اولادنا مفتشلين منا ...

[همر]

-يبه انا بمشي بعيد عنكم...

--ليش يبه ؟!!

-ربعي في المول...

--زين وخير يا طير ؟!!

-مابيهم يشوفوني معاكم ...

-- :omg:





هذا الحوار دار بيني وبين ابني

وبين صديقي وابنه ...

حتى فلتان وعلان بعد عيالهم قالوا لهم هالكلام !


ياترى زعبوط النقعه هذا لي طاف العشر سنوات

ليش يفتشل يمشي مع امه وابوه في الاماكن العامه ؟!!


مع ان ابوك كاشخ يا ابن الـ.... حلال ...

كوبرا ونشا وماركات وسياره كشخه يعني ما يفشل !!!



مالحقتوا على الثوب الاصفر وكشخة الفيل والبيكم الاخضر

يا عيال النيدو وكنا نترزز احذا ابهاتنا ومستانسين فيهم !!!



هل الموضوع سيكولوجي ؟!!

هل هي بداية سن المراهقه والخجل من المشي مع العائله

كالاطفال ؟!!

والاهم من هذا ... هل هي ظاهره صحيه يمر بها جميع

الاولاد ام انها نقطه حرجه في مرحلة نمو الابناء ويجب

الالتفات لها والتعامل معها ؟!!

[أبو راكان]

ههههههههههههه اكيد في شي غلط

[aziz4z]

هههههه , أولاد النيدو
لازم الاب و الام يعودونهم من الصغر يروحون وياهم , و يخليهم يشعرون بالامان و بإعطاء المجال للحديث و إحترام رأيهم

[بومحمد المطاوعه]

جيل الايباد

و

http://1.bp.blogspot.com/-BHksf4dR10k/UeloPOIKiBI/AAAAAAAAO-4/b3N42orc6aU/s320/321e52829948264a2d0b26cd8e7ee91d.jpg

[alsoq]

من التربية طال عمرك
اذا ما قدرت تربي ابنك لا تعمم

[بو الجوري]

مع إنك مزيون وموتر آخر موديل :shy:

[ضوى]

ذكرتني بولدي يوم دخل اول اعدادي ، حلف علي ماجيه المدرسة كنت امر عليه اخذه الظهر ، عادي عنده يتاخر ولا اني اروح له مع انه دوامي قريب مدرسته ، يقولو شيقولون عني الشباب ولد امه :weeping: ، قلت له يا ولد .... الحلال ترا انت صج ولد امك مب كذب يعني مع انه الصراحة والشهادة لله ولدي العود فديته لين ثاني ثانوي امر اخذه لانه ماكانت عندنا الا سيارة واحدة لكن ولا عمره بطل حلجه ، زبوط النقعة اللي تكلم

منطقيا ماشوف فيه اسباب مقنعة انهم يتفشلون منا ، لا نفسية ولا معنوية ، سيارات فارهة كشخة الاباء ، رقي التعامل معاهم يعني مالهم حجة ، اما سيكولوجيا وبسبب عوامل المراهقة فهذا شي ماله اي معنى وكله خرابيط بخرابيط

اشلون نتعامل معاهم مدري بس لازم مانخلي راسهم يكبر شنو يعني يتفشل من امه وابوه شنو ماكانوا ، المفروض يتادب اساسا على هذا الكلام

[عابر سبيل]

-يبه انا بمشي بعيد عنكم...

--ليش يبه ؟!!

-ربعي في المول...

--زين وخير يا طير ؟!!

-مابيهم يشوفوني معاكم ...

-- :omg:





هذا الحوار دار بيني وبين ابني

وبين صديقي وابنه ...

حتى فلتان وعلان بعد عيالهم قالوا لهم هالكلام !


ياترى زعبوط النقعه هذا لي طاف العشر سنوات

ليش يفتشل يمشي مع امه وابوه في الاماكن العامه ؟!!


مع ان ابوك كاشخ يا ابن الـ.... حلال ...

كوبرا ونشا وماركات وسياره كشخه يعني ما يفشل !!!



مالحقتوا على الثوب الاصفر وكشخة الفيل والبيكم الاخضر

يا عيال النيدو وكنا نترزز احذا ابهاتنا ومستانسين فيهم !!!



هل الموضوع سيكولوجي ؟!!

هل هي بداية سن المراهقه والخجل من المشي مع العائله

كالاطفال ؟!!

والاهم من هذا ... هل هي ظاهره صحيه يمر بها جميع

الاولاد ام انها نقطه حرجه في مرحلة نمو الابناء ويجب

الالتفات لها والتعامل معها ؟!!





الولد مب متفشل..
يبلفيت انه يغار..
لا ربعه يشفون "هله"..
الولد صار رجال و انت للحين
مغتش بالصبغ و تحسب نفسك صغير يا همر!
شوف شعر راسك على حقيقته!!!


الا باسئلك..انت..يا همر ابو لود بو همر..
لو شافك رفيجك و انت مع هلك..في المول..
و جاك يبي يسلم عليك..
شبيصير فيك..
و العكس..لو شفت حد من ربعك..مع هله..
بتروح تسلم عليه..بتشوفه..
و لا بتتصدد عنه..

و ليش!!؟؟

[حسن]

ثقافه مجتمع

:)

[Rider]

اول مره اسمع مثل هالكلام كيف ولد يقول حق ابوه هالكلام أظن التربية لها دور

[R 7 A L]

أكيد مايبي يربعة يشوفونه ويقولون للحين بزر
والدليل امه وابوه معه


لاتشيل هم يا همر
في هالحالة ازبن أقرب كوفي وأخذ لك زاوية تسترخي فيها مع كوب قهوة ساخن

[ضوى]

الولد مب متفشل..
يبلفيت انه يغار..
لا ربعه يشفون "هله"..
الولد صار رجال و انت للحين
مغتش بالصبغ و تحسب نفسك صغير يا همر!
شوف شعر راسك على حقيقته!!!


الا باسئلك..انت..يا همر ابو لود بو همر..
لو شافك رفيجك و انت مع هلك..في المول..
و جاك يبي يسلم عليك..
شبيصير فيك..
و العكس..لو شفت حد من ربعك..مع هله..
بتروح تسلم عليه..بتشوفه..
و لا بتتصدد عنه..

و ليش!!؟؟

صح هذا الكلام اللي ابي اوصل له

[همر]

ههههههههههههه اكيد في شي غلط


الحمدلله اني مب بروحي ولا كنت باشك في نفسي ...

[العنيده]

اعتقد يمكن ربعه عطوه احساس انهم بروحهم وكبار ولو جا مع هله بيكون الصغير فيهم ..
التعود من الصغر انه يروح مع ابوه كل مكان وبنفس الوقت تاثير ربعه وتربيتهم .. في اهل يخلون عيالهم من 10 سنين في المجمعات انهم خلاص كبروا تلاقونهم سنافر الله يحفظهم وبروحهم

جيل تغيرت افكارهم وصاروا يقارنون لما يشوفون الغير ..

[بو خليفه 123]

هذي مشكله تواجه الأمهات و تحديداً بالمدارس .. بعد الوصول الى مرحله دراسيه معيّنه يطلب من الأم عدم حضورها .. ربما يتقبل الأب .. و ذلك لأنه منقود بين ربعه
بالنسبه لي اراها بداية استقلال بالشخصيه و قد ينمي شخصيته القياديه . قد اوافق و لكن بشروطي الخاصه و مراقبتي للوضع و تدخلي بشكل غير مباشر او مباشر اذا لزم الامر .

اما انه يفتشل منك و من كشختك بالمجمع .. اكيد كوبرتك تفشل يا همر

[همر]

هههههه , أولاد النيدو
لازم الاب و الام يعودونهم من الصغر يروحون وياهم , و يخليهم يشعرون بالامان و بإعطاء المجال للحديث و إحترام رأيهم


عيالي يطلعون معاي بس الكبير قام يحس انه اكبر من انه يمشي

مع ابوه ... انه صار رجال يعني ...

[العلياا]

انا اشوفه شي مب طبيعي انه يستحي من ابوه
وطبيعي اذا يستحي من امه

بشكل عام اشوف ان الفكرة اللي براسهم يخافون بكرا لي راحوا المدرسة ربعه يتطنزون عليه يقولون له شوف فلان ما يخلونه يطلع الا مع اهله توه بزر
بينما الطفل اذا طلع مع ربعه بروحهم تحسه يمشي وهو مستانس

وهذا والعلم عند الله :)

[عثرة جواد]

عجبني موضوعك
انا والدي عنده مجلس الامهات قديما الحين مجلس اولياء الامور هههه
قالي يمه لاتين .قلت له ليش ؟قال ربعي بيشوفونج واكيد ابوهم بيكون موجود
قعداشوي مع نفسي وقلت الغلط ف والدي ولا ف عاداتنا الي ربت ابنائنا ع ان النساء عارحتى اسمهاعيب يطلع
ناقشت ولدي وسالته شنواسم ام المؤمنين ؟ وشنواسم بعض الصحابيات ؟ وزوجة فرعون ؟ وبعدها سالته اشلون عرفانا اسمائهم وهم نساء
ضحك والدي وقال بس ربعي بيعايروني.. قلت له اسالهم عن اسماء مدرساتهم والمديره ولاداره وفهم ربعك ان النساء هم فخرلك ولغيرك ومب عار نستحي منه
الحمدلله الذي قال >>انما يخشاء الله من عباده العلماء <<لان العلم نور

[همر]

جيل الايباد

و

http://1.bp.blogspot.com/-BHksf4dR10k/UeloPOIKiBI/AAAAAAAAO-4/b3N42orc6aU/s320/321e52829948264a2d0b26cd8e7ee91d.jpg


تهقى لو شريت كورفت بيتغير الوضع يا بومحمد ؟!!

[بوحارب]

عادي ياريال يكبرون ويتعلمون:)

[همر]

مع إنك مزيون وموتر آخر موديل :shy:


شفت يا بو الجوري ... وش ذنبي اذا الله خلقني جميل :(

[همر]

ذكرتني بولدي يوم دخل اول اعدادي ، حلف علي ماجيه المدرسة كنت امر عليه اخذه الظهر ، عادي عنده يتاخر ولا اني اروح له مع انه دوامي قريب مدرسته ، يقولو شيقولون عني الشباب ولد امه :weeping: ، قلت له يا ولد .... الحلال ترا انت صج ولد امك مب كذب يعني مع انه الصراحة والشهادة لله ولدي العود فديته لين ثاني ثانوي امر اخذه لانه ماكانت عندنا الا سيارة واحدة لكن ولا عمره بطل حلجه ، زبوط النقعة اللي تكلم

منطقيا ماشوف فيه اسباب مقنعة انهم يتفشلون منا ، لا نفسية ولا معنوية ، سيارات فارهة كشخة الاباء ، رقي التعامل معاهم يعني مالهم حجة ، اما سيكولوجيا وبسبب عوامل المراهقة فهذا شي ماله اي معنى وكله خرابيط بخرابيط

اشلون نتعامل معاهم مدري بس لازم مانخلي راسهم يكبر شنو يعني يتفشل من امه وابوه شنو ماكانوا ، المفروض يتادب اساسا على هذا الكلام



شكراً لج اصبتي مرارة الموضوع...

فعلاً عيال قبل كانوا غير .. غير الجيل الحالي

اللي كبر راسه وفي حالة امه بالذات توصله المدرسه

مايرضى ... اهون عليه يغيب ولا يتأخر ولا توصله امه...


يعني انتي تشوفينه تصرف غير سوي ويحتاج تقويم ...

ومنكم نستفيد...

[تأملات]

همر فكرت أرد عليك لقيت الرد صعب عشان ما اظلم ولدك لازم أشوف صورتك وانت كاشخ

[حمد بن خالد]

مافي اي شي في الموضوع

الموضوع ومافيه انه يبي يطلع انه رجال قدام ربعه وبروحه مب مع هله كأنه طفل

عادي

لاتاخذون الامور بحساسية

بالعكس ,, خله يمشي بروحه وياخذ راحته ماعتقد فيها شي

وشكراً

[Aaziz]

الجواب بتلقاه في قعده ولدك مع ربعه
اكيد عندهم معايير معينه تخلي مشيهم مع اهلهم يحطهم في موقف حرج
الله يصلحة

[همر]

الولد مب متفشل..
يبلفيت انه يغار..
لا ربعه يشفون "هله"..
الولد صار رجال و انت للحين
مغتش بالصبغ و تحسب نفسك صغير يا همر!
شوف شعر راسك على حقيقته!!!


الا باسئلك..انت..يا همر ابو لود بو همر..
لو شافك رفيجك و انت مع هلك..في المول..
و جاك يبي يسلم عليك..
شبيصير فيك..
و العكس..لو شفت حد من ربعك..مع هله..
بتروح تسلم عليه..بتشوفه..
و لا بتتصدد عنه..

و ليش!!؟؟



ركبتني رصيف الله يهداك اخوي عابر !

اولا انا توني شباب في منتصف العمر

اي شعر ابيض ؟!! :omg:

وبعدين المدام تنزل المول بنقابها وعبايه

وسيعه وسودا وماعندنا خرابيط كعب وسوالف

بوعلي والذي منه ... ولولا روحة اليهال الملاهي

في المولات ولا مانروحها اصلاً ... يعني الولد يغار

اكثر من ابوه على شنو ؟!! امه في كامل حشمتها !!!

واذا شفت رفيجي مع هله اسوي نفسي ماشوفه

منعاً للاحراج .. الا اذا سلم اسلم ..

بس اش دخل هذا في هذا ؟!!

[شيخ الديرة]

الحمدلله اني مب بروحي ولا كنت باشك في نفسي ...



ضيفني على القائمة وأنا أخوك, اللي صار معك بالمول صار عندي بالمدرسة بيوم الأب :eek5: , وأسبوع وهم يأكدون علي أن لا أنسى وأجي للمدرسة

أعتقد أن أحنا مكبرين الموضوع, هم قصدهم شي واحنا نفهمها شي ثاني

[همر]

ثقافه مجتمع

:)


اي ثقافه يا بوعلي ؟!!

ادلو بدلوك اشفيك صايم عن الكلام هالايام ؟!! :(

[حسن]

اي ثقافه يا بوعلي ؟!!

ادلو بدلوك اشفيك صايم عن الكلام هالايام ؟!! :(




خير الكلام ماقل ودل

يمكن انك دب

:)

[همر]

أكيد مايبي يربعة يشوفونه ويقولون للحين بزر
والدليل امه وابوه معه


لاتشيل هم يا همر
في هالحالة ازبن أقرب كوفي وأخذ لك زاوية تسترخي فيها مع كوب قهوة ساخن


مالي في كوفيات المجمعات يا رحال ولا اتخيل شكلي

يوم من الايام مثل الشياب اللي مترززين في الكوفيات !!!

[همر]

اعتقد يمكن ربعه عطوه احساس انهم بروحهم وكبار ولو جا مع هله بيكون الصغير فيهم ..
التعود من الصغر انه يروح مع ابوه كل مكان وبنفس الوقت تاثير ربعه وتربيتهم .. في اهل يخلون عيالهم من 10 سنين في المجمعات انهم خلاص كبروا تلاقونهم سنافر الله يحفظهم وبروحهم

جيل تغيرت افكارهم وصاروا يقارنون لما يشوفون الغير ..



زين اذا الناس هادين عيالهم في السكيك اهد عيالي انا بعد ؟!!

هل يعتبرون رفقاء سوء يعني عشان تفكيرهم بهالطريقه ؟!!

[العلم]

همر فكرت أرد عليك لقيت الرد صعب عشان ما اظلم ولدك لازم أشوف صورتك وانت كاشخ



هالرد ضحكني كثيرا .. :nop::nop:


همر الولد كم عمره ؟ .. عشان نحدد السبب

[همر]

هذي مشكله تواجه الأمهات و تحديداً بالمدارس .. بعد الوصول الى مرحله دراسيه معيّنه يطلب من الأم عدم حضورها .. ربما يتقبل الأب .. و ذلك لأنه منقود بين ربعه
بالنسبه لي اراها بداية استقلال بالشخصيه و قد ينمي شخصيته القياديه . قد اوافق و لكن بشروطي الخاصه و مراقبتي للوضع و تدخلي بشكل غير مباشر او مباشر اذا لزم الامر .

اما انه يفتشل منك و من كشختك بالمجمع .. اكيد كوبرتك تفشل يا همر



هههههههه غربل بليسك ... انا ماقلت يفتشل من كشختي !!

يعني الحين من يمشي مبهذل ؟!! تشوف كل الناس كشيخه

شباب وشياب ...

[عابر سبيل]

هههه..الهمر ما يضره الرصيف!







واذا شفت رفيجي مع هله اسوي نفسي ماشوفه

منعاً للاحراج .. الا اذا سلم اسلم ..

بس اش دخل هذا في هذا ؟!!


The same root!!

[همر]

انا اشوفه شي مب طبيعي انه يستحي من ابوه
وطبيعي اذا يستحي من امه

بشكل عام اشوف ان الفكرة اللي براسهم يخافون بكرا لي راحوا المدرسة ربعه يتطنزون عليه يقولون له شوف فلان ما يخلونه يطلع الا مع اهله توه بزر
بينما الطفل اذا طلع مع ربعه بروحهم تحسه يمشي وهو مستانس

وهذا والعلم عند الله :)



انا اقول شزيه برضو بس هل هذا الوضع طبيعي ولا يحتاج عكاشه ؟!!

[همر]

انا اشوفه شي مب طبيعي انه يستحي من ابوه
وطبيعي اذا يستحي من امه

بشكل عام اشوف ان الفكرة اللي براسهم يخافون بكرا لي راحوا المدرسة ربعه يتطنزون عليه يقولون له شوف فلان ما يخلونه يطلع الا مع اهله توه بزر
بينما الطفل اذا طلع مع ربعه بروحهم تحسه يمشي وهو مستانس

وهذا والعلم عند الله :)



انا اقول شزيه برضو بس هل هذا الوضع طبيعي ولا يحتاج عكاشه ؟!!

[ANONYMOUS]

مافيها شي

لو لحالك بدون امه.. بيكشخ فيك

بس مع الام .. تدري .. مثل اي شخص سوي في الدنيا مايحب حد يشوف هله ( ام - اخوات ... الخ ) وخصوصا في سن الشباب ..

حتى ولو كانت في قمة الاحتشام .. مادري شسميها هذي غيره .. حميّه .. ستر .. whatever


والكل اعتقد مر بهالمرحله.. بس الحين مع هالعمر غير.. الواحد وده يشل امه فوق راسه ويوديها كل مكان

بس تضل النزعه هذي موجوده من ناحية زوجته خواته وبناته

[MAZEN37]

الحين الولد ينصب على ابوه طال عمرك تقولي متفشل يمشي معاه

[العنيده]

زين اذا الناس هادين عيالهم في السكيك اهد عيالي انا بعد ؟!!

هل يعتبرون رفقاء سوء يعني عشان تفكيرهم بهالطريقه ؟!!







لا مب رفقاء سوء بس شي تربوا عليه او تعلموا انهم قد المسئوليه تعرف هالسن يحبون يتباهون باللي عندهم و ممكن ياثرون على بعض ..
والله يبلغك فيه خير ان شاء الله ..

[w.qatar]

مره خذيت اخواني و رحت اعشيهم بمول المهم كان فيه كذا طاوله كلها يهال صغار يمكن اكبرهم اول اعدادي من الجالية الهنديه
عاد اخوي الصغير بخامس قاعد يقول لي شوفي جايين بروحهم ومتخرع الولد حسيت يقول في خاطره ليش اهلنا ما يخلونا نطلع بروحنا مثلهم :eek5:
و الثاني بس خط الشنب كبر راسه يقول لا تمشون وياي بيشوفونكم ربعي

[دااانة قطر]

مره خذيت اخواني و رحت اعشيهم بمول المهم كان فيه كذا طاوله كلها يهال صغار يمكن اكبرهم اول اعدادي من الجالية الهنديه
عاد اخوي الصغير بخامس قاعد يقول لي شوفي جايين بروحهم ومتخرع الولد حسيت يقول في خاطره ليش اهلنا ما يخلونا نطلع بروحنا مثلهم :eek5:
و الثاني بس خط الشنب كبر راسه يقول لا تمشون وياي بيشوفونكم ربعي



هذي سمعتها مرة وحده وقلت لهم اذا النااس ماتفتكر في عياالها انا مب مثلهم ولا علي منهم
والحمدلله هم مايفتشلون مني ولا شي بس يبون شوية حرية نفس هالبناات وانا اعطيهم مجااال بس اكون ورااهم او قريبة منهم بس ان يقولون لي نزلينا وروحي ولا لاتجين مب احسن لهم






بس بذكر لكم حااله مرت على بنتي كنا في مول من المولاات وخليت بنتي مع صديقاتها في مايا وافتريت على كم محل المهم واحنا رادين البيت الا تقول بنتي شفتي فلااانه اتصلت عليها امها قالت لها وينج انا قريب قااامت عطها اسم محل في الجهه الثاانيه وشخطت طبعا بنتي وكم وحده استغربوا الا وحده منهم تقول اصلا هي ماتحب احد يشوف امها كااشخه اوفر:eek5: وبس

[بانغ بانغ]

ثقافة الأفلام والمسلسلات والايباد

لازم نعطي الولد ثقة بس بحدود

يمكن الولد تعقد من اهواشك له جدام ربعه

الله يرحم ايام قبل ابهاتنا مساكين على قد حالهم وكنا نتباهى بالمشي معاهم

الحين اذا ما كان الايفون او الايباد معاه والله ما يطلع

والله صادق اعيال النيدو والحفاظات والدلع

هذول لازم اعقال امنقع في ماي وملح ايربيهم

سوووري ما أقصدك همر

[الدوحي7]

بعض الابناء فيه غيره ،، يعني مايرضى يمشي معا امه ،وامه كاشفه او اخته لابسه بنطلون و و،، يعطيك العافيه على الموضوع،،،

[aziz4z]

مره خذيت اخواني و رحت اعشيهم بمول المهم كان فيه كذا طاوله كلها يهال صغار يمكن اكبرهم اول اعدادي من الجالية الهنديه
عاد اخوي الصغير بخامس قاعد يقول لي شوفي جايين بروحهم ومتخرع الولد حسيت يقول في خاطره ليش اهلنا ما يخلونا نطلع بروحنا مثلهم :eek5:
و الثاني بس خط الشنب كبر راسه يقول لا تمشون وياي بيشوفونكم ربعي

هههههه, ترى في أولاد وايد من هالنوعية , يبون يسوون نفسهم أنهم كبار , كل مرة و أنا رايح الصلاة أشوف بزر مشغل سيارة أبوه و يسوي حركات أنه يعرف يسوق

[همر]

عجبني موضوعك
انا والدي عنده مجلس الامهات قديما الحين مجلس اولياء الامور هههه
قالي يمه لاتين .قلت له ليش ؟قال ربعي بيشوفونج واكيد ابوهم بيكون موجود
قعداشوي مع نفسي وقلت الغلط ف والدي ولا ف عاداتنا الي ربت ابنائنا ع ان النساء عارحتى اسمهاعيب يطلع
ناقشت ولدي وسالته شنواسم ام المؤمنين ؟ وشنواسم بعض الصحابيات ؟ وزوجة فرعون ؟ وبعدها سالته اشلون عرفانا اسمائهم وهم نساء
ضحك والدي وقال بس ربعي بيعايروني.. قلت له اسالهم عن اسماء مدرساتهم والمديره ولاداره وفهم ربعك ان النساء هم فخرلك ولغيرك ومب عار نستحي منه
الحمدلله الذي قال >>انما يخشاء الله من عباده العلماء <<لان العلم نور



يعني اشوفه حلو يغار على امه اذا ابوه مش موجود...

[همر]

عادي ياريال يكبرون ويتعلمون:)


مانبي تطلع فيهم عقد يابوحارب...

[Dmy Enabi]

-يبه انا بمشي بعيد عنكم...

--ليش يبه ؟!!

-ربعي في المول...

--زين وخير يا طير ؟!!

-مابيهم يشوفوني معاكم ...

-- :omg:





هذا الحوار دار بيني وبين ابني

وبين صديقي وابنه ...

حتى فلتان وعلان بعد عيالهم قالوا لهم هالكلام !


ياترى زعبوط النقعه هذا لي طاف العشر سنوات

ليش يفتشل يمشي مع امه وابوه في الاماكن العامه ؟!!


مع ان ابوك كاشخ يا ابن الـ.... حلال ...

كوبرا ونشا وماركات وسياره كشخه يعني ما يفشل !!!



مالحقتوا على الثوب الاصفر وكشخة الفيل والبيكم الاخضر

يا عيال النيدو وكنا نترزز احذا ابهاتنا ومستانسين فيهم !!!



هل الموضوع سيكولوجي ؟!!

هل هي بداية سن المراهقه والخجل من المشي مع العائله

كالاطفال ؟!!

والاهم من هذا ... هل هي ظاهره صحيه يمر بها جميع

الاولاد ام انها نقطه حرجه في مرحلة نمو الابناء ويجب

الالتفات لها والتعامل معها ؟!!



حبيت الموضوع همر
أتفق معاك مية في المية
ليش عاد معليه اسمحوا لي الأب المسؤول الأول وبعده الأصدقاء
لأن الولد يقلد أبوه يجوف أبوه يغار على أمه وممكن أحيانا يكون متشدد بزيادة ،وأحيانا في سلوكيات نمارسها كآباء ومانعرف تبعاتها يعني مثلا تلقى الاب يقول جوف إختك شلابسه ولاجوف أمك ولأ يقوله ترضى إختك تطلع جذيه وتحمل حد يعرف اسم هلك ويحسسه كأن المرأة عار مثل هالامور تزرع في الولد بطريقة غير مباشرة إن الجنس الأنثوى عار يجب ألا احد يعرف عنه شي ولايراه وووو
بعدين نجي لدور الأصدقاء لأنهم يقعدون يعايرون بعض جفت أمك وعرفت اسم أمك وجفت إختك وهلم جراااا
لو الأب من البداية افتخر بزوجته وبناته صعب الولد يطلع غير الولد في الغالب يقلد أبوه
دمتم برقي

[طلعة الروح]

الموضوع اشوفه طبيعي في فترة المراهقه، يعني مرده يعقل ويفتخر بأهله.

[marsa]

والله من فترة حبيت أتزل نفس موضوعك وخفت من الهجوم ههههههه

في نظري أن المراهق راسم نفسه في عيون ربعه تصور مختلف فأنت بتجي وبتعامله إنه صغير ووصي عليه.

[بومحمد المطاوعه]

تهقى لو شريت كورفت بيتغير الوضع يا بومحمد ؟!!


هههههههههههههه

الا بيدمر زياده مدام ماعنده ثقافه المجتمع

ويضن ان الأب فشيله

هذي مشكله

[فلتة زمانها]

حلوه كشخة الفيل هاهاهاهاهاهاها

[همر]

همر فكرت أرد عليك لقيت الرد صعب عشان ما اظلم ولدك لازم أشوف صورتك وانت كاشخ


اسأل بو الجوري :shy:

[همر]

مافي اي شي في الموضوع

الموضوع ومافيه انه يبي يطلع انه رجال قدام ربعه وبروحه مب مع هله كأنه طفل

عادي

لاتاخذون الامور بحساسية

بالعكس ,, خله يمشي بروحه وياخذ راحته ماعتقد فيها شي

وشكراً



بالعكس انا ما اجبر ولدي على شي

بس معلمه ان في منطق لكل تصرف

يعني يبي يمشي بروحه معليه بس ليش ؟!

اقنعني او اقنعك ... في حوار بيننا...

ومع ذلك في اشياء يتكتمون عليها وماتفهم

من وين جات !!!

اذا يبي يبرز رجولته مب مشكله ...

اهم شي مب اشكالنا اللي تفشل :shy:

[همر]

ضيفني على القائمة وأنا أخوك, اللي صار معك بالمول صار عندي بالمدرسة بيوم الأب :eek5: , وأسبوع وهم يأكدون علي أن لا أنسى وأجي للمدرسة

أعتقد أن أحنا مكبرين الموضوع, هم قصدهم شي واحنا نفهمها شي ثاني



مجلس اباء بعد من يبي يحضر ؟!! رفيجه ؟!!! :omg:

[همر]

خير الكلام ماقل ودل

يمكن انك دب

:)



دب عاد ؟!! زين ماقلت بوتمبه !!! :waiting:

لا انت يبيلك عكاشه 2002 ...

[همر]

هالرد ضحكني كثيرا .. :nop::nop:


همر الولد كم عمره ؟ .. عشان نحدد السبب


واحد وواحدين

يعني 11

[أم محمد 90]

تربية الشباب أمر متعب جداً ,,

[مختلفة عقليا]

السلام عليكم .,

ما يفشل الا تصرفاتهم الغبيه .,

ما اتخيل حد يقولي جييه .,

اتوقع ان المراهق ما يبي الشباب يشوفونك معاه .,

لان بيقولون له ياهل ., ولحين اتيي مع هلك ., هاي لانك ابوه (( ذكر )) .,

بس لو هله (( حريم )) ., حتي لو عمره 100 يستحي منهم ., ماعرف ليش ., مرض مجتمعي .,

ويسلموو .,

[أم محمد 90]

السلام عليكم .,

ما يفشل الا تصرفاتهم الغبيه .,

ما اتخيل حد يقولي جييه .,

اتوقع ان المراهق ما يبي الشباب يشوفونك معاه .,

لان بيقولون له ياهل ., ولحين اتيي مع هلك ., هاي لانك ابوه (( ذكر )) .,

بس لو هله (( حريم )) ., حتي لو عمره 100 يستحي منهم ., ماعرف ليش ., مرض مجتمعي .,

ويسلموو .,

مايستحي يا مختلفة يغار , يغار ,,,
عاد انتي خذي وخلي

[مختلفة عقليا]

مايستحي يا متخلفة يغار , يغار ,,,
عاد انتي خذي وخلي

هلا .,

مختلفة ., :anger1:

لا مو غيره ., هاي شي غلط اللي يصير .,

الغيره شي ., والمرض المجتمعي شي ثاني .,

علي كلامج الرسول والصحابة مافيهم غيره ., ؟؟!!

ويسلموو .,

[رRاAدDاAرR]

آنا باقولك اشله الولد متفشل :shy:

اتحصله قاص على ربعه وقايل لهم أبوي معضل ويلعب حديد :omg:

فماحب يطلع لي راعي صواريخ قدام ربعه خصوصا إن إبوه مكرش ويلعب كيرم :tease:

[أم محمد 90]

هلا .,

مختلفة ., :anger1:

لا مو غيره ., هاي شي غلط اللي يصير .,

الغيره شي ., والمرض المجتمعي شي ثاني .,

علي كلامج الرسول والصحابة مافيهم غيره ., ؟؟!!

ويسلموو .,

سوري والله غلطة مطبعية
ربي يشهد علي

:weeping:

[مختلفة عقليا]

سوري والله غلطة مطبعية
ربي يشهد علي

:weeping:


هلا .,

مسموحه يالغاليه ., :victory:

[بصمة قطرية]

آنا باقولك اشله الولد متفشل :shy:

اتحصله قاص على ربعه وقايل لهم أبوي معضل ويلعب حديد :omg:

فماحب يطلع لي راعي صواريخ قدام ربعه خصوصا إن إبوه مكرش ويلعب كيرم :tease:





:funny::funny:

[marsa]

آنا باقولك اشله الولد متفشل :shy:

اتحصله قاص على ربعه وقايل لهم أبوي معضل ويلعب حديد :omg:

فماحب يطلع لي راعي صواريخ قدام ربعه خصوصا إن إبوه مكرش ويلعب كيرم :tease:






ههههههههههه

مرة شفت مسلسل في ديزني اسمه الفسحة وكانت الحلقة عن بنت تفتشل من أمها وأبوها إنهم مخبريين سريين وأثبتوا لها إنهم مب جذي وكانت تفتشل منهم جدام شلتها وحتى في مشاهد يفتشلون إذا الأم أو الأب يحضنونهم أو يقبلونهم جدام ريعهم على أساس إنهم كبروا .

[بصمة قطرية]

تربية الشباب أمر متعب جداً ,,
اي والله .. :weeping:
قبل كانوا مصدقين ان عندي الحزام الأسود
الحين كبروا خلاص ما ينقص عليهم .. :(


مستر همر ..
جابل المنظرة الحين و شوف كم خطأ بتحصل
إذا تعديت الخمسة
أنصحك ما تطلع من البيت .. :tease:

[musel999]

مرحلة وبيعديها اهم شي لا تعانده سايسه

اعرف واحد من الشباب كان كذا واذا ابوه اتصل له يروح يكلمه بزاويه
طبعا نصحته ونقدت عليه اكثر من مرة واللحين حمدالله تغير
هو وصل مرحلة مايبي ربعه يقولون ان صغير وانه ابوه للحين يهتم فيه وانه كبر ويروح ويجي بروحه

[ريم الشمال]

اعتقد الوضع غير طبيعي وهذا يتطلب منك شيئين
أولا : تجلس مع ابنك وتناقش معه في هذا الأمر ولا تمرره مرور الكرام بحيث يكون كلام بلمنطق ومن ردودك أن فيه حوار بينك وبين ابنك وهذا شيء جيد لذلك اكمل هذا الحوار بالأستفسار وإذا كانت مبرارات غير مقنعه اسكت في الوقت الحالي .
ثانياً : لابد من التعرف على اصدقاء ابنك أو ربعه سواء في المدرسة أو المحيط المنزلي ومن الخطاء الابتعاد عن التعرف عليهم لأن هناك قاعدة معروفة
قال رسول الله صلى الله عليه وسلم ( المرء على دين خليله فلينظر أحدكم من يخالل ) وقيل أيضاً : ( قل لي من تصاحب أقل لك من انت )
لكي تتعرف على السبب ومن خلاله سوف تعرف لماذا ؟ وكيفية تدارك الأمر إذا فيه شيء خطأ .

[دايموند]

يعني الرجوله بنظركم ان مايمشي مع اهله !!!!!!!!!!!!


بصراحه لا تعليق

[تاجر كشخة]

مع احترامي لك الغلط منك لانك عطيته من الحرية ليتجرئ عليك لو مكانك كنت خليت الخيزران تاكل من ظهره اخليه يزحف على بطنة

[marsa]

مع احترامي لك الغلط منك لانك عطيته من الحرية ليتجرئ عليك لو مكانك كنت خليت الخيزران تاكل من ظهره اخليه يزحف على بطنة


ليش التعامل مع المراهق بهالقسوة ؟!

هو ما عنده إحساس ؟ ولا الضرب شي سهل عندكم ؟ باجر بيتعقد وبيعق أبوه لي كبر .

المراهق يحتاج معاملة خاصة وأهم شي ما نقلل من قيمته . عيل وش تعلمتوا من السنة النبوية

[حمد 2002]

عادي شالمشكله ؟

[بوخالد911]

عن نفسي ولا واجهت هالموضوع ويه ولدي خالد

[تغلبية]

اممممم ....

طيب .. ومنحرج ... حتى لو يحس انه رجال وهذي أزمة يمر فيها المراهقين ..

أعتقد انه لازم يعرف "قيمتك" كأب ويفتخر فيك بين ربعه ..

عاد يفتخر باسمك والا شكلك والا منصبك .... اللي يكون !


ترا أغلب العيال عندهم جهل بمكانة ومزايا والديهم بين الناس ...




اذكر سالت عيال اختي .. لما سافرت امهم .... عن مزايا أمهم وشنو اللي يشوفونه فيها يخليهم يفتخرون بها ... وهم ميتين عليها كأم وعيال وبس

انصدمت انهم مب عارفين مزايا امهم كأم .. ومكانتها اللي يشوفونها الأهل والناس فيها !



لذلك .. أعتقد إن من حقكم عليهم كوالدين "يقدسونكم" ويسبحون بحمدكم (تعبير مجازي) عقب تسبيحهم لرب العالمين

لأن اللي تسوونه لهم مب شوي !

[معماري قطري]

ضحكني مره ولدي .. كان 11 تقريباً وكنت داخل مجمع واسولف معاه ما خذت الا يضغط على يدي ويقول بالعدال اسكت فضحتنا الناس يسمعونك .. كنت اسولف عن أَشياء خاصة لكن تافهة .. ويسمعون عادي بس العيال دوم حساسين ويركزون على نظرة الناس.

[المحاميه]

ظاهره صحيه

اعتقد السبب ان هو كبير يعني وعيب يطلع مع ولي امره يعني هو ولي نفسه والمفروض من وجهة نظرهم ان له الحريه ويطلع بكيفه
يمكن يخاف ربعه يعيبون عليه ان اشفيك طالع مع هلك تخاف تضيع ولا شنو الخ

[معماري قطري]

ظاهره صحيه

اعتقد السبب ان هو كبير يعني وعيب يطلع مع ولي امره يعني هو ولي نفسه والمفروض من وجهة نظرهم ان له الحريه ويطلع بكيفه
يمكن يخاف ربعه يعيبون عليه ان اشفيك طالع مع هلك تخاف تضيع ولا شنو الخ

ولدي مره اشتكى لي من هالنقطة وشرحت له بأَن من يخدم هله فهو الرجل الحقيقي

لازم ما يهتم من كلام ربعه ويطلع يساعد امه ويكون محرم لخواته وفهمته هالشيء .. لأَن لو تعلمه من الصغر وتربى عليه ينفع نفسه وهله .. وذكرته بسيرة الرسول صلى الله عليه وسلم وكيف اشتغل صغير وتعلم في البادية ورعى الغنم صغير وتاجر .. من خلال شغلي عرفت إِن فيه ناس خصوصاً الباكستانيين وباقي الآسيويين يطبقون هذي التعاليم مع عيالهم .. فيكون الواحد متوجه من الصغر ليكون بناي ويتخصص في شغلة معينة من يستوي شاب في البناء .. غيره يتعلم الزراعة .. القوانين الوضعية اللي تجينا من الخارج ما تنفعنا كحماية الطفل وغيرها.

[المحاميه]

بحكم سنه ومعتقداته فالوقت الحالي مهما قلتله خصوصا لو بداخله مب مقتنع ف ماراح يطبق
المشكله ف هالعمر السائد حوله هو الغالب من كلام ربعه الخ
مرحله وتعدي

[كيلو حديد]

حركات مراهقين

[بصمة قطرية]

لو الولد قال هالشي لأمه عادي و لا ..؟؟
يعني لو إستحى يطلع مع أمه
ما يبي ربعه يشوفون إمه معاه ..
بغض النظر الأم كاشفة و لا متغطية ..!

[همر]

مافيها شي

لو لحالك بدون امه.. بيكشخ فيك

بس مع الام .. تدري .. مثل اي شخص سوي في الدنيا مايحب حد يشوف هله ( ام - اخوات ... الخ ) وخصوصا في سن الشباب ..

حتى ولو كانت في قمة الاحتشام .. مادري شسميها هذي غيره .. حميّه .. ستر .. whatever


والكل اعتقد مر بهالمرحله.. بس الحين مع هالعمر غير.. الواحد وده يشل امه فوق راسه ويوديها كل مكان

بس تضل النزعه هذي موجوده من ناحية زوجته خواته وبناته



مهم جداً الواحد يعرف نوع احساس المراهق

مثل ماقلت غيره حميه ستر عشان يصحح له

المفاهيم ... يعني ماتبي الولد يفهم الغيره غلط

او الستر او او ... الموضوع تأثيره مب علي انا ترى ...

الموضوع تأثيره على الولد لي كبر وتزوج وهذي

هي نقطتي الرئيسيه .. بناء رجل سوي ...

اهم شي يكون سوي عقلياً ونفسياً وبعدها

ماعليه خوف بإذن الله...

[همر]

ثقافة الأفلام والمسلسلات والايباد

لازم نعطي الولد ثقة بس بحدود

يمكن الولد تعقد من اهواشك له جدام ربعه

الله يرحم ايام قبل ابهاتنا مساكين على قد حالهم وكنا نتباهى بالمشي معاهم

الحين اذا ما كان الايفون او الايباد معاه والله ما يطلع

والله صادق اعيال النيدو والحفاظات والدلع

هذول لازم اعقال امنقع في ماي وملح ايربيهم

سوووري ما أقصدك همر



بالعكس عمري ماهاوشته قدام ربعه

احسه حتى ينحرج يوم بس اناديه وهو برع

البيت قاعد مع عيال الفريج ...

ماعندي تفسير واضح لهالحساسيه الزايده...

[ANONYMOUS]

مهم جداً الواحد يعرف نوع احساس المراهق

مثل ماقلت غيره حميه ستر عشان يصحح له

المفاهيم ... يعني ماتبي الولد يفهم الغيره غلط

او الستر او او ... الموضوع تأثيره مب علي انا ترى ...

الموضوع تأثيره على الولد لي كبر وتزوج وهذي

هي نقطتي الرئيسيه .. بناء رجل سوي ...

اهم شي يكون سوي عقلياً ونفسياً وبعدها

ماعليه خوف بإذن الله...



قلنا لك لاتقلق ..

مفاهيمه صح ولا تخرب الولد

بالعكس لازم تنمي الغيره فيه ..

لان الوضع الحالي ومما نراه ان الغيره في انحدار ..

والله يوفقنا واياكم

[ولي العهد]

يتفشل من ابوه غلط اما يتفشل من امة صح ولكن يتفشل من امه من باب الغيره ومن باب المرجلة السنع ولا من متى الام اتروح حق ولدها للمدرسة وهو في الثانويه ؟؟ متى بتنزرع فيهم المرجله والغيره ؟؟ وفي الاخير من شب على شي شاب عليه .

[همر]

حبيت الموضوع همر
أتفق معاك مية في المية
ليش عاد معليه اسمحوا لي الأب المسؤول الأول وبعده الأصدقاء
لأن الولد يقلد أبوه يجوف أبوه يغار على أمه وممكن أحيانا يكون متشدد بزيادة ،وأحيانا في سلوكيات نمارسها كآباء ومانعرف تبعاتها يعني مثلا تلقى الاب يقول جوف إختك شلابسه ولاجوف أمك ولأ يقوله ترضى إختك تطلع جذيه وتحمل حد يعرف اسم هلك ويحسسه كأن المرأة عار مثل هالامور تزرع في الولد بطريقة غير مباشرة إن الجنس الأنثوى عار يجب ألا احد يعرف عنه شي ولايراه وووو
بعدين نجي لدور الأصدقاء لأنهم يقعدون يعايرون بعض جفت أمك وعرفت اسم أمك وجفت إختك وهلم جراااا
لو الأب من البداية افتخر بزوجته وبناته صعب الولد يطلع غير الولد في الغالب يقلد أبوه
دمتم برقي



لا بالغتي وظلمتي الاب الحنون :(

اعتقد انها افكار خارجيه هندرد البرسنت

يعني امه ماتطلع الا مع ابوه

وتمشي احذاه .. مب وراه ... ولا قدامه ...

لان هذي كلها مسجات يستقبلها الابناء ...

فالمفروض يتأثر بهالنقطه ...

ويقلد ابوه ... لكن هو يسوي عكس اللي يشوفه !

[همر]

آنا باقولك اشله الولد متفشل :shy:

اتحصله قاص على ربعه وقايل لهم أبوي معضل ويلعب حديد :omg:

فماحب يطلع لي راعي صواريخ قدام ربعه خصوصا إن إبوه مكرش ويلعب كيرم :tease:







شلينا الكرشه الظاهر المشكله في الكيرم :con2::court::court::court:

[همر]

مرحلة وبيعديها اهم شي لا تعانده سايسه

اعرف واحد من الشباب كان كذا واذا ابوه اتصل له يروح يكلمه بزاويه
طبعا نصحته ونقدت عليه اكثر من مرة واللحين حمدالله تغير
هو وصل مرحلة مايبي ربعه يقولون ان صغير وانه ابوه للحين يهتم فيه وانه كبر ويروح ويجي بروحه


بالضبط موضوع التلفون هذا موجود

حتى ربعه يوم يتصلون له يروح بعيد يكلمهم

صراحه كلمته على السالفه ... مابيه يتعود ...

قلت له مدام ماتقول شي غلط ليش تروح بعيد ؟!!

تكلم قدامي ... بس يكسر خاطري مسكين

سوالفهم كلها وينك .. شتسوي ...

بس في عادات لازم ماينسكت عنها ...

[همر]

اي والله .. :weeping:
قبل كانوا مصدقين ان عندي الحزام الأسود
الحين كبروا خلاص ما ينقص عليهم .. :(


مستر همر ..
جابل المنظرة الحين و شوف كم خطأ بتحصل
إذا تعديت الخمسة
أنصحك ما تطلع من البيت .. :tease:



من امس احاول اقول واحد بس مالقيت ماشاء الله لا اله الا الله :shy:

[همر]

اعتقد الوضع غير طبيعي وهذا يتطلب منك شيئين
أولا : تجلس مع ابنك وتناقش معه في هذا الأمر ولا تمرره مرور الكرام بحيث يكون كلام بلمنطق ومن ردودك أن فيه حوار بينك وبين ابنك وهذا شيء جيد لذلك اكمل هذا الحوار بالأستفسار وإذا كانت مبرارات غير مقنعه اسكت في الوقت الحالي .
ثانياً : لابد من التعرف على اصدقاء ابنك أو ربعه سواء في المدرسة أو المحيط المنزلي ومن الخطاء الابتعاد عن التعرف عليهم لأن هناك قاعدة معروفة
قال رسول الله صلى الله عليه وسلم ( المرء على دين خليله فلينظر أحدكم من يخالل ) وقيل أيضاً : ( قل لي من تصاحب أقل لك من انت )
لكي تتعرف على السبب ومن خلاله سوف تعرف لماذا ؟ وكيفية تدارك الأمر إذا فيه شيء خطأ .



كلام سليم...

[همر]

يعني الرجوله بنظركم ان مايمشي مع اهله !!!!!!!!!!!!


بصراحه لا تعليق



من قال ؟!!! :omg:

[Right]

سوقه بكف يفر مخه فر ، ما عاد إلا هالمبزره !!

[همر]

عادي شالمشكله ؟



اخيراً ظهر حمد :eek2:

حمد لي تزوجت

وجبت عيال

وكبروا

ذيك الساعه انت بتجي

تقولي شالمشكله :)

[همر]

اممممم ....

طيب .. ومنحرج ... حتى لو يحس انه رجال وهذي أزمة يمر فيها المراهقين ..

أعتقد انه لازم يعرف "قيمتك" كأب ويفتخر فيك بين ربعه ..

عاد يفتخر باسمك والا شكلك والا منصبك .... اللي يكون !


ترا أغلب العيال عندهم جهل بمكانة ومزايا والديهم بين الناس ...




اذكر سالت عيال اختي .. لما سافرت امهم .... عن مزايا أمهم وشنو اللي يشوفونه فيها يخليهم يفتخرون بها ... وهم ميتين عليها كأم وعيال وبس

انصدمت انهم مب عارفين مزايا امهم كأم .. ومكانتها اللي يشوفونها الأهل والناس فيها !



لذلك .. أعتقد إن من حقكم عليهم كوالدين "يقدسونكم" ويسبحون بحمدكم (تعبير مجازي) عقب تسبيحهم لرب العالمين

لأن اللي تسوونه لهم مب شوي !



تصدقين مرات اكتشف اني نبيه ويطلع مني ماشاء

الله علي ...

فعلاً مره من المرات حسيت انه مايعرف قيمة

ابوه ... من ابوه عدا عن انه ... ابوه !


قعدت اقول له ترى ابوك يشتغل في

المكان الفلاني وظيفته كيت وكيت راتبه

هااااااالكثر قلت يمكن ربعه يعايرونه ..

ابوك كان .. وصار .. وسوا ... لازم يعرف

هالاشياء ...


اكتشفت من خلال السوالف ان فعلا ربعه

يعايرونه بس على شي سخيف ...

وفهمته الموضوع ... احياناً احنا نكبر

الموضوع والمسأله بسييييطه بس لو يقولها

دخيل الله يتم التعامل معها بنجاح ... المشكله

اذا ما يتكلم هنيه تتكون العقد ...


مثل الاخوان اللي يأيدون استخدام العنف

مع الاطفال ... مع احترامي لوجهة نظركم ...


انا اشوف ان الكلام مع الطفل يوصلك لنتايج افضل ...

[Aaziz]

تسلم و مشكور على تخطي مشاركتي
كلك ذوق
:)

[حسن]

باقولك شي ياهمر

الجيل الحالي والقادم جيل متملل ومتمرد بشكل كبير
واللي في راسه بيسويه بيسويه ماعليه من قانون ولا غير قانون

عكس جيلنا امشي جوا الحيط ونخاف من لبسه عسكري ونكلمه بخوف واحترام وادب

التعليم والانفتاح على العالم لعب دور كبير في المجتمعات كلها
وخصوصا احنا العرب

نصيحه ماشيه وجهه قدر المستطاع والباقي على الله

عجبني ردك على حمد

يبي يتعلم الحسانه في روس القرعان

:)

[فلتة زمانها]

هالجيل ذكي جدا لكن تنقصنا بعض الاساليب التربويه الحديثه
وافضل طريقة هي الحرية مع الابناء تكلم عنها الدكتور طارق سويدان وعن تجربته مع ابنائه
الواحد يربي عياله على الحريه والصدق مع النفس وبعدها هم يختارون الطريق الصحيح لحياتهم

[الرويـس]

عادي ياريال يكبرون ويتعلمون:)

مكبر الموضوع همر

ياخي مايبي يمشي وياك غصب

[QTR-1978]

همر لازم تغير ستايلك عشان يرضي عليك الولد :shy:

زين صج نبي صوره عشان نحكم على كشختك يمكن الغتره من صوب واصله للركبه والصوب الثاني لين الكتف

[عثرة جواد]

لومن باب الغيره ماعليه بس هي ثقافه خاطئه لازم ننتبه لها

[بوفاطمه]

السلام عليكم ورحمة الله وبركاته...
صبحكم الله بالخير.
انا اشوف هذا دلع،الله يعز ابهاتنا ،كلنا نمشي معاهم ولا نقدر نضحك او نتكلم بعد.
انا اشوف الغلط من ابوه.
من المفروض يسنع ولده من الصغر .

[شيخ القبيلة]

مرحبا همر
ومع احترامي لبعض الاراء
انا باسألك هل ولدك حساس ويزعل بسرعة ؟؟؟

[مهرة]

احنا عيالنا مانوديهم المولات ونترزز بكل مكان .. احنا نوديهم دور لتحفيظ القرآن .. الله يهدي عيالنا وعيالكم ..!

[يمامـة]

كلامك صحيح،،

في مرحلة بداية المراهقة يخجل الطفل من انه يمشي مع امه وابوه او يركب السيارة ويقعد في السيت الوراني
ومرات يضربونها لثمة.......> ينخشون من الربع وهم مكشوفين يعني بالذمة هالأم والأبو من مركبين معاهم؟


فمالمثال اللي ضربته قد يتكرر بصور كثيرة
فبعض الابناء ما يبون امهاتهم وابهاتهم يحضرون حفلات خاصة فيهم
لأنهم ينحرجون من اسلوب كلامهم او تصرفاتهم لأن هالأطفال لهم طبيعة خاصة.

قد نكون نحن الاباء والامهات فيننا اخطاء ما نشوفها وقد يكونون العيال حساسين زيادة ومفتشلين زيادة عن
اللزوم من اهاليهم وكل الموضوع ما يتعدى حالة عمرة مؤقتة علينا التعامل معاها بتفاهم وحنية.