المقاولين طلعت عيونهم من ذوق الحريم

[حمد 2002]

السلام عليكم ورحمه الله وبركاته ..

قابلتلي كذا مقاول وأغلبيتهم يشتكوون من ذوق الحريم وأنهم طلعت عيونهم لأنه كل يوم لهم رأي وأنهم يدققون علي أمور بسيطه ماتسوي !!

فهل صحيح بأن ذوق الحريم أصعب من ذوق الرجال ! ولماذا ؟

ملاحظه .. يرجى الحديث في صلب ومحتوى الموضوع فقط ...

بالتوفيق ..

[بو الجوري]

مانقدر نقول ذوق من أحلى لأنه عادي تلاقي وحده ذوقها شعبولا هههههههههههه


بس المقاولين طلعت عيونهم لأنه الحريم يركزون فالتفاصيل الصغيره اللي بيستفيدون فيها فالتأثيث أو الديكورات

أما الرجال أغلبهم يركزون على أساسات البيت و الأشياء الكبيره و المهمه ..

[sweet qatar]

مب سالفة صعب

بس احنا نغير راينا بسرعة وما نثبت على شي

من عقولنا المرنة اسم الله علينا :o

[العلياا]

مب سالفة صعب

بس احنا نغير راينا بسرعة وما نثبت على شي

من عقولنا المرنة اسم الله علينا :o


عقولنا مرنه هههههههههه ضحكتيني وانا مالي خلق

المهم

ان ذوقنا صعب ومن حقي اغير أي شي ابيه لو مليون مرة انا دفعت له عشان يشتغل مب عاجبه يرد فلوسي واشوف غيره

[Dana’1]

المرأة فعلا تدقق بالاختياراات مثلا تقرر على اللون الاحمر بس عقب تجلس تدقق بالدرجة غامق فاتح لامع مطفي الخ
بس الرجال تقول احمر اخذ الشي الي يعجبة من الاحمر من نظرة ... ما يدقق كثثييير بالدرجات والا لامع او مطفي



اما بالنسبة لأن يدققون على اشياء ما تسوى في نظر المقاول فهذا غلط
وكان من باب اولى يقول المفروض نعتني بالخدمة لاقصى درجة ويكون الشغل نظيف
مو مستعجل علية ويوسخة او مايركبة عدل مطعوج وخرابيط
ويقولون اشياء ماتسوى
والا منك جيت وقلت هذا مايل او مش مركب مضبوط.. قالك مش هالقد والا مش اوي يعني !!!
طيب اخصم من الحساب لان التركيب يفشل
او ضبطة حسب الفلوس الي ماخذها
للأسف عدم اتقانهم للعمل.. يغيرون مسماة الا ان النساء او الرجال يدققون على أشياء ماتسوى!!!

[النهار]

الزبده من الموضوع ياحمد الحريم يدشون البيوت من الداخل اوحنا حدنا نشوف البيت من الخارج او المجلس
تعال عاد فجج الحرمه تبي يكون بيتها مقتبس من 1000 بيت ههههههههههههههه
تبي تدمج بين الغربي والشرقي والاسباني والاوربي والفارسي والصيني ووووووووو
ماتبي المقاول يدوخ

[بوحارب]

الصراحة اللي يستشير مرته في أمور البنيان بتروح عليه

لانه المره عليها أفكار وتصاميم كلها مستوحاه من بيوت المسلسلات

فتيجي الأخت وتطبقها في بيتها وعلى حساب زوجها وياكلها الزوج مع مهندس المشروع

انا افضل عدم استشارة المره اثناء البنيان نهائيا ;)

[النهار]

الصراحة اللي يستشير مرته في أمور البنيان بتروح عليه

لانه المره عليها أفكار وتصاميم كلها مستوحاه من بيوت المسلسلات

فتيجي الأخت وتطبقها في بيتها وعلى حساب زوجها وياكلها الزوج مع مهندس المشروع

انا افضل عدم استشارة المره اثناء البنيان نهائيا ;)

قصدك يبني سكيتي ويسوي مفاجأه لها ويحطها امام الامر الواقع
عاد من زين اذواقنا
ههههههههه
مره واحد سوى مفاجئه حق مرته كانت في العمره صابغ الغرفه وردي واخضر قامج ههههههههههههه يلعن يومه سوى جو كأيب

[qatara]

تبي مطبخ من الخيال وهي ما تسوي فيه حتى شاي احمر ههههههه

كان تبي تفلح

شاورها وخالفها

[بصمة قطرية]

أفاااا
لهالدرجة متحاملين على الحريم ..!!
اش فيها يعني لو شاورها
و حتى او خالفها خلاص يعلنون الحرب ..!!
الله يسامحكم ..

[بوحارب]

النهار صج رزيل ههههههههههههههههههههههههههههههههه

كتارا والله انك صادق

بصمه مب متحاملين ولا شي بس مب فاضيين حق طلبات مال أمها داعي:(

[qatara]

أفاااا
لهالدرجة متحاملين على الحريم ..!!
اش فيها يعني لو شاورها
و حتى او خالفها خلاص يعلنون الحرب ..!!
الله يسامحكم ..

اخت بصمه خذتي شي وخليتي شي

ليش ماعلقتي على اغلى المطابخ وبعضهن ماتطبخ اي شي

؟

حقيه او لا ؟

[حمد 2002]

بوحارب مره سمعت وحده اتكلم راعي البيبان أتقوله ابي باب الحوش يشبه الورده :rolleyes2:

[بصمة قطرية]

اخت بصمه خذتي شي وخليتي شي

ليش ماعلقتي على اغلى المطابخ وبعضهن ماتطبخ اي شي

؟

حقيه او لا ؟
أخوي كتارا
كلامك صحيح
بس أنا تكلمت بصورة عامة ..
يعني كفكرة ..
ما حبيت طريقة الانتقاد ..

[qatara]

بوحارب مره سمعت وحده اتكلم راعي البيبان أتقوله ابي باب الحوش يشبه الورده :rolleyes2:

:omg:

شمتزوج اثيوبيه

[qatara]

أخوي كتارا
كلامك صحيحبس أنا تكلمت بصورة عامة ..
يعني كفكرة ..
ما حبيت طريقة الانتقاد ..

اشكرج مادامه صح الصح مايزعل
مايزعل من الصح الا الي على خطاء
هو من يزعل من الصح

رحم الله والديج

[بصمة قطرية]

خخخخخخخخ
الورد حلو
و أنا أحب الورد وايد
أحب كل شي آخذه فيه ورد
بس ما أتخيل باب الحوش على شكل وردة
قول ورق شجر ممكن خخخخخخ

[بصمة قطرية]

اشكرج مدامه صح الصح مايزعل
مايزعله الصح الا الي على خطاء هو من يزعل من الصح

رحم الله والديج

ووالديك يارب ،،

[النهار]

أخوي كتارا
كلامك صحيح
بس أنا تكلمت بصورة عامة ..
يعني كفكرة ..
ما حبيت طريقة الانتقاد ..

هههههههه
المطابخ قاعده تطفح من كثر المواعين
نفس كبت ثياب المراء ههههههههههه يوم تفكر تنضف الكبيت تحصل اشياء من 3 سنوات بقراطيسها
طبعا لامالحه القياس اختلف
اتحدى اي بيت في الوقت الحاضر يسون عشاء في البيت

[white bird]

الصراحة اللي يستشير مرته في أمور البنيان بتروح عليه

لانه المره عليها أفكار وتصاميم كلها مستوحاه من بيوت المسلسلات

فتيجي الأخت وتطبقها في بيتها وعلى حساب زوجها وياكلها الزوج مع مهندس المشروع

انا افضل عدم استشارة المره اثناء البنيان نهائيا ;)
هذا الرأي خراب بيوت :(

[Dana’1]

بصمة ما عليييس منهم:)

اذا ماشاوروها بالبنيان ... شاوروها بالديكور والالوان والاثاث وكلوا هههه

[بوحارب]

حمد اشدعوة باب على شكل وردة ليكون الأخ متزوج نحله هههههههههههههههههههههههههااااييي


وايت بيرد بالعكس انا اكثر واحد يكره خراب البيوت
ورأيي هذا للمحافظه على عدم خراب البيت :(

[qatara]

هههههههه
المطابخ قاعده تطفح من كثر المواعين
نفس كبت ثياب المراء ههههههههههه يوم تفكر تنضف الكبيت تحصل اشياء من 3 سنوات بقراطيسها
طبعا لامالحه القياس اختلف
اتحدى اي بيت في الوقت الحاضر يسون عشاء في البيت


تونا مصلين المغرب
والله ولله الحمد

الفطور والغدا والعشاء يستوي بلبيت ويوميا

شدعوا ياخي معقوله وصل الحال بالبيوت ما يطبخون من صجك انت ؟

اذا كان الحال كذالك وتقولون الرجل مهب مظلوم

مطبخ للخدم يكرف عشان يطعم الخدم بمطبخ جهزه لبيته وعياله !!!!!!

[حمد 2002]

أكره شيء الحريم بالسوق بل بل بل .. يدخلون المحل وايقلبون كل الثياب وايتعبون البياع .. وتالي ا يقولون له انتي ليش اتبيع غالي ويطلعووون هههههههه ..

[بصمة قطرية]

هههههههه
المطابخ قاعده تطفح من كثر المواعين
نفس كبت ثياب المراء ههههههههههه يوم تفكر تنضف الكبيت تحصل اشياء من 3 سنوات بقراطيسها
طبعا لامالحه القياس اختلف
اتحدى اي بيت في الوقت الحاضر يسون عشاء في البيت

لا عاد مب لهالدرجة ..!!
الحمدلله يومياً الفطور والغدا والعشا ينطبخون في البيت ..
و كل يوم حسب طلب العيال اللي في خاطرهم
الحمدلله المطبخ للطبخ مب بس ديكور مكمل في البيت ..
ما أرضى على المطبخ لو سمحت النهار ..
خب المطبخ و روح انتقد الوردة قصدي باب الحوش ..

[حمد 2002]

بصمة شطابخه لنا اليووووم :shy:

[بصمة قطرية]

بصمة شطابخه لنا اليووووم :shy:

حالياً أنا في عيادة الأسنان :(
تركت الاختيار للعيال ..

[حمد 2002]

سلامات ..

[لاجل QT]

وتحط ريل فوق ريل بعد

بفلوسها خلها تشرط تبي شي يرضيها

والعكس صحيح في مقاولين هم اللى يطلعون العيون بنصبهم والذمة الواسعة

[قطريه22]

هههههههههههه يعني الريال ماعنده ذوق يبي اي شي خربوطي وخلاص عشان مايعور راسه
الريال مايفكر ان هالبيت بيكون بيت العمر ولازم يكون مرتب واختياره يكون دقيق

عادي عنده اي شي

[ضوى]

الحمد لله زوجي متفهم من هالناحية وعارف انه هالبيت مملكتي لذلك كل شي ببيتي ذوقي انا وهو يعجبه ذوقي جدا ، اما المقاول مابيسوي شي ببلاش كل شي بثمنه

[ضوى]

أكره شيء الحريم بالسوق بل بل بل .. يدخلون المحل وايقلبون كل الثياب وايتعبون البياع .. وتالي ا يقولون له انتي ليش اتبيع غالي ويطلعووون هههههههه ..

الحين تخلط الامور ليش !؟؟ الموضوع عن البيت والمقاول اشدخل السوق والثياب

[النهار]

تونا مصلين المغرب
والله ولله الحمد

الفطور والغدا والعشاء يستوي بلبيت ويوميا

شدعوا ياخي معقوله وصل الحال بالبيوت ما يطبخون من صجك انت ؟

اذا كان الحال كذالك وتقولون الرجل مهب مظلوم

مطبخ للخدم يكرف عشان يطعم الخدم بمطبخ جهزه لبيته وعياله !!!!!!

الا من رحهم ربي انا اتكلم عن الاغلبيه

[النهار]

أكره شيء الحريم بالسوق بل بل بل .. يدخلون المحل وايقلبون كل الثياب وايتعبون البياع .. وتالي ا يقولون له انتي ليش اتبيع غالي ويطلعووون هههههههه ..

هههههههههههههههههههه

ولاتحصلها مثل النحله من محل لين محل 3 ساعات 4 ساعات 5 ساعات نشاط منقطع النظير حزت الرجوع الي البيت لوالسياره بعيده
200 متر ماتقد توصل لها وهي قاطعه حوالي 20 كليو من الدواره

[تأملات]

أمانة ذوق النساء افضل والقطريات يحبون الزين
انا سمعت من رفيجي مقاول قال لي جمله ( صرت اعرف كل شي لان طلبات النساء تخليك. ملم في كل شي )
لكن مسكين فقد أسنانه وشعره ويقول خلاص بوقف

[sweet qatar]

أمانة ذوق النساء افضل والقطريات يحبون الزين


عسى الله يعطيك لين يرضيك
ويفرحك دنيا وآخره

هذي كلمة الحق :victory:



ماتخيل في رجل طبيعي يحرم زوجته من تحقيق أحلامها في بيت العمر

مملكتها الخاصة

الي يحنون 24 ساعة انهم يبونها ترابط فيها ولا تشوف الشارع

[qatara]

أمانة ذوق النساء افضل والقطريات يحبون الزين
انا سمعت من رفيجي مقاول قال لي جمله ( صرت اعرف كل شي لان طلبات النساء تخليك. ملم في كل شي )
لكن مسكين فقد أسنانه وشعره ويقول خلاص بوقف

الزين من زانت معانيه
مهب مكياجه وديكوراته