من هو الاهم بالنسبه لك ؟

[حمد 2002]

السلام عليكم ورحمه الله وبركاته


مالذي يهمك بالنسبه لبناء بيتك ؟ !! مساحه البناء الكبيره لبيتك وبدون وجود ديكورات مميزه كالجبس وغيره من تشطيب غالي ؟ ام الديكورات الداخليه لبيتك والمساحه حتى لو صغيربيتك مب مشكله ؟ وهل تهتم بحديقه منزلك ام ماتحب الزرع لانه ايكلف ؟ ولا ماتحب الزراعه نهائيا ؟


منتظر ارائكم المميزه ..

[ضوى]

موضوع جميل غير نمطي

شوف ياحمد ، انا اكره البيوت الكبيرة واكره الطابقين ، احس تفرق ماتقرب ، لما بينت بيتي ركزت على نقطة انه غرف النوم تكون كلها بمكان واحد ، اشوف من يطلع ومن يدخل ، ولما كبروا العيال بنيت لهم الطابق الثاني وفي قلبي غصة اني مابتابع زي قبل ، احب البساطة في البيت ماحب الديكورات وايد ، احب الشي الفخم البسيط الراقي ، ماحب وايد اشياء بالمكان احب البراح ، ولا احب تشكيلات مذهبة وحاله بالسقف وبالجبس مبالغات مالها داعي ، البساطة تدل على رقي وذوق الشخص ،

بالسنبة للحديقة حلوة بس اشكثر باقعد فيها ثلاث شهور بالسنة اربع شهور ممكن ، مسوية لي حديق وباربكيو حق هالسوالف بس ماتكلفت فيها وايد غبارنا وجونا يجلح كل شي ، بس ماشاء الله زارعة البيت كله يمين ويسار وامام وخلف وبرع البيت وحوالينه ، احب الخضار يفتح نفسي

[Bozizoo]

كالعاده ياحمد انت فيلسوف في اطروحاتك.سوالك يعتمد على اشياء كثيره ومتشعب
اهتمامي مرتبط مع قدراتي و ظروفي مااقدر افصلهم عن بعض.

[معماري قطري]

موضوع جميل غير نمطي

شوف ياحمد ، انا اكره البيوت الكبيرة واكره الطابقين ، احس تفرق ماتقرب ، لما بينت بيتي ركزت على نقطة انه غرف النوم تكون كلها بمكان واحد ، اشوف من يطلع ومن يدخل ، ولما كبروا العيال بنيت لهم الطابق الثاني وفي قلبي غصة اني مابتابع زي قبل ، احب البساطة في البيت ماحب الديكورات وايد ، احب الشي الفخم البسيط الراقي ، ماحب وايد اشياء بالمكان احب البراح ، ولا احب تشكيلات مذهبة وحاله بالسقف وبالجبس مبالغات مالها داعي ، البساطة تدل على رقي وذوق الشخص ،

بالسنبة للحديقة حلوة بس اشكثر باقعد فيها ثلاث شهور بالسنة اربع شهور ممكن ، مسوية لي حديق وباربكيو حق هالسوالف بس ماتكلفت فيها وايد غبارنا وجونا يجلح كل شي ، بس ماشاء الله زارعة البيت كله يمين ويسار وامام وخلف وبرع البيت وحوالينه ، احب الخضار يفتح نفسي

سميي فيلسوف مزعج شوي بس في هذا الموضوع مصيب والرد عليه يبي مقال طويل

انا رايي البيت يكون متوازن مع احتياج الانسان ويزيد شوي بدون مبالغة .. وبمقاسات انسانية معقولة .. وبالنسبة للصالة ممكن نسوي دورين وصالة مفتوحة نشوف الكل والمطبخ يكون متصل معاها .. الكاميرات الأَمنية في الحوش واحتياطات الحريق كلها مهمة .. توزيع الغرف صح واضافة غرف خاصة كمكتب بواجهة زجاجية كبيرة للدراسة والشغلات البسيطة يطل على الصالة بحيث ما يستوحش الواحد .. وممكن غرفة بسيطة وصغيرة بمخمدات صوت كغرفة تلفزيون وأَلعاب وممكن نضيف عليها جهاز رياضة بسيط .. ولو قدرنا نكبر شوي في هذي الأَماكن تكون أَحلى .. تنفس البيت وانارته الطبيعية بمناور سقفية وتهوية جيدة مهم مع عزله عن الغبار والصوت والحرارة.


كالعاده ياحمد انت فيلسوف في اطروحاتك.سوالك يعتمد على اشياء كثيره ومتشعب
اهتمامي مرتبط مع قدراتي و ظروفي مااقدر افصلهم عن بعض.

هذا رايي بعد صعبه الاجابة في جملتين وبارجع وقت ثاني ان شاء الله.

[Chambray]

اهم شئ تقسيمات البيت

انا مشكلتي اني سويت صالات وايد

اعتقد غلطت في هذا الشئ ومتحسف عليه لحد الآن

لكن الحمد لله على كل حال

ستايلي معروف خفيف موديرن ماحب الشغل الكبير
احب الشغل الخفيف خصوصاً في الجبس والابواب والديكورات

الزراعه اهم شئ عندي لانها تعطي ( روح ) للمكان

[تأملات]

ضوى فكرة بناء البيت على مرحلتين واييد عملية فيها توفير وسهولة في البناء والمتابعة . اضافة الى ملاحظتج الحميمة بين أفراد الأسره لو رجع الزمن كان بكون اختياري بالطبع
حمد العزيز أتوقع اهم جزء بالنسبة لي هو أماكن تواجد العائلة بشكل كامل مثل الصالات وغرف القعده حرصت تكون قربية من بعض واسعة والتصميم والأثاث يكون بسيط لكن راقي

[بوخالد911]

ما أحب الزراعة البيتية
أحب الاهتمام بالصالة أكثر وبالديكور بصفة اكبر
الصالة هي اللي تعطي الانطباع عن البيت

[لاجل QT]

بما ان اغلب وقتنا في البيت ...يهمنى كثير المساحات والديكورات ماحب الصالات التقليدية الضيقة ..الصالة واجعة البيت.ولا الغرف التقليدية الضيقة الصغيرة.. ولا الحمامات التقليدية

احب استغلال المساحات بصورة جيدة

حاليا بابني باذن الله مستغلة مساحة البيت كلة

[dream~qa]

ما أحب الأماكن الضيقة وأشوف البعض يعوض صغر المكان بكثرة الديكورات وتطلع شيء مزعج للعين

البيت أحبه يناسب احتياجات الأسرة ويزيد شوي أما الديكورات فأحبها مودرن ونيوكلاسيك .

حديقة المنزل مهمة خاصة إذا استغلت لزراعة بعض المنتجات الزراعية

[معماري قطري]

انا مسوي الحديقة مقسومة 7 أَقسام وبأَشكال مختلفة .. منها دوار للمدخل وتحديدات للدوار .. الدوار زرعت فيه 6 أَشجار واشنطونيا وبدت تطلع وتبين من الخارج .. وصراحة البيت بدون زراعة مثل العيش بدون ملح.

معترض على عنوان الموضوع المفروض " من " تغير الى "ما " ولا شرايكم؟