كم يبقى من راتبك ؟

[تأملات]

كم يبقى من راتبك ؟
كم يبقى من راتبك ؟؟؟
قبل الخوض في تفاصيل الموضوع أوجه سؤالي لكل قطري او قطرية يعمل ويعتمد بشكل أساسي على الراتب اجب على هذا السؤال في نفسك ...
أتوقع ان الأغلب منا يصرف الراتب الحكومي وبشكل عشوائية هذا الراتب والذي يعتمد عليه اكثر من 80٪ من القطريين في دفع التزاماتهم الشهرية أقول كلامي في وقت بدأت الدولة مشكوره في تطبيق التأمين الصحي على القطريين وهذه الخدمة اضافة الى نظام الكوبونات التعليمية الذي تم تطبيقه منذ فترة أزاحت هذه الإجراءات الحكومية في
التزامات مالية كان يدفعها القطرييون ومع هذا لم يتغير نمط الصرف الاستهلاكي لنا كمواطنين وقد يصل للبعض لدرجه التبذير
ان متوسط الرواتب للقطريين في الجهاز الحكومي هي الأعلى في المنطقة ولله الحمد وقد نكون قربين من تطبيق التعديلات الخاصة في قانون الموارد البشرية والذي يعني زيادة إضافية لدخل القطريين فلا تضعيوا الفرصة تلو الاخرى في الادخار والاستثمار. وأبدا الان !
دعواتي للجميع في النجاح في تطبيق سياسة مالية متوازنة وأبدا من اليوم في التوفير وانتهاز الفرص الاستثمارية فقطر للقطريين

[المليونير الفقير]

ملاليم

[زبرجد]

إذا ما أروح السوق يتيمع الراتب فوق الراتب ولله الحمد وأهم شي تدعي بالبركة وتتصدق منه وإن شاء الله يتم لك لي آخر الشهر .

[العنيده]

راتبي يقسم على كل الشهر الحمدلله .. ومنه توفير ومنه للحالات الطارئه بدل ماروح واحط سلفيات على ظهري احاول اوازن بعقل بحسب احتياجاتي
والاستثمار ضروري هالوقت مع الغلاء نحاول نوازن بس المهم مانكون بالبخل ولا درجة التبذير :victory:

[بوحارب]

ولاااااااااشي بس اهم شي مستانسين ;)

[بو الجوري]

أقل من 1000 ريال

[بو الجوري]

ولاااااااااشي بس اهم شي مستانسين ;)

خلك متابع هالموضوع ، يمكـن نثني :nice:

[غايه الطواش]

ثلثين الراتب ماينزخ

[المحاميه]

اول شي اشكر الدوله والامير على كل التسهيلات وكل شي قدموا لنا بالمجان
جزاكم الله الف خير على هالعطاء اللامحدود

ثاني شي بالنسبه لي
اذا قررت اصرف يعني ماراح يبقى منه شي
اولا لان الاسعار نار ف قطر
وثاني شي لان اغراضنا احنا البنات كثيره وماتخلص

لكن في الحاله الثانيه اذا قررت ماصرف ممكن يبقى نصه او اكثر بشوي

الصراحه الموضوع مهم اتمنى ان ينتبه الجميع وان تنتشر عندنا سياسة الادخار
وبعد حرام نطير الآلاف على ماميش

[المحاميه]

ثلثين الراتب ماينزخ
يعني اكثر من النص

[عثرة جواد]

اللهم لاحسدالوظايف الحكوميه
بس احنا الغلابه ف الشركات الخاصه 2 اسبوع والبوك يصفر

[غايه الطواش]

يعني اكثر من النص

حسم مفهوم الرياضيات اي ....

[بو الجوري]

وطبعاً مافي مقارنه بين الزوج و الزوجه أو الأخت أو الأم


يعني مانقدر نقول البنات يوفرون أكثر

لآنه أغلبهم ماوراهم أجار بيت أو بنيان أو أقساط بنك التنميه أو أو أو ..

[مختلفة عقليا]

السلام عليكم .,

يبقي اللي في الصدقات .,

بس في الجيب يتم 5 اريال هههههه .,

ولاشي ,’

بس انا مع الادخار ., بس حاليا ما اقدر اسوي هالشي ., بس موجود في البال .,

ويسلموو .,

[أم محمد 90]

اقل من 1000 ريال

لما اوصل 20 الشهر واشوف ان عندي مبلغ حلو اروح اصرفه هههههههه

[فلتة زمانها]

ربع الراتب تقريبا

[العلياا]

ثلثين الراتب ماينزخ

الله يزيدج من فضله

أنا نفس الشي ولله الحمد : )

[رُفق المجنّا]

الحمدلله رب العالمين اولاً وأخيرا

تفرق من شهر لآخر ، فيه شهور فيها مواجيب ( أعراس وعزايم ) وضعوطات منا ومناك ( خراب سيارة + واحد يطلب سلف + صيانة للبيت ) فهذي يتصفّر الراتب ع اخر الشهر اذا ما كان بالماينس نتيجة السلف او غيره ، وأشهر يصفى من الراتب الثلث اما أتوجه بها للأسهم ولا اذخرها لعازة.

للعلم ليس علي مديونية من البنك ولله الحمد والله يبارك لنا ولكم ويزيدنا من فضله

[همر]

كله...

[بو الجوري]

كله...



هههههههههههههههههههههه حسبي الله على إبليس


المهم ، بكره بكون فالمكان السري ، ممكن سلف :shy:

[تأملات]

غاية الطواش ادخار 50٪ من الراتب للمرأة ممتاز في بيئة خليجية تهتم بالمظاهر اكثر من الجوهر
الله يكثر من أمثالج

[R 7 A L]

الي يبي راتبة يبقى كلة البديل موجود
يبدل السيارة
ويبدل الوجبات الغذائية كل يوم يتعشى بيض ههههههه

[خليفـة]

موضوع جميل .. وتساؤل جميل
لكن الاجمل لو سألنا فيما تصرف راتبك ؟
هل يذهب راتبك لأمور أساسية .. ام مجرد كماليات
لا ضرورة لها !!

خليفة

[أبو راكان]

للأسف نحن مسرفين في مصاريفنا
لذلك نحتاج ثقافة ترشيد الاستهلاك وياليت تكون ضمن مناهج الطلاب من اجل ترسيخ مفهوم التوفير وتنظيم عملية الصرف والاستهلاك

[aziz4z]

مرات نصف , و مرات ثلاثة أرباع , مع أني أصرف على البيت , الحمد لله و الشكر

[المــزن*]

يعتمد على بعض الامور

اذا ورانا سفرة مايبقى شي من الراتب

بس اذا فالدوحة الحمدلله يبقى ثلاثة ارباع الراتب

[حسن]

موضوع جميل .. وتساؤل جميل
لكن الاجمل لو سألنا فيما تصرف راتبك ؟
هل يذهب راتبك لأمور أساسية .. ام مجرد كماليات
لا ضرورة لها !!

خليفة

سؤال ممتاز

بالنسبه لي واللي اشوفه من بويه بن زيان شمال الىخور العديد
ومن حقل البندق شرق الى حقل دياب غرب

للكماليات الغالبيه العظمى

بالنسبه لي على الافواه الجائعه
بومسفر وطقاته

:)

[بو خليفه 123]

ثلثين الراتب ماينزخ



اقولهم كم كان البونس سنة 2013 ولا :shy:

[ورد الدوحه]

تقريبا يبقــى الربع

[دااانة قطر]

http://www.raya.com/file/get/3e890595-777f-4a0b-b123-a75f220c3c6a.pdf



وبصرااحة ولله الحمد والله يزيد ويبااارك يعتمد عالصرف نفسه كم مرة انزل اتسوق ايش اللي دخل في خااطري او خااطر بنااتي في منااسبات وكل منااسبة والهديه اللي تنااسبها يعني هالشهر والشهر اللي طااف مازخيت من رااتبي غير الايجاار

[بنت مريخ]

يختلف من شهر لثاني
اتمنى يكون كل شهر عشره الف
حلمي كل شهر

[راشد محمد]

كله...

[panda]

~ 1/2

[همر]

هههههههههههههههههههههه حسبي الله على إبليس


المهم ، بكره بكون فالمكان السري ، ممكن سلف :shy:



من الحين لين بكره يغير الله من حال الى حال :tease:

[Dmy Enabi]

يروح في التزامات مالية ولله الحمد
ممكن يبقى منه 5 آلاف
نعمة الله يديمها

[فهد111]

باقي من الراتب 34000

[فرهود]

اذا بصرف بطريقه صحيحه وبما يرضي الله وبدون اسراف يبقى اكثر من نص الراتب . واذا بابذر واصرف ببذخ وأسراف يتم ربعه .

[رجل تعليم]

مات ويموت قبل أن يولد
الله كريم

[رهج السنابك]

سر ما علم

[بصمة قطرية]

متابعه ..

[v_h3]

راتبي الرسمي ماقرب صوبة والحمدلله عندي مدخول ثاني اصرف منة :)

[وطن]

اذا سافرت يبقى منه 50-60%

اذا في البلاد من 70-80% في الحساب

[حمد 2002]

انا ماجمع شيء لاني كريم ...

[حمد 2002]

راتبي الرسمي ماقرب صوبة والحمدلله عندي مدخول ثاني اصرف منة :)

وشهو المدخول الثاني علمني ابي اسوي نفسك

[v_h3]

وشهو المدخول الثاني علمني ابي اسوي نفسك

اقصد سفارتنا اخوي حمد

[بوخالد911]

ما حسبت

[بوحارب]

ما حسبت

احسب وخبرني

لآني بتقاسم الباقي معاك:)

فيفتي فيفتي

[بوخالد911]

احسب وخبرني

لآني بتقاسم الباقي معاك:)

فيفتي فيفتي


اوووووك
بس انطررررني ع اللفة !!!

[بصمة قطرية]

احسب وخبرني

لآني بتقاسم الباقي معاك:)

فيفتي فيفتي

إنت آخر واحد يتكلم عن الفلوس .. :omen2:

[v_h3]

الله يعز ويبارك فحكومتنا وقيادتنا الرشيدة

[للصبر اخر]

امممم
على حسب صرفي
في اشهر ما اصرف وايد يتم فيها نص الراتب
وفي اشهر الراتب ربعه بس اللي ينصرف
وفي اشهر مايتم منه شي

[نوور الدووحه]

ولاااااااااشي بس اهم شي مستانسين ;)


اهم شي الونااااااااسه هههههههههههه:nice:

[عاشق العديد]

هو متى ينزل الراتب تاريخ كم ..

مازخه ماعرف كم الله يخلي دخل الثـاني

[حمد 2002]

هو متى ينزل الراتب تاريخ كم ..

مازخه ماعرف كم الله يخلي دخل الثـاني

وشهو دخلك الثاني ؟

[همر]

وشهو دخلك الثاني ؟



http://i.imgur.com/gtNsjJY.jpg

[مشاكل]

انا عايلتي كبيرة وعيالي اعمارهم متفاوته وهذا يتطلب مصاريف كثيرة لاتبقي لي اخر الشهر ولافلس تقريباً
لكن الحمد لله استثماري في عيالي الله يحفظهم ويبارك فيهم

[عاشق العديد]

وشهو دخلك الثاني ؟

ارجع لردودي السسسابقه في مواضيع ثانيه .. وبتعرف كم بقاله ومخبز عندي ..

[Nojoom]

صعب الحسبه في الشهر لان كل شهر يختلف عن الثاني .. مره عيد ومره رمضان ومره مدارس ومره سفر


اعتقد لو كان السؤال كم توفر في السنه بيكون ادق .

[مشتاقة لقطر]

ماشالله الاغلبية زينين موفرين الله يبارك لهم
انا مب موظفة مالي راتب بس لي دخل ومصروف

[الجوكر90]

يعني اكثر من النص

الي اعرفه ان لو معاشها 30 الف
الثلثين يعني 20 الف
الله يوفقج اختي ويبارك لج فحلالك

[ولي العهد]

فاتح لي حساب توفير يعني نص الراتب يروح صوب حساب التوفير والنص الثاني اصرف منه ومدلع نفسي ومعيش نفسي ...

[الزعفراني]

يبقى من 30% الى 40 % .. حسب الأزمات اللي تعدي كل شهر :rolleyes2:

[Only Me]

ولا شي
الله يخلي الفيزا

[ودي أكون]

الحمدلله يبقى من راتبي مبلغ وقدره كل شهر ..

لكن خل اتصير لك مناسبه أو شيء .. عادي راتب الشهور كلها اطير مره وحده :tease:

وأخس شيء يوم أيمعها .. ويجيك حد من الأهل محتاج ماتقدر تقوله ماعندي .. :rolleyes2:
مادري كيف يشمون ريحة الفلوس من عندي :tease:

[الزعفراني]

الي يبي راتبة يبقى كلة البديل موجود
يبدل السيارة
ويبدل الوجبات الغذائية كل يوم يتعشى بيض ههههههه

مب زين البيض يجيب الكسترول ههههههههه