أحد جرب الحمامات المعلقة

[captin]

حبيت أخذ رأي فني إن أمكن بالنسبة للحمامات المعلقة في الطوفة

انا عندي مشروع فيلا سكنية وصار خطأ من المقاول عمل أرضية
الحمامات بنفس مستوى أرضية الغرف يعني لو سويت الطريقة العادية بمد الانابيت
على الارض ومع طبقة العازل والدفان والسيراميك راح يكون مستوى الحمام أعلى من
مستوى الغرف وهو شي غير مفضل ومنظره قبيح ونفسيا الواحد ما يقبله .

دورت على عدد من الحلول ولقيت افضل طريقة هي أن الحمامات تكون من النوع المعلق
في الحوائط وخزان الماي يكون داخل الطوفة يعني نسوي طوفة دبل للخزان ورى الحمام
وفي هالحالة ما راح يكون مستوى أرضية الحمام اعلى من مستوى الغرف بعد التشطيب.
وحتى الطوفة اللي ورى الحمام راح تشكل رف يمكن استخدامه لوضع بعض الاغراض او الديكورات التجميلية.

لقيت ماركة توايفورد الانجليزية عندهم حمامات حلوة وعملية من هذا النوع.
سألت عنها والبعض اثنى على هذا النوع لأنه يكون انظف ولايكون بكتيريا وايضا هناك سهولة
في تنظيف الارضية تحت الحمام ولذلك مستخدم في معظم الاماكن العامة والمطارات وغيرها

هل في احد من الأخوة جرب ركب هذا النوع وماهو الانطباع عنه.

[معماري قطري]

الله يعينك يا كابتن على هالعاهات ولا حد يخطيء هالخطأَ

عن توايفورد انا مجربها ولها 10 سنين الحمد لله بدون مشاكل سوى تنظيف فلتر الماي من داخل وبسهولة ولواحد منها

زين هذي محلولة .. لكن بتواجهك مشكلة صرف الغسيل والعزل شلون بيسويه والسلوب ولو اضطريت في حمام بسبب التوزيع الأَمثل انك تخلي الكرسي في جهة غير الحائط الخارجي.

حتى عندك التبليط بيزيد الارتفاع قليل .. قبحه الله من مقاول عليمي ولو متابعه استشاري ارجمه رجم بالطابوق .. علمنا يا اخوي من هالمقاول؟ خلنا نتحذر منه.

نجي لمحاولة حلحلة الأَوضاع عندك وهذي محاولة يائسة يمكن تنفع ويمكن لا

لو الحمامات فوق بعض خله يحفر بدريل خاص حق فتحة التصريف ويكملها تحت السقف ويطلعها بعد من حائط الحمام التحتي .. وفي هالحالة بيضطر يفتح في العارضة الخرسانية وشغلة .. ما ادري إِذا ممكن يستخدم بايب 2 أو 3 إنش شوف راي مهندس ميكانيكل مختص وحتى المفروض يشرف على الشغلة .. وتنعزل عدل ويتركب سقف تحت معدني قابل للفتح للتصليح لو صار تسريب.

وهذي العملية ممكنه حتى لو الحمام اللي فوق تحته غرفه بس تضطر تغطي البايبات بجبس أو سيلوتكس أَو غيره من أَسقف مستعارة.

بالنسبة للميلان بتضطر ترفع أَرضية الحمام حول 3 سم علشان تضمن سلوب مناسب لفتحة الصرف .. أَو تكسر شوي في الخرسانة حول 2 - 3 سم لترتيب سلوب مناسب وعدم رفع أَرضية الحمام كثير .. وتسوي عتبة رخام عند الباب محفوفة الأَطراف تكون كحاجز للماي ليتسرب للغرفة.

طبعاً المقاول الفذ بيحاول يقنعك إِن ما فيه داعي لفتحة التصريف.

نجي لتصريف مياه الشاور أَو البانيو .. وهذا بعد ينشبك من تحت أَرضية الحمام الخرسانية.

العزل هذا مشكلة شوف حلها مع شركات العزل مثل المسند والزم مقاولك بالأَتعاب .. في النهاية بلاط الأَرضية ركبه بعد بلاط الحوائط وفيه نوعية مونه تحت البلاط بروحها عازلة للمياه ونوعية القراوت لبين البلاط خذ نوع عازل للمياه والله يوفقك ان شاء الله.

اتوقع الحمامات التحتية مشكلتها محلولة

[captin]

الله يعينك يا كابتن على هالعاهات ولا حد يخطيء هالخطأَ

عن توايفورد انا مجربها ولها 10 سنين الحمد لله بدون مشاكل سوى تنظيف فلتر الماي من داخل وبسهولة ولواحد منها

زين هذي محلولة .. لكن بتواجهك مشكلة صرف الغسيل والعزل شلون بيسويه والسلوب ولو اضطريت في حمام بسبب التوزيع الأَمثل انك تخلي الكرسي في جهة غير الحائط الخارجي.

حتى عندك التبليط بيزيد الارتفاع قليل .. قبحه الله من مقاول عليمي ولو متابعه استشاري ارجمه رجم بالطابوق .. علمنا يا اخوي من هالمقاول؟ خلنا نتحذر منه.

نجي لمحاولة حلحلة الأَوضاع عندك وهذي محاولة يائسة يمكن تنفع ويمكن لا

لو الحمامات فوق بعض خله يحفر بدريل خاص حق فتحة التصريف ويكملها تحت السقف ويطلعها بعد من حائط الحمام التحتي .. وفي هالحالة بيضطر يفتح في العارضة الخرسانية وشغلة .. ما ادري إِذا ممكن يستخدم بايب 2 أو 3 إنش شوف راي مهندس ميكانيكل مختص وحتى المفروض يشرف على الشغلة .. وتنعزل عدل ويتركب سقف تحت معدني قابل للفتح للتصليح لو صار تسريب.

وهذي العملية ممكنه حتى لو الحمام اللي فوق تحته غرفه بس تضطر تغطي البايبات بجبس أو سيلوتكس أَو غيره من أَسقف مستعارة.

بالنسبة للميلان بتضطر ترفع أَرضية الحمام حول 3 سم علشان تضمن سلوب مناسب لفتحة الصرف .. أَو تكسر شوي في الخرسانة حول 2 - 3 سم لترتيب سلوب مناسب وعدم رفع أَرضية الحمام كثير .. وتسوي عتبة رخام عند الباب محفوفة الأَطراف تكون كحاجز للماي ليتسرب للغرفة.

طبعاً المقاول الفذ بيحاول يقنعك إِن ما فيه داعي لفتحة التصريف.

نجي لتصريف مياه الشاور أَو البانيو .. وهذا بعد ينشبك من تحت أَرضية الحمام الخرسانية.

العزل هذا مشكلة شوف حلها مع شركات العزل مثل المسند والزم مقاولك بالأَتعاب .. في النهاية بلاط الأَرضية ركبه بعد بلاط الحوائط وفيه نوعية مونه تحت البلاط بروحها عازلة للمياه ونوعية القراوت لبين البلاط خذ نوع عازل للمياه والله يوفقك ان شاء الله.

اتوقع الحمامات التحتية مشكلتها محلولة


مرحبا أخوي معماري الله يقويك ويعطيك العافية

مشكور على ابداء الرأي
خلها على ربك بعض المهندسين تقول جنغل يايين من ادغال افريقيا
احنا اللي مب مهندسين ومتخصصين في الشغلة نقعد نفهمهم شغلهم.

علما ان الخرائط كان التصميم الانشائي فيه نزول 20 سم عشان تمديد البايبات والعازل والدفان
انا كنت وقتها مسافر سفرة طويلة برع يوم رجعت ولقيت هذا الوضع سألت المهندس ليش سويت
هالطريقة قال هاذي الطريقة الحديثة الحين والافضل للصيانة ان البايبات تكون نازلة على الدور اللي تحت
لوصار انسداد او تسريب بسهولة نفتح الجبس ونعالج المشكلة .
عموما صار اللي صار الحين وما نقدر نرجع للوراء الافضل ننظر للامام ونعالج المشكلة .




انا فعلا فكرت في جميع الحلول اللي ذكرتها

اولها ننزل البايبات على الحمام التحتي لكن صادفتنا مشكلة وجود وحدات التكييف
للدكت سبيليت شاغلة المساحة وهذا الحل بيلزمنا بتوزيع ثابت للقطع في كل حمام الى الابد
لو بغينا في المستقبل نغير اماكن القطع لسبب او لآخر .


الحل الثاني اللي قلت عنه جربت وحفرنا بطبقة الخرسانة حفر بسيط عشان ننزل بايبات
الصرف ونكسب مساحة كم سم تحت لكن طلعت لنا اسياخ التسليح اللي فالخرسانة وما قدرنا ننزل أكثر

الحل الثالث غيرت تصميم الحمامات واضطريت اخلي جميع قطع الـ wc على الطوف الخارجية
واستخدم الحمامات المعلقة عشان يكون التصريف في الطوفة مباشرة ومنها الى الدكت الخارجي

تبقى البايبات للمغاسل والشاور والجاكوزي هاذي راح نمدها على طبقة العازل وماراح تاخذ ارتفاع كبير
لانها صغيرة يعني راح نصفى على مستوى تقريبا يعادل مستوى الغرف وراح نحط قطعة رخام تحت باب الحمام
عشان تفصل الحمام عن الغرفة وهذا افضل حل وصلنا له لمعالجة هالمشكلة.

بالنسبة للعازل راح نستخدم شركة المسند وهم معاي من سنين طويلة في التعامل في اكثر من مشروع والحمدلله
ما وجهت معاهم اي مشلكة تسريب سواء للاسطح او الحمامات
بالنسبة للحمامات التحتية فعلا مافيها اي مشكلة بس هم أربع حمامات في الدور العلوي

.

[معماري قطري]

إِخوي فيه حلول كثيرة .. منها عمل حائط حتى لو 10 سم لتصريف المغسلة والبديه ان وجد وبإِرتفاع 80 أَو 90 سم وبحيث يكون متعامد مع الحائط الخارجي وتكون البايبات معزولة .. بالنسبة للكرسي ممكن بنفس الطريقة وفيه أَنواع ثابتة وغير معلقة وطردها أُفقي يمشي معاها هالحل .. يعني أَي توزيع تبي ممكن .. وعندك بعد تصريف مياه الغسيل ممكن الحفر حق بايب وتنزيله تحت وممكن البايب يكون 2 إِنش ولو قصيت قطعة حديد أَو قطعتين لا تهتم ما عندك مشكلة .. الاستشاري والمقاول عقولهم " تنك " ما يفكرون في صالحك وتفكيرهم في الطرق السهلة ويبدون بطريقة معينة ويحطونك جدام واقع مجهول .. انا اطمنك فتحة حتى 15 سم تتم بسهولة .. وممكن عملها 10 سم لأَي بايب وقطع الحديد بس بدريل خاص وشغل نظيف .. أَما تكسير بمطرقة انساه.

[بن غيث]

بوعلي ..
انت مسوي اﻻرتفاع 3.2

[engineer raz]

بالتوفيق

[@north_star@]

الحمام المعلق عملي وحلو وانظف .... بس اذا انت حاب تركب أرضي عندك back to wall wc ويكون نوعين في نوع خزانه عادي خارجي وفي نوع مخفي بالطوفة.. واذا تبي التصريف بالطوفة لازم المرحاض يكون p-trap وليس s-trap وما اتوقع عندك مشكلة نهائيا اذا بتركب p-trap حتى لو الحمام ارضي
وطبعا البي تراب موجود بماركات عديدة منها twyford ومنها jacob delafon والكثير من الماركات الاخرى

[Azizuk]

ممكن احد من الأعضاء يقدم لنا شرح وافي وكامل عن المرحاض المعلق
الإيجابيات والسلبيات

وأحسن انواع شركات هيكل حامل المرحاض ومن الشركات المعروفة ( غبرت ) عند حسين فكري و( غروهي ) عند العامودي وشبيب العطية

كما يوجد مكتب إقليمي لشركة غبرت في ابراج لاجونا في الدور 11

لأني محتار بين المعلق وبين الأرضي

[معماري قطري]

المعلق أَحلى وأَسهل للتنظيف وجزء الخزان مخفي في الحائط

بس يحتاج شغل تركيب صح .. انا سويت حائط عادي عازل جهة المغسلة عن باقي الحمام وبارتفاع متر و 20 سم وفيه ركبت خزان الصرف والحديد وتم تغطيته بمارين بلايوود وعليه بلاط بدال الخرسانة .. والحمد لله عايش على أَحسن ما يمكن للحين .. 10 سنين

[معماري قطري]

الحمام المعلق عملي وحلو وانظف .... بس اذا انت حاب تركب أرضي عندك back to wall wc ويكون نوعين في نوع خزانه عادي خارجي وفي نوع مخفي بالطوفة.. واذا تبي التصريف بالطوفة لازم المرحاض يكون p-trap وليس s-trap وما اتوقع عندك مشكلة نهائيا اذا بتركب p-trap حتى لو الحمام ارضي
وطبعا البي تراب موجود بماركات عديدة منها twyford ومنها jacob delafon والكثير من الماركات الاخرى

إِخوي نورث ستار انا تقريباً متخيل الوضع بس لو ممكن توضح لي شالفرق بين البي والاس تراب

[بوNasser]

إِخوي نورث ستار انا تقريباً متخيل الوضع بس لو ممكن توضح لي شالفرق بين البي والاس تراب

السلام عليكم

هذه من النت، وانت استاذنا ومنكم نتعلم

http://www.askmehelpdesk.com/attachments/plumbing/35023d1295655875-what-s-trap-p-trap-toilet-abcvent2.jpg


Here's a basic explain both traps serve the same purpose however since the p trap
Is vented the water that it holds to prevent sewer gasses from coming back in will not be siphoned out. The s trap however is not vented therefore vacuum can build up allowing the water to be siphoned and sewer gasses to enter the home via the drain. As far as I know s traps are no longer legal at least not in the U.S

[@north_star@]

إِخوي نورث ستار انا تقريباً متخيل الوضع بس لو ممكن توضح لي شالفرق بين البي والاس تراب

http://www.majaless.com/up/get-5-2014-b6v9t06y.jpg (http://www.majaless.com/up)

[@north_star@]

طبعا s-trap راح يكون التصريف في الارض اما في حالة ال p-trap راح يكون التصريف بالحائط وما راح يضطر انه يحفر الارضية ونظامة بالتصريف نفس المعلق يعني عنده خيارين اما معلق او على الارض بنظام p-trap

[معماري قطري]

ما قصرتوا اخواني بو ناصر ونورث ستار

انا اخترت الطريق السهل وسئلت ولا صح النت فيها كل شيء وكنت متخيل الوضع بس الفرق مب عارفه وما قصرتوا

كنت افكر ليش ما تكون التمديدات كلها في حائط مثل الرف بارتفاع بسيط وطالعة للحائط .. وممكن الحائط يكون من جزئين بفراغ بينهم للتمديدات .. قصدي الخارجي .. من بايبات ومن صرف صحي مع عمل فتحة فحص لفتح أَي انسداد بسرعة .. وأَرضية الحمام تكون خالية من التمديدات غير بايب 2 إِنش لتصريف مياه الغسيل يكون مركب أَثناء الصب ويطلع بعد على الفراغ الخارجي .. والبلاط ينحط تحته إِسمنت خاص عازل للرطوبة أَو عازل عادي ويتركب عليه البلاط بدون رمل .. وتركيب البلاط يكون بمونه خاصة بعد عازلة .. فتكون طبقة العزل القوية هي البلاط.

بالنسبة لبايبات تصريف ماي التكييف هذي ممكن تمديدها للتجويف وتطليعها برا مباشرة وتصب في الزراعة أَحسن.

شرايكم؟

[وطن]

واجهتنا هالمشكلة من قبل


بسيطة ارفع أرضية الحمام كاملة 15-20 سم

سو الدرج "العتبة" بعد قوس الباب بـ 10 سم
من داخل الحمام
قوس الباب اللي يصير مع الباب لين تفتحه .. ما أعرف اشرح لك

يعني يصير لك كأن كيرف داخل الحمام
كأن ديكور
وهو ارتفاع تقدر تحط كل تمديداتك فيه

[معماري قطري]

واجهتنا هالمشكلة من قبل


بسيطة ارفع أرضية الحمام كاملة 15-20 سم

سو الدرج "العتبة" بعد قوس الباب بـ 10 سم
من داخل الحمام
قوس الباب اللي يصير مع الباب لين تفتحه .. ما أعرف اشرح لك

يعني يصير لك كأن كيرف داخل الحمام
كأن ديكور
وهو ارتفاع تقدر تحط كل تمديداتك فيه

بعد طريقة تمشي بس تبقى العتبة شوي مزعجة

ليش ما نسوي العتبة قريبة من الحائط جزئية بس وباقي أَرضية الحمام نفس مستوى الغرفة لسهولة الدخول والخروج.

[@north_star@]

ما قصرتوا اخواني بو ناصر ونورث ستار

انا اخترت الطريق السهل وسئلت ولا صح النت فيها كل شيء وكنت متخيل الوضع بس الفرق مب عارفه وما قصرتوا

كنت افكر ليش ما تكون التمديدات كلها في حائط مثل الرف بارتفاع بسيط وطالعة للحائط .. وممكن الحائط يكون من جزئين بفراغ بينهم للتمديدات .. قصدي الخارجي .. من بايبات ومن صرف صحي مع عمل فتحة فحص لفتح أَي انسداد بسرعة .. وأَرضية الحمام تكون خالية من التمديدات غير بايب 2 إِنش لتصريف مياه الغسيل يكون مركب أَثناء الصب ويطلع بعد على الفراغ الخارجي .. والبلاط ينحط تحته إِسمنت خاص عازل للرطوبة أَو عازل عادي ويتركب عليه البلاط بدون رمل .. وتركيب البلاط يكون بمونه خاصة بعد عازلة .. فتكون طبقة العزل القوية هي البلاط.

بالنسبة لبايبات تصريف ماي التكييف هذي ممكن تمديدها للتجويف وتطليعها برا مباشرة وتصب في الزراعة أَحسن.

شرايكم؟

بالنسبة لتمديدات الصرف الصحي اخوي معماري انا شفت بمجمع اسكان الخور مال راس لفان تكون تمديدات الصرف الصحي نازلة على الطابق الارضي من السقف يعني فوق الفورسيلينج مال الطابق الارضي والطابق الثاني نفس الاول واذا حدث اي بلوك او تسريب على فرض الطابق الاول على طول تفك السيلنج مال الارضي وتشيك على مكان التسريب و أظن انها فعلا طريقة عملية بدال التكسير وعوار الراس ....

وكلامك صحيح بالنسبة لتمديدات صرف مياه المكيفات على الاقل الواحد يستفيد من الماي بسقي الزرع .... ويحياتي لك

[وطن]

بعد طريقة تمشي بس تبقى العتبة شوي مزعجة

ليش ما نسوي العتبة قريبة من الحائط جزئية بس وباقي أَرضية الحمام نفس مستوى الغرفة لسهولة الدخول والخروج.

لأن جذي راح يصير الدبليو سي مرتفع وايد على الانسان اللي طوله طبيعي

والمغسلة بعد



يا أما يبدأ الستب من باب الحمام بخط سيده مع الباب
أو كشكل جمالي يصير كيرف من داخل
اذا مساحة حمامه تسمح

:nice:


وبعد عندك مشكلة التصريف

تحتاج ارضية الحمام تكون على ارتفاع واحد مع ميلان باتجاه الـ مانهول

[captin]

أحب أشكر الجميع على الآراء والمشاركات الطيبة
واللي اثرت الموضوع .

بالنسبة لي انا سويت بحث مستفيض ولقيت ان الحمامات المعلقة في الحائط
افضل حل واحلى وأنظف لذلك شريت لكل البيت نفس النوع حتى الحمامات اللي
في الدور الأرضىي واللي ما فيها مشكلة مستوى وكلهم ماركة توايفورد
الرئيسي نوع اسمه Vello والباقين لكل الغرف والمرافق نوع اسمه
( Envy )

[Azizuk]

اخوي captin ممكن الأسعار Vello وأسعار Envy لان في فرق بين الأسعار عند شبيب العطية ومحلات العاصمة

المقعد الحمام الله يعزكم مع المغسلة عند شبيب بالنسبة Vello و سعرة 7 آلاف ريال

وعند العاصمة أرخص تقريبا 5600 ريال

اما Envy لا سعرة رخيص الطقم كامل مغسلة ومقعد وبيدي 3500 ريال عند شبيب

وخاطبة الشركة الام في بريطانيا عن طريق الا يميل و ردو على قالو تم توقيف هذا المنتج في أوروبا وتصديره لباقي دول العالم

حتى لو تدخل موقع توايفورد ماتحصل المنتج موجود

وموجود في ماركة كارمخ الألمانية Keramag design واسم الموديل Silk وموجود منه بس المعلق

وبعد التحقيق والتواصل مع الشركات عن طريق الايميل اتضح ان شركة كارمخ وتوايفورد مع شركات اخرى شراكة

وهذا مواقع الشركات


http://www.keramagdesign.com/collections/silk.html


http://www.twyfordbathrooms.com


وهذا موقع الشركة الام تشمل جميع الماركات وكل ماركة وتخصصها

http://www.sanitecreference.com


والسعودية لقيتهم ارخص بوايد مع وجود مغاسل بها ادرج وكبتات

وفي السعودية تنباع ماركة كارمخ عند محلات مكارم النخبة موجوده في الدمام طريق الجبيل جنب جسر ( كبري سهيات ) وانتي جاي من الجبيل على يدك اليمين

ومحلات المدى يبيع توافورد وهم نفس الشركة بس الاسم يختلف وكلهم تبع شركة بيت الآباء

http://www.ebaahouse.com

بس مكارم النخبة في الرياض طريق الخرج يوجد انواع موديلات أحلا

ومحد يتعب حاله مكارم النخبة حق ماركة كارمخ

والمدى ماركة توايفورد

لا تروح حق شركة بيت الآباء لأنهم يبيعون بالجملة وتختلف الأنواع عندهم والشركة موزعة الماركات على المحلات

مكارم النخبة ماركات الدرجة الاولى كارمخ

والمدى توايفورد

وبيت الآباء ماركات اقل جودة

وإلا يوجد محل لهم الا في منطقة المخازن والصناعية

وإذ في حد عنده معلومات لا يبخل على ربعة

[معماري قطري]

لأن جذي راح يصير الدبليو سي مرتفع وايد على الانسان اللي طوله طبيعي

والمغسلة بعد



يا أما يبدأ الستب من باب الحمام بخط سيده مع الباب
أو كشكل جمالي يصير كيرف من داخل
اذا مساحة حمامه تسمح

:nice:


وبعد عندك مشكلة التصريف

تحتاج ارضية الحمام تكون على ارتفاع واحد مع ميلان باتجاه الـ مانهول

صح كلامج غلبتيني .. هذا لو فكرنا في الداخل .. داخل الصندوق .. لكن لو فكرنا في حدود الصندوق أَو خارج حدود الصندوق كنا سوينا المعلق للمغسلة والكرسي وحتى ممكن الشاور أَو البانيو والتمديدات أَما تحت أَو في جزء حائط بسيط يغطيها بالنسبة للحل اللي سويتوه يصير وسهل وممكن الإِرتفاع ينزل حتى ل 5 أَو 7 سم وما يكون مزعج قد العتبة الكاملة 15 - 20 سم لو سوينا جزء معلق وتمديداته في الحائط وخلينا التصريف مكسر له شوي داخل الخرسانة .. وممكن التصريف يكون بعد في الحائط الخارجي ونفتك من أَي عتبة نهائياً .. هذا بالنسبة لماي الغسيل للأَرضية.

[معماري قطري]

ما شاء الله عليك اخوي عزيز يو كي مسوي بحث مستفيض

كلهم زينين كارماغ وتوايفورد ولو وقفوا انتاج توايفورد النوع العريض صراحة خطأَ .. لأَن النوع ناجح ومنافس قوي ومرغوب للكثيرين وأَلحين أَكيد إِتجاه المصانع لتصنيع مواد تستخدم مواد أَولية أَقل للتوفير على البيئة وعلى المستخدم ولجني أَرباح أَكبر.

[Azizuk]

اخوي معماري قطر انا استفدة استفادة عظيمة من أعضاء المنتدى في هذا القسم وايد

وان شاالله ناوي انزل تقرير كامل عن بناء بيتي والمشاكل اللي واجهتني وأسعار جميع السلع

عشان الناس تستفيد

بس عندي مشكلة في استخدام الآي باد ماعرف انزل منه صور

وانا خبرتي في المنتدى حديثة

يعني امشي حالي

كما فقدنا شرح وخطوات بوجمال ماشالله عليه ممتاز

وما عليك زود يا معماري قطر تعتبر ( معجم في البناء )

ماله حس من زمان بوجمال

أخاف مسكين حد صكه بعين الله يحفظه

وأرجو من أعضاء هذا القسم بوضع جميع المعلومات والاستفسارات التى تخص البناء

ويكون شرح واضح مع ذكر الأسعار ومواقع تواجدها للاستفادة

[Azizuk]

ما شاء الله عليك اخوي عزيز يو كي مسوي بحث مستفيض

كلهم زينين كارماغ وتوايفورد ولو وقفوا انتاج توايفورد النوع العريض صراحة خطأَ .. لأَن النوع ناجح ومنافس قوي ومرغوب للكثيرين وأَلحين أَكيد إِتجاه المصانع لتصنيع مواد تستخدم مواد أَولية أَقل للتوفير على البيئة وعلى المستخدم ولجني أَرباح أَكبر.


في بعد موديل عند محلات كافود مقعد مريح الله يعزك نوع اسمه مونتانا أيديل استاندرد صناعة مصرية ممتاز بس شوي سعرة غالي 2900 ريال ويعتبر موديل قديم

وفي السعودية عليه عرض 1500 ريال عند محلات خالد الملحم في الحساء والدمام

http://www.khaledalmulhem.net/main

[معماري قطري]

اخوي معماري قطر انا استفدة استفادة عظيمة من أعضاء المنتدى في هذا القسم وايد

وان شاالله ناوي انزل تقرير كامل عن بناء بيتي والمشاكل اللي واجهتني وأسعار جميع السلع

عشان الناس تستفيد

بس عندي مشكلة في استخدام الآي باد ماعرف انزل منه صور

وانا خبرتي في المنتدى حديثة

يعني امشي حالي

كما فقدنا شرح وخطوات بوجمال ماشالله عليه ممتاز

وما عليك زود يا معماري قطر تعتبر ( معجم في البناء )

ماله حس من زمان بوجمال

أخاف مسكين حد صكه بعين الله يحفظه

وأرجو من أعضاء هذا القسم بوضع جميع المعلومات والاستفسارات التى تخص البناء

ويكون شرح واضح مع ذكر الأسعار ومواقع تواجدها للاستفادة

هههههه شكلي انا صكيته بعين

ذكرتني به والله لازم اتصل به .. انا احساسي انه مسوي مفاجأَة وقرب يخلص بنيان بيته.

بالنسبة لتنزيل الصور العملية سهلة جداً .. تصور وتحاول تخلي حجم الصورة بالبكسل في حدود ما تزيد عن 1280 كعرض والارتفاع ممكن يزيد بس في الغالب ركز على هذا الرقم في الستنغ اللي في الكاميرا حتى لا تتعداه وتكون الصورة كبيرة وايد .. ومن تصور تنقلها للآي باد أَو الكمبيوتر ومنه تنزلها في موقع www.gulfup.com ومنه تنسخ الرابط اللي للمنتديات وتضيفه على شرحك وتطلع الصورة مثل ما يطلع العسل من الخلية.

وإِذا بتدلع الصورة تسوي لها تحرير وتعدل اضاءَتها وتقص منها وتضيف عليها كتابة عندك برامج كثيرة منها تحرير الصور في مايكروسوفت اوفيس

[captin]

اخوي captin ممكن الأسعار vello وأسعار envy لان في فرق بين الأسعار عند شبيب العطية ومحلات العاصمة

المقعد الحمام الله يعزكم مع المغسلة عند شبيب بالنسبة vello و سعرة 7 آلاف ريال

وعند العاصمة أرخص تقريبا 5600 ريال

اما envy لا سعرة رخيص الطقم كامل مغسلة ومقعد وبيدي 3500 ريال عند شبيب

وخاطبة الشركة الام في بريطانيا عن طريق الا يميل و ردو على قالو تم توقيف هذا المنتج في أوروبا وتصديره لباقي دول العالم

حتى لو تدخل موقع توايفورد ماتحصل المنتج موجود

وموجود في ماركة كارمخ الألمانية keramag design واسم الموديل silk وموجود منه بس المعلق

وبعد التحقيق والتواصل مع الشركات عن طريق الايميل اتضح ان شركة كارمخ وتوايفورد مع شركات اخرى شراكة

وهذا مواقع الشركات


http://www.keramagdesign.com/collections/silk.html


http://www.twyfordbathrooms.com


وهذا موقع الشركة الام تشمل جميع الماركات وكل ماركة وتخصصها

http://www.sanitecreference.com


والسعودية لقيتهم ارخص بوايد مع وجود مغاسل بها ادرج وكبتات

وفي السعودية تنباع ماركة كارمخ عند محلات مكارم النخبة موجوده في الدمام طريق الجبيل جنب جسر ( كبري سهيات ) وانتي جاي من الجبيل على يدك اليمين

ومحلات المدى يبيع توافورد وهم نفس الشركة بس الاسم يختلف وكلهم تبع شركة بيت الآباء

http://www.ebaahouse.com

بس مكارم النخبة في الرياض طريق الخرج يوجد انواع موديلات أحلا

ومحد يتعب حاله مكارم النخبة حق ماركة كارمخ

والمدى ماركة توايفورد

لا تروح حق شركة بيت الآباء لأنهم يبيعون بالجملة وتختلف الأنواع عندهم والشركة موزعة الماركات على المحلات

مكارم النخبة ماركات الدرجة الاولى كارمخ

والمدى توايفورد

وبيت الآباء ماركات اقل جودة

وإلا يوجد محل لهم الا في منطقة المخازن والصناعية

وإذ في حد عنده معلومات لا يبخل على ربعة



[center]
ما شاء الله عليك اخوي مسوي بحث شامل ان شاء الله الكل يستفيد منه
وحطيت مصادر في السعودية .

انا الحقيقة شفت عند العاصمة توايفورد وقال لي باعطيك ارخص من العطية
لكن شغل البنغال في التسويق ما عجبنى اطلب منه الاسعار يتم اسبوع اراكض وراه وما لقى شي
وكل ما سألته عن نوع قال مادري بشوف اذا عندنا ولا لا .

قلت خلنى اروح للمصدر الموثوق اللي هي شركة العطية ابرك
الصراحة مادري كم سعر القطعة الوحدة لأني اخذت كل الحمامات ومعاهم مغاسل مستطيلة توايفورد
تنحط تحت الرخام ومعاهم بعض الفتنقز وايضا مغسلتين ذهبيات للمجلس الداخلي وايضا الفلاش اللي يركب دخل الطوفة
ماركة جروهي كل الاغراض على بعضها طلعت مع الخصم 37 الف .

انا معاك في السعودية والدول المجاورة الاسعار لمثل هاذب المواد أرخص بكثير بس انا واحد وبصفة شخصية
ما افكر اشتري شي من برع تماما خصوصا في مواد البناء لان الشغلة متعبة وقاعد اشوف الناس تعاني من نقص بعض المواد
واحيانا وصولها تالفة او غير مطابقة للمواصفات .
لو ان الوكيل المحلي اغلى لكن اريح في التعامل في حال التبديل والتغيير والاضافة .

ومشكور مرة ثانية على الاراء والمداخلات الطيبة.

[Azizuk]

الله يسلمك اخوي معماري والأخ captin

الواحد وده يأخذ احتياجاته من التاجر القطري بس مشكلة تجارنا فيهم طمع وجشع فاحش

على سبيل المثال عند المتحدة طقم حمام الله يعزكم المغسلة قيمة 28 الف ريال بس تجيك فيها ادرج وكلها ملبسه بجلد الطقم كامل يوصل 50 الف ريال

تقدر تدخل على الموقع وتشوف الطقم

https://www.duravit.com/website/homepage/products/product_overview/series/esplanade.com-en.html?p=604212

تخيل نفس الوكيل المعتمد من الشركة الام الألمانية ماركة Duravit قيمة المغسلة 8 آلاف ريال والطقم كامل يطلع بعد الخصم 28 الف شوف الفرق :eek5:

وتقدر تدخل على الموقع وتتحقق من شركة هاينز قروهي الشركات معتمدة 3 وكلاء في السعودية هم الصديقي و الشايع والهبدان

http://www.hansgrohe-middleeast.com/13358.htm

عندك مقبض شور المتحدة 1700 ريال بس المقبض اليد نفسه في السعودية الطقم كامل مع الهوز والمقبض مع الحامل 700 ريال معقولة يكون في فرق هالكثر

ممكن حد يقولي لا تقليد نعم في تقليد بس مب عند الوكيل لقيتهم عند محلات برا وأنواع قليله جداً

الوكيل يفتح لي الكتلوج ويعطينا السعر باليور ويحوله لي بالريال السعودي وبعدين يعطيني خصم 20 % من سعر الكتلوج

محل الشايع موجود على يدك اليمين وانت جاي من طريق الخبر الدمام اول ماتطلع من الخبر

والصديقي شارع الملك عبدالعزيز جنب الإمارة حتى لو تبي الإحداثيات المحلات حاضرين

وفي الرياض شارع التخصصي

ليش وزارة الاقتصاد ماتراقب الأسعار

حتى فرق السعر بين الامارات والسعودية فرق بسيط يمكن الامارات تفرق 300 ريال عن الوكيل في السعودية

اما عندنا التاجر القطري شبعان ومايهمه العميل ليش لان معتمد على المشاريع الضخمة

والعذر الثاني يقولك الإجارات ارتفعة وانا مب مقتنع بكلامهم واعذارهم

لان التجار مأخذ كل شي قبل الغلاء ومنحه من الدولة في السابق

الاراضي في الصناعية من الدولة والمخازن والمعارض هم يملكون المبنى

مثل كافود وشبيب واغيرهم من التجار كلهم يملكون المعارض والعمارات لا يقولي المالك رفع علينا السعر

وبعدين أسعار الماركات تكون ثابتة والفرق يكون بسيط مب آلاف

[Bonasser727]

[center]
ما شاء الله عليك اخوي مسوي بحث شامل ان شاء الله الكل يستفيد منه
وحطيت مصادر في السعودية .

انا الحقيقة شفت عند العاصمة توايفورد وقال لي باعطيك ارخص من العطية
لكن شغل البنغال في التسويق ما عجبنى اطلب منه الاسعار يتم اسبوع اراكض وراه وما لقى شي
وكل ما سألته عن نوع قال مادري بشوف اذا عندنا ولا لا .

قلت خلنى اروح للمصدر الموثوق اللي هي شركة العطية ابرك
الصراحة مادري كم سعر القطعة الوحدة لأني اخذت كل الحمامات ومعاهم مغاسل مستطيلة توايفورد
تنحط تحت الرخام ومعاهم بعض الفتنقز وايضا مغسلتين ذهبيات للمجلس الداخلي وايضا الفلاش اللي يركب دخل الطوفة
ماركة جروهي كل الاغراض على بعضها طلعت مع الخصم 37 الف .

انا معاك في السعودية والدول المجاورة الاسعار لمثل هاذب المواد أرخص بكثير بس انا واحد وبصفة شخصية
ما افكر اشتري شي من برع تماما خصوصا في مواد البناء لان الشغلة متعبة وقاعد اشوف الناس تعاني من نقص بعض المواد
واحيانا وصولها تالفة او غير مطابقة للمواصفات .
لو ان الوكيل المحلي اغلى لكن اريح في التعامل في حال التبديل والتغيير والاضافة .

ومشكور مرة ثانية على الاراء والمداخلات الطيبة.

مرحباً اخوي

العاصمه وكلاء حالهم حال شبيب

http://www.twyfordbathrooms.com/professionals-area/overseas-stockists/

وهذا الموقع يوضح الموضوع

أتمنى تزور المعرض الجديد في شارع بروه وراح تشوف منتج توايفورد بالكامل

بالنسبه لموديل envy
الكلام صحيح انهم وقفوا تصنيعه في اوروبا بس نقلوا تصنيع الموديل لمصر بنفس المواصفات والكواليني. لو تشوفه ماراح تحس بالفرق

بالتوفيق

[Azizuk]

زرت المعرض بس على قولة اخوي captin لعوزني البنغالي مايعرف الأسعار وما يعرف شنو متوفر عندهم كل اللي قالي ان توهم جايهم كنتينر مايعرف شنو فيه بالضبط

بس بصراحة معرضهم حلو

حتى معرض ام سي كي توه فاتح بعد زرتهم وما يعرفون الأسعار بس ضحكتني الموظف أقول له ماكنتو تعطون الناس ويه قبل في معرضكم القديم اللي جنب رامز

الا يقولي لا كنا معتمدين على المشاريع الله يطيح حضكم ان شاالله

جايبين ماركة لاوفين السويسرية laufen

http://www.uk.laufen.com/wps/wcm/connect/LAUFEN_UK/BASE/HOME/

بس السعر طاير فوق مادري ليش الأسعار عندنا غالية ومبالغ فيها

[معماري قطري]

الله يسلمك اخوي معماري والأخ captin

الواحد وده يأخذ احتياجاته من التاجر القطري بس مشكلة تجارنا فيهم طمع وجشع فاحش

على سبيل المثال عند المتحدة طقم حمام الله يعزكم المغسلة قيمة 28 الف ريال بس تجيك فيها ادرج وكلها ملبسه بجلد الطقم كامل يوصل 50 الف ريال

تقدر تدخل على الموقع وتشوف الطقم

https://www.duravit.com/website/homepage/products/product_overview/series/esplanade.com-en.html?p=604212

تخيل نفس الوكيل المعتمد من الشركة الام الألمانية ماركة Duravit قيمة المغسلة 8 آلاف ريال والطقم كامل يطلع بعد الخصم 28 الف شوف الفرق :eek5:

وتقدر تدخل على الموقع وتتحقق من شركة هاينز قروهي الشركات معتمدة 3 وكلاء في السعودية هم الصديقي و الشايع والهبدان

http://www.hansgrohe-middleeast.com/13358.htm

عندك مقبض شور المتحدة 1700 ريال بس المقبض اليد نفسه في السعودية الطقم كامل مع الهوز والمقبض مع الحامل 700 ريال معقولة يكون في فرق هالكثر

ممكن حد يقولي لا تقليد نعم في تقليد بس مب عند الوكيل لقيتهم عند محلات برا وأنواع قليله جداً

الوكيل يفتح لي الكتلوج ويعطينا السعر باليور ويحوله لي بالريال السعودي وبعدين يعطيني خصم 20 % من سعر الكتلوج

محل الشايع موجود على يدك اليمين وانت جاي من طريق الخبر الدمام اول ماتطلع من الخبر

والصديقي شارع الملك عبدالعزيز جنب الإمارة حتى لو تبي الإحداثيات المحلات حاضرين

وفي الرياض شارع التخصصي

ليش وزارة الاقتصاد ماتراقب الأسعار

حتى فرق السعر بين الامارات والسعودية فرق بسيط يمكن الامارات تفرق 300 ريال عن الوكيل في السعودية

اما عندنا التاجر القطري شبعان ومايهمه العميل ليش لان معتمد على المشاريع الضخمة

والعذر الثاني يقولك الإجارات ارتفعة وانا مب مقتنع بكلامهم واعذارهم

لان التجار مأخذ كل شي قبل الغلاء ومنحه من الدولة في السابق

الاراضي في الصناعية من الدولة والمخازن والمعارض هم يملكون المبنى

مثل كافود وشبيب واغيرهم من التجار كلهم يملكون المعارض والعمارات لا يقولي المالك رفع علينا السعر

وبعدين أسعار الماركات تكون ثابتة والفرق يكون بسيط مب آلاف


مأَساه صراحة للي بيبني يحسبون الناس كلهم مليونيريه .. كان واحد لبناني فاتح محل فيه كم قطعة في شارع النصر من ضمنهم بانيو زاوية شوي كبير وشكله عادي بس فيه خط اللي يسمونه موذر بيرل .. هو شوي لؤلؤي وسعره صراحة صدمة 75000 وهذا في بداية الأَلفين .. انا سفهته وهو يمدح في المنتج كأَنه اللي بيشتريه بيبيعه بأَغلى .. ورحت شريت 4 جكوزيات ماركة جكوزي وشاور بخار ماركة جكوزي وأَطقم حمامات توايفورد وجاكوب دوليفان وبلاط راقي وكله ما طلع بقيمة قطعتين من اللي ب 75000.

المشكلة فيه ناس عندهم حب من أَول نظرة للقطعة وبيدفعون لو بمليون وفيه ناس تشوف البدائل والبدائل متاحة حتى خارج الحدود وحتى خارج المنطقة العربية .. قبل لاشتري سويت بحث في النت وحصلت أَسعار جكوزي نفس القطعة أَغلى من عند شبيب وعلي العطية وفي بلاد المنشأَ وبالصدفة مريت دبي حصلت قطعة نفسها محصلها بسعر 35000 عند شبيب وعلي العطية وفي دبي عند وكيل جكوزي حصلتها ب 42000 بعد الخصم.

[captin]

زرت المعرض بس على قولة اخوي captin لعوزني البنغالي مايعرف الأسعار وما يعرف شنو متوفر عندهم كل اللي قالي ان توهم جايهم كنتينر مايعرف شنو فيه بالضبط

بس بصراحة معرضهم حلو

حتى معرض ام سي كي توه فاتح بعد زرتهم وما يعرفون الأسعار بس ضحكتني الموظف أقول له ماكنتو تعطون الناس ويه قبل في معرضكم القديم اللي جنب رامز

الا يقولي لا كنا معتمدين على المشاريع الله يطيح حضكم ان شاالله

جايبين ماركة لاوفين السويسرية laufen

http://www.uk.laufen.com/wps/wcm/connect/LAUFEN_UK/BASE/HOME/

بس السعر طاير فوق مادري ليش الأسعار عندنا غالية ومبالغ فيها


يعطيك العافية اخوي

من اساسيات العمل التجاري الناجح وضع اشخاص لديهم القدرة على التسويق واحيانا نلاقي ماركات قوية ومشهورة
مثل توايفورد وغيرها عند محلات صغيرة مغمورة وللأسف الناس اللي تقابل الزباين جاهلين لأبسط اساسيات التسويق
والخبرة والمعلومة عن المنتج اللي يبيعونه

انا كزبزن لما اروح واتعامل مع مثل هؤلاء الاشخاص مع الاحترام لكافة الجنسيات حتى لو المنتج ممتاز وسعره رخيص
اترك المكان على طول واطلع لان هذا البنغالي او الاسيوي مب هامة شريت ولا لا تلقى نفسيته تعبانه ويقابلك بوجه عابس
وكل ما سألته سؤال فني عن النتج قال مادري ما في معلوم هههههههه

بالنسبة لمنتجات دوروفت الالمانية فعلا منتجات حلوة وراقية عند المتحدة لكن الاسعار غالية جدا
انا في البداية اخذت منهم عرض سعر لكل الحمامات والشاورات والخلاطات والسيراميك والجاكوزي
وصل عرض السعر معاهم حوالي 300 الف . والرخام 550 الف والابواب 60 الف . تقريبا مع بقية
الماود بس بروحهم راح يوصل شغل معاهم حوالي مليون ريال وكلها مواد من غير تركيب.
حسبت الغرفة الماستر بروحها ( سيراميك ايطالي المتر تقريبا بـ 350 ريال والجاكوزي والخلاطات والشاور وقطع الحمام بسعر 85 الف )

كلنا ندري ان الاسعار برع ارخص بكثير من الدوحة لكن الواحد مب فاضي كل يوم والثاني مسافر يدور قطعة ولا يستورد مواد من اوروبا ويدخل
في متاهة اجراءات الاستيراد ولو شي طلع مب عدل راح يرجعه الخ خصوصا للي مثلنا طول السنة مشغول من الصبح الى الليل .

الله يوفق الجميع

[Azizuk]

تدري اخوي captin عندي اروح دول الجوار أسرع لي من أخذ من الدوحة تشتري الشي وعلى طول تقدر تأخذ البضاعة نفس الوقت او اليوم الثاني اذا كمية عكس هنئ تأخذ في المشوار ساعة وآخر شي الموظف المطلوب ما يجئ الا بعد مايفتح المحل بساعة

مره يطري على رحت جنرال عند جبري محلهم اليديد عشان أوصل لهم صلاة العصر قريب منهم وهم يفتحون 4 تخيل انتظر موظف يعطيني عرض سعر المكيفات وبعض الاستفسارات الا يقول السكرتير المسؤول ما يجئ الا قبل المغرب يعني ضيعة 3 ساعات بس انتظر

عندي اروح قريب 3 ساعات الى 4 ساعات وخذ غرضي وأغير جو وانا مرتاح

واحد من الشباب طلب موعد صيانة حق سيارته مرسيدس ام ال من الوكالة الا يقولون له موعدك بعد 3 أسابيع

الرجال اتصل على الوكيل في البحرين وطلب منهم موعد وعطوه الوقت اللي هو يبيه وراح وغير جو وسوه صيانة لسيارته ورجع

والله الواحد وده يشتري ويصلح وسوي كل شي في بلاده ويعتز فيها بس هالتجار مادري ليش جذي يسون في المستهلك