الـــخـــدم .... نقاش + فيديو

[بومحمد المطاوعه]

السلام عليكم ورحمه الله وبركاته ..

شخباركم يا اخواني واخواتي

موضوع اليوم

الخدم ومعاملات البعض للخدم والعياذ بالله


طبعا الكل يعرف ان الاعتماد على الخادمات في مجتمعنا أصبح أساسيا في بعض البيوت


فمثلا : بعض العوائل يطلعون ولا ياخذون الاطفال معهم فمنهم يتركهم في البيت مع الخادمة !

او عند ذهاب كلا الزوجين الى العمل فالذي يهتم بالاطفال هي الخادمة !

اعداد الطعام عند غياب الزوجة يكون من نصيب الخادمة !

تربية الاطفال في بعـض البيوت عن طريق الخادمة !

عند غياب الام تكون الخادمة حرة بتصرفاتها فتضرب الاطفال كيف تشاء !



كل هذه الاشياء تؤثر سلبا على نشأة وتربية الطفل

فيتعلم من الخادمة الكثير الكثير منها العادات الجيدة والسيئة وحتى صلاتهم وعباداتهم

الخادمات ليسوا كلهن مسلمات فمنهن اليهودية والمسيحية والمسلمة !!!

سمعنا قصص كثيــرة عن ضرب الخادمات للأطفال وضرب الاطفال للخدم وبعض الامهات تضرب الخادمه ضرب مبرح
وسمعنا كثير ان الاطفال لا يعرفون كيف هي صلاتنا ؟

الاعتماد عليهن بات من الخطر على اطفالنا وعلى سلوكياتهم


الخادمة تأتي للعمل وليس لتربية أطفالنا ، وعلينا عدم الاعتماد عليهن في كل أمور الاسرة والبيت


من المسؤول عن تعلم الاطفال سلوكيات خاطئة ؟

من المسؤول عن عدم تعلم الطفل الصلاة وحتى عند وصوله العاشرة ؟

من المسؤول عن الطفل اذا كان لايعرف نطق الاحرف بشكل سليم ؟

أين دور الام المعتمدة على الخادمة ؟

اذا كانت الخادمة جميلة ، ألا يغري ذلك رب الاسرة ؟

واين حقوق الخادمه من بعض الناس .؟

البعض يضرب ويهين الخادمه
والبعض يشتمها عند طلب شيء منها والبعض يأكل حقها من راتبها

ثبت أنه صلى الله عليه وسلم: «الراحمون يرحمهم الرحمن، ارحموا أهل الأرض يرحمكم من في السماء»

قال رسول الله صلى الله عليه وسلم: «لا يرحم الله من لا يرحم الناس»

قال رسول الله صلى الله عليه وسلم: «ما أطعمت نفسك فهو لك صدقة، وما أطعمت ولدك فهو لك صدقة، وما أطعمت زوجك فهو لك صدقة، وما أطعمت خادمك فهو لك صدقة»



اترك لكم هذا الفيديو القصير يحكي عن ترك الخادمه اهلها واطفالها لتذهب الى احد الدول للوظيفه وطلب الرزق

تفضلو يرعاكم الله



http://www.youtube.com/watch?v=W9bzWEMoc_k

]

[بومحمد المطاوعه]

للرفع ...

[ودي أكون]

موضوع يستحق النقاش .. لكن احسن انك دمجت موضوعين في موضوع واحد ..
بمعنى حق الخادمه .. مع اضرارها .. ولم تم الفصل كان احسن لان موضوع الخدم موضوع كبير ومتشعب والله اعلم

بمعنى هل الخادمة تتسبب على الكفيل او الكفيله او ابناء الكفيل .. بسبب سوء المعامله وضياع حقوقها .؟.. ام ان هناك خدم يحصلون على ما لا يحلمون به من تعامل وحقوق .. ومع هذا او مع ذلك يقتلون ويسرقون ويعملون السحر الخ ..!

ماني عارفه من أي مدخل أرد عالموضوع .. لكن اللي اقدر اقوله ان الخدم شر لابد منه والله المستعان

[بومحمد المطاوعه]

موضوع يستحق النقاش .. لكن احسن انك دمجت موضوعين في موضوع واحد ..
بمعنى حق الخادمه .. مع اضرارها .. ولم تم الفصل كان احسن لان موضوع الخدم موضوع كبير ومتشعب والله اعلم

بمعنى هل الخادمة تتسبب على الكفيل او الكفيله او ابناء الكفيل .. بسبب سوء المعامله وضياع حقوقها .؟.. ام ان هناك خدم يحصلون على ما لا يحلمون به من تعامل وحقوق .. ومع هذا او مع ذلك يقتلون ويسرقون ويعملون السحر الخ ..!

ماني عارفه من أي مدخل أرد عالموضوع .. لكن اللي اقدر اقوله ان الخدم شر لابد منه والله المستعان


والله مساكين
مب شر
ولا شي

البعض يضن شر ويعاملهم بالشر

شفتي الفيديو والله شي يعور القلب

انا عندي 3 خدم والحمدلله ماشفت عليهم شي

وكلهم مسيحيات
وخدامه الوالده اندونيسيه مسلمه وماشاءالله عليها

تصوم وتصلي وتنكرف كرف ولا تطلب شي
والله المعامله الحسنه مطلوبه ولاكن البعض يعاملهم بأسوء المعاملات

[Aaziz]

يا بومحمد احنا الي نبيهم يرفقون فينا
يفكون العالم من طبوبهم و حقدهم و هروبهم
اغلب اغلب اغلب الي مرو علي في حياتي معاملتهم مع الخدم معامله طيبه جدا و فيه منهم الي انضر بسبب حسن معامته و الرفق الزايد معاهم .

[بومحمد المطاوعه]

يا بومحمد احنا الي نبيهم يرفقون فينا
يفكون العالم من طبوبهم و حقدهم و هروبهم
اغلب اغلب اغلب الي مرو علي في حياتي معاملتهم مع الخدم معامله طيبه جدا و فيه منهم الي انضر بسبب حسن معامته و الرفق الزايد معاهم .

صح ياخوي

مانقول مافي

الا في ونص
بس بعد البعض والله يذل الخادم

وفي بعضهم تدلعو من الحشمه والدلع للخدم

انا ماقول دلعهم ولا اضربهم

ولاكن خل الوسطيه فالموضوع وبيكونون احسن حال عندكم

[Aaziz]

بومحمد سؤال و بكل امانه
انت كم عايله مرت عليه تعامل الخدم معامله سيئله شي تكون متاكد منه مش كلام ناس
اذكر لي رقم لو تكرمت

[بومحمد المطاوعه]

بومحمد سؤال و بكل امانه
انت كم عايله مرت عليه تعامل الخدم معامله سيئله شي تكون متاكد منه مش كلام ناس
اذكر لي رقم لو تكرمت


ابشر افا عليك


بيت رفيجي
بيت عمتي
بيت نسيب ولد عمتي

ومره من المرات كنت ف مجلس واحد من الربع
عنده هندي يقهوي الشباب فالمجلس

صب عليه القهوى ليش بس تارس له شوي
تخيل
..؟

هل هذا الدين الأسلامي علمنا

والله زعلت عليه وقلت له مب راضي عليك الا لين تكلم الهندي على صوب وتقوله انا اسف ومره ثانيه ماتترس القهوى جذي

قال خير ان شاءالله

شفت الموضوع ولا شفته سوى هالشي

بس اليوم بروح له وبنشب له الا يكلم الهندي قدامي :)

[ودي أكون]

والله مساكين
مب شر
ولا شي

البعض يضن شر ويعاملهم بالشر

شفتي الفيديو والله شي يعور القلب

انا عندي 3 خدم والحمدلله ماشفت عليهم شي

وكلهم مسيحيات
وخدامه الوالده اندونيسيه مسلمه وماشاءالله عليها

تصوم وتصلي وتنكرف كرف ولا تطلب شي
والله المعامله الحسنه مطلوبه ولاكن البعض يعاملهم بأسوء المعاملات

مو شرط أخوي بومحمد المعامله .. مرات احس ان احنا انخرب الخدامات بسبب معاملتنا الطيبه الزايده .. انخاف الله فيهم ومانهاوشهم ومسوينهم يادهينه لا تنكتين .. وبروحه البيت مافيه شغل .. يقومون يدخلون لك الفيس بوك ! .. ومتعلمين احين يعبون الجوال انترنت بعد ماحطينا رقم سري! .. وبعد ماتسافر وحده .. الباقي يطلعون سوالفها انها مع السايق وانها تبوق وانها تنام الصبح والخ ؟! .. طبعاً البيت فاضي ومافيه شغل وخايفين الله فيهم مانهاوشهم ولا نقعد لهم عالحبه !! .. انتعشى 8 .. الساعه 9 البيت فاضي .. لكن الخدم ماينامون الا 12 او 1 كم مرة الوالده هواش معاهم شيسهركم انتو ناموا بسفركم تعبتوني .. يوم يومين يتأدبون والثالث ردوا ع عادتهم !!
تعودوا ينامون الصبح والكل دومات ومانرد الا قريب ال3 !.

اكثر الخدم اختربوا .. وين خدم أول

[بومحمد المطاوعه]

مو شرط أخوي بومحمد المعامله .. مرات احس ان احنا انخرب الخدامات بسبب معاملتنا الطيبه الزايده .. انخاف الله فيهم ومانهاوشهم ومسوينهم يادهينه لا تنكتين .. وبروحه البيت مافيه شغل .. يقومون يدخلون لك الفيس بوك ! .. ومتعلمين احين يعبون الجوال انترنت بعد ماحطينا رقم سري! .. وبعد ماتسافر وحده .. الباقي يطلعون سوالفها انها مع السايق وانها تبوق وانها تنام الصبح والخ ؟! .. طبعاً البيت فاضي ومافيه شغل وخايفين الله فيهم مانهاوشهم ولا نقعد لهم عالحبه !! .. انتعشى 8 .. الساعه 9 البيت فاضي .. لكن الخدم ماينامون الا 12 او 1 كم مرة الوالده هواش معاهم شيسهركم انتو ناموا بسفركم تعبتوني .. يوم يومين يتأدبون والثالث ردوا ع عادتهم !!
تعودوا ينامون الصبح والكل دومات ومانرد الا قريب ال3 !.

اكثر الخدم اختربوا .. وين خدم أول
صح اختي البعض يخرب الخدم من الدلع

لاتدلعينهم ولاكن لاتذلينهم
هاي المقصد
يعني خير الامور الوسطى


وماعليج من هاي كله

اصلبوهم عدل بتشوفينهم يمشون صح

وصددقتي في بعض الناس متأذين من هالاشياء الي ييسوونها الخدم

انا خدامتي كان عندها تلفون بوكيمرا جايبته معاها من الفلبين

وفجأه شفتها تصور نفسها فالصاله

خذت التلفون من يدها

وفلقته نصين على الارض

خليتها تخمه عقب نثرته تنثر

وخذت لها تلفون بو 80 ريال

وكلهم الحين بو 80 ريال

مب ملون بعد

[حسن]

بومحمد دائما اقولها ولازلت اقولها الخدم صداع في راس الحكومات الخليجيه وورقه ضغط
عليها من قبل المنظمات

واعتقد الى الان لا تشكل خطوره عليها يعني يمكن ناخذ ونعطي
ولكن اذا حست بالخطر منهذا الموضوع والله لا تشوف المنع في الحال

بس نبي نفكر الى متى ونحن بنظل على هذه الظاهره اللي دخلت علينا واصبحو بدونهم لا نستطيع ان نعيش
بدونهم

وين الخطه والمخططات كيف نقدر نقلص عددهم الى الاستغناء عنهم
المشكله احنا شعوب قليله جدا
مش مثل الدول الاسيويه عندهم وظائف في البيوت وعندك مصر عندهم شغالات مصريات
تجي تنظف وتمسح وتطبخ وتروح
لان عندهم كثافه سكانيه هائله
لكن احنا ماعندا فامحتاجين لهم ولكن عندنا ولنون واقعيين من بعد الوفره الماليه وزياده الرواتب الضخمه عالميا
الناس قامت تجيب بالاربع والست والعشر
كله ماتتعدي العشره ولا الاثنى عشر الالف شنهو يعني
مدخوزل يتعدى ال100 الف ولا شي يبغون الراحه الزايده الرفاهيه
كلش الاب مايسوي شي الزوجه ماتسوي شي الاعيال مايسون شي
كلش

الحلول عندي كثيره لكن يبيلها ناس صادقين وجادين ورجال يتخذون من هل القرارات

مثل ماذكرت لك لو هناك خطر على الدول كان بندو ولا افتكرو فيكم
مثل الدبش ممنوع يرعي

[Aaziz]

ابشر افا عليك


بيت رفيجي
بيت عمتي
بيت نسيب ولد عمتي

ومره من المرات كنت ف مجلس واحد من الربع
عنده هندي يقهوي الشباب فالمجلس

صب عليه القهوى ليش بس تارس له شوي
تخيل
..؟

هل هذا الدين الأسلامي علمنا

والله زعلت عليه وقلت له مب راضي عليك الا لين تكلم الهندي على صوب وتقوله انا اسف ومره ثانيه ماتترس القهوى جذي

قال خير ان شاءالله

شفت الموضوع ولا شفته سوى هالشي

بس اليوم بروح له وبنشب له الا يكلم الهندي قدامي :)

ممتاز جدا
الي ذكرتهم 4 بيوت
كم بيت فيه خدم يعاملمونهم معامله طيبه ؟
بيتكم جيرانكم ربعك زملائك الخ الخ

يعني مثلا 4 مقابل الف بيت
نسبه مطمئنة بصراحه ،، لايعمم عليها ولكن نقول من باب النصيحه للاحسان الى الخدم جزاك الله خير

[سفير الدوحة]

احنا الحمد لله خدامتنا اثيوبية الوالدة متوصيه عليها وتدرس قران يوميا وملتزمة وماعليها قصور
الواحد كان متخوف من البداية ،، لكن هيأنالها بيئة صالحة فالبيت من ناحية الشغل نفسه وحسسناها ان كل شي تمام وقالت بحفظ قران كريم وتبي تروح عمره
قلنالها وصلي 15 جزء وبتروحين بعدين عمره
الحين وصلت 3 اجزاء وماصار لها سنة فالبيت،، ماشاء الله عليها :)

[بوحارب]

الله يهدي بعض الآباء والأمهات يقطون كل شي ع الخدامة

ويجهلون عواقب الشي هذا !!

[بومحمد المطاوعه]

ممتاز جدا
الي ذكرتهم 4 بيوت
كم بيت فيه خدم يعاملمونهم معامله طيبه ؟
بيتكم جيرانكم ربعك زملائك الخ الخ

يعني مثلا 4 مقابل الف بيت
نسبه مطمئنة بصراحه ،، لايعمم عليها ولكن نقول من باب النصيحه للاحسان الى الخدم جزاك الله خير

صحيح بس بعد هال 4 بيوت مب فيها خادمه .؟
فيها الخادمه التي تركت عيالها وزوجها واهلها

لتخدمك هنا

حسن المعامله على كل الاحوال مطلوب

ويجزاك خير ياخوي

[بومحمد المطاوعه]

احنا الحمد لله خدامتنا اثيوبية الوالدة متوصيه عليها وتدرس قران يوميا وملتزمة وماعليها قصور
الواحد كان متخوف من البداية ،، لكن هيأنالها بيئة صالحة فالبيت من ناحية الشغل نفسه وحسسناها ان كل شي تمام وقالت بحفظ قران كريم وتبي تروح عمره
قلنالها وصلي 15 جزء وبتروحين بعدين عمره
الحين وصلت 3 اجزاء وماصار لها سنة فالبيت،، ماشاء الله عليها :)



ماشاءالله تبارك الرحمن

الله يحفظها ويريح الوالده يارب

[بومحمد المطاوعه]

بومحمد دائما اقولها ولازلت اقولها الخدم صداع في راس الحكومات الخليجيه وورقه ضغط
عليها من قبل المنظمات

واعتقد الى الان لا تشكل خطوره عليها يعني يمكن ناخذ ونعطي
ولكن اذا حست بالخطر منهذا الموضوع والله لا تشوف المنع في الحال

بس نبي نفكر الى متى ونحن بنظل على هذه الظاهره اللي دخلت علينا واصبحو بدونهم لا نستطيع ان نعيش
بدونهم

وين الخطه والمخططات كيف نقدر نقلص عددهم الى الاستغناء عنهم
المشكله احنا شعوب قليله جدا
مش مثل الدول الاسيويه عندهم وظائف في البيوت وعندك مصر عندهم شغالات مصريات
تجي تنظف وتمسح وتطبخ وتروح
لان عندهم كثافه سكانيه هائله
لكن احنا ماعندا فامحتاجين لهم ولكن عندنا ولنون واقعيين من بعد الوفره الماليه وزياده الرواتب الضخمه عالميا
الناس قامت تجيب بالاربع والست والعشر
كله ماتتعدي العشره ولا الاثنى عشر الالف شنهو يعني
مدخوزل يتعدى ال100 الف ولا شي يبغون الراحه الزايده الرفاهيه
كلش الاب مايسوي شي الزوجه ماتسوي شي الاعيال مايسون شي
كلش

الحلول عندي كثيره لكن يبيلها ناس صادقين وجادين ورجال يتخذون من هل القرارات

مثل ماذكرت لك لو هناك خطر على الدول كان بندو ولا افتكرو فيكم
مثل الدبش ممنوع يرعي


بارك الله فيك ياخوي
وجزاك الله خير

والله الحين البنات والامهات والكثير منهم

مايستغنون عن الخدم

مستعد تدفع دم قلبها بس علشان تجيب خادمه

مب مثل حريم قبل ياخوي

الدنيا تغيرت الله يهديهم ويصلح حالهم

طبعآ البعض مانقول الكل

[الدمعه]

والله الموضوع يعور القلب ويسبب صداع ،،

الخدم ما منهم امان ،، صار لي تقريبا ظ¦ شهور بدون خدامه طلعت عيني بصراحه ،،،، صعب نقعد بدونهم ،، قبل يوم كان بيتي دور واحد ،، ماكنت اتعب لهالدرجه وعادي انظف يوم ويوم وعادي اقعد بدون الخدامه سنه او اكثر ،، لكن اللحين دورين وغرف الدبل الله يبارك ،، ما اقدر الحق على تنظيف البيت كامل ،،، واسوي الغدا والعشا ،، وادرس واجابل الصغير ،،، حشا روبوت بصير ،،

الخدامه وسيلة مساعده وليست وسيله اعتماد كلي ،،

استغرب من الحريم اللي كل شي يدبرونه الخدم ،، وهم ماعليهم الا الكشخه ،، كنت عند وحده من جاراتي زعلانه من خدامتها ،، تقول حاطه شيلاتي في كبت بنتي وشيلات بنتي عندي بالكبت ومخربطه توزيع الثياب بين زوجها وولدها ،،،
معقوله انتي يامره تخلين الخدامه تحط ملابسج وملابس زوجج بالكبت ،، لاي درجه وصلتي من الكسل والامان ،،

والله العالم شنو تسوي لهم بعد ،، ومب بس هم وايد حريم اعتماد غير مبرر في اشياء المفروض والواجب على الزوجه والام هي تسويها بالبيت ،،

اكثر اللي حوالي مومقصرين مع خدمهم تلفونات ونت وايرلس ،، وينامون متى مايبغون المهم شغل البيت خالص ،، العيال وتربيتهم على الام والاب فقطططط ،،، ممكن مساعده الخدامه في اوقات معينه ،،، يعني بطلع مشوار،،، هي تراقب العيال بعيد الشر لو صادهم شي تكون هي كبيره في البيت وتعرف تتصرف ،،

[أم هشام]

الله يجزاك الف خير على النصائح
و الله الفيديو اثر فيي جدا .......

[بومحمد المطاوعه]

الله يجزاك الف خير على النصائح
و الله الفيديو اثر فيي جدا .......


ويجزاكي اختي الكريمه

صح كلامج الفيديو يأثر قسم بالله

وخاصه لين تبكي البنت

ترى خدامه الوالده امس راويتها الفيديو صاحت

اندونوسيه

وقالت نفس الشي ان بنتي كانت تلحق السياره وعمها يلحقها

تخيلي

[بومحمد المطاوعه]

والله الموضوع يعور القلب ويسبب صداع ،،

الخدم ما منهم امان ،، صار لي تقريبا ظ¦ شهور بدون خدامه طلعت عيني بصراحه ،،،، صعب نقعد بدونهم ،، قبل يوم كان بيتي دور واحد ،، ماكنت اتعب لهالدرجه وعادي انظف يوم ويوم وعادي اقعد بدون الخدامه سنه او اكثر ،، لكن اللحين دورين وغرف الدبل الله يبارك ،، ما اقدر الحق على تنظيف البيت كامل ،،، واسوي الغدا والعشا ،، وادرس واجابل الصغير ،،، حشا روبوت بصير ،،

الخدامه وسيلة مساعده وليست وسيله اعتماد كلي ،،

استغرب من الحريم اللي كل شي يدبرونه الخدم ،، وهم ماعليهم الا الكشخه ،، كنت عند وحده من جاراتي زعلانه من خدامتها ،، تقول حاطه شيلاتي في كبت بنتي وشيلات بنتي عندي بالكبت ومخربطه توزيع الثياب بين زوجها وولدها ،،،
معقوله انتي يامره تخلين الخدامه تحط ملابسج وملابس زوجج بالكبت ،، لاي درجه وصلتي من الكسل والامان ،،

والله العالم شنو تسوي لهم بعد ،، ومب بس هم وايد حريم اعتماد غير مبرر في اشياء المفروض والواجب على الزوجه والام هي تسويها بالبيت ،،

اكثر اللي حوالي مومقصرين مع خدمهم تلفونات ونت وايرلس ،، وينامون متى مايبغون المهم شغل البيت خالص ،، العيال وتربيتهم على الام والاب فقطططط ،،، ممكن مساعده الخدامه في اوقات معينه ،،، يعني بطلع مشوار،،، هي تراقب العيال بعيد الشر لو صادهم شي تكون هي كبيره في البيت وتعرف تتصرف ،،


بعض الحريم استغفرالله منهم

لاينفعون للزوج ولا للبيت

نفس ماقلتي

الخدامه ترتب كبت الزوج


وين وصلنا
خير ان شاءالله

والزوجه شنو دورها بس تاكل وترقد

هذي ماتستاهل تكون زوجه

تروح بيت اهلها ابرك

[هيلو كيتي]

موضوع مهم أخوي بومحمد ,,,, الخدم بصراحه أصبحوا من الضروريات في عصرنا هذا لان البيوت اكبرت والحريم اشتغلت ,,, لكن بالمقابل لابد أنا ماننسى وظيفتنا الاولى والمهمه كأمهااات ,,
لابد كل وحده انها اتراعي ضميرها
الخدامه بس للشغل ومو للتربيه على الاطلاق مهما بلغت من اخلاق عاليه لانهم فالنهايه من بيئات تفتقر لامور كثيره مهمه

فعن نفسي اشوف ان الاطفال ينحطون في حضانه من ايكملون السنه لانهم يبدون بالمرحله الي يقدرون يتعلمون فيها , ولما ترجع الام من وظيفتها المفروض اتقابل عيالها.
وماتنسى ان الاطفال يوم يكبرون يعتبرون سفراء لنا امام الناس

الخادمات يجب معاملتهم معامله حسنه لان كله بأجره وبنفس الوقت ناخذ احتياطاتنا منهم:app2:

[بومحمد المطاوعه]

موضوع مهم أخوي بومحمد ,,,, الخدم بصراحه أصبحوا من الضروريات في عصرنا هذا لان البيوت اكبرت والحريم اشتغلت ,,, لكن بالمقابل لابد أنا ماننسى وظيفتنا الاولى والمهمه كأمهااات ,,
لابد كل وحده انها اتراعي ضميرها
الخدامه بس للشغل ومو للتربيه على الاطلاق مهما بلغت من اخلاق عاليه لانهم فالنهايه من بيئات تفتقر لامور كثيره مهمه

فعن نفسي اشوف ان الاطفال ينحطون في حضانه من ايكملون السنه لانهم يبدون بالمرحله الي يقدرون يتعلمون فيها , ولما ترجع الام من وظيفتها المفروض اتقابل عيالها.
وماتنسى ان الاطفال يوم يكبرون يعتبرون سفراء لنا امام الناس

الخادمات يجب معاملتهم معامله حسنه لان كله بأجره وبنفس الوقت ناخذ احتياطاتنا منهم:app2:



صح كلامج اختي الأم الكل فالكل

ولاكن في ناس والله يعتمدون على الخدم بشكل غير طبيعي

[رذاذ]

موضوع حساس من يومين مار بتجربه وما فادني الا تركيب كيمرات بالبيت والله لا يراويكم الى شفته .

بس بعد انا طيب سفرتها بشنطتها الى جات بها وكل ملابسها الى شريتها خليتها وتفتيش بها

[بومحمد المطاوعه]

موضوع حساس من يومين مار بتجربه وما فادني الا تركيب كيمرات بالبيت والله لا يراويكم الى شفته .

بس بعد انا طيب سفرتها بشنطتها الى جات بها وكل ملابسها الى شريتها خليتها وتفتيش بها

لاحول ولاقوه الابالله


لو بدالك اسفرها بالملابس الي عليها

[بومحمد المطاوعه]

للرفع والقائده،،

[الصغيره]

كنت اراجع لمدة ست شهور في احد مكاتب الخدم لاستقدام خادمه وكل طلب يطلع ياراحت علي يامريضه واني شفت بالهالمكتب قصص مسترجعات من الكفلاء قصص تبكي لكن كل عشر قصص تبكي كل المشاكل المسترجعه الخادمه منها شغل كثير كثير واطفال تخيلوا بيت كبير فيه خادمه تخدم 12 شخص مع الاطفال غسيل طبخ مسح كي ملابس واهتمام بالاطفال الصرااااحه كثيرررر من كذا جات المشاكل والجرايم اتقوووا الله حتى ان بعضهم ملابسه مش شي خاصه اللي يشتغلن عند مقيمين المقيمين مسرفين بالخادمات سراف وحده قول ماعندي تلفون وخرابيط هو ساعه بالاسبوع للخادمه تكلم اهلها يعني تتغذب طول الاسبوع وهي شاله هم اهلها وانتي بين عيالك عليك الله يا اختي اتقي الله

[كازانوفا]

للامانه يا بو محمد المعامله الطيبه لها دور والله في النفس
وهالخدم بالاخيرررر بششششررررر مش جماااد
شوفة عيني وحده مع خدمتها في مجمع واقفه تشتري عصير مثلج وشكله بالفعل يشهي والخادمه اطالع في العصير ايش بينقص منها لو سوت حساب الخادمه بشراب مثله
اعوذ بالله نفسياااات حقيرررره وربي

لو احسنا التعامل مع الخادمه وهي مش امبين فيها اخر حل معها الترحيل روحه بلااا رجعه لكن لازم نعطيهم فرص كثيره لانهم ما تركو عيالهم وبيوتهم وجايين يغيرو جو عندنا
لا طبعا غالبيتهم يعلم الله بحالتهم
لازم نرحمهم خل رحمة رب العالمين تعم علينا في السراء والضراء

[قطريه22]

يا بومحمد احنا الي نبيهم يرفقون فينا
يفكون العالم من طبوبهم و حقدهم و هروبهم
اغلب اغلب اغلب الي مرو علي في حياتي معاملتهم مع الخدم معامله طيبه جدا و فيه منهم الي انضر بسبب حسن معامته و الرفق الزايد معاهم .

صح كلامك
من وجهة نظري المعامله معاهم تكون في حدود لانهم ماينعطون ويه كلش
اعاملهم عدل اي نعم بس ماعطيهم ويه زياده

[بومحمد المطاوعه]

راجع لكم ان شاءالله