مسافرة اليابان

[رهج السنابك]

مسافرة اليابان في رحلة طويله

اي معلومات عن هالبلد
شنو الاماكن الي ما تتفوت
الجو شلون الشهر الياي

وشاكره لكم

[وليف الشوق]

ارجوا اغلاق الموضوع لعدم اهميته

[معماري قطري]

ارجوا اغلاق الموضوع لعدم اهميته

بالعكس يا اخوي الموضوع غير مهم لك لكن مهم للكثيرين وأَولهم من استفسرت عن البلد

واليابان بلد غير عادي ومهم تستفيد من خبرة من راحوا قبل وعارفين الوضع هناك .. إِذا كل واحد طلب تسكير موضوع حسب رؤيته لعدم أَهميته بتتسكر مواضيع وايد .. انا كتبت مره استفسر عن الرخصة القطرية للسواقة في أَمريكا وانا من زوار أَمريكا ودارس في أَمريكا وعندي رخصتين في ولايتين أَمريكيتين منتهيتين وما قصروا معاي الاخوان وأَفادوني بقبولها.

[Charisma]

السفر سياحه او عمل ؟
واي منطقه ؟

[aziz4z]

فكرة حلوة :) , شعب راقي جدا في التعامل لدرجة إذا سألت حد عن مكان معين يمشي وياك لين يوصلك الديرة , بس المشكلة بتحصيلن قلة اللي يتكلمون الانجليزي ,
بس المشكلة الوحيدة اللي ممكن تواجهينها , الاكل , سوشي, يا أكل فيها سكر , في عندهم بعض المطاعم للمسلمين و يقدمون حلال , عندج بعد ماكدونالد و كنتاكي , اليابان فيها شبكة قطارات رهيبة , أنصحج تجربينها , بس مب في الليل .
عندج طوكيو , هيروشيما و كيودو , هوكايدو, و أوساكا , تقدرين تزورين كل الاماكن , في متحف في هيروشيما فيها آثار القنبلة النووية , أنصحج تزورينه , شوفي كيف صارت المدينة و كيف بنوها مرة ثانية .
بس إذا ماخاب ظني شهر 6 هو بداية شهر الامطار , و ارتفاع نسبة الرطوبة , يعني جهزي المظلة
الاسعار عندهم مرتفعة شوية , و إذا تبغين تشترين أي شيء خليه للأخير , لأنه بيكون عليج صعب في التنقل
و أخيرا خذيني وياج محرم على أساس الاسرة الواحدة شبكة الاسهم :shy:
الله يوفقج في الزيارة

[فلتة زمانها]

كومباوا واتاشي ارسطو << عاد اذا فهمتي شي هاهاهاهاها
وااااي بتروحين بلاد الساموراي ان شاء الله ازورها مع نصي الثاني

شوفي هالتقرير لاخونا اكس بي قطر عن اليابان كل شي بالتفصيل ان شاءالله يفيدج

http://www.qatarshares.com/vb/showthread.php?545017-%D3%DC%DC%DC%CD%DC%DC%DC%DC%D1-%C7%E1%ED%DC%DC%DC%C7%C8%DC%DC%DC%DC%DC%C7%E4-%D8%DC%DC%DC%DC%E6%DF%ED%DC%DC%DC%DC%E6

[فلتة زمانها]

واذا تسهلت امورج وبتسافرين عطيني خبر لو سمحتي بغيت شي من هناك ولا تهونين

[بومحمد المطاوعه]

هههههههه

حلوه ارجو اغلاق الموضوع

البنت تسأل لانها بتسافر
شلون ماله اهميه


والله يا اختي ماسافرت بها بس يقولون ثقافتهم عاليه

[بوخالد911]

الله الموفق

[طموحي عالي]

شوقتني

[مهرة]

ماتبين ونيس في السفر :shy: !!

[طويل الرمح]

اليابان بلد جميل جدا ... بالنسبة للجو شهر سته يمكن يكون حار او رطوبة ....

الشعب محترم وخجول و في حاله مشكلتهم ما يعرفون انجليزي ... شبكة القطارات مرتبه و بالثانية في الوقت .. ومحطات القطار خاصة الكبيرة فيها محلات و اسواق تحت الارض

الاماكن اللي ما تتفوت في طوكيو ... اكيهابارا وهو شارع فيه الالكترونيات
شارع قنزا و فيه جميع الماركات .. و اذا رحتي هناك لازم تمرين كافيه قوتشي في عمارة قوتشي الدور الرابع ( الكابتشينو هناك غير طبيعي)
شارع اوماتاسندو شارع ماركات مصغر وهادي و فيه كافيه لارماني و بولغري
حي اساكسا .. حي تراثي و فيه سوق شعبي
منطقة ربونقي و ربونقي هلز فيها السفارات القطرية و العمانية و السعودية و المركز السعودي للغة العربية و فيه مسجد ... ربونقي الافضل تجنبها فليل مع ان الديرة امان
تقاطع شيبويا و هو تقاطع مشعور دايما يطلع في الافلام فيه ستاربكس مطل على التقاطع
منطقة توكيو باي او خليج طوكيو فيها كم مجمع و منطقة حلوه فيها تمثال الحرية مصغر
منطقة شنجوكو
طبعا فيه حدايق ممكن تمرون عليها و تتمشون فيها
الماركات في كل مجمع في كل شارع موجودة

المناطق خارج طوكيو كيوتو منطقه فيها معابد و قلاع تاريخية ومنها المعبد المطلي بالذهب

منطقة اوساكا فيها يونفيرسال ستيديو و قلعة اوساكا الشهيرة

كيوتو و اوساكا من طوكيو عن طريق القطار السريع الشنكانسن

منطقة جبل فوجي و اللي حوله حلوه ... فيه منطقة اسمها هاكوني .. و اوت لت مشهور قريب جبل فوجي اسمه قوتنبا

هيروشيما ما زرتها للاسف

الصور عندي في الانستقرام وايد و لكن اي ملاحظة او استفسار انا حاضر

[وحيد-الشوق]

الاخ طويل الرمح والله شوقتنا لليابان يبيله كافيه غوتشي

اذا سمحت ممكن تطرش رابط انستغرامك عالخاص

[طويل الرمح]

الاخ طويل الرمح والله شوقتنا لليابان يبيله كافيه غوتشي

اذا سمحت ممكن تطرش رابط انستغرامك عالخاص

تم الرد

[pink pearl]

اليابان موجود من ضمن اللستة اللي مخططة أزورها بإذن الله

سفرة سعيدة وإن شاء الله تستمتعين ، بالتوفيق يارب

[حبر وقرطاس]

غيران وليف الشوق

[هارون الرشيد]

موسم الساكورا ( شجرة الكرز ) يبتداء من أواخر مارس الى منتصف أبريل ... تقريبا

على موسم شجرة الكرز قصير لكن اللون الوردي لايقاوم هههههه

وفي الحقيقة هو يعتبر موسم الرومنسيه في اليابان

لانه المدينه تصبح ورديه

[عاشق العديد]

موسم الساكورا ( شجرة الكرز ) يبتداء من أواخر مارس الى منتصف أبريل ... تقريبا

على موسم شجرة الكرز قصير لكن اللون الوردي لايقاوم هههههه

وفي الحقيقة هو يعتبر موسم الرومنسيه في اليابان

لانه المدينه تصبح ورديه

يعني تنصحني بشهر عسل هناك

[hamad almohd]

من اروع البلدان الي رحت لها اليابان فيها اماكن كثيرة ومنها شارع التسوق اسمه قينزا فيه جميع انواع التسوق والماركات العالمية ومنطقة شيبويا تقريبن مثل تايم سكوير الي فنيويورك وعندج ديزني لاند وللأطفال وديزني لاند سي المائية وبرج طوكيو وجبل فوجي البركاني وكثير من المناطق السياحية

[Bin Hood]

تم الرد

وانا ايضا اريد تشرفني بعنوانك الانستغرامي مشكورا

[هارون الرشيد]

يعني تنصحني بشهر عسل هناك
والله في شي وحد مخوفني من اليابان . أشعاعات حادثة فوكوشيما فقط
يمكن هذا الشيء يأثر على المواليد والاطفال في المستقبل ؟ والسبب لانك بتشرب من مياه اليابان وبتاكل من الخظراوات والفواكه .. ما أنصحك تروح لها شهر عسل

[limited]

تم الرد

وانا بعد ابيك تشرفني برابط انستغرامك ولك الشكر

[مهرة]

موسم الساكورا ( شجرة الكرز ) يبتداء من أواخر مارس الى منتصف أبريل ... تقريبا

على موسم شجرة الكرز قصير لكن اللون الوردي لايقاوم هههههه

وفي الحقيقة هو يعتبر موسم الرومنسيه في اليابان

لانه المدينه تصبح ورديه


بروح .. ان شاءالله

[hamad almohd]

من اروع البلدان الي زرتها وافكر اروحها مرا ثانيه وايد وايد حلوه اليابان وشعب راااااااااااااااااقي وبشوش ويساعد وايد يعني ماراح تتوهقين والجو بارد شهر 10 ورايح اسكني بفندق جراند حياة او الهيلتون وعند شارع فيه جميع المولات والتسوق والماركات اسمه شارع قينزا وعندج حديقة القصر الأمبراطوري وعندج ملاهي ديزني لاند وايد حلوه واكبر من الي بفرنسا وعندج ديزني سي المائية طبعن كل وحده يبيلها يوم كامل تتمشين فيها وعندج برج طوكيو طبعن كثير وكثير من الأماكن هاي كله في طوكيو وفي اوساكا هاي مدينة ثانيه في اليابان وفيها كثير من الأماكن وانا حاضر حق أي استفسار

[Bin Hood]

سؤال : هل يوجد هدرودز في آليابان ؟ وأين ؟