بعض الآباء و الامهات قليلو أدب

[قطري2022]

لاحظت بعض الابناء يخطؤون في حق الاخرين امام ابائهم او امهاتهم ، ولكن الوالدان او احدهما لا يحركون ساكانا و لا يمنعون ابنائهم من التطاول على الاخرين ، كيف نرتجي اجيالا مؤدبة تحت ظل هؤلاء الانواع من الوالدين ؟ فهذان الوالدان يحتاجون تربية قبل ان نطلب منهم ان يربو ابنائهم ، فنصيحتي لهم بأن يتربو من جديد عن طريق شيوخ الدين و الاخصائيين الاجتماعيين ، ويحهم ، لقد صدمت فعلا ، رأيت اطفالا اخوة بعمر ثلاث سنوات و خمس يخطؤون بحق الغير بحضور والدهم ، ولم يتصرف ذلك الوالد المعتوه الا بعد ثالث تصرف سيء من هذين الطفلين بحق الاخرين هذان النوعان من الوالدان ، موتوجدون منذ قديم الازل الى وقتنا الحاضر و هم في تزايد ، هل علمتم ماهي اسباب الطلاق المتزايد الان ؟

[همر]

في ناس يعتبرونه حسن تربيه ان الولد

يطلع وقح وياخذ حقه بايده احسن مايطلع

سبوس ... مثال موجود عندي في الدوام ...

واذا حد كلمه عن قلة ادب عياله ... قال ياخي يهال

تحط عقلك بعقلهم ؟!!!

:eek5:

[غايه الطواش]

وايد امثال هالنوعيه ...
انت لو تشوف ايش يصير اوقات تسجيل اليهال فالمدراس
ماتصددق ان الي قاعد يصير ف قطر !!

موقف ثاني صار جدامي في مستشفى حمد مره خمسينيه تكلم موظفه الاستقبال تقولها متى موعدي ياجعره !! في ذمتك هذي ام !!
ا

[قطري2022]

في ناس يعتبرونه حسن تربيه ان الولد

يطلع وقح وياخذ حقه بايده احسن مايطلع

سبوس ... مثال موجود عندي في الدوام ...

واذا حد كلمه عن قلة ادب عياله ... قال ياخي يهال

تحط عقلك بعقلهم ؟!!!

:eek5:


ايوة اهني مربط لافرس ، لا تحط عقلك بعقل ياهل ، هذا هو الي ياهل ومب متربي ، و بعدين الي ياخذ حقه بيده اذا انغلط عليه عادي ، بس يوم يكون الواحد في حاله و يجي له ياهل يقط عليه كلمة ، اهني المشكلة يوم الياهل هو الي يبتدي الغلط .

[قطري2022]

وايد امثال هالنوعيه ...
انت لو تشوف ايش يصير اوقات تسجيل اليهال فالمدراس
ماتصددق ان الي قاعد يصير ف قطر !!

موقف ثاني صار جدامي في مستشفى حمد مره خمسينيه تكلم موظفه الاستقبال تقولها متى موعدي ياجعره !! في ذمتك هذي ام !!
ا

تموت احسن لها بدل ما اتدمر عيالها اكثر

[مختلفة عقليا]

السلام عليكم .,

استغرب والله من هالناس ., !!

ما يحبون اعيالهم ., ؟؟ اشلون يرضون يكونون جيه ., ؟؟

ويسلموو .,

[R 7 A L]

يبون الشارع يعلمهم ويربيهم


تربية شوارع هههههههه

[ضوى]

يكسرون خاطري هاليهال ، تربية ابائهم لهم ضيعتهم وضيعت ادبهم واخلاقهم

[المــزن*]

محد يضيع غير الابناء
اعرف وحدة ما تنادي عيالها الا ياحمار تكرمون ولا يا حيوان

والياهال نفس الشي يقولون حق الي برا هالكلام



مرة هاوشتها يوم سعمتها تقول هالكلمة ،، والبنت عمرها 3 سنوات
احسها مستغربه ليش اقولها عيب!

مسكينة ماتنلام دام تسمعها دوم على لسان امها


الله يهدي بعض الامهات والاباء

[قطري2022]

السلام عليكم .,

استغرب والله من هالناس ., !!

ما يحبون اعيالهم ., ؟؟ اشلون يرضون يكونون جيه ., ؟؟

ويسلموو .,

والمصيبة هالوالدين مايرضون احد يغلط عليهم ، لكن هم و عيالهم يغلطون على الغير عادي ، قمة السفالة صراحة .

[قطري2022]

يكسرون خاطري هاليهال ، تربية ابائهم لهم ضيعتهم وضيعت ادبهم واخلاقهم

فعلا ضحايا والدين مب كفو زواج و مسؤولية ، و الدين اصلا متربيين في الشارع

[قطري2022]

يبون الشارع يعلمهم ويربيهم


تربية شوارع هههههههه

على اساس الشارع طلع اجيال فخمة :)

[أم محمد 90]

عاد الحين 99.9% من الآباء والامهات بيدخلون وبيقولون وي مساكين احنا مانسوي جي

عيل من اللي كله طايحين سب ف عيالهم ,
ياغبي , ياحمار , ياكلب , يا سبال (يكرمون القارئين)

لا جد خلكم شوي حقانيين وقولو الصج تربية العيال أمر صعب ومتعب ويطلع الواحد عن طوره , ولا هذيلا اللي نشوفهم ونسمع عنهم مو مسجلين فالمنتدى ؟!

مثل موضوع الاراضي , فجأة الكل صار هامور وعنده خير واراضي عيل منهم اللي يكتبون ويطالبون بزيادة الرواتب ؟؟!


مجتمع غريب جداً !!

[Qtr37]

اي والله، خاصة احنا الحريم نشوف بعض اليهال الله يهديهم يقلون أدبهم على الكبار والصغار ويقولون لك: ما احب أهاوش عيالي قدام الناس ولا احب احد ينتقدهم او يهاوشهم او حتى يوجههم !!!
مادري شنو الحل معاهم بصراحة خاصة بعض المواقف اللي الواحد يحس انه ما يقدر يسكت عن بعض سلوكيات هالأطفال الله يهديهم.

[قطري2022]

محد يضيع غير الابناء
اعرف وحدة ما تنادي عيالها الا ياحمار تكرمون ولا يا حيوان

والياهال نفس الشي يقولون حق الي برا هالكلام



مرة هاوشتها يوم سعمتها تقول هالكلمة ،، والبنت عمرها 3 سنوات
احسها مستغربه ليش اقولها عيب!

مسكينة ماتنلام دام تسمعها دوم على لسان امها


الله يهدي بعض الامهات والاباء

اذا رايت رب البيت بالدف ضارب فشيمة اهل بيته الرقص ، تسلمين يا ام جاسم

[ضوى]

عاد الحين 99.9% من الآباء والامهات بيدخلون وبيقولون وي مساكين احنا مانسوي جي

عيل من اللي كله طايحين سب ف عيالهم ,
ياغبي , ياحمار , ياكلب , يا سبال (يكرمون القارئين)

لا جد خلكم شوي حقانيين وقولو الصج تربية العيال أمر صعب ومتعب ويطلع الواحد عن طوره , ولا هذيلا اللي نشوفهم ونسمع عنهم مو مسجلين فالمنتدى ؟!

مثل موضوع الاراضي , فجأة الكل صار هامور وعنده خير واراضي عيل منهم اللي يكتبون ويطالبون بزيادة الرواتب ؟؟!


مجتمع غريب جداً !!

انا من 99% يا ام محمد ، اشدعوة انادي عيالي يا حمار وياكلب ليش بهايم هم ؟؟ لا وجدام الناس بعد!!!

الحمد لله عيالي اذا غلطوا على بعض يتحاسبون اشلون اذا يقلون ادبهم على الغرب ، صج لهم عرات بس مايعتبرون من قليلين الادب ولله الحمد

[Ţĥę őήę]

بعض الاباء والأمهات يبررون لنفسهم اذا الولد غلط بكلمة أنه بعده صغير
متناسين القاعدة من شب على شيء شاب عليه

[بومحمد المطاوعه]

الله يعطيك العافيه ياخوي قطري


الموضوع في محله

وفي شكثرهم وياما شفت في الاسواق وسمعت بعيني

يا مادري شنو تعال
يا .... كلمه وصخه او سب

تعال

ليش هالكلام يصير

لو الواحد بيعصب على ولده
يمكن يسبه فالبيت

يقوله يالثور
او ياتيس

اما البعض يسب بكلام لايليق وامام الناس

ولحد يقول لا مافي
وانا مب من هالنوع

اذا انت مب من هالنوع لاتتكلم على محاسنك امام الناس
لان عيون البعض حسوووده وماتذكر رب العالمين




ف رجاءآ الي يعامل اطفاله بأحسن معامله لايذكر ولا يكتب

نفس ماقالت ام محمد 90
وصدقت في كلامها


تحياتي

[قطري2022]

انا من 99% يا ام محمد ، اشدعوة انادي عيالي يا حمار وياكلب ليش بهايم هم ؟؟ لا وجدام الناس بعد!!!

الحمد لله عيالي اذا غلطوا على بعض يتحاسبون اشلون اذا يقلون ادبهم على الغرب ، صج لهم عرات بس مايعتبرون من قليلين الادب ولله الحمد

يعطيج العافية يا ضوى ، قالت 99.9% ماقالت مية بالمية :)

[يمامـة]

سوء التربية مب مرتبطة في الالفاظ البذئية..

سوء التربية مرتبطة بكل تصرفاتنا اللي بيكتسبونها عيالنا مننا
بينما احنا نبرر لنفوسنا افعالنا و يكتسبونها هم ويكملون مسيرتنا في الحياة.

[يمامـة]

عاد الحين 99.9% من الآباء والامهات بيدخلون وبيقولون وي مساكين احنا مانسوي جي

عيل من اللي كله طايحين سب ف عيالهم ,
ياغبي , ياحمار , ياكلب , يا سبال (يكرمون القارئين)

لا جد خلكم شوي حقانيين وقولو الصج تربية العيال أمر صعب ومتعب ويطلع الواحد عن طوره , ولا هذيلا اللي نشوفهم ونسمع عنهم مو مسجلين فالمنتدى ؟!

مثل موضوع الاراضي , فجأة الكل صار هامور وعنده خير واراضي عيل منهم اللي يكتبون ويطالبون بزيادة الرواتب ؟؟!


مجتمع غريب جداً !!

الحمدلله اني مب 1%

لأني ممكن اكسر راس ولدي او بنتي لكني ما اناديه ياحـ.... او يا كل.....
حتى مثل هالالفاظ ما دخلت البيت عندنا الا لما الشباب اكبروا وخالطوا شباب اكبر

لليوم لو اكون معاهم في السيارة وممكن تطلع كلمة منهم مع ربعهم من باب المعاملة بالمثل
ما اتردد اقول له احترم نفسك وبلا هالالفاظ ، فتحصلينه يعصب على رفيجه زين جذيه خليت الوالدة تعصب علينا!!

قد يصعب على اللي متعود يتعامل مع هذه الالفاظ في محطيته ان يصدق ان هناك ناس ما يتعاملون معاها
ولكن في الحقيقة هناك ناس احسن مننا حتى وتلقين اسلوبهم في الكلام غااية في الرقي والأدب والاحترام.

وشكرا لكم

[أم محمد 90]

الحمدلله اني مب 1%

لأني ممكن اكسر راس ولدي او بنتي لكني ما اناديه ياحـ.... او يا كل.....
حتى مثل هالالفاظ ما دخلت البيت عندنا الا لما الشباب اكبروا وخالطوا شباب اكبر

لليوم لو اكون معاهم في السيارة وممكن تطلع كلمة منهم مع ربعهم من باب المعاملة بالمثل
ما اتردد اقول له احترم نفسك وبلا هالالفاظ ، فتحصلينه يعصب على رفيجه زين جذيه خليت الوالدة تعصب علينا!!

قد يصعب على اللي متعود يتعامل مع هذه الالفاظ في محطيته ان يصدق ان هناك ناس ما يتعاملون معاها
ولكن في الحقيقة هناك ناس احسن مننا حتى وتلقين اسلوبهم في الكلام غااية في الرقي والأدب والاحترام.

وشكرا لكم

الحمدلله انج مب منهم عيل , في وسطنا اذا مب كلنا اغلبيتنا العظمي يمرون علينا مثل هالامهات والاباء اللي يسب عياله ويهاوشه
مب شرط ف بيتج , لكن حتى برا

ابسط مثال من اسبوع كنت اتحنى ووحدة جايبة ولدها معاها الصالون وكت الشاي ع ثوبه والله بزخته تبزخ وجرت اذنه وقالت له غبي غبي انت مب آدمي ماتشرب عدل
يعني مو شرط ان اخر جملة ذكرتيها ف ردج معناته ان (انا أو غيري) ف بيتنا موجودة هالالفاظ , هذي الفئات نواجها يوميا ف يومنا :) فــ .


اكيد بيكون شي غريب لما حد يجي يقول انا ماسب ولدي ولا اهزءه ولا اقط كلمة عليه ..
شاكره لج :)

[يمامـة]

الحمدلله انج مب منهم عيل , في وسطنا اذا مب كلنا اغلبيتنا العظمي يمرون علينا مثل هالامهات والاباء اللي يسب عياله ويهاوشه
مب شرط ف بيتج , لكن حتى برا

ابسط مثال من اسبوع كنت اتحنى ووحدة جايبة ولدها معاها الصالون وكت الشاي ع ثوبه والله بزخته تبزخ وجرت اذنه وقالت له غبي غبي انت مب آدمي ماتشرب عدل
يعني مو شرط ان اخر جملة ذكرتيها ف ردج معناته ان (انا أو غيري) ف بيتنا موجودة هالالفاظ , هذي الفئات نواجها يوميا ف يومنا :) فــ .


اكيد بيكون شي غريب لما حد يجي يقول انا ماسب ولدي ولا اهزءه ولا اقط كلمة عليه ..
شاكره لج :)

شوفي يا ام محمد

احنا ما قلنا ان ما في اللي يسبون وهالشي نشوفه جدامنا

في اباء ما ستخدمون الفاظ بذيئة مع عيالهم لكن عيالهم يستخدمون هالالفاظ
والسبب ان هالاباء ما يمنعون عيالهم انهم يتلفظوم بمثل هالالفاظ!!

ومع هذا وضحت لج ان المجتمع مب غريب،، بالفعل في ناس ما يتلظفون بالفاظ بذيئة يومية على عيالهم
وتلقين العيال ما يستخدمون الا لو سمحت اواذا عصبوا على بعض ينادون بعض السيد المحترم
او الشيخ كنوع من السب اللي يظرهون فيه غضبهم من اخوه او اخته.

فالامثلة لو بنضربها للي يسبون عيالهم بنتعب..
عيل وحدة تعصب على طفلتها ام سنتين ونص وتقول لها تعالي اهنيه الله يلعنج ويلعن ابوج!!
و وين؟
في مركز تسوق وجدام الكل!!

[أم محمد 90]

شوفي يا ام محمد

احنا ما قلنا ان ما في اللي يسبون وهالشي نشوفه جدامنا

في اباء ما ستخدمون الفاظ بذيئة مع عيالهم لكن عيالهم يستخدمون هالالفاظ
والسبب ان هالاباء ما يمنعون عيالهم انهم يتلفظوم بمثل هالالفاظ!!

ومع هذا وضحت لج ان المجتمع مب غريب،، بالفعل في ناس ما يتلظفون بالفاظ بذيئة يومية على عيالهم
وتلقين العيال ما يستخدمون الا لو سمحت اواذا عصبوا على بعض ينادون بعض السيد المحترم
او الشيخ كنوع من السب اللي يظرهون فيه غضبهم من اخوه او اخته.

فالامثلة لو بنضربها للي يسبون عيالهم بنتعب..
عيل وحدة تعصب على طفلتها ام سنتين ونص وتقول لها تعالي اهنيه الله يلعنج ويلعن ابوج!!
و وين؟
في مركز تسوق وجدام الكل!!

لا لا

لا حول ولا قوة الا بالله

والله العظيم اكثر شي يؤلم قلبي لما اشوف أم تلعن

استغفر الله العظيم ,,

يمامة والله ترى في امهات , فاهمة الامومة غلط , أي نعم الاسلام كرم الأم وحطها فالمقام الأول
بس مش معناته تدعين على عيالج بالموت والمرض واللعن ....!!!!!

[مشاكل]

قال تعالى : ( والبلد الطيب يخرج نباته بإذن ربه والذي خبث لا يخرج إلا نكدا )

[بومحمد المطاوعه]

الأم الي تسب عيالها وتلعن هذي ماتستاهل تكون ام

والأب الذي يسب ابنائها يوميآ وبشكل متواصل هذا مايستاهل يكون اب لأطفال

والله بعض الأحيان في المستشفيات الولد تشوفه مريض ومصخن وتحصل الأب يهاوشه

انزين ليش .؟

مره تدخلت وكلمت الأب وقلت له حرام عليك ترى الياهل مريض
تعال شوف ولدي نفس الشي

يصارخ ويصيح ويقط كلام

لان مايعرف شيقول

راع شعوره اشوي

سكت الأب

وللأسف مب قطري من جنسيات العربيه

وكان سبه لولده جارح اشوي

يبعثلك الحمى يقوله والله ياخذك


شالبببببببببشر ذوله


اعوذ بالله منهم

[قطري2022]

عاد الحين 99.9% من الآباء والامهات بيدخلون وبيقولون وي مساكين احنا مانسوي جي

عيل من اللي كله طايحين سب ف عيالهم ,
ياغبي , ياحمار , ياكلب , يا سبال (يكرمون القارئين)

لا جد خلكم شوي حقانيين وقولو الصج تربية العيال أمر صعب ومتعب ويطلع الواحد عن طوره , ولا هذيلا اللي نشوفهم ونسمع عنهم مو مسجلين فالمنتدى ؟!

مثل موضوع الاراضي , فجأة الكل صار هامور وعنده خير واراضي عيل منهم اللي يكتبون ويطالبون بزيادة الرواتب ؟؟!


مجتمع غريب جداً !!

صح لسانج يا ام محمد ، المشكلة في هالحالة في عدم مصداقية الانسان مع نفسه ، و هالنوع صعب يتحسن و يتطور

[قطري2022]

اي والله، خاصة احنا الحريم نشوف بعض اليهال الله يهديهم يقلون أدبهم على الكبار والصغار ويقولون لك: ما احب أهاوش عيالي قدام الناس ولا احب احد ينتقدهم او يهاوشهم او حتى يوجههم !!!
مادري شنو الحل معاهم بصراحة خاصة بعض المواقف اللي الواحد يحس انه ما يقدر يسكت عن بعض سلوكيات هالأطفال الله يهديهم.

هالاباء و المهات هم الي اقصدهم يوم قلت قليلين ادب ، يعني رضيتو على الناس يوم عيالكم يغلطون عليهم لكن ما رضيتو على عيالكم يون ينردعون عن الغلط ؟ طيب انتو ترضون ان ياهل يغلط عليكم وامه و ابوه ما يردعونه؟

[قطري2022]

بعض الاباء والأمهات يبررون لنفسهم اذا الولد غلط بكلمة أنه بعده صغير
متناسين القاعدة من شب على شيء شاب عليه

مافي شي اسمه صغير ، خصوصا من عمر اربع و خمس سنوات ، ويمكن اصغر بعد ، التربية عملية تعويد ، واخطاء الابناء نتيجة تقصير الوالدين ، طبعا نادر ما احد بيوافقني الراي في اخر مقولتين

[قطري2022]

الله يعطيك العافيه ياخوي قطري


الموضوع في محله

وفي شكثرهم وياما شفت في الاسواق وسمعت بعيني

يا مادري شنو تعال
يا .... كلمه وصخه او سب

تعال

ليش هالكلام يصير

لو الواحد بيعصب على ولده
يمكن يسبه فالبيت

يقوله يالثور
او ياتيس

اما البعض يسب بكلام لايليق وامام الناس

ولحد يقول لا مافي
وانا مب من هالنوع

اذا انت مب من هالنوع لاتتكلم على محاسنك امام الناس
لان عيون البعض حسوووده وماتذكر رب العالمين




ف رجاءآ الي يعامل اطفاله بأحسن معامله لايذكر ولا يكتب

نفس ماقالت ام محمد 90
وصدقت في كلامها


تحياتي

كلامك درر يا بومحمد ، المشكلة ان اغلب الوالدين ظروفهم صعبة من جذي ما يطيقون لا عيالهم و لا ثيابهم ال يعليهم ، و هالشي غلط ، لازم الواحد يحل مشاكله من جذورها وبحكمة ، علشان صبره يرجع لطبيعته مرة ثانية و يكون صبور على عياله و على امور حياته بشكل عام .

[قطري2022]

سوء التربية مب مرتبطة في الالفاظ البذئية..

سوء التربية مرتبطة بكل تصرفاتنا اللي بيكتسبونها عيالنا مننا
بينما احنا نبرر لنفوسنا افعالنا و يكتسبونها هم ويكملون مسيرتنا في الحياة.

بالضبط ، الابناء صفحة بيضاء ، ان لم يشكلها الوالدان شكلتها البيئة ، بمعنى ان الابناء يمتصون اخلاق و تصرفات احد الوالدين او كلاهما ، سواء تصرفات حميدة او سيئة ، و اذا ما اكتسبو من الوالدين بيكتسبون من البيئة المحيطة الي هم الاصدقاء او عيال الاقارب ، سواء كانت بيئة صالحة ام فاسدة ، فلازم الوالدين يتعلمون اشلون يقنعون عيالهم بالاخلاق الحميدة من الطفولة مب في الكبر ، علشان تكون هالاخلاق هذي تكون رادع لكمن يحاول افسادهم ، لانهم اذا ما اقنعوهم بالاخلاق الحميدة بيجون افردا البيئة ويقنعونهم بالاخلاق السيئة .

[مختلفة عقليا]

والمصيبة هالوالدين مايرضون احد يغلط عليهم ، لكن هم و عيالهم يغلطون على الغير عادي ، قمة السفالة صراحة .

هلا .,

عندي اقتراح لوزارة الصحه كل ام ((قطرية )) حامل تلزمها تاخذ دورات عن تربيه الابناء .,

واللي ما يخون هالدوره يسقط عنهم (( التامين )) .,

هذي امانه ., الناس بتحاسبهم قبل الله في الاخره .,

يعني دوره اصغيره وخفيفه ممكن اتغير طريقتهم في التفكير .,

وبليز لا احد يقول امهاتنا ما خذوا دورات ., اي نعم ماخذوا بس عاشوا بزمن غير ., تحكمها (( فطره سليمه + عادات وتقاليد + مجتمع متربي + مافي خليط في المجتمعات الاخري ))

ويسلموو ,’

[بوفاطمه]

مساكم الله بالخير .
والله العظيم يدخلون الوالدين مدارس حتى يتعلمو معنى التربية ز
هذه النوعية يبغون عيالهم يتعلمون من الشارع .
الله على ايام زمان ،اذ غلط بكلمة وحد اسمعك في الفريج من الشيبان كان مسح فيك الارض واذا عرف ابوك كمل عليك .
الله المستعان .
والخافي اعظم

[المحاميه]

كلن على ماتربى :)

[Dmy Enabi]

مثل ما تزرع تحصد
المشكلة مب هنيه المشكلة لما الأب أو الأم يقولون ماندري على من طالعيين
التربية "أمانة ليتنا ندرك معنى الأمانة " إنا عرضنا الأمانة على السماوات والأرض والجبال فأبين أن يحملنها وأشفقن منها وحملها الإنسان إنه كان ظلوما جهولا "
اللهم لاتجعلنا ظالمين ولاجاهلين وأعننا على حسن تربية الأبناء
القدوة الحسنة والتأسيس الصحيح على الخوف من الله وليس من الناس والدعاء لهم ،وبعدها نستودعهم رب العالمين

[qatara]

بخصوص طرحك صدقت
هذا هو الدلع الذي يدمر الطفل
ويجعله لايحترم لاكبير ولا صغير مستقبلا



====

لاكن الاخس من ذالك

هناك العكس هناك من فرضو انفسهم ارباب (رب) على الناس


اي لان يجيك حد متفلسف يقولك
لا تادبه بالضرب الضرب مهب حل
الحل اتفاهم الله يقول اامروهم لسبع واضربوهم لعشر
او انصحوهم وهجروهم وان لم يفد اضربوهم

ويتاتيك او تاتيك متفللسفين
يقولك لاتضرب او اضرب بمسواك

الضرب بمسواك ينبه الاجوديه وتحس ان
الزوج غاضب ولن تنام الليل وهو عليها غاضب

اما الولد العاصي او المراه المتمرده
هل الضرب بمسواك سيردعهم هههههه


ويقولك بالتفاهم كانهم موكلين من الله عليك
او ان الله زرع فيهم فطره حب اولادك اكثر منك

وكان التفاهم والتوضيح مره ومرتين وثلاث واربع وخمس
مرات لم يفيد وشو حلكم يا الي تتعيرون بكلمة تفاهم

مالك شغل بامانه الله ااتمنني الله عليها
وهو من سيحاسبني عليها وليس انتم

وان ضرب للتاديب قامت عليه الدنيا

هل انتم احن مني على زوجتي او ابني او اختي او بنتي

بفطره فطرها الله فيني بموده ورحمه مني لهم

قلبت الفطره وقلبت الحقائق

اذا لم يعلمون فليعلمون

ان بتدخلهم بمثل هذه الامور الاسريه يزيدون
الشحنا والكره في الاسره وبين افرادها

والله المستعان

[غزلان]

مره بالمعرض التجاري وحده تكلمها بنتها بالتلفون ماخلت كلمه ماقالتها للبنت لدرجه الي موجودين انذهلوا من الكلمات الى قالتها للبنت ياحيوانه وجع ياكلبه شي مؤسف

[اغلى الغاليات]

انا ضد الضرب والسب..وما انكر اني مره وحده فقدت اعصابي وضربت بنتي ومو بقوه بعد بس تحسفت قد شعر راسي ..ومن بعدها اتبع اسلوب سوبر ناني في العقاب..والنتيجه ممتازه..والحمدلله هذي هي كبرت وتخاف من كرسي العقاب اكثر من التهديد بالضرب ..وان عصبت قلت لها ما راح اكلمج جات وتأسفت..التربيه صعبه بس يبي لها طولة بال سنه ولا سنتين تتعبين وترتاحين طول العمر ابرك من ضرب وسب طول العمر واخرتها عيالج يكرهونج وما يحترمونج..وشي ثاني اتمنى الامهات يفكرون بطريقه منطقيه ويبعدون عن الانجاب ورى بعض يعني موضوع ان وحده متزوجه من 5 سنين وعندها 4 يهال !! هذي من وين بتجيب الطاقه و طولة البال عشان تربيهم ..اصلا من وين لها وقت تهتم فيهم او في زوجها او نفسها !!:rolleyes2:

[qatara]

انا ضد الضرب والسب..وما انكر اني مره وحده فقدت اعصابي وضربت بنتي ومو بقوه بعد بس تحسفت قد شعر راسي ..ومن بعدها اتبع اسلوب سوبر ناني في العقاب..والنتيجه ممتازه..والحمدلله هذي هي كبرت وتخاف من كرسي العقاب اكثر من التهديد بالضرب ..وان عصبت قلت لها ما راح اكلمج جات وتأسفت..التربيه صعبه بس يبي لها طولة بال سنه ولا سنتين تتعبين وترتاحين طول العمر ابرك من ضرب وسب طول العمر واخرتها عيالج يكرهونج وما يحترمونج..وشي ثاني اتمنى الامهات يفكرون بطريقه منطقيه ويبعدون عن الانجاب ورى بعض يعني موضوع ان وحده متزوجه من 5 سنين وعندها 4 يهال !! هذي من وين بتجيب الطاقه و طولة البال عشان تربيهم .. اصلا من وين لها وقت تهتم فيهم او في زوجها او نفسها !!:rolleyes2:

شفتي شلون ان المسئوليه كبيره ولا لها وقت تلحق تربي

عيل شلون يدعون بعضهن عندهم وقت للشغل

وللبيت والزوج والاولاد والطبخ والتربيه !!!!!!

هههههههههههههه

[اغلى الغاليات]

شفتي شلون ان المسئوليه كبيره ولا لها وقت تلحق تربي

عيل شلون يدعون بعضهن عندهم وقت للشغل وللبيت والتربيه

هههههههههههههه


اي المسؤوليه كبيره كانت لوحده تشتغل او وحده قاعده في البيت ..كتارا خلنا واقعيين اللي مب مفتكره في عيالها كانت في البيت او تشتغل دام هي في الاصل مب حاطه في بالها التربيه ولا العيال ما راح تهتم فيهم ..كلامي موجه للعامله و ربه البيت ..الطفل اللي بتجيبينه مسؤوليه موضوع ان تجيبين اربع يهال في 5 سنين هذا شي مب منطقي ..كل ياهل لازم ياخذ حقه من التربيه والاهتمام ..هذا غير الزوج اللي بيهج من كثر المصاريف وازعاج اليهال ..اي الاطفال نعمه لكن كل شي يلزمه الاعتدال ..

[qatara]

اي المسؤوليه كبيره كانت لوحده تشتغل او وحده قاعده في البيت ..كتارا خلنا واقعيين اللي مب مفتكره في عيالها كانت في البيت او تشتغل دام هي في الاصل مب حاطه في بالها التربيه ولا العيال ما راح تهتم فيهم ..كلامي موجه للعامله و ربه البيت ..الطفل اللي بتجيبينه مسؤوليه موضوع ان تجيبين اربع يهال في 5 سنين هذا شي مب منطقي ..كل ياهل لازم ياخذ حقه من التربيه والاهتمام ..هذا غير الزوج اللي بيهج من كثر المصاريف وازعاج اليهال ..اي الاطفال نعمه لكن كل شي يلزمه الاعتدال ..

نقصد الصح والاساس والاهم

والمحاسبه عليه امام الله انها مقصره به وقايمه بغيره


هو بيتها

[اغلى الغاليات]

نقصد الصح والاساس والاهم

والمحاسبه عليه امام الله انها مقصره به وقايمه بغيره


هو بيتها

ارجع واقول قعده المرأه في البيت ما يخليها قايمه بواجباتها ..هذا يرجع للمرأه نفسها اذا هي قد المسؤوليه او لا .. اعرف وحده ما كانت تشتغل وعيالها عند الخادمه نوم واكل وما تدري عن شي واشتغلت حاليا والوضع على ما هو عليه ما فرق شي ..وفي المقابل اعرف وحده تداوم وتساعد زوجها وتتهتم بعيالها ..اللي ابي اوصله لك اللي مافيها خير داومت ولا قعدت حالها واحد..

[qatara]

ارجع واقول قعده المرأه في البيت ما يخليها قايمه بواجباتها ..هذا يرجع للمرأه نفسها اذا هي قد المسؤوليه او لا .. اعرف وحده ما كانت تشتغل وعيالها عند الخادمه نوم واكل وما تدري عن شي واشتغلت حاليا والوضع على ما هو عليه ما فرق شي ..وفي المقابل اعرف وحده تداوم وتساعد زوجها وتتهتم بعيالها ..اللي ابي اوصله لك اللي مافيها خير داومت ولا قعدت حالها واحد..


والي ابي اوصله لج

وبعترافك ان لو ارادت الاهتمام بهم بطريقة صحيحه
وهم 4 ولا 5 لاتجد الوقت الكافي

فاين الوقت للبيت والزوج

قول الله ورسوله عليه افضل الصلاه
والتسليم هو الاحق من كلامي وكلامج

وقرن ببيوتكن

[الدمعه]

للاسف في اهالي محتاجين تربيه قبل عيالهم ،،،

انا ما انكر اسبهم بس مو اي وقت ولا على اي شي ،،، حتى بروحهم يقولون يمه مانصدق انتي تسبين ،،، ماتعودت على السب والدعاوي بس احيانا غصب غصب تطلع السبه ،،، وسبات بسيطه مو الوصخه ،، الله يهديني وما اسبهم نهائيا ،،،

بس اللي استغرب منه في احفاد يسبون جدتهم واهلهم يضحكون وعاجبهم واذا اعترضت عليهم مايرضون يقولون هاي الا ياهل ،،، واعرفهم عدل ،،، يبزخون الياهل تبزخ في دارهم على شي تافه ،،، اما خرب ديكور الغرفه والا كت شي عالارض ،،، لكن يسب جدته عندهم وناسه وشي ممتع ،، استغفر الله العظيم ،،

[قطري2022]

هلا .,

عندي اقتراح لوزارة الصحه كل ام ((قطرية )) حامل تلزمها تاخذ دورات عن تربيه الابناء .,

واللي ما يخون هالدوره يسقط عنهم (( التامين )) .,

هذي امانه ., الناس بتحاسبهم قبل الله في الاخره .,

يعني دوره اصغيره وخفيفه ممكن اتغير طريقتهم في التفكير .,

وبليز لا احد يقول امهاتنا ما خذوا دورات ., اي نعم ماخذوا بس عاشوا بزمن غير ., تحكمها (( فطره سليمه + عادات وتقاليد + مجتمع متربي + مافي خليط في المجتمعات الاخري ))

ويسلموو ,’

صح لسانج الف مرة يا مختلفة ، فعلا والدين هالايام اغلبههم مب فاهمين التربية الصحيحة ولا عارفين شنهي واجباتهم الزوجية و الاسرية ، فلازم ياخذون هالدورات

[قطري2022]

مساكم الله بالخير .
والله العظيم يدخلون الوالدين مدارس حتى يتعلمو معنى التربية ز
هذه النوعية يبغون عيالهم يتعلمون من الشارع .
الله على ايام زمان ،اذ غلط بكلمة وحد اسمعك في الفريج من الشيبان كان مسح فيك الارض واذا عرف ابوك كمل عليك .
الله المستعان .
والخافي اعظم

يحليلهم ، الله يرجع هالايام

[قطري2022]

انا ضد الضرب والسب..وما انكر اني مره وحده فقدت اعصابي وضربت بنتي ومو بقوه بعد بس تحسفت قد شعر راسي ..ومن بعدها اتبع اسلوب سوبر ناني في العقاب..والنتيجه ممتازه..والحمدلله هذي هي كبرت وتخاف من كرسي العقاب اكثر من التهديد بالضرب ..وان عصبت قلت لها ما راح اكلمج جات وتأسفت..التربيه صعبه بس يبي لها طولة بال سنه ولا سنتين تتعبين وترتاحين طول العمر ابرك من ضرب وسب طول العمر واخرتها عيالج يكرهونج وما يحترمونج..وشي ثاني اتمنى الامهات يفكرون بطريقه منطقيه ويبعدون عن الانجاب ورى بعض يعني موضوع ان وحده متزوجه من 5 سنين وعندها 4 يهال !! هذي من وين بتجيب الطاقه و طولة البال عشان تربيهم ..اصلا من وين لها وقت تهتم فيهم او في زوجها او نفسها !!:rolleyes2:

يا سلاااااااااام ، هذا هو المبدأ الي انا ماشي عليه ، مافي و لا شي قلتيه ضد افكاري

[قطري2022]

اشكركم اخواني و خواتي الكرام على مشاركاتكم الغالية

[بوخالد911]

واقع مرير

وأفضل مثال : بالمسجد

الأب يشوف عياله يراكضون ويصارخون وهو ولا يقولهم شي !!

وحتى بالأعراس اليهال مسوين العرس قاعة للركض

الله المستعان

[قطري2022]

واقع مرير

وأفضل مثال : بالمسجد

الأب يشوف عياله يراكضون ويصارخون وهو ولا يقولهم شي !!

وحتى بالأعراس اليهال مسوين العرس قاعة للركض

الله المستعان

المصيبة ان اغلب المسلمين يحسبون الاسلام صلاة و صوم فقط ، و نسو الاخلاق واحترام الاخرين واخراج الزكاة

[اغلى الغاليات]

والي ابي اوصله لج

وبعترافك ان لو ارادت الاهتمام بهم بطريقة صحيحه
وهم 4 ولا 5 لاتجد الوقت الكافي

فاين الوقت للبيت والزوج

قول الله ورسوله عليه افضل الصلاه
والتسليم هو الاحق من كلامي وكلامج

وقرن ببيوتكن

مشكلتك يا كتارا تقيس الامور بمنظورك..فالسيده خديجه كانت تاجره ..فهل كانت ما تدري عن حلالها ولا تنشغل فيه ..زمن اول غير عن زمن الحين ..وانا اتكلم عن حالتي واللي مثل حالتي اللي طلعت من بيتها عشان تساعد زوجها وتتحمل المسؤوليه ..بدال لا نقعد نعدد الايات ونعيب في كل الحريم خل نشكر في اللي تساعد زوجها وتحاول ما تقصر او اللي شاله اهلها اوامها وابوها متوفي ..ولا مطلقه ولا ارمله وعندها عيال تصرف عليهم ..ترى مو كل الحريم هادين عيالهم عشان اسباب سخيفه..مو كل وحده طلعت من بيتها طلعت عشان تشتري شنطه ماركه او سياره اخر موديل ..انا اتكلم عن حالتي انا وزوجي الدوله ما عطتنا ارض واضطرينا نتسلف فوق المليون والميتين عشان نسكن في بيت يضمنا بدال غرفه والله يعز الجميع حمام ..مو الكل راتبه قوي ويقدر يتحمل ان يشتري بيت بثلاث او اربع ملايين واخرتها 500 متر..واذا الزوج خذ هالبيت شنو اللي بيبقى من راتبه عشان يصرف على بيته ومرته وعياله..اي الله قال وقرن في بيوتكن لكن شنسوي اذا انا مب بنت هامور ولا عندي تجاره تسندني ..بسكم ظلم لكل الحريم اللي يشتغلون عشان فئه ماخذه الدوام ضحك وسوالف وراتب اخر الشهر عشان ما تخلي ماركه الا ولبستها..انا عن نفسي ما عندي وقت لكن حارمه نفسي من نومه الظهر وفي الاجازه اعوضهم وهذا اللي اقدر عليه ..وهذا احنا نطالب بتقليل ساعات الدوام عشان نتم مع عيالنا..فياليت بدال لا تذمون وتقعدون تدورون التقصير تطالبون معانا بتقليل ساعات الدوام وخل يقللون من الراتب بس على الاقل اسمه راتب يسندنا وقت الحاجه..وانا تعليقي على اللي مفكره ان لازم تجيب درزن يهال وتحمل كل سنه لمجرد انها تجيب يهال وما تفتكر فيهم او جابتهم ونست زوجها.. ان كل شي لازم يكون بإعتدال عشان الحياه تمشي صح ..كل ياهل لازم ياخذ حقه وبعدها تحمل مره ثانيه وفي نفس الوقت بتقدر تنظم وقتها مع زوجها ..وهذا الكلام لكل الحريم مو بس للي تشتغل ..

[qatara]

مشكلتك يا كتارا تقيس الامور بمنظورك..فالسيده خديجه كانت تاجره ..فهل كانت ما تدري عن حلالها ولا تنشغل فيه ..زمن اول غير عن زمن الحين ..وانا اتكلم عن حالتي واللي مثل حالتي اللي طلعت من بيتها عشان تساعد زوجها وتتحمل المسؤوليه ..بدال لا نقعد نعدد الايات ونعيب في كل الحريم خل نشكر في اللي تساعد زوجها وتحاول ما تقصر او اللي شاله اهلها اوامها وابوها متوفي ..ولا مطلقه ولا ارمله وعندها عيال تصرف عليهم ..ترى مو كل الحريم هادين عيالهم عشان اسباب سخيفه..مو كل وحده طلعت من بيتها طلعت عشان تشتري شنطه ماركه او سياره اخر موديل ..انا اتكلم عن حالتي انا وزوجي الدوله ما عطتنا ارض واضطرينا نتسلف فوق المليون والميتين عشان نسكن في بيت يضمنا بدال غرفه والله يعز الجميع حمام ..مو الكل راتبه قوي ويقدر يتحمل ان يشتري بيت بثلاث او اربع ملايين واخرتها 500 متر..واذا الزوج خذ هالبيت شنو اللي بيبقى من راتبه عشان يصرف على بيته ومرته وعياله..اي الله قال وقرن في بيوتكن لكن شنسوي اذا انا مب بنت هامور ولا عندي تجاره تسندني ..بسكم ظلم لكل الحريم اللي يشتغلون عشان فئه ماخذه الدوام ضحك وسوالف وراتب اخر الشهر عشان ما تخلي ماركه الا ولبستها..انا عن نفسي ما عندي وقت لكن حارمه نفسي من نومه الظهر وفي الاجازه اعوضهم وهذا اللي اقدر عليه ..وهذا احنا نطالب بتقليل ساعات الدوام عشان نتم مع عيالنا..فياليت بدال لا تذمون وتقعدون تدورون التقصير تطالبون معانا بتقليل ساعات الدوام وخل يقللون من الراتب بس على الاقل اسمه راتب يسندنا وقت الحاجه..وانا تعليقي على اللي مفكره ان لازم تجيب درزن يهال وتحمل كل سنه لمجرد انها تجيب يهال وما تفتكر فيهم او جابتهم ونست زوجها.. ان كل شي لازم يكون بإعتدال عشان الحياه تمشي صح ..كل ياهل لازم ياخذ حقه وبعدها تحمل مره ثانيه وفي نفس الوقت بتقدر تنظم وقتها مع زوجها ..وهذا الكلام لكل الحريم مو بس للي تشتغل ..


قد يكون الاعتدال ففي نظرج شي وفي نظر غيرج يعتبره انحلال

الصح صح سوا امس او اليوم او غدا

بختصار هل خلقت لتكون موظفه ام لتكون ام

وهنا اسال عن الدور الاساسي

ام قلتي اعتدال فلا اعتدال في الوضع الحالي بل
اهمال في اهمال في اهمال على حساب الزوج والبيت والاولاد

وبعضهن اهتمام في اهتمام في اهتمام في الكشخه والخروج والوظيفه
لصالح ذاتها او لعدم القدره على بيت ووظيفه بنفس الوقت
فاتكلت على الخدم

بدليل التحجج بحاجه العمل وسيارات فارهه
اقسطها تمتد لعشر سنوت وشنط مبالغ
فيها 40 و50 الف وملابس لم تلبسها ملوك الاندلس

هل هذه شتغلت لتساعد في بيت
او تعاون زوج او مشتغله لحاجه
لا اعتقد ههههه
حدث العاقل بما لا يعقل فإن صدقك فلا عقل له

فالمحتاج الحقيقي يعرف قيمة النعمه ويعرف معنى التبذير

وعن نفسي ورايي اكبر مساعده تقدمها لي ولبيتي ولاولادي بان
تقر ببيتها اهم من راتبها وشغلها بمليون مره

وانا هنا لا اعمم لاكن الاغلب

[اغلى الغاليات]

قد يكون الاعتدال ففي نظرج شي وفي نظر غيرج يعتبره انحلال

الصح صح سوا امس او اليوم او غدا

بختصار هل خلقت لتكون موظفه ام لتكون ام

وهنا اسال عن الدور الاساسي

ام قلتي اعتدال فلا اعتدال في الوضع الحالي بل
اهمال في اهمال في اهمال على حساب الزوج والبيت والاولاد

وبعضهن اهتمام في اهتمام في اهتمام في الكشخه والخروج والوظيفه
لصالح ذاتها او لعدم القدره على بيت ووظيفه بنفس الوقت
فاتكلت على الخدم

بدليل التحجج بحاجه العمل وسيارات فارهه
اقسطها تمتد لعشر سنوت وشنط مبالغ
فيها 40 و50 الف وملابس لم تلبسها ملوك الاندلس

هل هذه شتغلت لتساعد في بيت
او تعاون زوج او مشتغله لحاجه
لا اعتقد ههههه
حدث العاقل بما لا يعقل فإن صدقك فلا عقل له

فالمحتاج الحقيقي يعرف قيمة النعمه ويعرف معنى التبذير

وعن نفسي ورايي اكبر مساعده تقدمها لي ولبيتي ولاولادي بان
تقر ببيتها اهم من راتبها وشغلها بمليون مره

وانا هنا لا اعمم لاكن الاغلب

كتارا محد انكر ان دور الام مهم وهذي فطره ومخلوقه في المرأه بس الوضع الحالي في الغالب ما يساعد ان المرأه تقعد في بيتها وتربي عيالها فقط وانا اتكلم عن المرأه اللي طلعت عشان تشيل جزء من المسؤوليه ..صارت المسؤوليات كثيره..مثل ما قلت بالنسبه لك انت تبي وحده تقعد في بيتها وتربي عيالك وانت تشوف ان انت تقدر توفر لها كل احتياجات الحياه ..وضعك ممكن يختلف عن غيرك وخصوصا ان احنا نشوف اغلب الشباب اللي يبون يتزوجون يدورون على الموظفه فالرجل بشكل عام في هالموضوع بالذات يناقض نفسه يبي وحده ما تقصر في اي شي ويبي وحده تشيل نفسها وتساعده !!..انت تهاجم وتجمع كل الحريم في كل موضوع وهذا غلط وكان مافي مره فيها خير في هالزمن!! ..في حريم الله يعلم بظروفهم ولا انا ولا انت نقدر نحكم عليهم لمجرد ان احنا نبي ننتقد وبس..كلمتي في الاعتدال في الانجاب انا اقصدها لكل الحريم حتى اللي بتقعد في البيت لان حتى اللي قاعده في بيتها ممكن تهمل زوجها وعيالها تقضيها زواره من بيت لبيت ونوم وما تدري عنهم مو بس الموظفه وانا ذكرت لك مثال سابق.. اهمال المرأه لزوجها وعيالها هذا يرجع لها ولتربيتها..قبل لا يتعلق بالوظيفه..الوظيفه ممكن تاثر لكن مو هي السبب الرئيسي لان اللي تبي بيتها وتبي زوجها وعيالها بتحاول قد ما تقدر ما تقصر في اي جانب ..