بدء التسجيل لـ أسواق الفرجان :.. ـــــــــــــــــــــــــ !

[بو الجوري]

السلام عليكم ورحمة الله وبركاته

بدء التسجيل مع الأسف في أسواق الفرجان ، و ينتهي في تاريخ 25 مايو !

يعني ليش ما أعلنوا عن الشروط قبل يوم التسجيل بفتره عالأقل شهر !!

و ما لاحظت إنه تقدر تختار المنطقه المطلوبه !!

ومن ضمن الشروط - ضمان بنكي بـ 50 ألف ريال ولازم يكون عندك سجل !


أنا عن نفسي لو أعرف هالشي كان رتبت نفسي لأني ناوي أشترك ، لكن الحين ماقدر :..


وهذي الشروط :anger1:


يفتح باب التسجيل في قرعة أسواق الفرجان (المرحلة الأولى) من تاريخ 11 مايو 2014 الى 25 مايو 2014، وسيكون ايجار المحلات في الأسواق 6,000 ريال شهريا لكل محل، وبقبولك للشروط التالية تقر بأنك توافق على الاشتراك في التسجيل في قرعة الأسواق:
1.يجب أن يستوفي الطلب جميع البيانات المطلوبة للتسجيل.
2.يكون التسجيل للمؤسسات (المملوكة للقطريين) والشركات (لا تقل مساهمة الشريك القطري عن 51% ) فقط.
3.يجب أن يكون طالب التسجيل مقيداً بالسجل التجاري، ويجب أن يتوافق نوع النشاط المقيد بالسجل مع نوع النشاط المقدم عنه في الطلب، حيث سيتم التأكد من استيفاء هذا الشرط من خلال السجلات الرسمية في وزارة الاقتصاد والتجارة.
4.يجب أن تكون حالة السجل التجاري نشطة (فعّالة) وغير منتهية الصلاحية.
5.يجب على المتقدم في طلب التسجيل أن يكون مخولاً بالتوقيع في السجل التجاري.
6.يجوز لطالب التسجيل أن يقوم بالتسجيل في أكثر من نشاط تجاري، وفقاً لعدد الأنشطة التجارية المقيدة بسجله التجاري بوزارة الاقتصاد والتجارة.
7.يجب على طالب التسجيل تقديم ضمان بنكي بقيمة 50000 ريال من احد البنوك المعتمدة في الدولة، وذلك عن التسجيل سواء تسجيل نشاط واحد او اكثر والا اعتبر الطلب ملغيا.
ويكون خطاب الضمان صادر لمصلحة بنك قطر للتنمية وصالح لمدة سنة ميلادية. ويرسل على الفاكس الذي تحدده اللجنة.
8.بعد تعبئة البيانات المطلوبة للتسجيل ، وإرسالها بالضغط على ( إرسال) سيتم التأكد من استيفاء البيانات المطلوبة وفقا لسجلات وزارة الاقتصاد والتجارة وسيتم إرسال رسالة (SMS) على الهاتف الجوال المسجل لمقدم الطلب لتأكيد التسجيل متضمنة رقم التسجيل الذي سيستخدم في عملية تنفيذ القرعة.
9.يتم تنفيذ القرعة الكترونياً من خلال نظام خاص للاقتراع مبرمج على سحب الأرقام عشوائياً وبحضور ممثل عن إدارة حماية المستهلك في مؤتمر عام ، وسيتم إعلان الأرقام الفائزة عن كل الأنشطة التجارية على الموقع الالكتروني للجنة.
10.سيتم الإعلان عن أسماء المقبولين برقم التسجيل ، وسيتم إرسال رسالة (SMS) للمقبولين لمراجعة وزارة الاقتصاد والتجارة لاستيفاء إجراءات التعاقد معهم .
11.يتم توقيع عقد الإيجار مع الفائز (الشركة أو المؤسسة) خلال أسبوعين من تاريخ القرعة.
12.يتم منح الفائز (الشركة أو المؤسسة) مدة 3 شهور من تاريخ توقيع العقد كحد أقصى لبدء النشاط التجاري بالموقع المحدد لذلك، ويعاد خطاب الضمان عند بدء التشغيل الفعلي للمحل.
13.يوافق الفائز (الشركة أو المؤسسة) على أن يتم إرجاع المحل لمالك المشروع في حالة مخالفة البند رقم (12) ، فضلاً عن تعويض مالك المشروع لأي خسائر قد يتكبدها.
14.لا يسمح بالتأجير من الباطن أو نقل حق الايجار أو البيع بأي طريق من طرق نقل الملكية إلى شركة أو مؤسسة أخرى. وفي حالة المخالفة، يوافق الفائز (الشركة أو المؤسسة) على تنازله عن المحل لمصلحة مالك المشروع. فضلاً عن تعويض مالك المشروع لأي خسائر قد يتكبدها .


يعني الحين مايمديني أأمن المبلغ و أفتح سجل لنفس النشاط :anger1:

[المليونير الفقير]

واضح من الشروط ان السالفة تطفيش وليست تسهيل

[مــاي ورد]

امممم وكم عدد اللي بيختاروهم ؟

[دستور]

المفروض الأولية تكون لأهل الضمان الإجتماعي وذوي الإحتياجات الخاصة

يعني يؤجرونها على الفئات المذكورة بـ 3000 ويسمح لهم بتأجيرها من الباطن
على المؤسسات القطرية وشبه القطريه

[مخطط قطري]

6000 غالي اصلن الحين فيه محلات في مواقع جيده بنفس الايجار ب6000 و7000 لاضمان بنكي ولا قرعه ولا خرابيط
ليش ماخلوها ب800 ولا 1000 على غرار سوق واقف واتمنى من كل قلبلي تكون عمليه القرعه نزيهه وشفافه على هال 6000

[بو الجوري]

و الله المفروض مثل ماقلتو ،، الأجار يكون أقل من 6000

لو 3000 ريال مثلا ، و تكون الأولويه لأهل الفريج ..


وهذا هو الموقع للي قادر يسجل :(
http://aswaq.mec.gov.qa/shop-types.html

[حنظلة]

اذا انت مقبل على مشروع طبيعي بيكون عندك أكثر من الضمان البنكي وعلى العموم الضمان البنكي مؤقت يعني تقدر تسحبه عقب فترة من اقامة المشروع ...وبالنسبة للسجل التجاري أسهل منه مافي واللي يبي مندوب يخلص اصدار السجل في وقت قياسي يكلمني ع الخاص

[المحاميه]

مافهمت السالفه عدل
هو يقول شركه او مؤسسه
والاختيار عشوائي
طيب شلون نشارك يعني احنا؟
احنا بس ندفع اجر شهري 6000 ولا شنو

اتمنى حد يفهمني الموضوع
يمكن افوز واشارك ههه :nice:

[لمخلص]

السلام عليكم ورحمة الله وبركاتة


ممكن استفسار اخواني واخواتي


اذا بغيت اقدم على اكثر من نشاط تجاري لاسواق الفرجان

هل المطلوب اكثر من ضمان بنكي ...؟؟

ام ضمان بنكي واحد يكفي للتقديم على اكثر من محل !!!

ارجوا الافادة بأسرع وقت ممكن


وجزاكم الله خير

[المحاميه]

السلام عليكم ورحمة الله وبركاتة


ممكن استفسار اخواني واخواتي


اذا بغيت اقدم على اكثر من نشاط تجاري لاسواق الفرجان

هل المطلوب اكثر من ضمان بنكي ...؟؟

ام ضمان بنكي واحد يكفي للتقديم على اكثر من محل !!!

ارجوا الافادة بأسرع وقت ممكن


وجزاكم الله خير


اتوقع اكثر من ضمان بنكي
هذا المنطق يقول جذي
بس تعتقد بيخلونك تقدم على اكثر من نشاط؟
وبعدين يقولك بالقرعه
وبعد تسوي خير لو تفهمني شسالفه

[ولد العرب]

مافهمت السالفه عدل
هو يقول شركه او مؤسسه
والاختيار عشوائي
طيب شلون نشارك يعني احنا؟
احنا بس ندفع اجر شهري 6000 ولا شنو

اتمنى حد يفهمني الموضوع
يمكن افوز واشارك ههه :nice:
محاميه
الدوله تفضلت مشكوره بعمل محلات تجاريه بالفرجان على مستوى الدوله وقابله للزياده
واطرحت للمواطنين الراغبين بالاستجار
افتحي خياط نقابات يالمحاميه:secret:

[المحاميه]

و الله المفروض مثل ماقلتو ،، الأجار يكون أقل من 6000

لو 3000 ريال مثلا ، و تكون الأولويه لأهل الفريج ..


وهذا هو الموقع للي قادر يسجل :(
http://aswaq.mec.gov.qa/shop-types.html


ترا الموقع يعطي ايرور
ماتقدر تسجل يعني اظاهر مادري شسالفه

[المحاميه]

محاميه
الدوله تفضلت مشكوره بعمل محلات تجاريه بالفرجان على مستوى الدوله وقابله للزياده
واطرحت للمواطنين الراغبين بالاستجار
افتحي خياط نقابات يالمحاميه:secret:

انا راغبه
بس اشلون
الخطوات مش واضحه
والموقع يعطي ايرور

[كود نمبر]

اغلب الي يشتغلون تحت مضلة السجلات والرخص التجاريه
هم اجانب وليس قطري يعني مثل المنطقه الصناعيه بالضبط

المفروض انها لاصحاب الشئون الاولويه لهم

[بو الجوري]

اذا انت مقبل على مشروع طبيعي بيكون عندك أكثر من الضمان البنكي وعلى العموم الضمان البنكي مؤقت يعني تقدر تسحبه عقب فترة من اقامة المشروع ...وبالنسبة للسجل التجاري أسهل منه مافي واللي يبي مندوب يخلص اصدار السجل في وقت قياسي يكلمني ع الخاص

أنا مب مقبل على مشروع بناء فندق وإلا شركه كبيره أخوي الكريم

يعني هالمحلات تكون مشروع صغير ومفيد لأهل الفريج ، يعني لو أعرف إنه الشروط هذي مطلوبه كان جهزت نفسي

يعني مثلا دوبي أو حلاق أو معصره ,,

جهزت الـ 50 ألف وعملت الدراسه عشان أكون جاهز ولو بنسبة 80 %



المشروع ممتاز ولكن مع الأسف شروطه وطريقة الإختيار خطأ


ليش ما يكون التسجيل على مراحل !

أول مرحلـه تكون مدتها شهر ونص و التقديم لأهل الفريج و الأجار يكون أقل من 5 آلاف ريال

ثاني مرحله تكون للكل ، سواء من أهل الفريج أو خارج الفريج

[بو الجوري]

ترا الموقع يعطي ايرور
ماتقدر تسجل يعني اظاهر مادري شسالفه

جربي مره ثانيه
http://aswaq.mec.gov.qa/registration.html

أنا دخلت وشفت وعورت قلبي

حسبي الله ونعم الوكيل :weeping:

[المحاميه]

بو الجوري عطني التفاصيل عالخاص لو سمحت

[بو الجوري]

مافهمت السالفه عدل
هو يقول شركه او مؤسسه
والاختيار عشوائي
طيب شلون نشارك يعني احنا؟
احنا بس ندفع اجر شهري 6000 ولا شنو

اتمنى حد يفهمني الموضوع
يمكن افوز واشارك ههه :nice:

مثلا إذا تبين تفتحين معصره ، لازم يكون عندج سجل تجاري لمعصره

وسجلي

[قطريه22]

هذي الشروط نفس اذا تبي تفتح لك محل واساسيه في الطلب

[المحاميه]

مثلا إذا تبين تفتحين معصره ، لازم يكون عندج سجل تجاري لمعصره

وسجلي

يعني السالفه كلها اني اروح افتح سجل تجاري وخلاص بالاضافه الى الضمان البنكي

صح ولا شلون

احس اني اميه ف هالموضوع :weeping:

[بو خليفه 123]

لا تنسى ان احد شروط استخراج سجل تجاري عن طريق وزارة الاقتصاد هو توفير 200 ألف ريال تنحجز في البنك لحين اصدار سجل تجاري + قيد منشأة

يعني لاستيفائك شروط دخولك للقرعة يجب عليك توفير 250 ألف كاش "الآن" !

[المحاميه]

لا تنسى ان احد شروط استخراج سجل تجاري عن طريق وزارة الاقتصاد هو توفير 200 ألف ريال تنحجز في البنك لحين اصدار سجل تجاري + قيد منشأة

يعني لاستيفائك شروط دخولك للقرعة يجب عليك توفير 250 ألف كاش "الآن" !

:eek5:

[رجل الجزيرة]

وفيه شرط وهو:

لمدة ثلاثة شهور فإذا مشى المشروع وإلا إسحبوا عنكم الرخصة، شفت المقابلة في قناة الريان الأسبوع الماضي.

[بو الجوري]

هذي الشروط نفس اذا تبي تفتح لك محل واساسيه في الطلب


ما أختلفنا ، لكن كان المفروض يعلنون قبلهـا !!


يعني السالفه كلها اني اروح افتح سجل تجاري وخلاص بالاضافه الى الضمان البنكي

صح ولا شلون

احس اني اميه ف هالموضوع :weeping:

صح مع اللي قال عنه بوخليفه 200 الف :) بس تنسحب عقبها بكم يوم عادي


لا تنسى ان احد شروط استخراج سجل تجاري عن طريق وزارة الاقتصاد هو توفير 200 ألف ريال تنحجز في البنك لحين اصدار سجل تجاري + قيد منشأة

يعني لاستيفائك شروط دخولك للقرعة يجب عليك توفير 250 ألف كاش "الآن" !

:nice:

[ابن الخربة]

ضمان واحد لاكثر من نشاط فقط 50 الف اذا بتسجل في نشاط او اكثر من نشاط

[بو الجوري]

وفيه شرط وهو:

لمدة ثلاثة شهور فإذا مشى المشروع وإلا إسحبوا عنكم الرخصة، شفت المقابلة في قناة الريان الأسبوع الماضي.

يسحبون منه الرخصه إذا مافتح المحل خلال 3 شهور ، و هذي مافي مشكله

[أسد الجزيرة]

وين اماكن الاسواق

[بو الجوري]

وين اماكن الاسواق


تفضل أخوي

http://aswaq.mec.gov.qa/shop-locations.html

[شيخ الديرة]

http://aswaq.mec.gov.qa/images/logo_alfurjan.jpg

طير خارج السرب يسأل, هل الفرجان بكسر الفاء أم ضمها؟

أنا أعتقد بالكسر, ولكن الأسم باللغة الأنجليزية يقول غير ذلك

[بو الجوري]

بكسر الفاء :(

[شيخ الديرة]

بكسر الفاء :(

لازم يغيرون الأنجليزي

من عنده رصيد موبايل ؟ --->> :telephone:

[Dmy Enabi]

لا تنسى ان احد شروط استخراج سجل تجاري عن طريق وزارة الاقتصاد هو توفير 200 ألف ريال تنحجز في البنك لحين اصدار سجل تجاري + قيد منشأة

يعني لاستيفائك شروط دخولك للقرعة يجب عليك توفير 250 ألف كاش "الآن" !

أخوي هذا في حال الشركة لكن لو كانت مؤسسة مايحتاي رصيد ،فخلها مؤسسة وعقب اقلبها شركة وبجذيه توفر ال200.000 الف

[Dmy Enabi]

ياجماعة قدموا ترى والله سهالات آنا قدمت بكل سهولة وإذا لنا نصيب بناخذه بناخذه

[فلتة زمانها]

الله يوفق الجميع
وان شاءالله نشوف انشطة تجاريه جديده ومبتكره مثل الكويت وابشروا بالدعايات

[دايموند]

لو سمحتوا استفسار بخصوص النقطه رقم 7

هل يتطلب توفيرها حاليا والا بعد الفوز بالقرعه ؟

واذا يجب توفيرها اثناء. التسجيل

ممكن اعرف وين اروح وشنهي الاجراءات. للضمان البنكي ؟

[Dmy Enabi]

لو سمحتوا استفسار بخصوص النقطه رقم 7

هل يتطلب توفيرها حاليا والا بعد الفوز بالقرعه ؟

واذا يجب توفيرها اثناء. التسجيل

ممكن اعرف وين اروح وشنهي الاجراءات. للضمان البنكي ؟
هلا دايموند إنتي سجلي إلكتروني أول عقب يوصلج مسج إنه لازم لاستكمال التسجيل تطرشين لهم بالفاكس أو بالإيميل شهادة الضمان
تروحين أي بنك وتودعين في الحساب والكتاب يكون موجه لبنك التنمية وبس

[دايموند]

جيكي الخاص

[بوخالد911]

الله يوفق هل قطر

لو بيدي الموضوع كان خليت الأولوية للعجزة والمسنين وأصحاب ذوي الاعاقة

[أسد الجزيرة]

كم مساحة المحلات

[لمخلص]

السلام عليكم ورحمة الله وبركاتة


ممكن استفسار اخواني واخواتي


اذا بغيت اقدم على اكثر من نشاط تجاري لاسواق الفرجان

هل المطلوب اكثر من ضمان بنكي ...؟؟

ام ضمان بنكي واحد يكفي للتقديم على اكثر من محل !!!

ارجوا الافادة بأسرع وقت ممكن

والي عنده معلومة يبلغ الجميع لتعم الفائدة للكل


وجزاكم الله خير

[Dmy Enabi]

السلام عليكم ورحمة الله وبركاتة


ممكن استفسار اخواني واخواتي


اذا بغيت اقدم على اكثر من نشاط تجاري لاسواق الفرجان

هل المطلوب اكثر من ضمان بنكي ...؟؟

ام ضمان بنكي واحد يكفي للتقديم على اكثر من محل !!!

ارجوا الافادة بأسرع وقت ممكن

والي عنده معلومة يبلغ الجميع لتعم الفائدة للكل


وجزاكم الله خير

مكتوب من ضمن الشروط ضمان بنكي واحد

[Dmy Enabi]

كم مساحة المحلات

هلا أخوي أسد الجزيرة
والله مب مذكور بس لة بتجوف الموقع حاطين المناطق وخريطة تبين المساحة الكلية ، ومن خلال الفيديو يبين إنه باب واحد آنا حاولت أسوي قسمة بسيطة يمكن 360 مب أكثر وترى أخوره في الأرقام بس اتوقع في هالحدود

[Dmy Enabi]

يا جماعة ترى آنا مب مختصة ولا أشتغل عندهم مجتهدة فقط والله أعلم

[يمامـة]

6000 غالي اصلن الحين فيه محلات في مواقع جيده بنفس الايجار ب6000 و7000 لاضمان بنكي ولا قرعه ولا خرابيط
ليش ماخلوها ب800 ولا 1000 على غرار سوق واقف واتمنى من كل قلبلي تكون عمليه القرعه نزيهه وشفافه على هال 6000

وين في محلات على 6000 ريال؟

[أم محمد 90]

واضح من الشروط ان السالفة تطفيش وليست تسهيل

اي والله ,,

وزغرطي يا واسطة

[العلياا]

الله يوفقكم جميعاً

الأجار اشوفه ممتاز وفوق الممتاز
أهم شي نبي أبداعات وأفكار جديدة

[دايموند]

هل بالفعل يا اخوان ان من ضمن الشروط ان يكون عندنا محل قايم مب بس سجل تجاري وخلاص ؟!!!

يعني ولللي توه بيطلع سجل تجاري مايقدر يقدم ع اسواق الفرجان ؟!!

[السيل]

http://aswaq.mec.gov.qa/images/logo_alfurjan.jpg

طير خارج السرب يسأل, هل الفرجان بكسر الفاء أم ضمها؟

أنا أعتقد بالكسر, ولكن الأسم باللغة الأنجليزية يقول غير ذلك


واخد بال حطرطك ،،

اكيد منهم

[جبر ال جبر]

الدوله تبي تصير من التجار 6000x648=
4 مليون تقريبا شهريا ماشالله قيمه ايجار 6 ابراج على الكورنيش
خوش مشروع وعلى فكره سالفه القرعه عشان مزيد من الحماس والاثاره
لو فتحوها الي يبي بس بشرط قطري اتوقع 10 ولا 20 شخص بيقدم عليها
موفقين خير

[شيخ الديرة]

واخد بال حطرطك ،،

اكيد منهم

متأكد من أيش حطرطك بالزبط ؟

[Dana’1]

افضل بصراحة وياليت جنبهم جامع الحي
جنب بيتنا بيكون فيه سوق الحي هذا قام بالبنيام بس يبغاله سنة ونص إلى سنتين لين يخلص إن شاءلله

[طير حوران]

ماهي الانشطه المسموحه ؟؟؟

[شيخ الديرة]

ماهي الانشطه المسموحه ؟؟؟

بقالة و برادات
مغسلة
مخبز للخبز البلدي
حلاق رجالي
كافتيريا
فاكهه و خضروات
أعمال التمديدات الصحية والكهربائية والتجارة بها
صيدلية
مكتبة
خياط سيدات
ملحمة
بيع الأجهزة الكهربائية
أدوات منزلية ولعب أطفال
خياط رجالي
القطانة و النجادة المنزلية
بيع الأقمشة والملابس و الاحذية
الزهور والشوكولاتة
خدمات الطباعة والنسخ
صالون نسائي
الآيس كريم
تحضير فطائر ومعجنات
استوديو تصوير
بيع و توزيع مواد تموينية
بيع الاسماك
تصليح الأدوات الكهربائية والالكترونية
بيع الدواجن ومنتجاتها
التجارة في البن والقهوة والشاي
العطور والاكسسوارات

[دايموند]

هل بالفعل يا اخوان ان من ضمن الشروط ان يكون عندنا محل قايم مب بس سجل تجاري وخلاص ؟!!!

يعني ولللي توه بيطلع سجل تجاري مايقدر يقدم ع اسواق الفرجان ؟!!
حد يقدر يفيدنا؟

[الدمعه]

واذا نبي نطلع سجل تجاري لازم محل عشان اللوحه ؟؟؟ ليش ما اطلع السجل وبعدين ادور لي مكان ،، يعني تعقيد في تعقيد

[فلتة زمانها]

ما اوصيكم يا بنات نبي فناتك وبضاعه نسائيه مبتكره ومطاعم جديده وابشروا بالارباح
لا تنسون احنا اكثر الكائنات البشرية اسرافا واستهلاكا :vampire:

ومره ثانيه بالتوفيق للجميع

[ضوى]

وين مكانهم ؟

[بو الجوري]

واذا نبي نطلع سجل تجاري لازم محل عشان اللوحه ؟؟؟ ليش ما اطلع السجل وبعدين ادور لي مكان ،، يعني تعقيد في تعقيد

السجل مايحتاج محل ولوحه

إذا بتطلعين رخصه تجاريه عقب بيقولون لازم محل ولوحه


وين مكانهم ؟

شوفي موقعهم عالنت في كل التفاصيل

[حمد بن سعد]

ووووووووووووووووووووووووووو

[مختلفة عقليا]

هلا .,

ليش مافي عقارات ., ؟؟

[بو الجوري]

^

عقارات شنو !!

[أم هشام]

للاسف حاولت التسجيل الان لكن قالي فشل التسجيل لان السجل منتهي الصلاحية يرجى تجديدة
مع العلم ان السجل التجاري مجدد حديثا لكن بدون الرخصة التجارية
هل عدم وجود الرخصة التجارية يؤثر بالتسجيل ؟؟

[أم هشام]

6000 غالي اصلن الحين فيه محلات في مواقع جيده بنفس الايجار ب6000 و7000 لاضمان بنكي ولا قرعه ولا خرابيط
ليش ماخلوها ب800 ولا 1000 على غرار سوق واقف واتمنى من كل قلبلي تكون عمليه القرعه نزيهه وشفافه على هال 6000

وين المحلات ارجو الافادة ضروري

[غايه الطواش]

حبيت سالفه القرعه !!

[دايموند]

ام هشام الله يهديج جوفي اللينك
في موقعهم كل التفاصيل

[عثرة جواد]

واخرشي محدبيستفيد الا اصحاب النفوذ

[عساف]

السلام عليكم ورحمة الله وبركاته
اسعد الله صباحكم بكل خير

اسواق الفرجان

استوقفني مشروع اسواق الفرجان الذي تعتزم الدولة البدء فيه ، وذلك لخدمة المواطن وتقريب وفير السلع والخدمات ليد المستهلك ، واسترجعت بالذاكرة ايام الثمانينات ومساعدة الدولة للمواطن وتيسيرها الدرب له ليتمكن من تنويع وتعدد مصادر دخله له سواءا كان له وظيفة ومعاش شهري من عدمه ، وتمثل ذلك حينها في إمكانية ( بناء محلات في البيت حسب الشروط والمتطلبات المعتمدة مع دفع رسوم رمزية – القدرة على امتلاك سيارات التاكسي الي كانت مصدر دخل للقطري - سيارات الوره كذلك ...الخ ).

مما دعاني للطمع فيما هو أكثر من السماح بتواجد أسواق بالفرجان حيث أنه وعلى الرغم مما أعلن من كون عدد المحلات هو 645 محلا سوف تغطي عدد 14 فريجا إلا أنه سوف يكون عدد المستفيدين منها محدود بعدد الوحدات المخصصة لكل فريج والقدرة المالية للمستأجرين ومتأثرا بالكثافة السكانية وطبيعة سكان الفريج ووظائفهم وأعداد أفراد الأسرة ، ولكن كان الطموح في توسيع مجال الاستفادة وأن تتوفر دراسة لإمكانية السماح للمواطن نفسه ببناء محلات تجارية تحت مسكنه بالطابق الأرضي أو بسور بيته إن كانت المساحة تسمح بذلك حتى تعم الفائدة للمواطن والمقيمين بهذه الفرجان والوصول إلى نفس الأهداف السامية من رفع دخل المواطن وتسهيل وجود السلعة والخدمة بالقرب من المستهلكين وبأسعار تنافسية دون تكبد عناء الانتقال بين الفرجان أو إضاعة الوقت والجهد والمال في التسوق بالمجمعات التسويقية الكبرى ، مع الاحتفاظ وعدم الإخلال بأي من متطلبات السلامة والأمن الصناعي والمعيشي لسكان الفريج بحظر بيع السلع وتقديم الخدمات التي يتسبب عنها أخطار أو مخاطر خاصة تلك التي تتطلب إجراءات أمن وسلامة مهنية خاصة ، ويمكن كبداية أو نقطة انطلاق النص حصريا على أنواع الأنشطة التي يتاح للمواطن أن يتعامل فيها وبالشروط اللازمة والرسوم المعتدلة .

هذا وكلي أمل أن ينال الطرح اهتمام السادة القائمين على الأمر والسادة المعنيين بدراسات ومشاريع رفع معاناة المواطنين والمقيمين بدولة قطر متجردين في ذلك من خدمة أهداف ومصالح شخصية ، جاعلين نصب أعينهم كل ما فيه نفع الناس ورفع المعاناة عنهم وإعانتهم على رفع مستوى معيشتهم ورخاءها ، وخدمة الأهداف الاستراتيجية وتنفيذ رؤية قطر 2030 م .

[قدام]

سؤال للجميع ؟
اذ عندي سجل تجاري باسم شركه مقاولات __ هل اقدر اسجل مثلاا مغسله او حلاق ولا لازم السجل التجاري يكون نفس النشاط
شكرااااااااااااااااااااااااااااااااااا

[alsoq]

المحلات شكلها طارت:)
ايش معنا بالقرعه لماذا كل فريج يكون من له الحق في المحلات اهل الفريج ويكون فيه دراسه حاله وليش ذوي الاحتيجات الخاصه ما يكون لهم نصيب وليش لازم يكون عندك سجل تجاري اذا كانو صادقين انها لعامه الشعب

محد عنده سجل الى تجار او اللي مرتاحين ماديآ لان السجل يبي لك تحط 200 الف في الحساب شبعنا من كلام لعامه الشعب كلها بتنحصر للتجار

[بو الجوري]

سؤال للجميع ؟
اذ عندي سجل تجاري باسم شركه مقاولات __ هل اقدر اسجل مثلاا مغسله او حلاق ولا لازم السجل التجاري يكون نفس النشاط
شكرااااااااااااااااااااااااااااااااااا

لا مع الأسف

[بو الجوري]

الناس اللي سجلوا

هل طلب منكم تختارون أي منطقه !!!

[قدام]

لا مع الأسف

شكراااا بوالجوري

[أم هشام]

ام هشام الله يهديج جوفي اللينك
في موقعهم كل التفاصيل

لا اختي انا حاولت اسجل لكن قالولي السجل منتهي مع انه مش منتهي
انا قصدي على كلام اخوي مخطط قطري انه في محلات ب 6000 بمناطق ثانية و بدون الضمان البنكي ..

[Dmy Enabi]

الناس اللي سجلوا

هل طلب منكم تختارون أي منطقه !!!
لا يا بو الجوري

[أم هشام]

للاسف حاولت التسجيل الان لكن قالي فشل التسجيل لان السجل منتهي الصلاحية يرجى تجديدة
مع العلم ان السجل التجاري مجدد حديثا لكن بدون الرخصة التجارية
هل عدم وجود الرخصة التجارية يؤثر بالتسجيل ؟؟

؟؟؟؟؟

[دايموند]

ام هشام جربي مره ثانيه

السجل التجاري لازم يكون مالكها قطري بنسبه 51 بالميه شي من هالقبييل في الشروط

[أم هشام]

ام هشام جربي مره ثانيه

السجل التجاري لازم يكون مالكها قطري بنسبه 51 بالميه شي من هالقبييل في الشروط

ان شاء الله بجرب
السجل مملوك بنسبة 100% لصديقة قطرية لي ..

شكرا حبيبتي :o

[الاعرابي]

بكم اطلع سجل تجاري جديد وهل يمدي عشان الحق على هلااسواق ؟ ماعرف هالسوالف

[alsenator]

شكرا على طرح الموضوع لكن الشروط سهلة وفي متناول جميع الشركات الحقيقية وليست الوهمية خمسين الف مبلغ بسيط بالنسبة لشركة حقيقية

[دايموند]

شركه حقيقية! !وشركه وهميه !!! شهالكلام


يعني الي فهمته ان الفرصه المطروحه حاليا مب لجميع المواطنين وانما للتجار الي اصلا عندهم محلات ويبون يفتحون افرع ثانيه لهم !!!


واحنا الفقارى الي رحنا طلعنا سجل تجاري بس عشان ندخل بالقرعه ولعل وعسى نفوز بمحل واحد عالاقل ونكسب رزقنا منهه مالنا نصيب بالمشاركه مثلهم !!!

اطالب بالغاء. الضمان البنكي لان صج المبلغ بسيط لكن الي فهمته من عضو ان لاستخراج ضمان بنكي لازم يكون عندنا رقم المنشأه يعني محل قايم بالفعل !!!!

يعني القرعه للتجار الي بالفعل عندهم محلات سابقا ويبون يزيدون محلاتهم !!!!!!


والله حاله

[طير حوران]

بقالة و برادات
مغسلة
مخبز للخبز البلدي
حلاق رجالي
كافتيريا
فاكهه و خضروات
أعمال التمديدات الصحية والكهربائية والتجارة بها
صيدلية
مكتبة
خياط سيدات
ملحمة
بيع الأجهزة الكهربائية
أدوات منزلية ولعب أطفال
خياط رجالي
القطانة و النجادة المنزلية
بيع الأقمشة والملابس و الاحذية
الزهور والشوكولاتة
خدمات الطباعة والنسخ
صالون نسائي
الآيس كريم
تحضير فطائر ومعجنات
استوديو تصوير
بيع و توزيع مواد تموينية
بيع الاسماك
تصليح الأدوات الكهربائية والالكترونية
بيع الدواجن ومنتجاتها
التجارة في البن والقهوة والشاي
العطور والاكسسوارات

شكرا جزيلا ياشيخ الديره

جزاك الله خير

[مشتاقة لقطر]

سجل التجاري منتهي شلون يجددونه وكم رسوم التجديد اذا تعرفون

[المنسى]

ياجماعه الخير لحد يخسر ويتعب نفسه الى ماعنده قيد منشئه مايقدر ياخذ شيك الضمان عن تجربه والى عنده قيد منشئه وعنده محل قائم يقدم وفاله التوفيق

[الدمعه]

سؤال اتمنى حد يجاوبني ،،

اللحين اذا ابي اطلع سجل تجاري لازم يكون عندي محل باسمي عشان اللوحه ،، صح والا لا

اكثر من مره احاول بس اوقف عند هالنقطه ،، لاني ما اقدر اطلع شي وهمي ضميري يانبني ،،

اذا اقدر اطلع سجل تجاري بدون محل ممكن تفيدوني بالطريقه الصحيحه

[المنسى]

سؤال اتمنى حد يجاوبني ،،

اللحين اذا ابي اطلع سجل تجاري لازم يكون عندي محل باسمي عشان اللوحه ،، صح والا لا

اكثر من مره احاول بس اوقف عند هالنقطه ،، لاني ما اقدر اطلع شي وهمي ضميري يانبني ،،

اذا اقدر اطلع سجل تجاري بدون محل ممكن تفيدوني بالطريقه الصحيحه

السجل التجارى سهل وبدون محل بس فيه شى اسمه قيد المنشاه هاذا لازم يكون عندك محل ارجو انى افدتك

[Dmy Enabi]

قبل شوي في وطني الحبيب ذكر مسؤول من وزارة الاقتصاد انه تسهيلا للناس في موضوع الضمان البنكي انهم يقبلون شيك اسمه المانجر شيك عن نفسي اول مرة اسمع فيه بس هو قال شيك ضمان للي مايقدر يطلع خطاب من البنك يعني شي ممتاز

[بو خليفه 123]

دمي عنابي
نفس الشيء لكن الاجراء مختلف

منجر شيك هو يعتبر ايضاً شيك ضمان لأنه يتوجب توفير المبلغ بالحساب و يتم حجزها لاصدار الشيك بالمبلغ .. الا وهو 50 ألف

[Dmy Enabi]

دمي عنابي
نفس الشيء لكن الاجراء مختلف

منجر شيك هو يعتبر ايضاً شيك ضمان لأنه يتوجب توفير المبلغ بالحساب و يتم حجزها لاصدار الشيك بالمبلغ .. الا وهو 50 ألف

قصدي مايحتاج متطلبات مثل سجل تجاري يكفي يكون اسم

[بو خليفه 123]

اتفق مع دايموند

و لكن لو خيرتيني بين المؤسسه والشركه طبعاً بختار الشركه لأني قانونياً أنا محمي اكثر من اكون مدير مؤسسه بالذات اذا كان الشريك اجنبي .


بالتوفيق للجميع و ان شاء الله الفوز بالقرعه من نصيب كل مجتهد

[Dmy Enabi]

حبيت أشارككم إخواني وخواتي إلي قدموا
بس حبيت أنوه إنه لازم تودون أصل الضمان البنكي مع صورة من السجل التجاري لوزارة الاقتصاد آنا اتصلوا فيني
دمتم برقي

[محمد 2002]

متى اخر يوم وياليت توضيح اكثر بخصوص الشيك المصدق او بخصوص كتاب الضمان اخذه ووديه عند من وكيف اطلعه من البنك باسم من اسواق الفرجان ولا برقم المعامله الي في المسج

[Dmy Enabi]

متى اخر يوم وياليت توضيح اكثر بخصوص الشيك المصدق او بخصوص كتاب الضمان اخذه ووديه عند من وكيف اطلعه من البنك باسم من اسواق الفرجان ولا برقم المعامله الي في المسج

آخر يوم أعتقد 25 /5 وهو تاريخ آخر تقديم ،الشيك مانجر تروح البنك تودع خمسين ألف بحساب الشركة وتعطيهم شيك هالشيك يختمون عليه ويتم حجز المبلغ بمعنى إنك ماتقدر تتصرف فيه إلا إذا انتهى تاريخه أوتاخذ كتاب ضمان تروح البنك تودي صورة من السجل ويطلعون لك الخطاب باسم السجل ويوجه إلى بنك التنمية بعد يومين وترسله بالفاكس والإيميل أو توديه مباشرة لوزارة الاقتصاد ،آنا ماوديته إلا لأنهم اتصلوا لي وقالوا لي لازم الأصل وصورة من السجل

[رُفق المجنّا]

هل يشترط لاستخراج المانجر شيك من البنك قيد منشأة ؟

[Dmy Enabi]

هل يشترط لاستخراج المانجر شيك من البنك قيد منشأة ؟

أخوي في المضرف يوم رحت ماطلبوا بس اطلبوا السجل التجاري

[العلم]

طيب متى تصير القرعة .. ؟ بعد كم يوم من إنتهاء التقديم ؟

[Dmy Enabi]

طيب متى تصير القرعة .. ؟ بعد كم يوم من إنتهاء التقديم ؟
القرعة في نص شهر ظ¦

[Dmy Enabi]

شهر 6

[العلم]

شكرا على الإجابة .


طيب انا الحين ماعندي لاسجل ولا اي شيء .. هل اقدر اسويه والحق على التسجيل وإلا مايمدي ؟؟

[رُفق المجنّا]

شكرا على الإجابة .


طيب انا الحين ماعندي لاسجل ولا اي شيء .. هل اقدر اسويه والحق على التسجيل وإلا مايمدي ؟؟

ايه يمدي , اجراءات فتح السجل بالكثير ساعة ( لان التاخير بالعادة يكون في الاسم التجاري اذا كان مستخدم من قبل او يحتاج إلى ترجمه) والمستندات المطلوبة موجودة ع موقع الوزارة , وتسجل في القرعة , ومن ثم تتجه للبنك وتفتح حساب للشركة وتودع ظ¥ظ* الف وتطلب مانجر تشيك وتعطيه للوزارة مع صورة السجل

موفق خير

[الحمر]

اخوي انا اودعت فلوس في حسابي مب حساب الشركة وطلعت تشيك منجر باسم بنك التنمية وطرشتة لهم ايميل فهل اجرائي صحيح

وشكرا

[المنسى]

اخوي انا اودعت فلوس في حسابي مب حساب الشركة وطلعت تشيك منجر باسم بنك التنمية وطرشتة لهم ايميل فهل اجرائي صحيح

وشكرا
ياخوى انا نفسك وكلمتهم فى الوزاره وقالو بيتصلون فيك تجيب الاصلى بس الملاحظ ان شيك المانيجر مافيه اسمى انت نفسى

[البرونزي]

السلام عليكم
استفسار ياجماعه
الشيك يكون موجه لبنك التنميه ولا وزارة الاقتصاد ؟
والبنك قالو بيعطوني شيك مصدق هل هو نفسه
منجر شيك ولا يختلف ؟
والمبلغ يكون في حسابي الشخصي ولا حساب الشركة ولا ماتفرق ؟

وجزاكم الله خير مقدما

[دايموند]

يعني الشيك مايصير نرسله لهم بالفاكس او الايميل ؟

لازم حضورنا الشخصي ؟!!

[رُفق المجنّا]

انا ما ودي افيد احد بمعلومة خاطئة ولكن ما حصل لي :

ان المنجر شيك لابد يكون من حساب الشركة ولكن الفرق في انه ليس بضمان بنكي والذي يستوجب وجود قيد منشأة
التسليم يكون بالحضور الشخصي ( يشترط النسخة الأصلية) من 5 الى 8

وانا انصح بالاستفسار عن طريق الوزارة نفسها

[الحمر]

اخوي المنسي انا سألت اليوم قلت لهم ان الشيك بحسابي الشخصي قالو لي مب مشكله اهم شي الشركة بسمك طرشة علي الفاكس واحنا بنتصلك . اي الشيك مانجر مافي اسم بس تحت فيه رقم الحساب .