ليش مايسوون شوارع اكبر وجسور في الخور والوكرة ؟ غلطة الدوحة

[بـن عدوان]

السلام عليكم

شخباركم ان شاءالله طيبين …

موضوع جى في بالي …

الحين اغلب المشاريع وكل التركيز في الدوحة

مشاريع الشوارع والجسور والانفاق كلها في الدوحة ولحد الان المشكلة موجودة بسبب زيادة عدد السكان …


انزين ليش الجهة المعنية ماتبلش في الخور والوكرة والمناطق الثانية قبل الزحمة ؟

هل لازم يصير فيها تكدس وزحمة وعقب المشاريع تبدأ ؟

لازم يصير توزيع للتخطيط العمراني

المناطق المذكورة مافيها ابراج مافيها مشاريع نفس الدوحة

لازم يبلشون هناك بعد قبل لا يجي الضغط وتتكرر المشكلة

شرايكم

[بصمة قطرية]

التركيز على العاصمة الدوحة
اللي صارت الرحمة فيها لا تطاااق ..
يمكن لما تصير زحمة في ذيك المناطق يفكرون في المشاريع ..
مع إني أشوف الوكرة صارت زحمة ..!!

[كلاسيك قطر]

مافي متابعه في الموضوع المشروع

[توشيبا]

السلام عليكم

صحيح اخوي وهذا اكبر غلط يهدد المستقبل

مثل ماسوو في التسعينيات شوارع الدوحه والحين حفر ودفن فيها

نسو نسبه زياده السكان في المناطق الخارجيه مع مرور السنين بيصير تزايد بصوره كبيره

صارت اعداد السكان في المناطق البعيده تضاهي العدد داخل الدوحه

[FCB 123]

الوكرة لا تطااااااااااااااااق من الزحمة والله والله

تمللنا ولا في حل .. والدوريات بأمن الجنوب مايقصرون وكل دورية على دوار ومافي فايدة والله

زادت الزحمة ولا تم فتح واختراع شوارع جديدة يا أشغال .. ارحموا من في الأرض يرحمكم من في السماء

بالتوفيق للجميع

[غير البشر]

يعطيك العافيه اخوي بن عدوان

ترا المشكله مش ان شوارعنا صيقه من الاساس
المشكله فقط في العقول وطريقه تفكيرهم

الا في مناطق داخل الدوحه وجديده وشوارعها ضيقه سياد وران سيد خط واااااحد
ومادري ليش مستمرين في المشكله مع ان يقدرون يسوون لكل اتجاه عشر مسارات وهم مرتاحين

من فتره قريبه كنت في ابوظبي قاعد في بيت واحد من الربع

اساله اقول له لاحظت شي عندكم
قال شنو

قلت له قدام كل البيوت الي شفتها داخل معظم المناطق من سور البيت لين رصيف الشارع تقريب 5 متر او اكثر
احنا يدوب متر ونص وبعده على طول الشارع ضحك واستغرب :rolleyes2:


والله مالومه الصراحه

العقول تختلف هناك عن هنا :victory:

[مختلفة عقليا]

السلام عليكم .,

انا مع التوسعه البسيطه في كل قطر .,

وذكرت قبل ., لو كل شركه افتحت لها افرع خارجيه ., خارج منطقه (( الابراج )) وخارج مناطق الزحمه ., بتخف الزحمه وايد .,

بس ابراج وجسور في الخور والوكره وغيرها ., لا

لان بعد كم سنه محد بيكون في قطر .,

وننطر المؤتمر الصحفي لقانون العماله الجديد ., :telephone:

ويسلموو .,

[بـن عدوان]

التركيز على العاصمة الدوحة
اللي صارت الرحمة فيها لا تطاااق ..
يمكن لما تصير زحمة في ذيك المناطق يفكرون في المشاريع ..
مع إني أشوف الوكرة صارت زحمة ..!!

وليش ننطر لين ماتصير زحمة ؟

المفروض تكون خطط للمستقبل

[دايموند]

حتى شوارع الوكره زحمه لا تطااق بسبب مجمعات ازدان السكنيه

اكثر من اكثر من 7 مجمعات لازدان في الوكره وزحمه من قلب الصبح ع الدوامات!!!

[Dana’1]

اتمنى الصحافة البريطانية تستلم الموضوع وتنتقد نظام أشغال ومشارييعها... وإن شاءلله يجي الحل من المؤسسة

[بوخالد911]

صحيح
الحين لازم يفكرون صوب الوكرة والخور

[النهار]

شارع جديد سيدين فقط في ام سمير وعندهم الحين مساحه كبيره من الصوبين الشارع الي يدخلك على مقبرة ام سيمير
وهالشارع اكبر نسبه من باصات كروه تمر فيه والشاحنات الكبيره
الشارع الي ويوديك على الصناعيه الجديد من الخلف وموقع شركة كروه ومواقف باصاتها وسكن بروه ام سيمير
شارع جديد بدل مايكون الشارع 4 سايد مخلينه سايدين