف بس لاتعصبين علي انا عمري ماجاتني وحده حتى لو متاكده انها تكذب وتجاهلتها بالعكس اسكر تيلفوني واقرب كرسي منها واسمعها مافيها شي المسلم للمسلم كالبنيان المرصوص يشدبعضه بعضآ والكلمه الطيبه صدقه ....عودوا نفسكم على (العطاء) انج تهتمين بزميله تعاني من ظرف ما وتعطينها شوي من وقتج وشوي من انتباهج وتقترحين حل مايخسر ترى بالعكس المساعده صفه حلوه ومطلوبه ، بتقولين كل يووووم تشتكي ...كل يوم سمعيها ! وين المشكله .....اسمعها واشتغل بس ماحسسها اني متضايقه من كلامها واكسر بخاطرها حرام

حاسه انج بتهاجميني لكن والله يا اختي قلت الي يمليه علي ضميري ولي انا متبعته بحياتي بعد مانقدر نغير طباعنا

يااختي
انا قلت وبارجع اقول الانسان بطبيعته مفطور عالخير وعلى حسن الظن وتصديق الناس
فكنت اصدقها واسمعها
لكن صار تضارب ف كلامها
يعني شنو؟
وش هالريل اللي مسود عيشتها وهي متحمله وساكته
واذا صج متحمله وساكته ف خلاص خلها تسكت مب تبين ان كل مصبيه وراها ريلها
حرام يعني اذا قاعده تتهمه وتنسبله شي ماسواه

ماهاجمج وكلامج صح
لو ان السالفه صج
انا كنت اسمعها واهديها
بس اذا هي بس جذي تقول كلام عشان تشل عنها العين
شاسوي فيها؟
صرت ماحب قعدتها

[المحاميه]

ياااا هالحريم إللي ماعندهم غير الحنه و الكلام و المفوشر و الجذب << البعض طبعاً

اللي يقهر بزياده إذا يمجدون في أزواجهم ويبينون لباقي المتزوجات إن زوجها ملااااك و هو ماعنده ماعند يدتي ومبهدلها فالبيت

هذي حسبي الله فيها تخرب على الحريم ، تخليهم يردون البيت يقولون حق زواجهم شوف زوج فلانه شلون ، لابوج لابو رفيجتج لابو زوجها :anger1:


ههههه
هدي هدي
ايه فيه نوعين اظاهر
اللي تطلع ريلها مافوقه فوق
والنوع الثاني اللي تطلع عذاريب خلق الله ف ريلها :nice:

[المحاميه]

الحمدلله ما عندنا حريم بالدوام حتى الآن


حريم + دوام = مشكلة !!





صحيح الحريم مشكله
بس لكل قاعده شواذ
يعني بعد فيه رياييل عندهم سوالف مالها داعي

[رهج السنابك]

توشيبا بصراحه موقف لا تحسد عليه



بعض الحريم عووووووذه يدورون المشاكل الابتعاد عنهم غنيمه

[Right]

صحيح الحريم مشكله
بس لكل قاعده شواذ
يعني بعد فيه رياييل عندهم سوالف مالها داعي




نسبة المشاكل إلي تسببها الحريم بالدوام يفوق بكثير من الرجال ، وقد تصل لنسبة 99%

النسبة أعلاه ليست من بحث أو غيره لكنها من جيبي ،، عشان محد يقول من وين جبتها



إلي تقصدينهم بأنهم رياييل وعندهم سوالف مال أمها داعي

عندهم سوالف حريم بعد ، لا ويقعدون مع الحريم كأنهم لزقة سوبر جلو أو 3m

هؤولاء لا يطلق عليهم رجال ، بل مضروب جنبهم !!

[مهرة]

ياااا هالحريم إللي ماعندهم غير الحنه و الكلام و المفوشر و الجذب << البعض طبعاً

اللي يقهر بزياده إذا يمجدون في أزواجهم ويبينون لباقي المتزوجات إن زوجها ملااااك و هو ماعنده ماعند يدتي ومبهدلها فالبيت

هذي حسبي الله فيها تخرب على الحريم ، تخليهم يردون البيت يقولون حق زواجهم شوف زوج فلانه شلون ، لابوج لابو رفيجتج لابو زوجها :anger1:

صادق اخوي وما خفي كان أعظم .. هالنوع من الحريم ودك تهديهم منظرة تشوف نفسها وتشوف رجلها ؟؟؟؟؟ عقب تطلق العنان للسانها :secret:

[ابوعلي]

الحل انج تنصحين بالكلمة الطيبة في البداية

واذا ماحصلتي نتيجة عطي في الويه لأي وحدة تتشكى او تحسين انها تبالغ فترة بسيطة ولا يقربون صوبج

[قطريه22]

الحل انج تنصحين بالكلمة الطيبة في البداية

واذا ماحصلتي نتيجة عطي في الويه لأي وحدة تتشكى او تحسين انها تبالغ فترة بسيطة ولا يقربون صوبج

هذا الي كنت اقصده

[بومحمد المطاوعه]

الي تتكلم على ريلها جدام الناس
هذي مب بنت سنعه

والي يتكلم على زوجته جدام الناس
هذي مب رجال سنع



ولكم حرررررريه الفهم

[بومحمد المطاوعه]

ماعندج سالفه يالمحاميه



الله عرفناه بالعقل

وعرفنا ان الكثير من النساء مايعجبهم شي

ومافي بيت كامل ومافيه مشاكل وسوء فهم

ولاكن العاقله تحل مشاكلها بالتفاهم وعدم المحادثه مع الاخرين عن امور بيتها


العياذ بالله بعض النساء مثل مكينه الخلاط تخلط وتخلط فلكلام وتألف امام ربعها واهلها

وتحط كلام على زوجها بغرض ان زوجها مقصر قليلآ


الله يهديهم ويستر عليهم

[فلتة زمانها]

هذا سبب من الاسباب الي يخلي الحريم اكثر اهل النار والعياذ بالله
الحمدلله في شغلي ما عندنا هالسوالف كل وحده ملتزمه بشغلها مادري شلون عندكم وقت تبربرون هاهاهاهاها