... غداء البنات وقت الدوام ...

[رهج السنابك]

بعض الموظفات تروح مع رفيجتها اثناء الدوام لمدة ساعه او ساعتين (بريك غدا) تتغدا برا في مطعم او فندق او تتريق الصبح
بعضهم بعلم اهاليهم ( زوج او ولي امر)
الاغلب بدون علم احد بحكم انه شيء اممممم مايحتاج تخبر فيه احد

بعضهم تمصخها وتروح تسوي شوبينغ في بريك الغدا

ثقافياً ومجتمعياً؛ الى اي مدى في تقبل لخروج الموظفة مع رفيجتها لتناول وجبة الغداء
وماهو وجهة نظر زملائها حين يرونها تخرج وتركب السيارة مع الرفيجة او يواجهونها في المطعم او الفندق تتغدا ( مهمة وجهة نظر الرجل)

[بوحارب]

قلنا لكم من البداية البنت وخاصة الزوجة مكانها البيت

بس انتوا قلتوا لا لازم تداوم وتدور على كيانها

عاد ما ندري وش نوع الكيان

تيربوا ولا GTS :funny:

[بوحارب]

انتي ذكرتي البنات اللي يطلعون من الدوام للتسوق والغدا

ليش ماذكرتي البنات اللي يطلعون لأشياء ثانية حرام
ولا ما سمعتي بهالشي!

[بصمة قطرية]

مساء الخير ..
أحسها مب حلوة ..
الوحدة رايحة الشغل احتمال كبير ولي أمرها ما يدري عن طلعاتها ..
و المشكله مثل ما قاتي لما تتطور لشوبينغ و غيره ..!!
المفروض ما يسمحون للموظفة تطل إلا لشيء ضروري
يعني موعد مستشفى و يكون عندها كرت الموعد ..

وايد نسمع عن بنات يروحون مطاعم و فنادق يتريقون ..

و في منهم اللي أهاليهم ما يدرون و مأمنين إن بنتهم في الدوام ..

[مختلفة عقليا]

السلام عليكم ,,

يوم كنت في الكليه وبحكم اني اسوق ., كانوا يطلعون معاي ., وانا شخصيا اطلع بدون استاذان .,

بس عادي ., هلي سامحين لي ., من غير علمهم .,

وفي بنات لا ., لازم يستاذنون ., وماكنوا يخبرون حد .,

عادي اجوفه موضوع ., مو محتاج استاذان لانها برع البيت اوردي ليش تستاذن ؟؟

ويسلموو .,

[رهج السنابك]

اعوذ بالله

لا ان شاء الله ماعندنا حد جذي
وان كان فيه مب ظاهره حالتين ثلاث شواذ ما تتعمم

لكن خروجيات الغدا اشوفها بكثره

[غايه الطواش]

عادي اطلع بريك غدا وبعلم الكل

[رهج السنابك]

مساء الخير ..
أحسها مب حلوة ..
الوحدة رايحة الشغل احتمال كبير ولي أمرها ما يدري عن طلعاتها ..
و المشكله مثل ما قاتي لما تتطور لشوبينغ و غيره ..!!
المفروض ما يسمحون للموظفة تطل إلا لشيء ضروري
يعني موعد مستشفى و يكون عندها كرت الموعد ..

وايد نسمع عن بنات يروحون مطاعم و فنادق يتريقون ..

و في منهم اللي أهاليهم ما يدرون و مأمنين إن بنتهم في الدوام ..


الانستغرام يفضحهم ههههههه كل وحده تنزل صور ريوقها وغداها وندري انها برا الشركة في هالوقت

[العلياا]

بصراحة عندي وااااااايد تصير وبعضهم يقولون انه ازواجهم على علم
يعني اذا بتطلع تتغدى برا عاادي مب لازم تستاذن منه كل يوم

المشكلة الي تؤرقني
ال بزنس لانش ما يعرف بـ غداء العمل
وتقولج بقوات عين عادي الا مديري ومعاه مسؤول الجهة الثانية
وغالبا تكون في فنادق


الله يستر على بنات المسلمين :(

[بصمة قطرية]

عادي اطلع بريك غدا وبعلم الكل

بعلم الكل .. :victory:

[Dana’1]

بالعمل في وقت البريك من حقها تسوي اي شي فية لان وقتها .. بس طبعا لازم بعلم أهلها ولي الأمر

في ناس ماخذين الادن مسبقا إنها ممكن في يوم من الايام تطلع مع زميلتها للغداء او السوق والزوج او ولي الامر معطيها الضؤ الاخضر والثقة مو ضروري تتصل بكل طلعة غداء وتقول .. وممكن تقول لهم عقب ماترد
هم ابخص بأعمارهم

والي ماراح تهتم لا لرأي زوج او ولي الامر عموما
بتطلع حتى من بيتها وتسير على جيرانها بدون علمة ... يعني مالها خص بمكان معين ولا لتوظيفها اي علاقة بالموضوع هي بتطلع بتطلع وبدون علمة

والله يهدي ويستر علينا وعالجميع

[رهج السنابك]

السلام عليكم ,,

يوم كنت في الكليه وبحكم اني اسوق ., كانوا يطلعون معاي ., وانا شخصيا اطلع بدون استاذان .,

بس عادي ., هلي سامحين لي ., من غير علمهم .,

وفي بنات لا ., لازم يستاذنون ., وماكنوا يخبرون حد .,

عادي اجوفه موضوع ., مو محتاج استاذان لانها برع البيت اوردي ليش تستاذن ؟؟

ويسلموو .,


اممممم صح سمعت ان بنات الجامعه بعد يطلعون مطاعم وفنادق لكن هل ياترى يعلمون اهلهم او لا !! الله اعلم

لكن ماتعتقدين ضروري البنت تعلم اهلها
سبحان الله صار لها شيء او مكروه لازم الاهل يدرون وين بنتهم طالعه وين مكانها

[فلتة زمانها]

ارسطو ليش تناقشين هالمواضيع الشخصيه !!

[مختلفة عقليا]

اممممم صح سمعت ان بنات الجامعه بعد يطلعون مطاعم وفنادق لكن هل ياترى يعلمون اهلهم او لا !! الله اعلم

لكن ماتعتقدين ضروري البنت تعلم اهلها
سبحان الله صار لها شيء او مكروه لازم الاهل يدرون وين بنتهم طالعه وين مكانها

هلا .,

هي اوردي برع البيت ., فلو صار لها شي ., بيتصلون لهلها .,

من جيه اجوف ماله داعي تستاذن .,

يعني تخيلي بنطلع كتارا انتغدا ., وعقب بنروح المول انسوي شوبنق او بنروح صالون ., كل اشوي تتصل لهلها بروح المكان الفلاني ., شنو هالملل !!

ويسلموو .,

[رهج السنابك]

بصراحة عندي وااااااايد تصير وبعضهم يقولون انه ازواجهم على علم
يعني اذا بتطلع تتغدى برا عاادي مب لازم تستاذن منه كل يوم

المشكلة الي تؤرقني
ال بزنس لانش ما يعرف بـ غداء العمل
وتقولج بقوات عين عادي الا مديري ومعاه مسؤول الجهة الثانية
وغالبا تكون في فنادق


الله يستر على بنات المسلمين :(


اثرتي نقطه مهمة تصدقين من كم يوم سألني اجنبي قال عادي القطرية نناديها حق بزنس لانش مع قروب العمل!
هو مستجد ويبي يعرف ثقافيا مسموح او لا

قلت له ولا تفكر تقول لاي بنت قطرية تعالي غدا عمل سواء كان في الكافيتريا الداخلية او خارج العمل في فندق او ماشابه

بس نقطة ماتعلم زوجها اشوفها غلط شلون ما تستأذن منه!! سبحان الله صار لها اي شيء شنو موقف زوجها وهو مايدري وين زوجته!

[العلياا]

اثرتي نقطه مهمة تصدقين من كم يوم سألني اجنبي قال عادي القطرية نناديها حق بزنس لانش مع قروب العمل!
هو مستجد ويبي يعرف ثقافيا مسموح او لا

قلت له ولا تفكر تقول لاي بنت قطرية تعالي غدا عمل سواء كان في الكافيتريا الداخلية او خارج العمل في فندق او ماشابه

بس نقطة ماتعلم زوجها اشوفها غلط شلون ما تستأذن منه!! سبحان الله صار لها اي شيء شنو موقف زوجها وهو مايدري وين زوجته!

خليها على يالارستقراطية
عندنا فئة خربت على فئة اللي عندها عادي تطلع خلت الناس تفكر انه شي عادي وصار تمادي
انعرض علي ويوم رفضت انحط اللوم علي اشفيها ترى عادي :(
شي يعور القلب

اما موضوع لو صار شي ف انا معاج فيها ااتصير بلاوي خلينا ساكتين
ابسط شي الوحدة تفكر فيه لو لا قدر الله سوت حادث واهلها ما يدرون انها برا الدوام

[بصمة قطرية]

هلا .,

هي اوردي برع البيت ., فلو صار لها شي ., بيتصلون لهلها .,

من جيه اجوف ماله داعي تستاذن .,

يعني تخيلي بنطلع كتارا انتغدا ., وعقب بنروح المول انسوي شوبنق او بنروح صالون ., كل اشوي تتصل لهلها بروح المكان الفلاني ., شنو هالملل !!

ويسلموو .,

أختلف معاج في هالشي ..

الأهل لازم يعرفون مكان بنتهم ..

ولدي اللي هو رجال مستحيل أسمح له يروح مكان وما يبلغني
ما بمنعه بس أكون عارفه هو في وين ..!
شلون لو بنت ..!!
بصراحة أنا ضد ان البنت تطلع مع رفيجاتها يروحون مطاعم
واذا بتطلع لازم اهلها يعرفون هي في وين ..!

[العلياا]

هلا .,

هي اوردي برع البيت ., فلو صار لها شي ., بيتصلون لهلها .,

من جيه اجوف ماله داعي تستاذن .,

يعني تخيلي بنطلع كتارا انتغدا ., وعقب بنروح المول انسوي شوبنق او بنروح صالون ., كل اشوي تتصل لهلها بروح المكان الفلاني ., شنو هالملل !!

ويسلموو .,

تسمح لي الارستقراطية

الفكرة مب تقييدج لا بالعكس اطلعي بس اهلج يكون عندهم علم ان ممكن يوم من الايام بتطلعين من جامعتج او شغلج لمشوار برا الدوام
بحيث لو صار امر طارئ بعيد الشر ما يتفاجؤون

[رهج السنابك]

ارسطو ليش تناقشين هالمواضيع الشخصيه !!

مب شخصية لكن مهمة لان في سلوكيات في المجتمع تحتاج تسليط الضوء

احياناً نمارس سلوكيات معينة في مجتمعنا لكن عمرنا ماوقفنا عندها وسألنا نفسنا يا ترى كيف اوزن هالسلوك من منظور مجتمعي! يا ترى ماهو مدى تقبل مجتمعي لهذا او ذاك!

[رهج السنابك]

ارسطو ليش تناقشين هالمواضيع الشخصيه !!

مب شخصية لكن مهمة لان في سلوكيات في المجتمع تحتاج تسليط الضوء

احياناً نمارس سلوكيات معينة في مجتمعنا لكن عمرنا ماوقفنا عندها وسألنا نفسنا يا ترى كيف اوزن هالسلوك من منظور مجتمعي! يا ترى ماهو مدى تقبل مجتمعي لهذا او ذاك!

[حسن]

دائما اقولكم اننا على النهج سائرون

يالاستقراطيه هي مسئله وقت وسريع واعتقد هذا معروف انحسار الدين شوي شوي ومانقدر نرد قدر ومكتوب
استنكرنا استهجنا استغربنا

كل ماله وانشوف ادهى وامر

المشكله من اللي يفعلها مايسكت ولا يقول يمكن انا ارتكبت شي محرم ولا غلط بحكم الاعرف
لا الا يجاهر ويقلو مافيها شي

نعم وانا اقول مافيها شي اذا قلت لكم بنشوفكم بالبكيني بعد

كلها مسئله وقت وقصير


وسلام

[غايه الطواش]

المشكله من اللي يفعلها مايسكت ولا يقول يمكن انا ارتكبت شي محرم ولا غلط بحكم الاعرف
الحين طالعه بريك غدا حرام ..؟؟

[قناص 787]

السلام عليكم ,,

يوم كنت في الكليه وبحكم اني اسوق ., كانوا يطلعون معاي ., وانا شخصيا اطلع بدون استاذان .,

بس عادي ., هلي سامحين لي ., من غير علمهم .,

وفي بنات لا ., لازم يستاذنون ., وماكنوا يخبرون حد .,

عادي اجوفه موضوع ., مو محتاج استاذان لانها برع البيت اوردي ليش تستاذن ؟؟

ويسلموو .,

اي والله صدقتي يختي :)

[قناص 787]

الحين طالعه بريك غدا حرام ..؟؟

مش حرام حلال :nice:

[فلتة زمانها]

مب شخصية لكن مهمة لان في سلوكيات في المجتمع تحتاج تسليط الضوء

احياناً نمارس سلوكيات معينة في مجتمعنا لكن عمرنا ماوقفنا عندها وسألنا نفسنا يا ترى كيف اوزن هالسلوك من منظور مجتمعي! يا ترى ماهو مدى تقبل مجتمعي لهذا او ذاك!

اذا كل شي بنقيسه بمنظور مجتمعي فالدين صار رياء وحسب الاعراف والتقاليد
عالعموم المفاهيم تغيرت عند بعض الاسر مع خروج المراه للعمل والانفتاح الحاصل

[مختلفة عقليا]

أختلف معاج في هالشي ..

الأهل لازم يعرفون مكان بنتهم ..

ولدي اللي هو رجال مستحيل أسمح له يروح مكان وما يبلغني
ما بمنعه بس أكون عارفه هو في وين ..!
شلون لو بنت ..!!
بصراحة أنا ضد ان البنت تطلع مع رفيجاتها يروحون مطاعم
واذا بتطلع لازم اهلها يعرفون هي في وين ..!


هلا .,

شالفرق دام هي برع البيت ., ؟؟ ليش لازم يعرفون هي وين ., ؟؟ يعني شالفرق في الكوفي مال الكليه والا في الاند ؟؟



تسمح لي الارستقراطية

الفكرة مب تقييدج لا بالعكس اطلعي بس اهلج يكون عندهم علم ان ممكن يوم من الايام بتطلعين من جامعتج او شغلج لمشوار برا الدوام
بحيث لو صار امر طارئ بعيد الشر ما يتفاجؤون

هلا .,

سبق وذكرت ان هلي سامحين لي اطلع بدون استاذان بحكم اني اسوق ,’ واصلا انا برع البيت .,

ولا قلت فيه تقييد ., قلت دام هي برع ما يحتاي تستاذن بس لو في البيت تستاذن .,

ليش يتفاجون المفروض يحطون في بالهم انها احتمال اتغدا برع دوامها .,

ويسلموو .,

[العلياا]

هلا .,

سبق وذكرت ان هلي سامحين لي اطلع بدون استاذان بحكم اني اسوق ,’ واصلا انا برع البيت .,

ولا قلت فيه تقييد ., قلت دام هي برع ما يحتاي تستاذن بس لو في البيت تستاذن .,

ليش يتفاجون المفروض يحطون في بالهم انها احتمال اتغدا برع دوامها .,

ويسلموو .,

داامهم سامحين لج ف محد له حق يعترض

عيل مريني يوم الدوام نتطلع نتغدى برا :)

[مختلفة عقليا]

داامهم سامحين لج ف محد له حق يعترض

عيل مريني يوم الدوام نتطلع نتغدى برا :)

هلا .,

ومديري معطيني القرييييين لايت ., اطلع اي وقت .,

عيل قيداااااااااااااام ., بس استاذني الله يرضي عليج .,

:victory:

[بوحارب]

دائما اقولكم اننا على النهج سائرون

يالاستقراطيه هي مسئله وقت وسريع واعتقد هذا معروف انحسار الدين شوي شوي ومانقدر نرد قدر ومكتوب
استنكرنا استهجنا استغربنا

كل ماله وانشوف ادهى وامر

المشكله من اللي يفعلها مايسكت ولا يقول يمكن انا ارتكبت شي محرم ولا غلط بحكم الاعرف
لا الا يجاهر ويقلو مافيها شي

نعم وانا اقول مافيها شي اذا قلت لكم بنشوفكم بالبكيني بعد

كلها مسئله وقت وقصير


وسلام

يا ريال بيي وقت عيب الرجال يطلع من البيت

الطلعة للحريم بس !!

كتارا تعال بسرعة فيه حريم ما يقعدون في البيت ولا في الدوام :funny:

[العلياا]

اذا جات على المدراء يا زينهم ويا حلاتهم

اهم شي الحساب عليج
ومن ناحية استاذن هذا شي طبيعي اصلا احس اني مسويه شي غلط
وبيصير شي مب زين لي

عادي عادي لا تنصدمين ترى اختلاف الثقافات :weeping:

[بصمة قطرية]

الحين طالعه بريك غدا حرام ..؟؟
اعتقد يا غاية حسن يقصد اللي يطلعون بدون علم أهاليهم ..

[قناص 787]

يا ريال بيي وقت عيب الرجال يطلع من البيت

الطلعة للحريم بس !!

كتارا تعال بسرعة فيه حريم ما يقعدون في البيت ولا في الدوام :funny:

كتارا في البيت ما يقدر يرد عليكم الحين

[بصمة قطرية]

مختلفة ..

شلون يعني دامها برع من الأساس يعني تطلع تتريق تتغدا تتسوق
عادي و أهلها ما يدرون ..!!!
اسمحي لي أنا ضد هالشي ..
إذا من الأساس الوحدة تحس ان اللي تسويه مب غلط
معناته لازم تقول لأهلها ..

[حسن]

مافي الا كتارا يجيي يسنعكم عدل

اللي يقول كيفي واللي يقول عادي

واللي يقول ثقافه

مالت على الثقافه اللي ترعرفونها الحين


بعد اوصلت لهم بالعلن ويقولون لا احنا واحنا

البعض الكثير وصلت بهم الجراءه الى اعبر من ذاك


الله يستر على اللي جاي
زواج ورقه وحمل مستكن وناس على البحري

ايه يادونيا


الى اذا حلت الكارثه

قلتها حق اليمامه شكثر

:telephone:

[قناص 787]

مختلفة ..

شلون يعني دامها برع من الأساس يعني تطلع تتريق تتغدا تتسوق
عادي و أهلها ما يدرون ..!!!
اسمحي لي أنا ضد هالشي ..
إذا من الأساس الوحدة تحس ان اللي تسويه مب غلط
معناته لازم تقول لأهلها ..

انتوا ليش هالشكل ...... عادي يعني مافيها شي ترا دامها برع عادي يعني

الله يهديكم بس صج اختلاف ثقافات .... صارت الطلعات بدون علم

الاهل ثقافه :omg: في اي جامعه درستوها

[العلياا]

صدقتي يختي :)

هذول ناس رجعيين ناس متآخرين و يبغون يرجعونا معاهم

اذا على الناس الرجعية ابشرك ما اظن في حد رجعي كثر اخواني وبالعكس هالشي مو مضايقني
واحبهم بعد :)

وانا مع ان الوحدة لازم تستأذن اذا بغت تطلع برا الدوام

وشكراً

[بصمة قطرية]

انتوا ليش هالشكل ...... عادي يعني مافيها شي ترا دامها برع عادي يعني

الله يهديكم بس صج اختلاف ثقافات .... صارت الطلعات بدون علم

الاهل ثقافه :omg: في اي جامعه درستوها

انا درست في جامعة قطر
أيام الطيبين ..

مادري هل فعلا اختلاف ثقافات ولا ايش ..!!
انا قلت وجهة نظري لمختلفة
و ما زلت متمسكة فيها ..

[قناص 787]

اذا على الناس الرجعية ابشرك ما اظن في حد رجعي كثر اخواني وبالعكس هالشي مو مضايقني
واحبهم بعد :)

وانا مع ان الوحدة لازم تستأذن اذا بغت تطلع برا الدوام

وشكراً

ههههههههه مامداج غيرتي رايج يختي

و عفوا

[العلياا]

ههههههههه مامداج غيرتي رايج يختي

شدخل غيرت رأيي احين :rolleyes2:

رأي كان واضح من البداية وبعدين قلت لها مري علي من باب الدعابة واذا بطلع مو معناته بطلع بدون شور اهلي

وضحت احين يبه ؟

[حسن]

ههههههههههههههههههههههههههههههاي الباند قريب يا بوعلي

ياجبان

:)

الكارونه بعد شو

على العموم الخروج بكثره وبدون استاذن شي مش مستحب لدينا حن يالرجال
اما الذكور مالي خص ولا اعرف طبايعهم ولا ابي اعرفها

وشكر لكم

[الحياة الخالدة]

يا ريت يا جماعة محد يقلب الموضوع طنازة و سوالف .. و يقول رأيه بكــــــل وضوح

[قناص 787]

يا ريت يا جماعة محد يقلب الموضوع طنازة و سوالف .. و يقول رأيه بكــــــل وضوح

ان شاالله طال عمرج ..... اي أوامر ثانيه ترا حاضرين

قصدنا نلطف الجو لان الربع صوتهم واصل لين قسم

التحليل الفني :)

[عاهد بن علي]

انتي ذكرتي البنات اللي يطلعون من الدوام للتسوق والغدا

ليش ماذكرتي البنات اللي يطلعون لأشياء ثانية حرام
ولا ما سمعتي بهالشي!

صج ؟؟؟؟؟؟:omg::omg:
احلف ؟؟؟؟؟:eek5::eek5:
حسبي الله عليهُن كلهُن:anger1:
ما عدا الشريفات منهُن:nice::nice:

[بوحارب]

صج ؟؟؟؟؟؟:omg::omg:
احلف ؟؟؟؟؟:eek5::eek5:
حسبي الله عليهُن كلهُن:anger1:

هذي نتيجة الطلعات الزايدة يا عاهد

اليوم الاول غدا مع قروب الشغل
واليوم التالي فندق مع مدير قروب الشغل

واحنا ناس واثقين في بنتنا الله يحفظها ;)

[يمامـة]

ما يصير تطلع الا اذا زوجها واهلها موافقين فهم احرار في بناتهم..

[المحاميه]

أنا مع وضد فمادري شلون أوصل رأيي

[أسد الجزيرة]

ما فيها شئ اليوم مطعم بكرة فندق و الي بعده ..لا تكونون متخلفين!!

لا من شاف و لا من درا

[(Sara)]

أنا حتى لو ابي اروح الميرة او المركز الصحي قبل ما اتصل ع الدريول اتصل على اخوي استأذن منه
اذا قال لا يعني لا وانثبر فالبيت :) مافي نقاش
دوم يقول لو صار فيج شي او المكان اللي رايحه له صار فيه شي اعرف وينج وين أوصلج خوفن عليتس
أخوي دوم يقنعني :victory:

[نتفـه]

بعد طرح الموضوع .. هل وصلتو الى حل للقضاء على هذي المشكله بعد النقاش الطويل :)

[قناص 787]

ما فيها شئ اليوم مطعم بكرة فندق و الي بعده ..لا تكونون متخلفين!!

لا من شاف و لا من درا

يا سلام عليك جبتها :nice:

[حمد 2002]

ما فيها شئ اليوم مطعم بكرة فندق و الي بعده ..لا تكونون متخلفين!!

لا من شاف و لا من درا

مافهمت ممكن توضيح أكثر ..

[النهار]

أنا مع وضد فمادري شلون أوصل رأيي

ان كنتي مع هذالشي ارجعي لشرع الله والدين وشوفي رائيهم فيه
وان كنتي ضد هذالشي بارك الله فيك بعدتي عن الشبهات

[النهار]

مافهمت ممكن توضيح أكثر ..

توك صغير يوم تكبر بتفهم كل شي هههههههههههههه

[توشيبا]

السلام عليكم

والله خوش بريك ساعه او ساعتين

البنات عندي في الدوام عشرين دقيقه زياده دقيقه تجيب ابوها يتوسط لها علي شان الخصم ولفت النظر هاهاهاها

[basma222]

الله يستر على بنات المسلمين

[بانغ بانغ]

بعض الموظفات تروح مع رفيجتها اثناء الدوام لمدة ساعه او ساعتين (بريك غدا) تتغدا برا في مطعم او فندق او تتريق الصبح
بعضهم بعلم اهاليهم ( زوج او ولي امر)
الاغلب بدون علم احد بحكم انه شيء اممممم مايحتاج تخبر فيه احد

بعضهم تمصخها وتروح تسوي شوبينغ في بريك الغدا

ثقافياً ومجتمعياً؛ الى اي مدى في تقبل لخروج الموظفة مع رفيجتها لتناول وجبة الغداء
وماهو وجهة نظر زملائها حين يرونها تخرج وتركب السيارة مع الرفيجة او يواجهونها في المطعم او الفندق تتغدا ( مهمة وجهة نظر الرجل)

كلامك صح
توي صاك موظفتين في ادارتي انذارات نهائية بالموضوع ... لو صار شي المسؤول هو اللي بياكلها

[عنيــــد]

امس كان فيه موضوع عن الاختلاط اذا ينقص حياء المرأة ..

و ضحكت من اللي يقول البنت المتربية ما راح تتأثر ..

ها شرايكم بعد الكلام اللي شفتوه بالردود ؟؟

و تو الناس الشر للأسف يعم ..

الله يحفظ بناتنا و بنات المسلمين ..

[قناص 787]

كلامك صح
توي صاك موظفتين في ادارتي انذارات نهائية بالموضوع ... لو صار شي المسؤول هو اللي بياكلها
يا رجال عادي دام اهلها موافقين و دامها برع يعني تبغيها تعلمهم بالتفصيل ترا ما يصير بعدين البنت تحس انها مقيده بحبال الموده

بس تدري ترا انا قمت الاحظ اختلاف الثقافات ...... يعني لازم الامور تكون سهالات

يوم غدا و يوم كوفي و يوم ؟؟؟؟؟؟؟؟؟ مافيها شي ترا :)


مافي حد يمر علي ترا متملل

[qatara]

بس السوال مافي مطاعم تجيب الاكل لمكان العمل ؟

وماهي مسئوليه الموسسه و المدرسه لو حدث شي

اقل شي هل اشعرو او ولي الامر الزوج الاب بمسج بخروجها ؟

[شبح الصمت]

كمسؤول انا محاسب على هالبنات ما يطلعون من مكتبي

تتريق بريك مهب بريك توقع لي على اورقه انها طالعه صار ما صار انا مب فاضي ابتلش فيها ..


وفي بيتها كيفها من راسها لراس اهلها

[qatara]

امس كان فيه موضوع عن الاختلاط اذا ينقص حياء المرأة ..

و ضحكت من اللي يقول البنت المتربية ما راح تتأثر ..

ها شرايكم بعد الكلام اللي شفتوه بالردود ؟؟

و تو الناس الشر للأسف يعم ..

الله يحفظ بناتنا و بنات المسلمين ..

والله حتا الحديد بالحتكاك يتاثر

اذا امهات المومنين رضي الله عنهم المطهرات
قيل لهم خاطبوالرجال من ورا حجاب فما بالك الادنى منهن

[ريم الشمال]

بريك ساعتين ؟
المسؤول الذي يعطي هذا الوقت هل مسموح له ذلك يعني طبيعة العمل عنده تسمح ؟
اخبر بريك العمل ما يتعدى نصف أو أكثر قليل ويكون في المكتب يعني داخل دائرة العمل ما في خروج إلا بنهاية الدوام
إذا ثقافتي قديمة صححوا لنا بريك ساعتين وتردون لبيوتكم الساعة ثنتين يعني لو طلعكم الساعة الثانية عشر ابرك لكم بس اعتقد فيه حلقه مفقوده ..

المهم المتعصب بمعنى ما يريد لبنته أو زوجته أو اخته أن تعمل وهي مصمم يقول لها تبين الشغل ما لك إلا التدريس مع البنات وفي بيئة نسائية هذا أفضل
وعلى العموم العوجه عوجه سواء حطيتها في بيت ولا في سجن هي عوجه ما يصلح لها بيت ولا غيره والسنعه التي تعرف ربها وأنها تحفظ نفسها ليس من اجل زوج ولا اخوى ولا غيره هي حافظ نفسها لأنها ليست سلعه رخيصه هذا لو ترمي بها مع آلاف من الرجال سوف تحفظ نفسها

الخلل لا يمكن اصلاحها بخلل لابد التربية والتنشئة السليمة ليظهر نشىء سليم

[qatara]

وتجي البيت متنفخه من الزط وتقولي مابي غدا مسويه رجيم

ههههههههههههه

[وليف الشوق]

اكتفي بالمشاهده فقط ولكن ايش رأي الدين ؟

[طلعة الروح]

بعض الموظفات تروح مع رفيجتها اثناء الدوام لمدة ساعه او ساعتين (بريك غدا) تتغدا برا في مطعم او فندق او تتريق الصبح
بعضهم بعلم اهاليهم ( زوج او ولي امر)
الاغلب بدون علم احد بحكم انه شيء اممممم مايحتاج تخبر فيه احد

بعضهم تمصخها وتروح تسوي شوبينغ في بريك الغدا

ثقافياً ومجتمعياً؛ الى اي مدى في تقبل لخروج الموظفة مع رفيجتها لتناول وجبة الغداء
وماهو وجهة نظر زملائها حين يرونها تخرج وتركب السيارة مع الرفيجة او يواجهونها في المطعم او الفندق تتغدا ( مهمة وجهة نظر الرجل)

طول عمري ما اطيق البنات من هالنوع ماحب تضييع الوقت بهالطريقة ، وقت العمل مفروض يحترم وبزنس از بزنس، ف مستحيل اخلط بين الاثنين.
انا كانت تنسد نفسي عن الاكل يوم ادخل الدوام، انسى شي اسمه اكل واذا كلش في شي اسمه كافتيريا ف محل العمل.

[R 7 A L]

المفروض يكنسلون ساعات البريك ويطلعون الموظفين بدري
اذا طلعوا كيفهم ان شاءالله يروحون لحالول خخخخخخ

[المحاميه]

المفروض يكنسلون ساعات البريك ويطلعون الموظفين بدري
اذا طلعوا كيفهم ان شاءالله يروحون لحالول خخخخخخ

+1

:victory:

[المحاميه]

يعني المفروض تبلغ ولي امرها
بس الاحوال تغيرت هل بتتصل كل يوم تطلب الاذن؟ الطرفين بيملون خصوصا لو الطلعه سريعه

بس هو صج ليش التسيب فالعمل وسوالف بريكات!؟
ومثل ماقال رحال نطلع بدري ابرك وكلن ابخص بحاله

الموضوع متشعب ويتحمل اراء كثيره

[بوحارب]

وتجي البيت متنفخه من الزط وتقولي مابي غدا مسويه رجيم

ههههههههههههه
طيب وش الحل اخوي كتارا

الحين البنت ماتبي تقعد في البيت ولا في الدوام

!!!!

[النهار]

طيب وش الحل اخوي كتارا

الحين البنت ماتبي تقعد في البيت ولا في الدوام

!!!!

صراحه يابوحارب هذي معادله صعبه هذي المعادله ماتنحل الا بالخيازرين

[بوحارب]

صراحه يابوحارب هذي معادله صعبه هذي المعادله ماتنحل الا بالخيازرين

كنت بقولها بس خفت أجرح مشاعرهم ههههههه

[دايموند]

احب احط زوجي بالصوره. لو بمسج او واتساب او اتصال المهم اخبره

اما بخصوص بريك الغدا فانا ماطلع كلها نص ساعه مجرد ما اركب السياره خلص البريك ههه

انا فطوري مادري غداي بالدوام عباره عن تصبيره وكرك وكان الله غفور رحيم

[تغلبية]

اممممممممم


كيفهم ... حريات شخصية يا أرسطو ...

بكرة لي صار ماصار هي واهلها ينيازون ... جهة الشغل مالها خص وهذا أهم شي





بس اللي صج كلش كلش كلش وبكرر كلش 10 مرات .. ماعجبني ومو مستوعبته ولا اقدر أبلعه

شكل البنات والحريم .. وهم في الكوفيات من الساعة 10 الصبح ... يصير هجوم مب طبيعي

وياليت قاعدين في الكافيه داخل .. لا .. قاعدين في الكراسي اللي برا .. اللي على الطريق ..!


خاطري ابلع المنظر والمبدأ نفسه .. و"العادي" اللي يخوّل لهم هالشي .. مب قادرة !!!!!!!!

والملاحظ إن القعدة وايد ريلاكس .. ماوراهم بيت ولا دوام ... مادري .. كل هالبنات والحريم اجازات ..؟!


مادري وين رايحين الحريم ولوين بنوصل !!


آخرتها بتصير البيوت حق الرجاجيل والقهاوي حق الحريم !:rolleyes2:

[حمد 2002]

حق الأكل والسوق فالحين ..

لا ويبون مساواة مع الرجال بعد ...

[معماري قطري]

بعض الدوائر فيها بوفيه نظيف وبعضها تحد أَي واحد أَو وحده يطلع يدور المرعى الخصب

وطول الدوام من 7 لين 2 بدون وقود يخلي الواحد مفهي .. يختصرون الدوام لين 12 وبس خصوصاً للحريم .. ترجع البيت تجهز الغدا أَو تشرف على تجهيزه وترتاح وتكون مؤدية اللي عليها في الشغل والبيت.

[رهج السنابك]

ليست حرية شخصية يا تغلبيه بل سلوك يتأثر ومتأثر بالمجتمع
انا ضد اعتبار السلوكيات ذات التاثير على الغير من ضمن حدود الحرية الشخصيه

وهذا انتي ذكرتي قروبات بنات في كفيهات والمنظر ماينبلع منا كنساء ولا من صوب الرجال هذا اذا ماشكل خطوره من تحرشات ومغازل
ووحده ذكرت ان البنات مستغربين انها ترفض تمشي معاهم برا الدوام للغدا لان بنظرهم عادي وهي متخلفه

العمل بالطبع غير مسؤل عن طلعاتهم لكن البنت لازم تنظر باعتبار لسمعتها اولا
ثانيا لحشمة مجتمعها
ثالثا الحذر واجب
رابعا الاهل بنظري لازم يكونون بالصوره


استغرب من الي تقول دام انا برا ليش اعلم اهلي بمكاني !!

[المحاميه]

تغلبيه صاجه حتى انا استغرب واقول كلهم شاردين من الدوام ولا شسالفه

معماري قطر
ياريت يطبقون اقتراحك

[بوخالد911]

ما جبتوا بعد طاري اللي يطلعون للشيشة أثناء الدوام !!!!
بلفيت رايحيين اجتماع!!!

[حسن]

المفروض يكنسلون ساعات البريك ويطلعون الموظفين بدري
اذا طلعوا كيفهم ان شاءالله يروحون لحالول خخخخخخ


رد خطير وله بعد انتقامي محد فكر فيه

حالول عاد

صج انك نويت عليهم بالزوال

اقصد الغرق موتا

:nice:

[حسن]

ما جبتوا بعد طاري اللي يطلعون للشيشة أثناء الدوام !!!!
بلفيت رايحيين اجتماع!!!

بوخالد جاب العيد

:rolleyes2:

المره في نظري مالها الا البيت ابرك لها

مهب البيت مملكتها

وهو في احلى من الملك

:)

[بوخالد911]

بوخالد جاب العيد

:rolleyes2:

المره في نظري مالها الا البيت ابرك لها

مهب البيت مملكتها

وهو في احلى من الملك

:)

عااااد أي عيد؟!؟!؟
الأضحى ولا الفطرررر !؟!؟!؟
د:tease:

[تغلبية]

ليست حرية شخصية يا تغلبيه بل سلوك يتأثر ومتأثر بالمجتمع
انا ضد اعتبار السلوكيات ذات التاثير على الغير من ضمن حدود الحرية الشخصيه

وهذا انتي ذكرتي قروبات بنات في كفيهات والمنظر ماينبلع منا كنساء ولا من صوب الرجال هذا اذا ماشكل خطوره من تحرشات ومغازل
ووحده ذكرت ان البنات مستغربين انها ترفض تمشي معاهم برا الدوام للغدا لان بنظرهم عادي وهي متخلفه

العمل بالطبع غير مسؤل عن طلعاتهم لكن البنت لازم تنظر باعتبار لسمعتها اولا
ثانيا لحشمة مجتمعها
ثالثا الحذر واجب
رابعا الاهل بنظري لازم يكونون بالصوره


استغرب من الي تقول دام انا برا ليش اعلم اهلي بمكاني !!

انا قلت حرية شخصية لان للاسف هالسلوك اكتسح شريحة كبيرة وصار غالب عند بنات وعوايل وايد
وما اعتقد ان كلامنا راح يغير شي ... على الاقل نستنكر الوضع لان القرار في الاخير لاولياء الامور وفيه ناس معطين الثقة والقربن لايت لبناتهم وراضين بهالوضع.

بتردين من والا تكلمين ... بيقولون عنج وعنا انا متخلفين ومال لاول .. ووين عايشين ذيلا !!!

أما التحرشات .... واعليه عليهم الشباب في حالهم .. شوفي من اللي يتدعس بينهم ويتحرش فيهم !

[بصمة قطرية]

انا قلت حرية شخصية لان للاسف هالسلوك اكتسح شريحة كبيرة وصار غالب عند بنات وعوايل وايد
وما اعتقد ان كلامنا راح يغير شي ... على الاقل نستنكر الوضع لان القرار في الاخير لاولياء الامور وفيه ناس معطين الثقة والقربن لايت لبناتهم وراضين بهالوضع.

بتردين من والا تكلمين ... بيقولون عنج وعنا انا متخلفين ومال لاول .. ووين عايشين ذيلا !!!

أما التحرشات .... واعليه عليهم الشباب في حالهم .. شوفي من اللي يتدعس بينهم ويتحرش فيهم !

كلام سليم لا غبار عليه ..
يعني أساس الغلط هم الأهل اللي معطين بناتهم الحرية الزايدة ..
إسمحوا لي يا بنات ياللي تقولون هالشي عادي
لا والله مب عادي ..
شلون البنت تطلع بدون علم أهلها
يصير شي لا سمح الله و أهلها ينصدمون ..!!

[مشتاقة لقطر]

ضد هالشي وماله داعي احس
ولو انه حاصل حواليني
لو بطلع شبر برع البيت اخبره بمسج او اتصال الحمدالله الثقة موجودة

[همر]

زين والحل مع اللي تطلع ساعتين بريك ريوق

وساعتين بريك غدا كل يوم مع طبجتها ؟!!

لا انذارات شفهيه نفعت فيهم

لا انذارات مكتوبه نفعت فيهم

خصومات ماتقدر تخصم عليهم

ماتدري اهاليهم يدرون ولا لا

الاتش ار مب راضيين يفنشونهم

والحل ؟!!


ودي اعرف الوحده فيهم لو صار لها حادث

في كتارا ولا في فندق وقت الدوام الرسمي

وش بتقول حق اهلها ؟!!


وماهي المسؤوليه القانونيه الواقعه على

اداراتهم في هذه الحاله ؟!!


اذا الجمال السايبه تعاقب عليها البيئه

مافي جهه تتبنى معاقبة الموظفات السايبات ؟!!!

[خليفـة]

فيه حريم فاهمين الحرية غلط

خليفة

[ولي العهد]

سؤال ... هذولي الي يطلعون يتريقون في المجمعات ولا الفنادق عندهم اب واخ وزوج ؟؟

[قطري2022]

بعض الموظفات تروح مع رفيجتها اثناء الدوام لمدة ساعه او ساعتين (بريك غدا) تتغدا برا في مطعم او فندق او تتريق الصبح
بعضهم بعلم اهاليهم ( زوج او ولي امر)
الاغلب بدون علم احد بحكم انه شيء اممممم مايحتاج تخبر فيه احد

بعضهم تمصخها وتروح تسوي شوبينغ في بريك الغدا

ثقافياً ومجتمعياً؛ الى اي مدى في تقبل لخروج الموظفة مع رفيجتها لتناول وجبة الغداء
وماهو وجهة نظر زملائها حين يرونها تخرج وتركب السيارة مع الرفيجة او يواجهونها في المطعم او الفندق تتغدا ( مهمة وجهة نظر الرجل)

الي وضعوا خطة افساد المسلمين و المسلمات ، من خلال فرض حقوق المرأة و ان يكون لها دور في المجتمع كانو يبون المرة المسلمة توصل لهلمرحلة ، وانجحوا ماشالله عليهم :)
بس عموما ، المفروض في جهات العمل تكون في مطاعم مثل الاوادم واكل حلو ولذيذ ، مب اكل مال مشي حالك و كله دهن و طعمه ولا ببيزة مثل الي صاير في بعض الجهات ، طبعا من باب الانسانية ، و في هالحالة محد بيحتاج يطلع من الشغل علشان الاكل .

[ولي العهد]

لا عيل ابشرك البعض منهم حتى لو حطيت لهم بوفية ومال بلالالالالالالالالالاش بعد يبون يطلعون حق البرستيج ... امااااااا ريوق في فندق ... عسى ماشرررررررررررررررررررررررررر

[Right]

سؤال:


هل فعلاً مثل هذه النوعية من البنات يطلعون من الدوام عشان يروحون يتريقون أو يتسوقون بس ؟!

[قطري2022]

لا عيل ابشرك البعض منهم حتى لو حطيت لهم بوفية ومال بلالالالالالالالالالاش بعد يبون يطلعون حق البرستيج ... امااااااا ريوق في فندق ... عسى ماشرررررررررررررررررررررررررر

والله حلو الريوق في الفندق يا و لي العهد بس حلو لما يكون مع و لي الامر ومب في ساعات الدوام ، بس عاد الي تقول عنهم ذيل امصخينها حبتين :)

[ولي العهد]

ياليت الموضوع موضوع يواعه ومساكين رايحين يتريقون نو نو نو اشكالهم مب اشكال بنات رايحين يتريقون ... القذله على صوب ولابسة نظارة والعباية مفتوحة لين السر واللجنز والكرشة طالعه وتنهوص وتكركر وعايشين الدور

اروح اتعلم وجيكم crazy

[R 7 A L]

وفي الاخير
المراجع والعمل يتعطل

[بوخالد911]

ضد هالشي وبقووووووووووووووووووووووووووة

تبي تتغدى / تشيش تروووح عقب الدوام

[ولي العهد]

وهي يات على المراجع يتعطل بس !! ياعزيزي حتى الجيل الي بيطلع من وراهم بيكون جيل عاطل اخلاقيا وبتنعدم منهم الاخلاق والسلوكيات

[ولي العهد]

ضد هالشي وبقووووووووووووووووووووووووووة

تبي تتغدى / تشيش تروووح عقب الدوام

شيشة ؟؟؟ امبوسيبوووووووووووووووووووووووول :con2:

[المــزن*]

واايد بنات جذيه يطلعون بدون علم الاهل والزوج
اشوف هالشي قدامي الله يستر عليهم

حق الريوق او الغدا او أي شي ثاني

نصحناهم مافي فايدة ،، ويردون يقولون اهلنا صاكين علينا ومايخلونا نطلع

وانا عن نفسي مستحيل اخطي خطوة بعد الدوام بدون علم زوجي
لان اخاف لا سمح الله لا صار شي شنو بيكون موقفي وانا طالعه بدون علمه؟؟

[حسن]

الصراحه اكتشفت من الردود الكثير الكثير من

التسيب والاهمال والتمرد وغيره لا استطيع كتابته

شي يخوف الصراحه

الوضع مايطمن ولا يسر

[ضوى]

الطلعة بدون اذن مب مقبولة نهائياً ، شخصيا اخلي مسؤوليتي واطلب منهم يكتبون اذن خروج ، بس بصراحة مايستأذنون لغدا والا فطور ، لظروف اخرى موعد مستشفى والا اي شي اخر يخص بيتهم وعيالهم ، يعني ماقدر مرت علي هالحالة

[بوخالد911]

شيشة ؟؟؟ امبوسيبوووووووووووووووووووووووول :con2:

سيه نا با بوسييبل مسيوو !!!

هذا واقع
ولحد ينكررر

[ولي العهد]

الصراحه اكتشفت من الردود الكثير الكثير من

التسيب والاهمال والتمرد وغيره لا استطيع كتابته

شي يخوف الصراحه

الوضع مايطمن ولا يسر

والله العظيم يابوعلي انا سيم سيم ولا الي اكتبت (( انا مضبطة مع مديري واطلع ساعتين حق الريوق وساعتين حق الشوبينق ))

[فلتة زمانها]

تحطون اللوم عالبنات وتنسون اهاليهم الي سمحولهم وعطوهم الحريه
بعض الشباب عندهم عادي خواتهم وحريمهم يطلعون انتوا ليش محترين

[ولي العهد]

سيه نا با بوسييبل مسيوو !!!

هذا واقع
ولحد ينكررر

تعجب وليس نكران

[__abdulla]

لا حول ولا قوه الا بالله.
مب معقوله الى يصير. عسا ما شر اطلع من الدوام عشان اتريق او اتغدي.
حلاته الواحده تقعد من الصبح تفطر مع اهلها او زوجها. مافيها شي لو قمتي امبكر اشوي. وهم بعد احط الومه على مدير قسمهم هو اساس البلا المفروض يحاسبهم على تصرفاتهم.
والله يعينا ع جيل الحالي.

[العنيده]

صعبه شوبينغ وقت الدوام :omg:
بس الغدا ممكن استاذن اخذ لي وارجع او نادر نطلع نتغدا
والاستئذان اعتبره تبليغ لامي اني في هالمكان ضمن مكالمة الصبح اليوميه من الدوام تحسبا لاي طارئ

بس الريوق ماقد فكرت فيها :con2:

[الزعفراني]

قلنا لكم من البداية البنت وخاصة الزوجة مكانها البيت

بس انتوا قلتوا لا لازم تداوم وتدور على كيانها

عاد ما ندري وش نوع الكيان

تيربوا ولا GTS :funny:

انت مش ممكن ههههههههههههههه

[Aaziz]

اي موضوع عنوانه فيه كلمه بنات او نساء
لازم تلقى هواش
لازم بتلقى قذف
لازم بتلقى تحذف كلام و تنغز
وفي ابعض الاحيان بتلقى قذف لاعراض خلق الله


ليتكم تفكونا من هالمواضيع المقرفه ، ببساطه ماراح تصلحون الناس و الخربان خربان ماراح يتعض من مواضيعكم

[الزعفراني]

وتجي البيت متنفخه من الزط وتقولي مابي غدا مسويه رجيم

ههههههههههههه

ههههههههههههههههههههههههههههههههههه

[شبح الصمت]

السؤال ما زال مطروح






ما تشوف يا رايت انه اغلب البنات ما يبون مسائيل عليهم حريم في بعض الجهات الحكومية لانه المره تحكر لها واطلع عيونها ..

بس لو رجال بيحرجووونه وهذا الي صاير عند البعض من البنات

واحد من الربع ماسك على حريم والله انه يقول لنا سوالف وحش فيهم وإلا في اعراضهم لا والله ..

بس يقول ما يبون يشتغلون تبي تطلع تروح تتريق

ما تبي الحمام الي فالشغل يكرم الحاضرين تبي تروح مكان ثاني ..

يعني يحرجونا ويحطونا في مواقف محرجة واحنا كرجاجيل نستحي منهم ..


وعاد حدث وإلا حرج لو طلع المدير فاااااج
بيلعبون فيه لعبة


هههههههههههههاي

[أسد الجزيرة]

يمكن تطبخله

[الحياة الخالدة]

الموضوع استوفى حقه في النقاش و وضحت وجهات النظر و دخل في دهاليز مظلمة
لذلك تم الإغلاق

[ضوى]

اي موضوع عنوانه فيه كلمه بنات او نساء
لازم تلقى هواش
لازم بتلقى قذف
لازم بتلقى تحذف كلام و تنغز
وفي ابعض الاحيان بتلقى قذف لاعراض خلق الله


ليتكم تفكونا من هالمواضيع المقرفه ، ببساطه ماراح تصلحون الناس و الخربان خربان ماراح يتعض من مواضيعكم

مقرفة بعقل !!!

لا حول ولا قوة الا بالله

استباحوا اعراض الناس ونسوا انه لهم اعراض ممكن اي احد يستبيحها