++ لي متى الواحد يعني ++

[شبح الصمت]

بسم الله والصلاة والسلام على أفضل المرسلين سيدنا محمد صلى الله عليه وسلم ..



الموضوع مكرر ومن قبل انطرح وارد واطرحه ..

بعض الجهات الحكومية
المؤسسات
الشركات
الجامعات
وغيرها ..


اتصل يرد علي واحد helo
هلا do you speak arabic

no sir
اوكي هههه
عطني واحد يتكلم عربي
يرد علي بالانقليزي مافي

انزين يالوهقه الحين ابي اكلمه اشلون والموضوع مهم


دام دافعين حق هالشخص خلوووه يرد على الاجانب وخلو لنا واحد عربي نتفاهم معاه

وإلا غصب تبونا نتكلم إنقليزي والا هالاجنبي راتبه اقل يعني وما تقدر تجيب لك واحد يتكلم عربي وانقليزي وتزيده ..


صراحة نبي بعض الجهات تحس وتعطي العالم حقها او تخلي خط ساخن او رقم للتواصل مع ناس تتكلم

في ناس واجد

شيبان
عجيز
شباب

ما يعرفون يتقنون اللغة وما يتكلمون فيها بطلاقة

..

اترك لكم المجال ..


مع تحيات واحد متوهق

شبح الصمت

:rolleyes2:

[المليونير الفقير]

مصيبة اذا جهات حكوميه ومغيرين اللهجة المفروض يفتخرون بلغتهم الي هي لغة القران الكريم

[شيخ الديرة]

كثير عرب متعلمين انجليزي ممكن يخدمون بمهارة في هذه الوظائف, ولا يمكن القول بالمثل عن الهنود او الفلبينيين

[فلتة زمانها]

بسيطه تكلم انجلش ومشي حالك ومنها تسوي رفريش للغه @@

[بومحمد المطاوعه]

جزاك الله خير يالغالي

صدقت والله

انا اسكر ف ويها على طول


ولا افتكر فيه

يقعد يتفلسف علي ليش

او الي يبط جبدي ازيد
حاطين لك شخض عربي

ويقولك هلو سير كان هلب يو


واخرتها يقولك مرحبا
ههههههههههه

ياخي نفاق والله

بعيد الشر

[أم محمد 90]

اخوي شبح

قد مرة زفيت واحد بالانجليزي ؟؟ شعور حلو تخليه يتعجب شلون تزفه بلغتهم ههههههههههههه

[همر]

اذا رد عليك عنقليزي وتوهقت قول له

اتعلم واجيك ...

مي ليرن مي كم باك...

انسى الوضع يتغير ...

[بوخالد911]

الشرهة ع اللي حط موظف أجنبي بمكان يتصلون عليه ناس

[يمامـة]

يحق لك تشتكي من الوضع !

[مختلفة عقليا]

السلام عليكم .,

رد علي سوالك ., بيتم الوضع جيه لي ما يكتشفون الاكتشاف العظيم (( ان الشعب القطري )) لازم يتكلم بلغته العربيه وبالهجه القطريه .,

يعني انطر 4 سنوات يدرسون الموضوع وان شاء الله في 2030 بيوظفون قطريين .,

ويسلموو .,

[ya3coub]

الأسوء و الأمر

عندما تتصل بأكثر من مكان و يرد عليك التسجيل للغة العربية اضغط رقم 1

و علطول يردون اجانب و طبعا الواحد يعصب و يتكلم معاهم بالأنجليزي بس دايما اقولهم ليش حاطين هالخاصية الي ما منها فايدة دام بتردون و دام ما عندكم احد يتكلم عربي يمكن ابي اتكلم بالعربي خصوصا اوقات الدوام مابي الي حولي يعرفون عن شنو اتصالي او استفسري


شي يرفع الضغط

الحمد الله اللغة الأنجليزية قوية بس مثل ما ذكرت اخوي الكبار فالسن و الي لغتهم ضعيفة ممكن ما يقدرون يتواصلون معاهم بيسر

[شبح الصمت]

انا بقول لكم الموقف اليوم وين حصل في مدرسة سواقه متصلين نسال عن حصص السواقه ..

المهم الي ردت علي موظفة انقليزية اقول لها ابي موظفة تكلم عربي تقولي مافي ..


عقب حنه ورنه حولتني على موظفة عربية خلصنا بقت اساله عالقه ردينا نتصل مره ثانية .


والله انها تمت تحولنا والا احد يرد لين زهقت وصكرت

قلت حق رفيجي تدري دق سلف وروح لهم مالك إلا كذى ..

يعني اهي سالفة تعالنا لاجل نفيدك وتعنى لنا في هالزحمة

!!

هذا مثال بسيط اليوم صادفني